［今日寫呢啲］原本想寫短啲，但又係搞到2000字。呢啲就Passion啦。始終要對讀者負責，同返工坐逗逗乾收銀唔同的。都提返，唔想睇咁多字嘅，有影片版同錄音版的。
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
首先當然係全城關注嘅美國通脹，星期三已經預告咗望實星期四晚，我在Facebook Page星期四晚都即評過．
數字點？5月CPI（留意另外仲有PCE，聯儲局似乎鍾意睇PCE），按年升5%．嘩，5巴仙通脹，2008年後未見過，驚未？咁可能都有啲人知，市場嘅嘢，主要都係睇預期。咁話埋你知，預期係4.7%，即係又係N年新高，仲高過預期
有人話因為油價升，唔算錯但唔中重點。你只要稍為唔好咁標題黨（例如睇我嘅文分析），會發現，即使係剔除食品同能源價嘅核心通脹（傳統上呢兩味較為波動），都去到3.8%。「拿咪低一截」，但呢個數係30年嘅新高！我估有啲讀者未出世！
但，債息反應呢？哈哈，出嗰時債息升少少，3點子。之後直頭倒跌！事後睇，星期三晚債息都回得勁，因為拍賣結果好，可以話早有先兆。
咁股市？當然就創新高了，仲要係科技股帶動。
但點解市場完全唔驚通脹？債息仲要跌 股市仲要新高？就睇文入面分析了。
另外，可能因為股市反彈，唔再係悶局，啲meme股就散晒。咁你睇我標題都有講，歷來見到壽命最多係兩星期，兩星期就會急插。固然你可以話有機會搵到錢，總有人搵到，但，你又執唔執到？況且都係問題，你買得幾多？
第三部份就堅，科技股反彈。咁ASML 日日新高我不再重覆講（過去幾個月任何人問我買唔買得我都話買得）。 DropBox係收購對象都講咗
但今次著眼點係Big Tech，Facebook一早創咗新高（超，又話個個去MeWe Signal），昨晚就到Google
留意兩間都係廣告公司，而YouTube廣告收入當然係不及Facebook的（不過Google仲有search等等，所以成間計就大過Facebook）．賺錢？更加唔好講賺錢。佢不停要分錢畀創作人，啲人先係upload片上去發網紅夢。同Facebook一個仙都唔畀你 但你依然日日鬧 日日貼嘢上去（即係我而家做嘅嘢），真係兩回事。
但，YouTube亦都堀到條護城河好深，應該冇乜第間大科企可以匹敵（正如Google + 想撼Facebook都橫死）。係蝕錢，但啲廣告增長仲係好勁，咁玩法，照計唔使好耐就變賺錢
你可以想像下，到Google宣佈YouTube轉盈為虧時，股價會點？哦你嗰時先再寫幾百字文分析呀？到時先買呀？遲唔遲啲？
但，唔想等咁耐嘅，不如簡單啲，Amazon．點解呢個時間買就睇文入面講。但畀個提示你：Amazon最賺錢嘅業務係乜？係AWS。第二賺錢呢？你估下。但，就唔係網購咯！
講網購，又再拉去王維基。我都幾乎係最早期嘅王維基KOL。咁呢排佢老哥好多新聞，首先5月啲數幾靚仔，然後又講話之後海外收入會數倍於香港。但最後個5億自肥計劃都係畀人否決咗，慘
但，你估王維基係你同我咩。返去打幾千字文鬧人咩。第二日（即係星期四）佢就又去出席論壇，又有啲新聞。畀傳媒認為佢話要退出香港網購市場，公司就澄清，話誤解，但佢明明就話Play Down
我就覺得，呢樣嘢係真係會發生嘅，對公司仲係好事。點解？當然睇Patreon文。但又畀提示你：公司最大嘅罩門係乜？基金會鋤佢乜嘢？ 第二，你諗下，Amazon係靠乜賺錢嘅？
你以為Amazon靠網購賺錢？咁即係你以為港鐵靠車費賺錢？或者以為我靠出廣告Post賺錢？
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
香港 meme page 在 香港迷因 的美食出口停車場
出產meme圖tag: memeXhk instagram: https://www.instagram.com/memeXhk/ ... Page · Entertainment website ... 香港迷因. Jun 30. Leo Wayne and 319 others. ... <看更多>