連續兩日收工行美食博覽🙈
尋日收工自己一個人行，買咗好多貢丸和凍肉，由於買太多野又唔想用手拎就買咗10支飲品加5包乾果的$188套裝換咗架車仔用🤣（好在離開前遇到朋友醒兩支俾佢）
拎咗消費券真係好易用曬d錢，今日就帶埋另一半陪行兼買多少少野，特別係壽桃牌50蚊份的淮山麵，個人想試當歸味多d，但尋日買太多野拎唔到，我地仲買埋100蚊兩包的風乾火腿，米工場湯包試飲價20蚊。
個人建議最好帶冰袋，尋日我帶一個唔陪用，最後買野拎多兩個返屋企，今日冇帶就將冰凍的用環保袋包成一舊保溫🤦♀️
在家品展有攤位玩遊戲拎口罩，美食展最吸引的免費禮物莫過於Green Common 登記會員送的禮物，一盒即沖米粥、堂食滿$100減$50券和app內的免費換領券😍
馬百良天然保健食品攤位like Facebook Page 送糖一包，我就乘機加$25換一包16度滴雞精，真係全場最抵買（鴻福堂現貨最平都要30蚊包）
華品摃丸-香港 攤位有like Facebook Page 送3粒試食裝，我尋日買$110有3包貨裝，但雪袋就唔係拉鏈款，我有d後悔冇自備雪袋，感覺有dd浪費😑
Walch Hong Kong 的攤位都好受歡迎，夾波波拎禮物，如果俾昕昕見到就肯定要玩到先肯放過我，尋日中搓手液，今日中洗衣球，可惜今日冇咗個轉盤😎
安心購 Log-In Gourmet Limited 有入會影相打卡送福袋，真心覺得個福袋正但幾重，有麵、朱古力、餅乾，本身想要主要係個袋設計吸引我而已😆
惠康買100蚊五件產品送的福袋都幾豐富，藍威寶平均每支20蚊係超值，但我怕重買咗午餐肉😂
準備去的網友記得留吓場內不同優惠，保正滿載而歸👏👏
#hkblogger #hkfood #hkfoodie #美食博覽2021 #美食博覽 #美食博覽攻略
鴻福堂滴雞精幾錢 在 【鴻福堂有機滴雞精‧限時75折優惠】... - 鴻福堂Hung Fook Tong 的美食出口停車場
仲有我幫大家爭取到優惠呀 ～只要大家喺全線鴻福堂分店出示呢個post，就可以75折優惠價$198購買有機滴雞精禮券一張啦！你哋都買嚟試下呀！ 優惠碼 0011709021 產品 ... ... <看更多>