關於 高銀集團老闆 ，我們在網路上蒐集到這些相關的討論、資訊與評價

香港是洗黑錢勝地，專幫中共收拾爛攤子。2008年，國泰前高層陪太子黨和高盛對賭期油輸爆廠，聽過沒有？現在才復元七八成，又要替中共收購香港快運，對外包裝成「進軍廉航」。屁啦！其實是中共瓦解海航集團，要香港財團替它抹血收屍。另一間香港航空，唐英年和中信集團仍在努力撲水撲那20億。

香港，好聽就是國際金融中心，難聽就是被中國拿來搵笨的盥足盆。任志剛做金管局主席的時候，多麼落力捍衛聯繫匯率，卸任轉個頭，他就改口捍衛人民幣，大家都心知肚明任生正執行怎樣的政治任務。對此，香港人無權阻止這些官員和權貴將香港的金山銀礦白白送給中共；我們反而被灌輸香港之所以繁榮和發達，全靠黨的金援和恩賜。他們甚至篡改歷史，說金融風暴是靠中國打贏的。屁啦！沒有香港，你們這些貪官可以捲款外逃？沒了香港，紅二代可以將黨產轉成私募基金？

既然你們大陸人如此輕視香港，又怎解釋李鵬、江澤民、鄧小平、劉雲山等等的子子孫孫都要申請一張香港身份證？

單程證審批權在中國手上，「河北王」張越出價賣200萬一張啊！

入境處處長話未聽過。

海航董事長王健去年7月在法國被意外身亡，股份全被轉去一個海南政府控制的慈航基金，臨死前一年已被一個黨官架空，12個開山股東被勸喻簽一份條約，承諾死後所有股權不得遺給子女繼承，全數自動過戶慈航。有這種例子，你們這些港資董事和老闆居然還要擁抱大陸的經濟機遇？請聽聽王健人之將死怎樣說：

「做企業很難，好也不行，壞也不行。好，有人來搶你，壞，有人害你。如果別有用心的人來害你、搶你。你給不給？你告訴我怎麼辦？海航經營這25年，如果說攀附任何一個權貴，海航也不可能活到今天。你看那些攀附權貴的企業，有活着的嗎？不可能！」

無數賣港賊攀附權貴，與虎謀皮，幫助中共蠶食鯨吞香港這塊寶地。港資教中資怎樣投香港的地，萬科、中海外、保利、中信、高銀……官商勾結，利益輸送，比英治時期有過之而無不及。你以為梁振英不連任是因為佔中問責嗎？當然不是！真正原因是華潤的宋林下馬，向中紀委供出自己花上數億公款幫他助選，換取太平紳士、經濟發展委員會及廉政公署道德發展中心諮詢委員會主席等頭銜。

我覺得即使你是愛國的建制派，都不應對這種政治分贓視若無睹，因為他們所瓜分的香港利益，你都有份。

不爭在再講快鹿案。你睇過《葉問3》了吧？投資人施建祥就是快鹿老闆，靠P2P非法集資起家，2016年被踢爆票房造假引發股價暴跌，規模400億的資金鏈斷裂，無數人血本無歸上訪追討，結果習近平就祭出社會信用體系，想杜絕同類事件發生。這個時候，香港的角色是甚麼？

上海大哥邵永華，與公安部某高官、中聯辦警聯部某高官，以及陳寧迪、江欣榮、劉克泉、陳志等人，在香港密謀將快鹿30億的股權侵吞。當中幾個當時都係港交所上市公司的話事人（大中華金融、十方控股）！

大中華金融的股價，當年蒸發了80億。

//邵永華，這個大中華的代持股東，以替當天金融在線兌現為藉口, 偽造股東朱文靖簽字，聯合劉克泉，簽署了一份抵押合同。並通過龍圖公司用借款抵押的形式將股權65.80%非法抵押給劉克泉，而劉克泉將7500萬港幣借給了邵永華與陳寧迪。被蒙在鼓裏的快鹿集團和朱文靖，就這樣莫名其妙地讓大中華金融被易了主。這份見不了光的合同，據悉，它上面規定的借款期限為3個月。據大金融內部人士回憶，邵永華等人早在幾個月前就向董事局推薦，應由劉克泉做大中華董事。如願以償後，三人才與已大權在握的劉克泉聯合，以移花接木的形式讓大中華金融歸為己有。從近百億到6億，大中華金融被成功侵吞。//

上海公安局派了一個叫林峰的警察來香港查，揪出了邵永華，卻被他用5000萬賄賂策反。報道說，當晚他們在酒樓傾掂數，大拿拿3000萬就送上一架白色私家車。他倆就搭住膊頭，行去廟街叫雞。

香港，變成一個賊窩。

「下，乜原來發生過咁多嘢？」

無知，更令人抓狂。

作者

文字有價，大家入去 Medium 度睇我會開心啲。不過咁有公共性嘅文，我又唔好意思唔全文畢錄方便大家喺度睇。

- - -

其實我忍口忍咗好耐，忍到六月九日冇過港島，忍到連文都唔寫，廢事同其他人爭 airtime 爭 bandwidth 。反正寫其他嘢都冇收視，儲定稿過幾日出好過。

但係人就係咁得意嘅動物，越是忘記，越是記起。即使我真係一篇評論或者報道都冇睇過都好，淨係睇 Facebook 上面大家轉載時加上嘅 tagline 或者三言兩語，都係難免會受到觸動或感染嘅。

開場白唔講咁多。我淨係想講，大家唔好死。

我明，我明，大家好嬲。 103 萬人上街吖嘛，政府當晚十一點幾就發出新聞，一百幾十字，概括都係四個字：「話鳩之你。」然後 2019 年 6 月 12 日，備受爭議嘅《逃犯條例》修訂就會進入二讀程序。

咁但係嬲呢，係解決唔到問題嘅。你嬲，你發洩，掟爛晒屋企啲杯碟，咪又係要掃地，咪又係食飯冇碗裝飯？同樣地，你嬲，你上街，同執行人員起衝突，甚或者衝擊佔領一啲公共場所，最終咪又係畀人清場、抬走、起訴？

唔好誤會，我唔係叫大家乜嘢都唔好做。但係經過幾年嘅洗禮之後，我 somehow 明白到「和理非」嘅意義。「和理非」，係一個唔傷害自己又表達到不滿嘅方式。呢種聲音，夠大、夠響的話，係會傳遞到一啲真正能夠左右香港前途嘅人嘅耳中。

Sorry ，唔係耶穌或者佛祖。我討厭政治同離地咗好耐啫，唔代表我入咗宗教界嘅。

我意思係，香港嘅命運，從來，係從來都唔掌握喺香港人手中。大家真係唔好畀民主派班政工作者撚化，話咩民主回歸，建設民主中國。香港嘅主權係由英國交到中國嘅手上，而香港人講廣東話嘅聲音，根本唔夠英文同普通話嘅音量咁大。 1997 年，香港就係喺香港人冇選擇嘅情況之下落入中華人民共和國手中。

22 年之後，香港仍然扮演住外資進出中國嘅窗口。大陸人要去外國投資，或者直接啲講，「走資」，好多時候都仲係依賴緊香港呢個渠道或「通道」。同樣地，美資英資歐資，尤其是金融機構，仍然以香港作為亞洲時區嘅樞杻。

如果套用民間智慧、市井講法，香港就好似山林道一個代客泊車嘅車位咁，代客泊車嗰位哥哥仔，同睇場集團幕後嘅老闆，係特區及中央政府，但係車位嘅用家，就真係聯合國廁所：乜撚都有。個車位點用，使用規則係點，如何收費，你估下係睇場決定，抑或係需要同用家一齊傾？

講白啲，香港呢個城市嘅命運，一早就人在江湖，柏木由紀。唔係，係身不由己。中國揸住呢隻仲叫做會生下金蛋嘅老雞，都算係捏住咗西方社會自由進出中國經濟體系嘅咽喉。如今中國喺貿易戰同美國打到火紅火綠，科技巨企華為被制裁，華為太子女孟晚舟被捕。形勢唔算一面倒，但係，香港喺環球局勢風雲變色之下，無可避免地好似孟晚舟咁，成為賭枱 (或談判桌) 上嘅籌碼。

係，我講咗幾段廢話，都係想講，修訂《逃犯條例》最終嘅結局，同大家衝唔衝、流唔流血，都冇關係。大家出咗嚟行，外國嘅使節見咗林鄭月娥， what next ？香港市民醞釀罷工罷課， Big 4 會計師樓同匯豐、恒生、渣打容許員工彈性上班或在家工作 (另一個睇法係當 BCP ，即係 business contingecy plan ，突發情況應變計劃) 。畫面張力，比起 2014 年佔領運動時候更有過之而無不及。

然後，上市公司高銀 2019 年 6 月 11 日發出公告，宣布董事會決議撻訂、放棄啟德地皮。會議係早一日開嘅，而動議嘅，係身兼立法會議員嘅獨立董事石禮謙。你話我穿鑿附會又好，癡人說夢又好，但係此時此刻，香港政經環境風雨飄搖之際，撻呢嚿廿五球嘅訂，釋放嘅可能係兩個訊息：一、香港營商環境受到《逃犯條例》修訂及其後續所影響；二、商界代表難以繼續支持港府強推修訂。

Why not both? 又或者，點解唔可以有第三個可能性，係外國勢力見勢色唔對，向在港嘅代理人發出訊息，向中共及特區政府施壓？當然，我冇證冇據，你當我係其他政治或時事 KOL 沙盤推演噏得就噏都可以。反正大家都驗證唔到，我話 Ironman 顯靈都得架啦。

But anyway 。重點唔係 Ironman 定係美國隊長，而係，無論而家局勢係點樣，都唔會因為大家衝、佔、坐、被抬或者被打而改變。大家可以繼續用自己方式「和理非」地表達立場，算係間接迫特區及中央政府埋枱，同外國勢力及/或商界談判，或者交換條件。例如話，釋放孟晚舟，或者對華為解禁，之類，去換取撤回修訂《逃犯條例》。

不過，我有責任講出一個殘酷嘅事實，就係枱底交易嘅結果唔一定盡如人意，有可能中央作出其他妥協去達致目的，外國勢力稱心滿意就鳴金收兵，《逃犯條例》修訂照樣通過，香港及香港人成為棄子，或犧牲品。

又如何？文中已經講咗，自 1842 年開埠以來，香港人從來，係從來，都冇試過當家作主。以前冇，以後亦唔會有。乜嘢係棋子呀？畀人捉住嚟擺佈，炮二平五，馬二進三咁，隻手，唔喺你或我身上。咁大家有腳嘅，有本事咯，咪儲下錢，去下旅行，甚或買張單程機票，一去冇回頭囉。呢個，先至係真正嘅命運自決。

而要有自由選擇去留，首要條係就係唔好死。咁你明白，點解我叫大家要和理非、唔好衝啦？因為，世界很大，我們很渺小。