【#親子好去處 - 大埔歐陸風餐廳】
喵奴早幾日book 咗 #大埔 #人氣餐廳，好彩揀星期日9:30 ，所以仲有室內座位選擇。餐廳只可以網上預約📱，因為限聚令，所以booking只可以選擇2大人/ 1大1細，所以我同老公各自book1大1細🤣。一般可以選擇indoor / Garden (pet zone) / corridor，預約後幾日會再send sms過嚟問係咪confirm 預訂，記得要回覆呀↪️。
餐廳門外有 #室外停車場🅿️，寫明只供顧客泊車，大約有廿幾個車位，入口有個職員會指示你泊邊度，我哋食完去拎車已經12:00，當時車場已full，不過我諗如果係顧客佢哋點都會安排到位俾你泊車嘅😎。
餐廳以 #歐陸 #簡約風 為主，餐廳都好大，重新裝修後反而比起以前嘅座位仲闊落咗🪑，可能多咗玻璃，少咗侷促感。餐廳另一邊仲裝修緊，相信裝修後餐廳會有更多打卡位。
幾年前喵奴嚟過呢度，入面有得玩充氣城堡🏰，希望裝修後會繼續保留兒童設施啦（對家長嚟講真係好重要好重要！）。
另外餐廳對出嘅湖明顯細咗同淺咗，唔知第時仲有冇得撐船🛶呢？
餐廳隔離有條小馬路，本身喵奴諗住食完早餐就去大尾督 #踩單車🚲，不過呢度少人啲，更適合小朋友玩呢！雖然話少人啲，不過始終都係馬路（雖然見唔到有車入過嚟），大家都要留神呀🚸⚠️。
踩踩下會發現去到餐廳對面，再踩到盡頭就係火車範圍，兩位公子第一次咁近距離見到火車喺隧道出嚟🚇，都幾震撼，睇到佢哋嘩嘩聲呢😱。
喵奴已經book咗呢個星期再同老公過嚟二人世界，揀到Corridor啦今次！遲啲再報告吓先😊。
P.s. 特別鳴謝 Suetleimama 雪梨媽媽 介紹呢間餐廳❤️👍🏻
Billow Bar Seafood Bistro
📍地址：大埔大埔滘紅林路2號白鷺湖互動中心地下B號鋪
🔗網上訂座：https://inline.app/booking/billow/taipo
#有對新手父母見到羅宋湯踩平衡車好驚訝
#佢哋好似第一次見到冇腳踏嘅單車
#話阿仔踩緊人力單車😂
#遲啲你哋就識㗎啦😏
#大埔好去處 #駕車好去處
駕車好去處 在 遊車河好去處自駕遊67個影靚相景點 - YouTube 的美食出口停車場
國皇之家為左慶祝,放下心頭大石.上星期坐住超型Ford 既農夫車去左好多影靚相加睇日落既景點. 無論係揸車定搭車, 除左啱一家大細親子遊之外, ... ... <看更多>