【Be 編輯有話兒： 家庭角色】
電視劇《寶寶大過天》中，馬國明飾演一位頗「大男人」的老公角色，劇中多次提及不希望老婆外出工作，主張男主外、女主內，「老婆就係要照顧屋企，男人負責搵錢」、「湊仔、執屋都係女人要做嘅嘢，唔應該男人做！」作為一位女性，聽到這種男性宣言還真有點不厭奇煩！
近日朋友聚會，新婚的Janice 訴說跟老公家務分工困難，「佢真係好根深蒂固覺得女人要做晒屋企所有嘢，包括煮飯、洗碗、洗衫、執屋......縱使我有全職工作，日日煮飯加少量家務已經好攰，有時太攰，少佐執屋變得冇咁整潔，佢都會好不滿咁叫我執，但點都唔會落手自己執！」詳談下，才了解到Janice 老公在單親家庭長大，沒有父親一角令奶奶長期「一腳踢」，既要上班又要湊仔煮飯打理家務，以致老公常常覺得Janice 不足，未有小孩都不能做好「老婆的責任」。而Janice 生於一個父母分工平均的家庭，她自然希望家務分工男女有責，尤其粗重工夫是男人應該幫忙的，令婚後分歧越來越大。
同場朋友 Kay 和 Paula 雖然未婚，但也深感原生家庭對她們的影響，Paula 自言對婚姻沒信心，「我媽咪喺屋企好卑微冇地位，老豆成日當正自己大爺咁罵佢，搞到有時我都對男人好反感，好驚結佐婚會變成另一個悲劇。」而Kay 的家庭相對平𧗽而有愛，「嘩！Janice 你咁辛苦，俾我一定唔得！如果我另一半唔可以幫手分擔家務，唔願意為家庭而付出，咁我喺屋企咪仲舒服！？」
原來不經不覺之中，原生家庭的影響這麼大，就連劇集中，馬明的渣男老豆和痴情母親也是這麼一回事吧！當我們與愛人組織一個新家庭，如何調整雙方期望，建立一個大家也滿意的家，才是最重要。畢竟父母的家，不代表我們的家！
#BE_HKinsight #Be編輯有話兒
__
💕Be都開佐MeWe喇：https://mewe.com/p/beautyexchange
💕立即Follow 我哋IG：instagram.com/be_hk/
💕Be都開佐MeWe喇：https://mewe.com/p/beautyexchange
💕訂閱YouTube Channel：youtube.com/beautyexchange
💕搶先睇Be資訊可以喺網頁版cover photo下方，㩒『Following』按鈕之後㩒『See First』
馬國畢老婆 在 馬國畢再婚2023-在Facebook/IG/Youtube上的焦點新聞和熱門 ... 的美食出口停車場
馬國畢再婚2023-在Facebook/IG/Youtube上的焦點新聞和熱門話題資訊，找馬國畢再婚,馬國畢老婆,馬國畢小七在2022年該注意什麼？馬國畢再婚在2023的熱門內容就在年度社群 ... ... <看更多>