今日被抄牌！扣咗三分！本來出得嚟行遲早要還，預咗自己揸車嘅速度比較鬆手，人哋抄你牌你都要心甘命抵、願賭服輸。所以當警察哥哥叫我攞身分證同車牌嘅時候，我毫無反抗，並且很有禮貌地雙手奉上。
可惜我內心非常忐忑，因為其實我之前先至啱啱上完堂，換句話講我所剩嘅分數無多，咁我又唔記得之前係一年前吖定係年幾前。我只係記得有一日，我嗰陣時仲係香港電台，就坐喺3樓Office度話：死啦！我要去上堂啊！咁，咁大個人叫哂救命咁話要去上堂，係成年人都一定知道係同駕駛有關，於是阿司勲好機警咁話：嘉嘉，不如你問下斌仔，佢有一家上呢D堂嘅學校，好似話送惠康券喎！
我心諗，咁荀，因為我有朋友同我講話要成千蚊。於是我首先去運輸署個網睇下可以去邊度上堂，原來駕駛學院真係要成千蚊，如果去工聯會呢就平幾百蚊，但係如果你入會又可以減半但係入會費要$100 ,最後就係斌仔所講嘅呢一間送惠康券嘅，計落條數都係佢最平。
咁呢啲嘢唔使要讀名校嘅，冇分劍橋定係Band 3，梗係搵間平嘅讀啦。
到咗當日入到課室，見到全男班，只有我一個女車手！不知是驕傲或是無奈！在安排好的座位上望望四周，比什麼也簡陋，只有牆上掛着一部顯示屏，傳說中的simulator呢！
過了不久有個阿叔出現，就跟我們說課程開始後不可以離開，離開當冇到，要去廁所快啲去，因為會落閘！我心諗會唔會放狗呢！
之後就開始漫長而沉悶嘅教學課程，都不外乎係講下一啲揸車嘅基本知識，其實現場所有人嘅知識應該都唔差，不過去到路面，就會因應情況而作出唔同反應，所以至要嚟呢度啫！不知中了多少次眼瞓，才到吃午飯的時間，午飯後再返班房，過程中那個阿叔不停的提這題會問，那題又會問，你記住下啦咁。終於等到考試，一份卷入邊有好多題目，確實有好多係佢提過，而其實大部份係唔使上你堂都應該識答嘅。結果梗係及格，攞到三分，同埋最重要嘅嗰張惠康禮卷。
我相信呢啲課程真係只想悶死你，悶到你下次仲夠唔夠膽超速！其實都真係有用嘅，因為我記憶冇錯嘅話，我上次超速到而家都有一年啦啩囉呵。
#何嘉麗CallMeGaGa #何嘉麗 #司勲 #黃冠斌 #炒牌 #惠康禮卷 #強制修習駕駛改進課程 #咁搞法遲早扣晒啲分冇得揸車去D100咁就工都冇得返咪都冇得開
駕駛改進課程考試 在 A1駕駛學校- 【 雅一駕駛學校（A1）正式獲運輸署委任為其中 ... 的美食出口停車場
想建立正確既駕駛態度，或者有需要參加運輸署指定既駕駛改進課程，都可以搵我地A1 ... 學生完成課程及通過考試評核後，有機會可以喺違例駕駛記分總分之中扣減3 分^。 ... <看更多>