求仁得仁
做嘢三十年。
對得住自己，對得住人。
你讚人，人讚你，花花大轎人抬人。
發脾四，發喺高級有錢老過我嘅人。
總之得過且過，過得自己，過得人。
如果過咗條界，同你搏過。
其實，條界早就已經過咗。
求仁得仁，感觸良多。
「老公，應該淨係得奶奶（即係我阿媽）同埋我，可以吩咐你，點你，鬧你，甚至揼你，而你唔敢駁嘴還拖。除咗自願，無人可以係工作方面玩你，你好叻啊！」十世姻緣，知我者莫若老婆大人，人生得一紅顏知己，死而無憾！
*********
講過好多次，係商業世界負責任、肯承擔嘅人，多數無乜好下場，但大丈夫有所為有所不為，特立獨行就要預咗付岀代價，鳳舞九天從來孤獨，求仁得仁，無乜好埋怨，認真你就輸定了。何況，邊個笑到尾都未知。
做人無個性就會面目模糊，做生意無鮮明風格就難以突圍，和稀泥、不慍不火、掩掩藏藏、騎樓底戴鋼盔，有乜好玩？唔好玩又點會熱情投入，唔熱情洋溢又點會勇敢面對挫折困難。
個性風格唔係標奇立異，講究嘅係自信膽量加實力，至可以長期創作不輟，行前人未行過嘅路，這是做生意的第二要義。老生常談？係呀。平凡裏見真章，做人咁至好玩。
George Clooney係電影Up In The Air（在雲端，嗰名詩意到呢）飾演裁員顧問，勸勉慰藉被裁員工放下沈重的背囊，輕裝上路，我好鍾意呢個比喻。手空空無一物，獨來獨往，幾型、幾瀟灑呀，啱我。
*********
呢番說話係舊年二月講嘅，眨眼一年，已經賺突咗。老子道德經四十六章：「罪莫大於可欲，禍莫大於不知足；咎莫大於欲得。故知足之足，常足矣。」
孤獨，風格，瀟灑，知足，求仁得仁，感謝上蒼。
鳳 叻 九天 在 九天玄女 的美食出口停車場
阿叻【九天玄女來算命】唯一指定九天玄女/算命阿姨/修改版本 · 阿叻. 阿叻 ... 九天玄女降肉梗....這間九天玄女廟超美!!!高市玉旨玄鳳堂開基九天玄女開光十三周年堂慶! ... <看更多>