#去城門水塘行山小心俾馬騮搶走雪糕！🐒 🍦😆
上次提過我哋去咗下城門水塘水壩睇遙控飛機✈️，其實之後我哋仲有行程嘅，所以離開下城門水塘水壩之後再睇下地圖，跟據指示繼續前行，沿沙田郊野徑（大圍新村至城門水塘段）一路上！
不過唔知點解硬係同之前嘅感覺有啲唔同，好似行錯路咁🤔！
一路都冇乜人經過，條路又奇奇怪怪，似路非路。😅
但係我哋對爸爸🧑🏻充滿信心👍🏻😂，雖然3個人仔👦🏻🧒🏻👧🏻覺得驚驚哋，不過都只有繼續跟住行啦！
我哋5個人遠遠望住城門隧道方向繼續行，行經小瀑布、小水閘、引水導、水塘邊底，行下行下再行經一條奇奇怪怪嘅長樓梯後，終於發現標距柱 W069啦！
超感動呀⋯⋯！🤪
成功去到似有人行嘅路段，行多少少見到「衛奕信徑」路牌，之後再見到埋 「M 地圖」同埋暫時封閉咗嘅燒烤場，我哋就知道目標在望啦！🤩
行前多少少就係衞奕信徑同麥理浩徑交界處，亦即係到咗城門水塘！
.
3個又可以放心放電啦🥳，圍住水塘旁嘅城門道行下、影下相、睇下風景....
突然 ....！
3個👦🏻🧒🏻👧🏻話聽到啲奇怪聲音🥶，初時我以為佢哋講緊啲咩動物叫聲，原來係雪榚車🍦🚖播緊音樂🤣，佢哋既聽力一定好好, 未見到車已經知道架車喺邊度，爸爸🧑🏻就帶住幾個去買，誰不知佢哋好純熟咁講晒自己要嘅號碼同價錢，1號12蚊，2號10蚊，3號9蚊，4號9蚊😂！
吓！？
原來之前同佢哋踩單車買完之後記住咗雪糕🍦車嘅價錢牌！🤣
.
呢度好多馬騮🐒，加上會隨時搶走行山人士嘅食物，好彩我哋人多，每人望一個方向就可以安心咁食🍦⋯⋯
不過，之後我哋見到有個小妹妹俾馬騮🐒搶走咗杯雪糕🍦，佢仲嚇到呆咗，慘！😥 (大家要小心啲呀)
.
我哋食完雪糕🍦趁未天黑就沿路經菠蘿坳一路向下行，最衰冇得直接去城隧轉車站，唯有再行到去和宜合道搭車返屋企啦...
.
P.S. 話說之前踩單車，佢哋已經成日見到直升機🚁喺城門河𢳂水救火，今次第一次見到喺水塘𢳂水，大家呢期真係要保護大自然，小心火種。
另外之前行山已經野生捕獲野豬🐗、馬騮🐒，今次一樣好期待再見到其他野生小動物，估唔到回程途中俾我哋近距離見到牛牛🐂⋯⋯
好應節...牛年呀嘛！😂
.
今次我哋行咗12公里！
.
PS: 今次嘅路線比較適合有經驗人士行，因有一定難度。如果真係好想去城門水塘嘅話，其實可以由葵涌區揸車或行上去，容易好多，係BB級路段！
———————————-
#Follow
MeWe:https://mewe.com/p/歌c拉3年抱31湊3
IG: www.instagram.com/threekids.gloria
FB:歌c拉。3年抱3。1湊3
.
#香港媽媽 #媽媽博客 #親子博客 #親子blogger #本地媽媽 #全職媽媽 #三年抱三 #12公里 #遊山玩水 #親子樂 #親子活動 #親子好去處 #假期活動 #假日活動 #週末親子活動 #行山
麥理浩徑全走地圖 在 【動態Training】22小時步行100公里! 麥理浩徑第一身角度過程 ... 的美食出口停車場
麥理浩徑 第一身角度過程全紀錄(全日光拍攝). Carl Ho卡爾頻道. ... <看更多>