【《Before I Wake》：Mike Flanagan初嘗將恐怖片變感人實驗作】
早前分享過，已經去到睇無可睇地步，不如將啲鍾意嘅導演舊作，嚟一個自己嘅電影節，而《Before I Wake》就係Mike Flanagan我未睇嘅最後一套戲，同時都係評價最差嘅一套。
《Before I Wake》曾經喺戲院見過預告片，不過最終冇上畫（台灣叫《鬼撕眠》），一對夫婦收養咗個識得將夢境變成真實小朋友，因為太掛住自己死咗嘅仔，用盡辦法令佢夢見自己個仔，點知搞搞吓出事。
雖然話係Mike Flanagan評價最差一套戲，但講真都未算好差，只不過係佢其他作品太出色，又或者講抱住Mike Flanagan電影心態睇，預咗唔係密集式驚嚇，當然呢套都有啲悶嘅。
《Before I Wake》有少少似《猛鬼街》，唔想有事就唔可以訓覺，但既係Mike Flanagan，佢可以拍到好恐怖－－一閃而過嘅幻象幾心寒，同時都拍出惡夢種混亂感，但要好似《猛鬼街》果類咁緊張刺激，又絕對唔係佢style，始終Mike Flanagan嘅戲都係「有嘢想講」。咁個問題就嚟喇，《Before I wake》恐怖感不足，但玩個發夢嘅故事，世界觀明顯唔及同類嘅《猛鬼街》，更加唔好講《潛行凶間》一類作品，睇睇吓會覺得佢離題、亦有唔少漏洞，甚至冇好好解釋曬成件事。相信，如果我喺戲院睇，我會以為有下集。
不過，既然睇得Mike Flanagan，都唔會以超恐怖心態去睇，睇佢嘢睇睇吓變感人是常識吧？撇除套戲唔夠恐怖，最後十分鐘扭到變個超感人嘅親情故事，又堅會心頭一暖。將夢境結合回憶、潛意識，思憶入面最好最差嘅形象，正正係一念天堂一念地獄，執意記住定係適時放手，天使與魔鬼都係你一念之差，而呢種「回憶惡夢」，嚟到舊年嘅《陰宅怪事》成功發揚光大，睇恐怖嘢喊到你收唔到聲果種。《Before I wake》我諗算係Mike Flanagan嘅小試牛刀，當年唔算特別成功，到呢幾年名揚四海，有更多資源，可以將個意念拍出嚟，直至《陰宅異事》同《陰宅怪事》都成為經典之作。
想當年《鬥智21點》同《超人：強戰回歸》嘅Kate Bosworth勁索，依家完全走咗樣。
《陰宅怪事》觀後感可看留言連結。
🏆2020年我的十大電影名單現已公佈，有咩最愛最差電影，一文盡看：http://bit.ly/3igsQKl
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei
【MeWe請Follow】：mewe.com/p/travelerwithmovie
【IG請follow】www.instagram.com/travelerwithmovie
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
鬼撕眠 在 采昌國際多媒體, profile picture 的美食出口停車場
鬼撕眠 】天才童星雅各特倫布雷，再現震撼演出！ 以【不存在的房間】大放異彩的加拿大小童星Jacob Tremblay，在【鬼撕眠】中，演出令人驚豔，即使沉默寡言還是能讓人 ... ... <看更多>