【#我們HEA一家】雨天漫活嘆茶 @西環 COBO HOUSE HONG KONG
原定星期日爸爸放假，打算帶小JM #出遊西環 #塗鴉小巷 #打卡影相，順道睇下西環嘅 #古蹟，當中緊係唔少得我陀住小JM時 #去慣去熟 嘅 #贊育醫院 啦。
可惜天公不造美，整天都一直落雨，出遊就只好告吹；
幸好嘅係無影響到我地嘆 #下午茶 嘅行程！
或者你會覺得嘆下午茶係好小事，但係要嘆COBO HOUSE嘅CHA CHAAN就要預先訂位先得。而且只限星期六、日及公眾假期先有，仲係 #每日限定供應十份 架咋！
☕COBO嘅CHA CHAAN唔單止精緻，亦有齊鹹點及甜點，啱晒唔好甜嘅爸爸！ 一齊睇下小JM家嘅選擇啦!
👧🏻小JM’s Choices:
#伯爵茶鬆餅 配紅莓醬、#高麗蔘布甸、#Macaron漢堡包、#蟹肉蟹籽 迷你三文治
⚠️為食小JM直頭食咗雙份嘅高麗蔘布甸同Macaron漢堡包，媽媽只係試到一啖仔咋⚠️
老老豆豆，呢兩款甜品完全係甜而不漏，甜度適中。
布甸上嘅珠珠爽口爆趣，難怪小JM唔放手；
Macaron漢堡感覺清新，內裏原來有紅桑莓同綠茶cream，有別一般甜到爆嘅Macaron！
伯爵茶鬆餅配紅莓醬亦係小JM最愛之一，鬆軟得來帶點淡淡嘅茶香，配埋紅莓醬或Clotted cream食亦好match！
👨🏻爸爸’s Choices:
#泡菜雞卷、#鱈魚蓉白泡菜多士、#蟹肉蟹籽迷你三文治
爸爸話泡菜雞卷好惹味，配搭特別但唔算辣；
鱈魚蓉白泡菜多士好Creamy，有入口即溶化嘅感覺，但唔會腥；
迷你三文治最驚喜係蟹肉蟹籽配搭，鮮甜清新！
👩🏻媽媽’s Choices:
#士多啤梨瑞士卷、#菠菜車厘茄芝士卷、#青瓜芝士迷你三文治
青瓜芝士嘅配搭唔會膩，反而令芝士更突出；
菠菜車厘茄芝士卷，感覺好特別，入口就有香濃茄蓉，再配芝士就更加開胃。
士多啤梨瑞士卷，外型的骰而且軟綿綿，但入口香滑之餘仲有士多啤梨粒添架！
COBO HOUSE
西環石塘咀南里8-12號
香港大學站B2出口
CK Ma Sleepy Ceci
