[無綫][開心速遞] 今晚播出嘅第1252集《告別校園》，由監製林建祥親自執導同VO，同電影學會六子一齊告別香港島大學。
島大線係《開心速遞》由開劇之初一直貫穿至今嘅劇情線，以金城安為主軸，發生過好多有溫情、愛情、奇情、激情（例如係仔仔沖涼/洗車）嘅故事情節。電影學會上莊金城安、朱凌凌、艾頓壯、陳伯強，同現莊頭皮、面油、書蟲七個騎呢怪，加上眾多奇形怪狀嘅同學仔好似係李莫仇嘅黑寡婦協會等，仲有canteen大芬姐等等嘅校園人物，陪住大家笑咗好多晚。
隨住金城安終於讀完defer咗、總共5年嘅degree（其他同屆同學仔都好有義氣讀埋碩士博士等佢，得Venus一個率先畢業），大學線（至少電影學會同Hall嘅情節）嚟到今集終於要完結，真係有啲唔捨得，好似我有份畢業咁🥲 多謝晒咁多位同學仔。
飾演金城安嘅史上最年輕無綫最佳男配角得主周嘉洛，已經暫別咗《開心速遞》劇組，代替升任首席創意官而無暇拍劇嘅王祖藍，首次以男一之姿拍攝古裝喜劇《痞子殿下》。
即將播放嘅《開心速遞》第1255集，將會交代安仔告別。監製之前接受訪問時話會輕鬆交代。到底佢係咪搵到第二個國家嘅大使館工作，可以發揮佢練到瞌埋眼都揼到印嘅才能，實現佢迆足一世嘅目標呢？
#無綫 #TVB #開心速遞
#安凌強壯 #安凌強壯株式會社
#金城安 #周嘉洛
#朱凌凌 #吳偉豪
#艾頓壯 #焦浩軒
#陳伯強 #傻強 #馮奕森
#頭皮 #吳卓衡
#面油 #羅永健
#書蟲 #林浩文
#香港島大學電影學會
#林建祥
#痞子殿下
馮奕森 在 馮奕森Sarkis 的美食出口停車場
『我一直走，不回頭，就是有一個鐵定不再停低的理由。』 . 我走進TVB獻唱的一首歌曲。 我感到非常有意義的一首歌曲。 我致力要再重新演繹的一首歌曲。 ... <看更多>