【龔成問答信箱】(Q21841-Q21860)
Q21841:
老師,你好。我今年48歲,有家庭,現持有以下股票 :
941 @49.25 4,000 股
883 @8.88 20,000 股
3067 @17.01 3,000股
尚可動用入市現金大約10萬。
希望資產增值外,希望10-15 年後,依靠股息每年大約110K過生活,我計算過股票要有大約6里,但本金要2百萬!由於年齡不小,不可能太進取去買高風險潛力股,請問有何建議?
另現持有的883 想在收股息後(6-7月), 如果能回到買入價就換馬,請問是否合適或繼續持有?
謝謝,你真的改變了我的想法。
龔成老師︰
你那個200萬的估算,係正確。以你48歲計,增值時我地開始要保守一點。
你現時股票都有質素,都適合你。中海油(0883)由於只係商品類股票,質素唔算好高。
所以,不宜持有太多。你可以沽出部份,換至其他股票。由於收息後,會除淨(股價會被扣除派息部份),所以你在收息前後沽貨,係無實質上不同,唔會因為咁樣令你多左或少左錢。
另外,你現時股票的組合,雖然都是質素不差股票。但組合內只有3隻股,明顯數量不足,出現集中風險的機會頗高。
雖然3067係恆生科技指數ETF,係一籃子的科技股,但都只屬於單一行業,都有一定集中度,不要佔比重超過30%。
往後若有新資金,宜多增持其他不同類型股票。
以下「平穏增長股」 + 「潛力股」都適合你,你可以參考下。但由於潛力股,係有一定風險。你不宜持有太多,大約3成好了。
隨著年齡增長,潛力股比重要慢慢下降。到你退休前5年,開始慢慢加入一些收息股,到退休時,組合應以收息股為主。
大市現處於合理水平,10萬資金,你就留待大跌市機會出現,才大力度掃貨,並長線投資。
我假設投資回報有10%(連股息再投資),你投資35萬(持股+10萬現金),15年後大約會增值至145萬。
如要做到200萬目標,最好投資金額達至最少50萬,才會較大機會成功。
------------------------------------------------
Q21842:
龔成老師,想請教一下手頭上有二百萬現,原本希望買入七百幾萬單位同老婆住,但因為計過數
唔夠俾印花稅同裝修,而且壓力測試都好緊下,又會清哂袋,所以想再儲下錢先再進行置業計劃,咁應該點處理手頭上二百萬現金先唔會貶值?
同埋政治因素下,你覺得應唔應該轉儲外幣?又或者投資美股rather than港股?
龔成老師:
買樓的重要原則「供得起」,這個因素是最重要的,反而之後的樓價升跌並不是最核心,如果你按揭等因素真的較勉強,就停一停先,等你有更多資金,又或調整買入的目標樓價。
現時要先清楚一個問題,你地最新的目標,打算1、2年買樓,還是3年後先會買樓。
如果中短期,即1、2年會置業,資金就不建議投資,宜大部分資金持有現金,最多小部分投資收息股,又或者真的見到大跌市時,動用小部分資金去入市,投資平穩增長股。
相反,如果你打算3年後先買樓,就可理解為有較多時間進行投資增值,你可以投資平穩增長股,作為配置。
當然,$200萬不能用盡,可能只動用$100萬或以下。
至於外幣,其實投資價值不算高。
另外,美股港股,其實都有投資價值的,在長遠,中國、美國,都會是全球最大的兩個經濟體,投資這兩個市場,其實長遠都會有不差的回報。
------------------------------------------------
Q21843:
老師,之前睇左你講世界觀條片,好認同呢個世界係有好多勁人叻人,其實香港地好多憎人富貴厭人貧嘅人,見到人地成功就搵理由去批評別人,好彩或靠屋企之類
但就唔會去欣賞或好奇人地點解會做到,永遠抱住負面嘅思維去睇事情
唔係晒命,純分享!
以我為例,我30歲同時間結婚買樓,當時身邊D朋友知道後個個都只是抱住羨慕嘅心態去講你就好啦,買到樓,有D就話屋企人俾左幾多你先?
但係我話我冇父幹,只係靠自己做野儲錢,儲到錢就投資股票,一步步去達成個目標,佢哋聽後個個都話我都想咁之類,但4年幾過後,佢哋依然係得過想字!
完全冇為佢哋想嘅嘢去努力過,仲係抱住個心態係香港地係咁架啦,物價咁貴,又多使費點儲錢吖,D樓價點買得起,都唔係俾香港人買架啦,心態永遠就係咁諗,甘於現狀!
3年前我自己開咗鋪頭,佢哋又係同一口吻,你就好做老闆,我都想,但都係冇行動
我想講D野唔會免費跌落嚟俾你,最緊要係肯去踏出第一步
喺香港買樓,網友就會話on居先接火棒,做成世樓奴,樓價跌唔好喊,但佢哋冇想到長遠層樓會令到資產升值,增加財富
供樓會供滿,但租樓就真係永無止境
另外,老師,小米可以再入貨嗎?
龔成老師︰
十分認同你的講法!
其實世界好多,只要你願意走出去,你會發現無限可能。最重要,係你願唔願意行出第一步。
正如你所講,的確好多人都係停留左係「想」個一步,之後就無再前進。
所以,我先希望更多朋友,可以放開自己固有想法,對世界了解多D、學習多D、行動多D,從而改變現有生活。
希望你可以用你成功例子,去感染你的朋友,令佢地作出改變。
不過,有d人真的唔會改變,我地做好自己就得,同佢講左,聽就聽,盡力啦!
至於小米(1810)有潛力的,佢的產品性價比高,相信在全球好多個國家都會有市場,佢長遠只會進一步增長。
同時,佢建立的平台是佢長遠的增長動力,先賣手機,再利用手機的平台延伸銷售小米家電。長遠正面的。
這股可長線,現價合理區頂位至略貴,小注分注可以,但唔好入得太急,預佢股價仍波動。回多10%更有投資值博率。
------------------------------------------------
Q21844:
成哥,剛上完你堂,按你方法投資,第一次見到自己回報去到5位數字,尤其係 968,開心既再唔係戶口既數字。
而係用自己分析、堅持同時間換取到個回報,個種感覺好似見到自己個仔女長大咁(雖然我仲後生)我希望自己內心唔好澎脹,
可以好似你咁,對住任何波動同誘因,都一直貫徹自己投資既理念。
龔成老師︰
你方向已正確,之後要多溫書,多用評估表,多分析企業年報。保持知識與財富增值!
只要你記住,我地投資就係將一些貶值的現金,換成優質資產的動作。
只要個資產係優質,佢長線自然會自行升值。至於可唔可以抵住任何波動同誘因,就要你慢慢去磨練。
但你只要記住你而家係儲資產,唔係做短炒。同埋,世界上最有錢架投資人,巴菲特都係用長線投資優質股去致富,你就應該唔會咁易衝動。
再抵受唔住,最簡單就係唔去睇個股價,自然就會無問題。
------------------------------------------------
Q21845:
其實阿sir我想講,用手機打我都寫到一舊舊。
我地兩個都係公屋出生,我爸媽甚至係理財不善果類,以為脫離唔到貧窮。我地身邊啲朋友結婚一係跟父母住,
一係爸媽比首期買樓(我家姐係覺得父母係應該資助後生買熡)甚至有不少係父母有多一層樓,可以比佢地直接結婚住。所以我自己到談婚論嫁嘅年紀,
見到啲朋友咁,自己都鼻子一酸,尤其我地兩個果時都係上完阿sir你堂一年之內,未累積/見到自己嘅資產有顯著上升,果時樓價/租價依然好強硬。有時甚至喊咗幾次。
不過我地睇過晒你嘅好多書,獲得資產累積/買樓唔一定要靠父幹,自己兩個人可以憑自己努力可以去到買樓嘅地步。呢個鼓舞咗我自己好多。
亦都唔想再自怨自艾,自己努力去建立資產。有時放工都會返第二份工,早啲儲早啲投資(依家睇當然覺得只出賣時間勞力工作唔係咁好)。
然後要多謝你,因為唔係上咗你堂,我同佢拗股票投資一定拗到無結論。果時佢覺得假設優質股,要返返去買入價先會再買(例如果時港鐵$4x , 佢會想$33再來先會入貨,
基本上機會比較微,亦都唔係咁計平貴。)所以大家一齊上堂,都可以大家做唔同嘅功課去交流,有時甚至係佢教返我轉頭。
到依家我地都唔係算有乜成就,但起碼真係可以自立,建立唔同類型資產,唔使靠父母,甚至可以諗遠少少點樣獲得理想生活。
你果時上堂講dream house 我好明白果種感覺。
呢幾年嘅心路歷程,實在無辦法只用簡體多謝你三個字表達
龔成老師︰
其實出生如何不重要,最重要係你自己點去看待你架人生目標。
只要你係想,就要努力去找方法達成。香港樓價係貴,但係不至於伸手不能觸及。只要你肯付出、肯學習、肯去實行,總會行得到目的地。
相信這幾年,你已經有不少體會。
你可以好似我咁,如果發現自己無動力,就睇下自己架DREAM HOUSE,再重新起步。
睇緊投資係一個長線的計劃,除左選擇合適股票,長線持有外。你都要保持學習,才會有理想的投資效果。
加油!你現時行在正確的大方向,只要不斷進步就得!我期待你同我講更多好消息!
------------------------------------------------
Q21846:
龔成老師,我們夫婦二人50歲,月入10萬,冇子女,已自置物業,已為退休做準備(有年金及退休基金),並月供股票1.2萬。
面對美國不斷的量化寬鬆,全球勢必大通脹,應如何讓資產保值? 手上仍有百多萬現金,應如何投資?
有人建議購買黃金,有人建議買樓,有人建議買優質股票,我沒有相關知識,所以想向老師諮詢意見。謝謝!
龔成老師︰
由於貨幣可以無限量印發,故長線必然出現貶值的情況。因此,我地做財富增值時,會集中係真正優質資產身上,好似物業、優質股、車位等等。
以你現時情況,財富中已有物業類,再增持物業的話,會令成個財富組合,偏向左係物業類個邊,不太理想。個別資產類別,最好控制在8成以內,能控制在6成以內,會更好。
而黃金,主要係用來對沖突發性金融事件,唔需要持有太多,大約佔組合3%左右,就可以,最好係用實金模式去持有。
現時你們50歲,係時候為退休開始準備。你持有年金和退休基金係可以,但這些都係以增供穏定現流為主,增長能力好弱。
係成個財富增值策略,係應先做好增值,到退休時,才將增值得來的資產,才慢慢換成收息資產,去創造穏定現金流,去支付退休生活。
因此,我建議你月供股票和100萬資金,用來進行適度增值,咁會較好。
現時的$100萬,暫時只能動用最多一半,因為大市唔算平,你要分注投資,同時留下一半資金。長線投資。
月供部份,同樣不宜盡用資金,每月留下一半會較好。等出現大跌市時,才出手掃平貨。
你可以用「平穩增值股」+「收息股」作為投資目標,現時大約各佔一半。隨著年齡增加,慢慢增加收息股的比例。到退休時,收息股應佔100%。
------------------------------------------------
Q21847:
你好 龔sir打擾了, 我相信你一日之中都可以收到唔多這種inbox 但都希望你能有時間抽空回應…
我一直對“投資”對我而言 是另外一個世界的事。主要因為都係年紀和資金問題; 我係個單親媽媽 已4x了 咬緊牙關送咗阿仔去加拿大幾年,這裡環境都係好適合俾青少年再發展
阿仔一年洗費大概hkd40萬 明年要入u 如果佢突然成材可能讀埋個 master我要供樓加一些貸款 一個月這部份要 hkd25000 ; 我自己有間公司 但還在努力經營中 每月收入可以說是hkd50-60k
但有時唔夠,而阿仔的學費基本我是用部份自己積蓄+銀行貸款; 有感需要在3年內想要能有大概2球這樣的金額 我須要有多少的本金和投資何種組合較為適合呢?
我正在拜讀你之前的二本書(50優質股+80後百富翁)也打算報讀你的初級班 希望能收到你的回應 多謝晒 !
龔成老師︰
首先,你要明白一點,投資優質股,就等同投資一間企業。
你永遠要記住,買股票,就是買入一盤生意,你要用這個角度去分析。就算再優質的企業,都要時間增長,所以投資係長線的一件事。你自己有做生意,相信你明白我這句說話意思。
因此,你唔好預期投資,可以提高你短期收入,這是不可能。但長線只要你有計劃地進行,係可以有個不錯的效果。
現時你有部份開支,是要用積蓄和銀行貨款來支持,這是一個不理想的狀態。因為,你現在每月是負現金流。而且貸款利息(若係較高息貸款),會進一步侵蝕你的收入﹐令負現金流情況惡化。
如果你貨款息率較高,你就要先處理好。之後,再想方法做到收支平衡之餘,要有一定閒錢,我地才考慮開始投資增值。
另外,由於你本身有生意,其實一盤生意營運得好,增值潛力係會比投資優質股大。所以,你資金應優先預留給生意上發展,咁會較理想。
到有餘力時,你再加入優質股和物業等資產。目的係令你成個財富組合,更加平衡,唔會所有增益都靠晒盤生活,咁就可以了。
以你年紀,若你想投資股票,可選一些平穏增長股。但以你現況,唔需要急住投資股票,建議你先處理好收支平衡問題和自己生意,才開始實行投資計劃,會較好。
平穏增長股︰盈富(2800)、金沙(1928)、恆基(0012)、平安(2318)、中銀(2388)、港鐵(0066)、長建(1038)、粵海(0270)、領展(0823)、希慎(0014)、太古地產(1972)。
另外,我建議你鼓勵你兒子,自己去賺部分生活費,這可以幫助佢成長,有時太多安排不一定是好,要佢獨立及有更大成長,有時就要逼下佢。
除了對你的財政較好外,同時對佢成長都較好,你要從長方向去著想。
------------------------------------------------
Q21848:
hello老師,想請教/交流下~
1. 我本身630蚊有700一注,最近出左業績,想問下佢遊戲業務基本上己經冇太大增長,而且佢微信業務都先後比快手/抖音搶走左唔少。
想問下你覺得佢質素有冇減低?同埋你會將佢定義做水桶一定係水桶二?佢好似己經有小小派息同埋低PE,似係一間完全成熟既企業。
2. 想問下如果做估值好似比亞迪/瑞聲咁樣,佢市盈率非常波動,冇辦法搵到有代表性既市盈率,可以點樣去做估值呢?
龔成老師︰
1) 騰訊(0700)本身已經好大好大隻,要再高速增長並不容易,雖然手遊的長遠發展仍會不錯,但要帶動這股倍升,相信並不容易。
此股依然係有投資價值,但長遠增長會慢左。雖然未至係完全成熟的企業,但已經由以往水桶1,變成水桶1至2之間的股票。
2) 比亞迪(1211)這類潛力股會較難,你估值時,利用預測市盈率和預期未來的增長力,去做個估算會較好。
瑞聲科技(2018)增長力和波動性,無比亞迪咁大。而且佢行業本身變化唔算太大,你可以用佢過去10年PE作推算,去計一個合理市盈率就可以。
------------------------------------------------
Q21849:
老師你好,最近我又諗緊好冇買樓,想請教你覺得買一個有價值嘅全新盤(想抽柏傲莊二房),定用同舊錢買二手三房?
放租,不是自住,大圍這盤無論交通發展商都有質數,但放租其實都未必補倒供款,係望升值,但咁貴風險好似有啲高
龔成老師︰
雖然柏傲莊位置唔錯,本身大圍物業都有一定潛力。
但我會較建議買二手,因為一般新盤都有溢價,即係買家會好大機會買貴左。
柏傲莊,我現時睇呎價,唔算貴,可考慮,總之你投資之要小心溢價就得,而二手一般就較易分析。
由於你只係投資,無迫切性,你可以慢慢等物色一些租金回報率和潛力都高的樓盤,才出手會較好。
------------------------------------------------
Q21850:
老師,我已持有1313 $9.92/4000
823 / 2800 / 3988 月供,黎緊想加建 3067 同 阿里巴巴9988
昨日3319 雅生活升左我都唔放,雖然倒跌返,但因老師你教唔好在意短線升跌賺左少,以免錯失真正增長既升浪。
龔成老師︰
雅生活(3319)有質素,內地物管股預期長線發展,應該唔錯。特別係背後有母公司支持,好以雅生活(3319)、碧桂園服務(6098)等,都會再睇高一線。
由於佢有質素,你不用理會佢中短期波動,照長線持有,就可以。
華潤水泥控股(1313)本身有質素的,只是業務較波動。如果佢佔你組合比重不高,長線持有就可以。
至於月供方面,你現時才35歲,應以增值為主。中行(3988)只係收息股,增長力欠奉,唔適合你。
加上安碩恒生科技(3067)和阿里巴巴(9988)係可以,但這2隻係潛力股,波動性會較大。
如果你經驗較淺,可以先小注,大約佔組合3成左右。若你係有一定經驗,你可以投資到約5成比重。
------------------------------------------------
Q21851:
因為我睇到d留言話8月d員工解禁,寫到話會暴跌,所以拎我有啲不知所
所以想問吓成哥你嘅意見,唔知快手(1024)應該溝唔溝少少貨,定係保持而家持有$270守住~
龔成老師︰
禁售期過後,代表相關股東可以將之前持股出售(但唔代表佢一定會出售)。
如這班股東真的好似你咁講出售手上快手(1024)持股,可能對股價造成短期波動。但我們投資著眼點應該是企業質素,故此解禁其實對公司無任何實質影響。
簡單來說,短期可能會股價波動,但其實,我地最重要是睇翻企業的質素。
快手(1024)係一隻優質股,值得長線持有,但短期股價仍會十分波動。
你現貨可持有,現價只算係合理區頂至略貴,唔建議加注。
------------------------------------------------
Q21852:
龔成老師你好,想請教投資方向。我28歲,租住每月13000元,家用5000-8000,收入2萬至十幾萬不等,平均計算每月約有5,6萬收入。有以下港股在做月供。
另每月人工的30%放投資,現有8萬現金投資儲備和16萬結婚儲備會於1,2年後使用。把這些資金放於投資,結婚資金做穩定點的投資,另外的做進取型。
想請教我應該買入美股例如VOO+QQQ,ibond 定加注在港股更好?謝謝你的回覆,祝身體健康!
月供9千
0066 港鐵 2000
0270 粵海 1000
1211 比亞迪 $1000
2388 中銀 1000
2800 盈富 2000
700 騰訊 1000
3067 $1000
龔成老師︰
你28歲,應以增值為主,建議你除了未來1,2年會用來結婚的資金外,其餘都利用「平穏增長股」 + 「潛力股」作組合,去創造一個增值平台。
至於投資港股和美股,都可以。而IBOND這類收息產品,無增長力,若長線持有的話,就不太建議(若打算上市即日沽,係可以)。
你現有持股,都有質素,可以長線持有。
現在你每月先用5成儲蓄做月供,其餘先儲起,用一邊月供一邊儲蓄的策略。由於你月入不穏定,可以用一年平均數,去作為計算月供金額的標準。
月供方面,你可以選擇投資在平穏增長股︰VVO、盈富(2800)、金沙(1928)、恆基(0012)、平安(2318)、中銀(2388)、港鐵(0066)、長建(1038)、粵海(0270)、領展(0823)、希慎(0014)、太古地產(1972)
或潛力股︰QQQ、比亞迪(1211)、中生(1177)、福壽園(1448)、小米(1810)、安碩恒生科技(3067)、港交所(0388)、阿里(9988)、騰訊(0700)、GX中國電車基金(2845)、三星FANG ETF(2814)。
如果你現時無太多投資經驗,潛力股這類風險較高的股票,你就不要持有過多,最多維持2-3成好了,甚至先集中係平穏增長股類。
若你有一定投資經驗﹐潛力股比重可以相應調高,佔組合約3-5成,視乎你投資經驗多寡和了解這些股票程度而定。
至於餘下的現金,就等機會,當大市出現一定程度的下跌,就可以動用現金去投資,在平宜價加大力度掃貨,然後長線投資。
而結婚的資金,由於時間不多,不宜太進取。建議你買一些收息股或者定期就好了。目標以保本為主。
收息股︰港燈(2638)、香港電訊(6823)、工行(1398)、恆生(0011)、置富(0778)、陽光(0435)、深高速(0548)。收息基金(3110),都可以。
現時大市只係合理水平,你可先用一半資金,分注入貨。餘下資金,就等大跌市出現,才加大力度掃貨。
------------------------------------------------
Q21853:
您好龔sir, 我現時31歲,月入2萬,今年才開始買股票!開頭都是短炒(雖然有賺小小)呢個5月又蝕反晒,
手上股票都有幾隻蟹貨。想知仲值唔值得等下去,還是止蝕?買其他有質素股票如地鐵、中電之類?
1762萬咖壺聯@1.16
1022飛魚科技@1.10
3800保利@1.98停牌
3690美團@333
1928金沙@35.4
上個月開始月供2800&2382 共4000蚊.
有看你的《80後百萬富翁》和你的Facebook,開始覺得價值投資的重要性!希望您可以解答我問題,無言感激
龔成老師︰
首先,你唔好再用短炒模式去投資。我地投資一定係長線,以往我做證券行,見到短炒個班,長線都係輸。真正有錢賺,都係長線的一群。
另外,你要明白一個概念,我地持有一隻股票與否,關鍵位是企業質素、前景,不要被買入價影響。買入價只是一個心理因素,如果企業核心因素未被影響,我地係唔需要理會。
金沙(1928)有質素,可長線持有。
美團(3690)不確定性大,萬咖壹聯(1762)質素只是不過不失,2隻股票持有係可以,但只宜小注。
飛魚科技(1022)質素不太好,如果從過往的業務情況,業務不穩,持續虧損,投資價值不高。
之前得到騰訊(0700)入股,往後會提高企業價值,潛力度高左,但由於仍有未知數,業務不能推算一定成功,故只宜小小注博下。
保利協鑫能源(3800)現時暫時停緊牌,因為佢仍未出到業績,將公佈業績的日期延遲了幾次。
最近現任核數師更請辭,我對這類股票,會較有保留。但由於現時停緊牌,暫時乜都做唔到,只有等。
初步睇佢的財務數據,都幾弱,相信日後就算復牌,股價都會受壓,要有心理準備。
以你31歲年紀,應先做好增值部份。你現時月供的計劃,係可以。但建議你盡力加大每月可投資金額,最理想係佔你收入一半。
現時大市只在合理區,每月資金唔好盡用。最好留有部份,等大跌市出現時,可以用來掃貨。你最重要考慮你的年齡,建立一個平衡,適合你風險度的組合,長線持有。
------------------------------------------------
Q21854:
老師你好,想問一下意見
本人42歲,月入$70000,12月開始月供股票,現時持有現金二十萬︰
$4000 月供175
$4000 月供 257
$4000 月供 388
$3000 月供 283
$3000 月供2800
另每月儲$10000現金,比例是否太少?
手持物業價值$3,500,000, 尚欠按揭$2,500,000
有供退休保,65歲時可取回大約$1,000,000現金
想問一下,現時投資配置適合嗎?另希望3年後有現金 $2,000,000投資另一物業,可行嗎?風險是否太高?
謝謝
龔成老師︰
你每月可投資資金,比例都算可以,當然越多越好,建議盡可能將每月閒錢,都用作投資增值。
我地財富組合除左要有增長力和質素外,平衡性都好重要。你現時資產類已經有物業,除非你資金好充裕,或者你股票組合金額,已經唔細。
否則,長線你應先增加優質股,以免過於集中個別資產類別,而產生風險。因此,你新資金建議優先投入股市,去令成個組合更平衡。
以你42歲計﹐都有增值需要。你現時組合(0283相信是你打錯編號)﹐月供和儲蓄比例都可以。
但資金分配方面,我建議用盈富(2800)作為主力,會更有較平衡組合風險。另外,潛力股(0175, 0388)你可以投資,但最多佔組合4成好了。若你經驗較淺,最好再調低少少。
現時大市只在合理區,你20萬可動用一半,去分注入貨。餘下一半和每月儲的1萬,就等大跌市機會。
至於3年後,如果你發現有潛力的物業,而價格又理想,你都可以考慮入市。但大前題係,你必須入市同時,手上留有一定優質股去做增值,以維持財富組合平衡性。
------------------------------------------------
Q21855:
你好,想請教一下598發行債券好定唔好。我係3.55-3.73也有持貨
龔成老師︰
發債好定唔好,主要睇佢發行目的和負債水平。
由於未來一年內,集團有近35億舊債券到期。相信新債券主要用來處理這部份債務。現時集團負債水平有少少高,但未算嚴重,但點都有D風險。
中國外運(0598)本質不算差,但行業好受貿易等因素影響,因而在業務上有一定的波動性,股價波動亦較大。
你買入價合理,我長期唔敢話佢好正面,只可以話佢現時估值不高,所以都有投資價值,如果能承受中短期股價波動風險,長期持有,咁基本上可投資,但未必值得太大注,始終質素未去到好高。
若佢佔你組合較大比重,建議你沽出部份,換至其他優質股會較理想。
------------------------------------------------
Q21856:
SiR早晨:我是你股票班學生,第四堂第三題工課做了很耐都唔知公識點計可否教我?
謝謝老師
龔成老師︰
答案是A︰$5億 / (10% - 3%) = 74.1億
你可以參考翻第4堂的第40張SLIDE,當中有個替代簡易算式,就是用來計算這種增長力的企業。
另外,每堂的功課答案,都會印在下一堂的文字版筆記。當中會有簡單解釋,可以方便同學溫習之用。
------------------------------------------------
Q21857:
老師你好,上年開始睇你d書,今年想開始月供增加資產。
今年33歲,啱啱結婚黎緊會準備生小朋友,收入約莫3萬,之前有少少咁買下股票,近排想開始月供,預每個月可以用$9500左右買股
2800 $2000
66 $3000
3067 $1500 (單數月買2手)
388 $3000
宜家有:
66 500股@46.8
5 400股@58.05
2 100股 @131.5
3067 200股@16.64
1. 月供組合有冇需要改善?
2. 本身想供1211,見佢貴返先諗住改2800。之前見老師有提水可以開始供返,但係而家上返$180,十五十六,仲合唔合適月供?
3. 匯豐係咪繼續等佢升返再放?
4. 有冇建議可以優化下?
龔成老師︰
1) 選股上係可以,但最好用盈富(2800)做主力,可以增加平衡性。
另外,現時大市只在合理區,每月資金唔好盡用。最好留有部份,等大跌市出現時,可以用來掃貨。
2) 比亞迪(1211)偏貴,現價勉強算可以月供,但只宜小注。
但你若想用比亞迪(1211),去換走盈富(2800)我就唔建議。這樣會令你組合的潛力股(1211, 0388, 3067),佔比過重。
以你33歲計,潛力股佔組合最多5成好了。若你投資經驗較淺,我建議要再向下調整。
3) 匯控(0005)只係收息股,增長力麻麻,唔係太適合你這類年青人士。但你只有1手,你照持有都可以,但唔好再加注。
如果你相換至其他增值股,你等佢反彈,就沽貨換碼都可以。
4) 你組合大致上無問題,除左上述的小問題外,無特別地方要修正。
但緊記月供係一個長線計劃,月供最少維持3年,並持有這些股票5年以上,才會有較理想效果。
------------------------------------------------
Q21858:
我45歲
有兩仔 11歲 9月升中 8歲9月小四
有層私樓自住,私樓欠銀行大約130萬 h plan 好低息 因2018開始攞緊公司housing benefit 唔可以有改變
2019 再加按100萬,20萬去買左保險基金有4.5%回報,大約用左10萬。
其餘放左65x,xxx係股票,有d蝕有d賺
同先生加埋收入6萬5 但好大開支 每月大約剩8000
1) 我諗緊好無再加按?
原因1:現要供2.25% p plan 無得轉 想借loan 3 用h plan
原因2: 我現借可拉30年還 想借定投資or俾仔去外國讀書用
我驚到時佢去讀書借唔到好多
2)如借 借幾多
龔成老師︰
通常我自己會視借貸投資,是我最後一張「皇牌」,真的有需要時才會動用,即是見到一個明顯的投資機會,全世界都平貨,值博率好高時,才會動用。
現時大市只在合理區,明顯唔係一個良機。而且你本身負債已經唔少,每月剩餘資金不多。
若再去加大負債比重,風險唔細,你要自己衡量。當然,如果係生活上實際需要,例如海外升學。理性咁去借貸,都係可以。
以你的年齡及風險承受程度,我見現時你負債不過多,加按少少都可以,但你最重要想想「加按得來的資金做咩?」
如果無明顯投資機會,就不用心急加按。
如果加按只為你這刻生活費,就等同如你跳進了負債圈,並不是好事。
------------------------------------------------
Q21859:
龔成老師,一間公司處於燒$,和虧損的情況,每年收入係有增長,要點再評核呢間公司?
龔成老師︰
我地會較集中,睇公司未來潛力部份。同時間,有些指標好似市銷率等,都可以用作參考。
但畢竟係未有盈利,好多野都係估估下,無人知幾時先會有真正利潤出現。
由於投資價值大部份,係建基於前景,若發展不似預期,就會有較大回調。所以,我地投資這類股票,要保守D,不可以大注。
最重要是考慮,大環境如何,長遠是否有前景,佢現時的投資,是否有一些成果,令企業保持向前,你要分析這個因果關係。
------------------------------------------------
Q21860:
早晨老師, 我有個投資問題好困擾, 想向你指教一下
我係一位主婦, 之前高位$64買入匯豐等收息, 當冇息派, 股价一直跌, 忍痛下$3x 全沽, 蝕左好多錢, 換左買9988, 現在又是蝕錢
近來見匯豐升返上來, 心裏很不舒服。我現在再買入匯豐好唔好呢? 前景如何呢? 還是等阿里爸爸返家鄉呢? 希望你可以比意見我,thx
龔成老師︰
你的問題都幾大,不是賺蝕問題,而是投資知識問題,你的投資決策被情緒及股價影響,記住,我地應「建立一個長期的組合」,睇企業,不是睇股價。
首先你要明白一個概念,我地持有一隻股票與否,關鍵位是企業質素、前景,不要被買入價影響。買入價只是一個心理因素,如果企業核心因素未被影響,我地係唔需要理會。
另外,我地投資係要因應自己年紀,去作出相應選項。
當我地進行人生財富累積時,會運用「先增值,後現金流」方法。年輕人應著重於增值類資產,而較年長的,就應著重保守類別。因年輕人財富系統未成形,同時負擔較少,可以承受較高風險,所以應以增長為先。
例如初期投資較有潛力股票,令財富增值較快,到一定金額後,可轉較平穩增值的股票。最後有相當財富時,才換成收息股去為自已創造穏定現金流。
若你係較年長人士,匯控(0005)這類收息股,就適合你。由於你目的係收息,只要企業長線質素無大變,你係唔需要理股價波動,一直收息就可以。
匯控(0005)現時股價算合理,可分注入貨。
而阿里巴巴(9988)則是潛力股,主要適用於一些較年青人士,用來增升組合的增長力。但由於風險較高,較年長人士就不宜用佢作投資目標。
阿里巴巴現價合理,至於持有邊個,你就睇翻自己人生階段和風險取態,去作選擇。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
同時也有2部Youtube影片,追蹤數超過9萬的網紅Smart Travel,也在其Youtube影片中提到,#娛樂八卦 #SmartTravel #馮盈盈 #鄭秀文 #徐子淇 #Hermès #Birkin #Kelly #Constanc #配貨攻略 #愛馬仕 #網上直播賣A貨 #海關破冒牌集團 #愛馬仕投資保值 #佘詩曼hermes 【空姐爆料】系列, 專業人士、家庭主婦、OL、行政人員、男士...
「香港邊度買勞力士」的推薦目錄:
- 關於香港邊度買勞力士 在 龔成 Facebook 的精選貼文
- 關於香港邊度買勞力士 在 香港作家王迪詩 Facebook 的最佳貼文
- 關於香港邊度買勞力士 在 君子馬蘭頭 - Ivan Li 李聲揚 Facebook 的最讚貼文
- 關於香港邊度買勞力士 在 Smart Travel Youtube 的最佳解答
- 關於香港邊度買勞力士 在 果籽 Youtube 的最佳解答
- 關於香港邊度買勞力士 在 【新手想買第一隻勞力士ROLEX ! 】為什麼間間專門店都沒有 ... 的評價
- 關於香港邊度買勞力士 在 Rolex 勞力士香港新貨二手交易區 - Facebook 的評價
- 關於香港邊度買勞力士 在 香港買勞力士的推薦與評價,FACEBOOK、PTT和網紅們這樣 ... 的評價
- 關於香港邊度買勞力士 在 香港買勞力士的推薦與評價,FACEBOOK、PTT和網紅們這樣 ... 的評價
- 關於香港邊度買勞力士 在 一直以來,Rolex勞力士在大家心目中好比一隻實力藍籌股 的評價
香港邊度買勞力士 在 香港作家王迪詩 Facebook 的最佳貼文
“吃好每一頓飯,腳踏實地去做我該做的事。我沒有能力去平伏大海的風浪,但我可以把我的船造得更堅固,不容易沉。船一日未沉,一日都有機會駛到目的地。我為香港人而寫的──《活著 就有如果》。”
第1章──就算世界讓你失望,其實也沒什麼大不了
第2章──今天的境況屬於今天,誰能肯定明天世界不會改變?
第3章──冷靜應對 戒掉情緒
第4章──難過得想死,就拿出你的幽默感
第5章──當善良會被懲罰,地球就只剩人渣
第6章──吃好每一頓飯,腳踏實地去做我該做的事
第7章──沒關係,還有下次……你肯定?
第8章──對於工作,最理想的態度是認真而不沉重
第9章──有些人,疏遠更好
第10章──將自己放得太大,是很難快樂的
第11章──我不想變成自己看不起的人
第12章──日子難過,quality of life卻在於我
第13章──凡事走過總留痕,刻在眼球琢於心
無論如何,生存下去
👉🏻這條link所有書都係簽名版、很多 #絶版 ,書店已買不到:
http://www.daisywong.com.hk/index.php?route=product/product&path=62&product_id=158
👉🏻海外讀者如需訂購,請私訊
📚第1章──就算世界讓你失望,其實也沒什麼大不了
做童話公主,還不如做貼地港女
- 再聰明的女人,也曾經相信「唯獨我是不可取替」
- 已婚男人哄騙年輕女子上床一定情深款款地說:「你好特別!」
- 還以為「可一不可再」,後來卻遇上比他好千倍的人
第二個生日
- 你不能勉強一隻豬去思考
- 當時覺得世界末日,今天回首只當笑料一則
看見真命天子
- 你不需要跟所有人成為朋友
- 自己很介意,但原來別人根本毫不在乎
- 尋找「對的人」像紅酒blind tasting,不問產地來歷,味道好的就是好酒
📚第2章──今天的境況屬於今天,誰能肯定明天世界不會改變?
12歲入牛津的神童,為何竟當上妓女?
- 時刻記住「嘩我IQ勁高」會變得視野狹窄,容易陷入偏見的盲點,所以有高學歷的人相信假新聞
- 能否成功和幸福,在於性格而不是智商
將來的事在我想像之外再之外
- 那些年,大家都說王迪詩是男人扮的
- 有些人適合做同事,有些人適合講心事
有些人可以做好兄弟,一起工作卻激到吐血
- 不要站在今天去給明天判死刑
我交不到女朋友
- 我很努力希望大家喜歡我
- 你簡直悶到嘔
- 港女就算「膚淺」,也有觀點,而且不害怕隱藏這些觀點
- 是什麼令你痛,痛到寧願讓自己隱形?
如何忘記一個人?
- 過去365天,我每一秒都在想著他
- 已成過去,回味來有個屁用?
- 失戀跟減肥一樣。不要在手邊放滿零食,不要重複又重複看前度的訊息
📚第3章──冷靜應對 戒掉情緒
天氣不似預期
- 發現丈夫有外遇就徹底崩潰,再也站不起來
- 別人的丈夫出軌是家常便飯,我的老公卻與眾不同
- 將幸福的控制權交給別人是很危險的,好比自己跑進監獄然後自己關上牢獄的門
- 要用鎖鏈才留得住的人有什麼值得稀罕?
- 女人必須經濟獨立才有應變的本錢
醫生也有覺得自己是廢人的時候
- 能在毒草旁邊生存,必有它的本事
- 「劇毒」可以是病毒,也可以是毒婦、毒男、邪惡的制度
- 嚎哭滾地不會令問題消失,只會令本來已經很惡劣的狀況加倍惡劣
- 驚愕過後懂得調整步伐是一種成熟
- 不管多毒都一定有抗衡之法。表面愈霸道張狂,內裏愈脆弱不堪
即使這樣的日子,也終會過去
- 擁有一個合規格的口罩,感覺就像戴著一隻勞力士
- 那件事超出你的控制範圍,你擔心得三天睡不著又能改變什麼?
- 愈沉重的事,愈要用輕盈的心態去面對
📚第4章──難過得想死,就拿出你的幽默感
妻之報復
- 抓住笑點才能相處下去
- 女士們,你試過偷偷讓老公吃過期食物嗎?
- 男士們,老婆勸或罵或求你多少次不要做某件事,而你仍繼續做?
- 錯的明明是他,怎麼他卻若無其事躺在梳化看電視?
- 既抱怨吃虧委屈,丈夫有難時卻第一個飛身撲出來維護,這就是女人
- 其實女人的矛盾幾好笑,太認真有太認真的喜感
一樹梨花壓海棠
- 十八新娘八十郎,蒼蒼白髮對紅妝
- 堂堂宰相被家暴,納妾等同自殺
- 一首歌改寫了一個女人的命運
- 蘇軾貪玩寫的詞,一千年後印在Lolita電影海報
- 別以為今天做好事沒成果,也別以為傷天害理沒報應
📚第5章──當善良會被懲罰,地球就只剩人渣
型到核爆的音樂巨人
- Unfriend擦鞋仔歌德
- 那些助紂為虐、毫無廉恥的權貴!
- 有實力,得罪米飯班主又如何?
- 在絕境才看出一個人的風骨
唯一的男神
- 完美如此真是人類嗎?
- 世上有比錢更重要的東西
- 無論你多好,也一定有人不喜歡你
- 假如他在十年低潮時期認輸,就不會有後來的巨大成功
人為什麼要變老?
- 衝突與代溝無關。關個「人」事,唔關「年紀」事
- 日本有一群老人專門打劫
- 年紀大了心智卻沒有同步成長,這輩子就如同沒有活過
亂世中的俠客
- 有能力一個打十個,仍堅持不肯傷人
- 乞丐成了一代英雄,富二代成了過街老鼠
- 不要在心中埋下仇恨的種子,鄙劣的人沒有資格影響你
醫生的難處
- 壞人依然壞到沒有底線,善良的人依舊善良
- 付出所有,仍會有人怪責你付出不夠
📚第6章──吃好每一頓飯,腳踏實地去做我該做的事
講一千句還不如一個action
- 粗口流利過地盤工,生仔後卻成了道德重整會會長
- 10A狀元變成鬱鬱不得志的中年大叔
- 「大人點同呀!」孩子怎會服你?
- 價值觀就像船的舵,就算風大雨大,只要方向正確一定去到目的地
你在逃避什麼?
- 人們總是想要tangible的成果
- 你連自己有多好都不願承認,那又是為什麼?
- 誰不是傷痕累累?What makes you an exception?
- 時間流逝,一天天老去,仍在給自己找藉口
📚第7章──沒關係,還有下次……你肯定?
重遇初戀情人
- 感覺返曬嚟
- 最愛是那個人,最終卻分開了
- 25年來明明一次也沒見過,卻感覺你一直在我身邊
- 不如不見?
- 即使過客,也有他出現的原因
改變真的很難
- 美女未必比相貌平凡的女生婚姻幸福
- 任何一秒都可以揀另一條路,自己命運自己寫
- 雖然很討厭目前的工作,卻還是留在這裏捱到退休
- 就算我願意改變,so?保證一定成功嗎?只有老千才會保證必賺
- 你要靠自己去爭取,不要仰賴任何人的承諾
📚第8章──對於工作,最理想的態度是認真而不沉重
找到喜歡的事就盡情去做吧!
- 世界沒有給你苦澀,苦澀的源頭是自己
- 有幽默感的人懂得自嘲,笑咗佢,生活就不會太沉重
- 世界不斷改變 ,唯一永恆的就是忠於自己喜歡的事
不擦鞋仍能生存嗎?
- 太多人為了利益做小丑,出賣良知,毫無廉恥
- 醫學界《半澤直樹》
- 讀得書多又如何?若貪名利權勢,幾核突都爭住做
- 要令自己無可取替,不只是體制內的一顆螺絲
自信心
- 如何做到完全不理別人的看法,我行我素?
- 要建立自信,就得停止與人比較
- 欣賞自己不是很自戀嗎?於是慣性將自己看得很低,以為這是「謙虛」
📚第9章──有些人,疏遠更好
身外物
- 善待自己就由扔掉舊物開始
- 衣櫃是女人的黑盒,藏著女人成長的秘密
- 從前覺得缺少了就無法生存的人或物,後來發現並不如想像中那麼重要
- 不能失去的是初心,因為如果連初心也棄掉,你已經不是你了
- 不要被可有可無的人事牽累,人生匆匆,一分一秒都要留給值得的人
寧得罪君子,莫得罪小人
- 突然翻車,竟因為一顆小石
📚第10章──將自己放得太大,是很難快樂的
怕死
- 醫生非常害怕被其他醫生在自己身上施手術
- 外人眼中的「人生勝利組」,是苦是樂,唯有自知
得不到的,都是不適合你的
- 我明明是筍盤,你怎可能不喜歡我?
- 我真係唔鍾意你㗎!
- 死心眼是最弊的性格缺點
木村光希的代價
- 最強星二代「木村公主」
- 全日本最討厭的女孩
- 做好自己──獨一無二的自己
📚第11章──我不想變成自己看不起的人
職場欺凌
- 一個人要是圓滑再圓滑到完全沒有原則,連狗都不會尊重你
- 在企業裏生存,最難是裝作平庸以免招人妒忌
- 表現出眾即被中層管理人投閒置散,及早將你孤立以免被你爬頭
- 養妻活兒的負擔與留在大企業的虛榮
- 吃過苦才會有同理心
唔要面,一定可以搵到錢
- 每個人心中都很清楚──有些錢不是我賺的
- 顧客中伏一次,不會中伏第二次
Decent Man & Indecent Man
- 不是noble,只是decent而已
- 為攞著數去扮狗叫或舐鞋底
- 無論環境如何艱難,一定有decent people
過不了自己
- 有時不是不想做好人,而是其他人實在太壞
- 不是自命清高,純粹頂唔順自己咁cheap,照鏡想嘔
日光之下無新事
- 八百年前的街頭騙案同今日一模一樣
- 人類幾千年都那麼壞,不意外。奇在無論演化多少年仍是那麼蠢。男女感情到社會大事,人類從未汲取歷史教訓
- 二千多年前虛偽的法利賽人,「金盆洗手」聲明釘死耶穌「唔關我事」的官員彼拉多,今日比比皆是
- 想預知未來,讀歷史就可以了
📚第12章──日子難過,quality of life卻在於我
真正的優雅
- 民國兩位風靡上海的金枝玉葉,各在歷史關口上做了不同決定,結果一個下了地獄,另一個徘徊於人間與天堂
- 由千金小姐到倒馬桶清潔工
- 遭逢時代巨變,即使環境艱難仍堅持注重儀表,安靜從容,一生精緻
生日快樂
- 天下太平時,其實日子也不過是重複返工、去日本旅行、返工、再去日本旅行
- 疫情期間,香港人到底在家焗了多少個蛋糕?
- 既然無法改變「必須留在家中避疫」的現實,那就令這段日子變得有意義吧
隨遇而安
- 本來,世界是那麼好
- 只要依然活著,任何一種挫敗都可以放低,任何一段已逝的感情都可以放低
- 好景不常,壞景也不常,我從歷史領悟到的不是好壞,而是沒有任何一種狀態會永恆
- 保存內心的善良,轉機一定會來
📚第13章──凡事走過總留痕,刻在眼球琢於心
當鐘擺盪向極端
- 除了等死,我們還可以做些什麼?
- 歷史的發展就像鐘擺,由一個極端晃去另一極端
- 原來幸福簡單得很,拿走一些你本來擁有的東西,然後還給你,你就會覺得好幸福
終於輪到我們打逆境波了
- 何必再放大悲情,人生已夠沉重
- 二十幾歲是女人的「氣質真空期」
- 好彩當日分咗手!
- 對於會反省的人,災難不是災難,而是解謎的暗號
- 茫茫人海,難得同路,能一起走多遠就盡量走,哪怕有沙石紛爭,就是不要遺憾
性格很重要
- 見工遲大到居然獲聘?
- 成就是自取的,滅亡也是自取的,是為「自取滅亡」。性格盲點令人一次又一次錯過懸崖勒馬的機會,直至錯到無可挽回依然不覺得自己錯,推諉過人,賴天賴地
I Will Protect You
- 上天給他二十年bonus陽壽加一雙陰陽眼
- 你想活一場怎樣的人生?跟錢無關,跟學歷無關,是你的價值觀
- 我不愛錢嗎?愛。但要叩頭才賺到呢?Bye。值得愛的並不是金錢本身,而是錢給我們的自由
- 尼采:「He who has a why to live can bear almost any how.」
- 你找到你的why沒有?
叮噹
- 人生呀,本來就是一台戲
- 身不由己嗎?可這明明是你的舞台啊,你是導演也是演員。當你認為某位演員不合適可以換人,何必委屈自己?
無論如何,生存下去
香港邊度買勞力士 在 君子馬蘭頭 - Ivan Li 李聲揚 Facebook 的最讚貼文
[職場胃腩]Network鯨如性行為。你想?哦,咁啱呀?我都想,但點解我要同你?
可以直接睇Patreon 全文,呢篇免費的(https://bityl.co/4dut).亦畀你熟習下個界面。當然覺得好睇就去訂吧(https://bityl.co/4Y0h),月尾訂即時扣錢,12月1日又再扣,我會回一個月月費畀你。
煙草特醇
Network鯨如性行為,過癮,但點解要同你?
真人真事:那年十八,母娼起二,溫啤霞
Be interesting, my friend
傳音過王傳音:搞個 個人名牌,其實唔難
Let me 心噏 after writing so much
TLDR:個個都知Network鯨緊要,但你想Network鯨,對家做乜要理你?我碌電話睇埃汾Facebook或者Patreon唔好?所以,首先你自己要 become an interesting person。另外,略為搞下你嘅個人品牌,都係必要嘅。唔使咩好大工程,開個FB Page或者開個blog都可以。唔使錢,咁你都話冇時間嘅,就睇返第一句啦下。
煙草特醇
1. 一路都有讀者叫我寫多啲「職場」文,特別係「暗黑職場」(例如呢篇,好大迴響,主要係個題改得好)。自問職場上冇乜咁巴閉,冇乜嘢可以教人,「頂多係跳過幾次草裙舞咁」。不過後來諗到,「我其他方面都冇乜咁巴閉」,都仲係厚顏無恥咁寫,而讀者又受喎。所以,好吧,職場胃腩,重出江湖。
2. 今日想講嘅係,一條巨鯨,Network鯨,哈哈哈,係咪好爛呢。呢個課題想寫好耐,今次觸發點,係冇嘅。勉強嚟講因為我剪頭髮,10分鐘就諗咗呢篇文嘅flow。See?平日練功最重要,你睇到係台上一分鐘啫。
3. 篇文雖然放在Patreon,但open to all.等同平時嘅FB Page Post,不過多啲圖就放Patreon,同埋益埋Patreon讀者。亦都等冇用過嘅熟習下Patreon平台。唔會係常設環節,當然如果反應好嘅,客串可以變正餐。實不相瞞我之前有啲電台節目或者專欄都係客串變正餐,做人抵得諗都幾重要。啱睇就去訂Patreon吧(https://bityl.co/4Y0h)
Network鯨如性行為,過癮,但點解要同你?
4. 講返,Network鯨,大家都知係咩一回事。或者係啲event正餐前嘅foreplay,有時叫Mingle,拎住杯嘢周圍派卡片。或者係乜乜IPO會,台上有台上講,台下有台下講(香港特色),交換下卡片,盤下人地做乜,得閒飲茶。或者係有人搞局,放工去飲嘢,介紹個朋友你識。留意本文只係討論以工作,上位,搵著數,做生意之類嘅Network鯨。約炮求偶當然都有Network鯨,有時第一種會變第二種,但都係分開講。
5. Network鯨重唔重要?你問錯問題了,梗係重要,係好撚重要。香港地嘅嘢(第度都可能係),識人好過識字,幾時都係。如果呢樣你都唔信嘅,都唔使落去,「你去碰幾年釘,之後再返嚟睇」。
6. 我覺得討論「Network鯨重唔重要?」好似討論「應唔應該有婚前性行為」咁,浪費時間。
7. 所以,同性行為一樣,唔使討論重唔重要,爽唔爽。如何成功?如何做得更好?先係重點嘛。
8. 但,同性行為一樣,大家都想,大家都知過癮。「但你有冇諗過對方感受呢又」。直接啲講,「返去搵你_ _ 出火啦」,你想性行為,哦係呀,好呀。但關我鳥事?我唔想喎(主要係唔想同你)
9. 唔係嘩眾取寵,好多人都同你講Network鯨好重要(廢話),教你點Network鯨。但,有冇諗過,「點解人地要同你Network鯨」?點解我唔係睇多套葉念琛(新嗰套相當唔掂),寫多篇文,訓多兩個鐘,而係要同你Network鯨呢,又?
10. 即係唔係話功利計算,做朋友唔係應該咁計較。但做朋友都講「無友不如己者」,Network鯨唔係做朋友嘛,難聽啲講句,「大家都係搵著數」。最熱心Network鯨嘅係乜人?梗係小薯。好合理啫,你想識人,你嘅時間唔多值錢(sad but true )。你係王維基嘅,大把人巴結你啦,使撚Network鯨咩。你去到邊都人人爭住識你,你要諗下點樣 奀Network鯨,趕走班友又唔好傷害佢地弱小心靈。
11. 咁但,多數人都係小薯做起架啦,唔想行呢步嘅,下世投胎做富二代。所以你一定面對呢個問題:對方嘅時間值錢過你,佢識嘢嘅多過你,佢人脈廣過你。咁,點解人地唔係玩電話,要同你Network鯨呢?
真人真事:那年十八,母娼起二,溫啤霞
12. 好多人會笑,但我再講一次,我真係一個introvert。唔係咩有啲名氣成就(而我冇)就扮晒「其實我好唔鍾意應酬」嗰種,由第一日我都唔鍾意,亦因為我唔掂。點睇我都唔係一個善於社交嘅人,外型也不討好,著平嘅西裝,侏儒村嘅恤衫,好多時呔都唔打,亦唔帶錶。正路一枱人,你只會係出於禮貌唔好skip咗我先會畀卡片我。
13. 咁但,唏,你以為你唔鍾意就唔使做?唔鍾意都要做。我都做過呢種,不停出席呢啲場合,塞卡片畀人啦。或者在個cocktail party中,真係crying in the party,那年十八 母校舞會 站著如嘍囉咁,人人講年尾去邊滑雪,下年花紅幾多,我年尾就在屯門打大快活邊爐。
14. 唔好以為只係「小薯」先係咁。實情去到2014年嗰時,喂,我做咗10年融8年分析員啦,人工職位都唔算太薯啦,但都係咁。你有求於人時就係咁。我好記得,嗰時轉咗工,去到間細嘅公司,真係識你老鼠。咁而嗰時就真係比較「財演」。我最鍾意呢,就係去啲業績會。
15. 業績會有乜?除咗有業績,仲有會,仲有記者。我就去搵佢地傾計,特別係搵啲後生嘅妹妹仔(事實財記係多女仔)—唔係有乜企圖(唔好嗰度屙嗰度食,職場第一誡),而係,因為妹妹仔入世未深會聽我講。「換著啲阿姐十尺外見到我已經閃開,呢條友很煩」
16. 係喎,嗰時做乜?嗰時就塞卡片畀啲妹妹仔。「拿,你可以訪問我的」「拿,你可以叫我上節目的」。成件事十分《出埃及記》嘅溫啤霞, 「你搵我啦!」「你搵我呀!」。
17. 唔止,更加丟人現眼嘅係,我仲叫埋太宰治(以前條靚嘅花名)同我一齊去!真係母娼起二,買一送一,黃子華話齋,未試過雙飛你嘅人生唔完滿。而《母娼起義》就真係一套戲,巧睇,電影節上過,我睇咗,仲同個韓仔導演握手。套戲講乜?英文名就叫Mother Is a Whore。就係個仔孭住不良於行老母周圍接客,好感人的。當時我情況都差不多。太宰治做乜?未試買一送一,「你當佢未成年啦」。但,佢就負責周圍同啲記者講,「拿,你可以搵佢架」。
18. 以上種種,全部係事實,當年幫襯過,I mean收過卡片嘅,可以作證。
19. 點解搞到咁核突呢?咁固然因為我唔靚仔,著侏儒村嘅恤衫,又唔帶勞力士,唔係一個金融才俊。但,今日我依然唔靚仔,仲係著侏儒村嘅恤衫,亦唔帶勞力士,亦唔係金融才俊。但而家情況冇咁差了。
20. 前後有乜分別?好簡單,我出名咗嘛。問題係,無啦啦點會出咗名?雞同蛋嘅問題。
Be interesting, my friend.
21. 講咗咁多,想講嘅係,大家都係Network鯨,都係搵食,咁你作為弱勢小薯,對方點解要理你呢?人地時間寶貴過你,識嘢多過你,人脈廣過你。你有乜著數畀到人?
22. Unless 你有
23. 而作為一個小薯,你總冇可能介紹到好路數畀對方,你亦教唔到佢乜,咁你可以有乜嘢畀到人?
24. Be an interesting person !
25. 呢個就係我成篇文想講嗁嘢,唔該,Be an interesting person!唔係蘇波榮,好多人都係蘇北京波榮。而在北京人口入面,北京波榮仲大鑊過北京asshole
26. 對面坐嗰個,可能係某投行高層,可能係某CEO,可能係王維基,咩都好。佢乜都勁過你。但你身上係咪就冇佢想知嘅嘢?唔係
27. 世界可愛之處,就係以上呢啲人,如果有幸(對佢地嚟講係不幸)同你同枱,佢地一般都唔會不停玩電話唔理你,真心假意都好,總會同你傾下計。
28. 亦未必真係只係循例,難聽啲講句,佢地都不幸同你同枱,都要苦中作樂,即管睇下你呢條友,有冇咩有趣嘅地方。
29. 呢啲咪你嘅機會咯。
30. 總有啲嘢,係佢唔識,你識。或者佢識,但你熟啲。或者佢識又識,但唔好意思講出口,而你冇所謂。
31. 具體係乜?我唔知。但我發現啲勁人(即係你想去識嘅人),總有啲好奇心。你介紹完你做乜,你仲有乜嘢講?點解王維基要聽你講故事?例如你係搞北韓旅行社嘅(其中一個讀者係!),喂,interesting,「肥仔金係咪香咗?」「北韓啲路人係咪假嘅?」。呢個係一個好有趣嘅身份。
32. 我只係舉例,咁你話,你個人冇乜特別嘢。咁,唔該返返去上面嘅核心問題。既然你冇乜特別嘢,對方做乜要理你?好得閒?我去碌下埃汾Facebook Page唔好?免費仲有得笑。我去睇下埃汾Patreon唔好?一舊水唔使,一個星期六篇文喎(係,直入式廣告)(https://bityl.co/4Y0h)
33. 所以,唔該,Be an interesting person!
34. interesting person,就只不過係,「呢條友有啲意思」。門檻比你想像中低好多,畢竟你都識講,「阿豬阿狗都KOL」。總好過你只係介紹自己,我係邊度做,做乜,講完。
傳音過王傳音:搞個 個人名牌,其實唔難(有冇人唔Google知邊個係王傳音?)
35. 不過,仲有一個問題。你可以諗下,2014年,埃汾同太宰治「母娼起二」嗰時,埃汾係咪一個北京波榮嘅人?我估唔係,其實同而家差不多。
36. 但,冇人識你嘛大佬。邊個大王?冇人識你呀!你有幾interesting,都係冇人知。
37. 而事實,要自吹自擂,好多華人都覺得幾難為情(當然包括我呢個introvert),亦都幾非洲和尚乞人憎(呢個字幾時會變hate speech?).你總會見啲友滿場飛,name dropping,上星期我又點點點,呀你在星展喎你識唔識呀乜乜乜,靚女都忍佢,係仔嘅,恨不得打七佢。
38. 所以,除咗Be an interesting person外,仲有最重要嘅一步—個人品牌。我覺得我而家變到好似Brian Cha周融或者黃明樂 Ada Ho咁寫文了,哈哈哈,但我講得出佢地四個嘅名,證明佢地都係有個人品牌。
39. 個人品牌呢樣東西,唔係我強項,亦都已經寫咗三千字,可能搵日再講。但呢個年代呢,係真係冇藉口的。
40. 好簡單,唔使你咩搞個網站,或者做特約飛機稿,但至少你搞個Facebook Page,一個仙都唔洗。或者開個blog,拎煙寫下嘢(但唔好多,很煩的)。你唔寫字嘅,咁搵個位放你啲相或者片(唔使比堅尼相,除非搵老細係你嘅工作一部份)。咁你都話唔得閒,或者唔知貼乜嘅。咁又返返去核心問題咯,你自己都覺得冇嘢好睇,咁我做乜要理你呢?「我去碌下埃汾Facebook Page唔好?免費仲有得笑。我去睇下埃汾Patreon唔好?一舊水唔使,一個星期六篇文喎(係,直入式廣告)。」(https://bityl.co/4Y0h)
41. 你係王維基嘅,人人識你,唔使搞呢啲無聊嘢。同樣地,你係星展香港CEO嘅,話知你係南美佬(而星展香港CEO真係一個南美佬),冇人知你乜名都好,都人人畀面你(而南美佬本尊係十分風趣但又demanding的,我都面過聖,拿,name dropping呀)。吳明林卡片都係印「記者」之嘛,謝霆鋒都係印「茶水部主管」之嘛,朱生卡片都係印I’m CEO, Bitch 之嘛(是真的)—而我甚至唔使講邊個朱生。
42. (另一職場心得:但凡卡片幾十個梯圖嘅人,避之則吉。特別係仲要對摺嗰啲。你有幾撚巴閉呢,又?)
43. 可惜,你會睇到呢度嘅,你多數都唔係吳明林謝霆鋒。多數你張卡片上個梯圖,都唔多吸引。你好呀我係埃汾呀,我在星展做Director嘅(事實我係,但有乜新鮮羅白皮?),哦,你拍戲的?一街都Director,一街都VP啦。梯圖現非唇嘛(亦因為咁,見工之類,基本上唔使睇人梯圖,睇人工代表一切,因為梯圖可以任印,但公司唔會無啦啦畀多舊錢你)
44. 你有個地方,放你啲嘢嘅,就唔會出現以下嘅埃汾對白(原文照錄):
45. 「我有寫文的」「寫乜文?」「乜都寫啲」「例如呢?」「都真係咩都有啲喎,金融為主咯」「即係股票貼士?」「又唔係喎」「咁即係乜」「咩都有啲咯」「……我過去拎杯嘢先」
46. 拿,呢啲就浪費對方寶貴時間啦。掉轉頭,我有個blog,有個Facebook Page畀你睇,係咪簡單好多?呢個係我在老朋友身上學的,大佬,咪得個講字。最緊要有舊嘢睇,畀人見得到。你話你想寫文嘅,請去寫。寫咗出嚟先有得討論。
Let me 心噏 after writing so much(呢句抄陳祉俊的,無友不如己者,記得Follow 佢FB Page同埋訂Patreon)(https://bityl.co/4dtz)
47. To sum up:莫道你在選擇人,人亦能選擇你。你想Network鯨,人地未必想理你.咁你有乜賣點?就唔該你自己做一個Interesting person,唔使有錢,唔使高級,甚至唔使有乜才華。但總之,就係畀人覺得,呢條友,有啲意思。另外,你再Interesting都可,冇人知嘅,即係富貴不還鄉錦衣夜行,所以請你建立你嘅個人名牌。唔使好大陣仗,但開個Facebook Page,開個blog,開個拎煙指點下江山,開個ig(唔係貼你嘅比堅尼相,除非呢個係你工作嘅一部份),就係咁簡單。
48. 其實唔難。再講多次,未訂Patreon嘅,去訂(https://bityl.co/4Y0h)。因為月尾,佢即時扣錢,12月1日會扣多次。所以呢幾日join嘅我都會回返一個月畀你。
香港邊度買勞力士 在 Smart Travel Youtube 的最佳解答
#娛樂八卦 #SmartTravel #馮盈盈 #鄭秀文 #徐子淇 #Hermès #Birkin #Kelly #Constanc #配貨攻略 #愛馬仕 #網上直播賣A貨 #海關破冒牌集團 #愛馬仕投資保值 #佘詩曼hermes
【空姐爆料】系列, 專業人士、家庭主婦、OL、行政人員、男士、傳媒亦喜歡報導我的呢個 #SmartTravel, 可以滿足你 #娛樂、輕鬆、#剝花生 #旅遊資訊 #平吃買玩 #各地文化, 要睇梗係睇原汁原味, 你係咩人就會支持返咩嘅youtuber, 國際華人傳媒, 最喜歡報道Smart Travel
https://youtube.com/playlist?list=PLhKZNoNE4iEf-Rsl1fa8Um8aY2Yl86Q95
大家可以透過Payme, 支持下我同貓貓阿Cash, 打賞打賞鼓勵鼓勵:
https://payme.hsbc/smarttravel
?合作邀約請洽
gold7778@gmail.com
https://www.instagram.com/gold7778t/
成為這個頻道的會員並獲得獎勵:
https://www.youtube.com/channel/UCIuNPxqDGG08p3EqCwY0XIg/join
請用片右下角調4K睇片。
【娛樂八卦】Smart Travel 網上直播賣A貨,海關檢市值180萬元冒牌貨破17網頁拘22人
多謝香港同海外嘅傳媒,對我阿莎嘅youtube頻道smart travel影片質素嘅肯定,幫我報導再加持。呢條影片我會講下最近警方打擊咗一啲網上直播賣冒牌貨嘅資訊, 講下名牌配貨嘅潛規則。女明星用名牌手袋嘅心頭好,更加會講下點解一個Hermes 可以買到咁貴, 唔好以為呢條片淨係女觀眾先至啱睇 , 男網友可以睇完呢條影片分享畀你嘅女性朋友、或者太太親戚。
手袋是每位女士身份的象徵,有不少女星及名媛都有收藏手袋嘅嗜好,她們收藏的手袋價格及數目令人難以想像,亦令廣大女士十分羨慕。
好似有鍾欣潼,
回復單身的阿嬌,早已被認為是圈中的小富婆,早前在家中拍攝,便意外拍攝到她家中的Hermès手袋多到已放滿一個大櫃,她表示過自己喜歡購物,而且從來不看價錢,隨心所欲。而家好興 ,女星生日 ,佢哋身邊嘅朋友都會特別訂製一啲女星好喜歡嘅名牌袋嘅蛋糕畀佢哋 ,梗係啦如果買真嘅分分鐘要幾十萬 ,買個蛋糕平得嚟又得體有得意 。
Angelababy是Dior中國區品牌大使,換句話說,差不多每款Dior手袋她都有收藏了,她有數不清的Dior 30 Montaigne手袋及Lady Dior,差不多成為她的御用手袋,一個已經價值不菲!
韓國女團Blackpink紅遍亞洲,當中泰國成員Lisa,負責rap及跳舞,她的收藏習慣低調,IG上很少炫手袋的照片,不過她是無寶不落的,前年Lady Gaga搶先曝光的Celine 16及Hermès Kelly手袋她都擁有。
袁詠儀靚靚仍然是唯一一位擁有港姐冠軍及金像獎影后的女星,在內地她被稱為「買包狂魔」,早前她在內地接受隔離後被看到她即到Hermès 一口氣買下6個手袋,她回應指這都只是小錢包,不過外界指張智霖已花費超過2千萬買手袋給太太,令人羨慕。
香港女首富甘比,大劉是Hermes的超級VIP,什麼意思呢?就是每當品牌有新貨到的時候,還沒有開始售賣,店長就會直接打電話給大劉,給他預留時間看貨!Hermes水果系列包包「Hermail Tutti-Frutti」,超級限量版,唔係人人買到,但甘比卻集齊了「蘋果、梨、檸檬」,同一個款幾種不同顏色都有,非常誇張,所以說甘比家中收藏Hermes多達過千個,絕非浪得虛名。
而且,一些過百萬元的限量版,即使你有錢也要排隊排好幾年才買得到的包包,大劉擁有優先購買權。
...................................海關指,有賣家在網上平台開設專頁,稱能直接向外地供應商取貨,假借代購名義出售內地冒牌物品,包括皮具及波鞋等。於2020年上半年,海關已偵破3宗類似案件,檢獲約1300件懷疑冒牌物品,市值逾150萬元。
另一手法為網上直播,即以限時促銷大量冒牌物品。於2020年9月,海關首次偵破「直播帶貨」手法的案件,檢獲逾2000件懷疑冒牌飾物,市值約10萬元。
版權及商標科技罪案調查組指揮官王誌賢指,假借代購名義出售冒牌物品的人士,均自稱能直接向外地供應商取貨或自設團隊在歐美代購,又訛稱他們購入的物品為原廠貨源,有單有盒。有賣家表示,他們出售的為VIP貨品,亦將貨品定價為正貨的6至7成,標榜優惠價或「開心價」吸引買家。
以疫情作藉口拒面交
王誌賢續指,直播帶貨以限時促銷或「快閃」,吸引消費者加入,達致促銷效果。而直播帶貨主要在晚上進行,每次約2至3小時。有個別賣家為逃避執法人員,更會於深宵時間進行,歷時長達5至6小時。亦有賣家於黃昏時間進行,增加曝光率。過程中,如買家看到心宜物品,就可留言留貨,賣家其後再自行聯絡。交收方面,有人以疫情作藉口,拒絕面交並改以速遞公司送遞。有賣家需提及可面交,並著買家先落訂金,而過數後再拒絕見面,轉用速遞,令買家未能當場檢查貨品,待收貨後方知被騙。.....................
於過去4個月,海關喬裝顧客,在商標持有人協助下,進行多次執法行動,共搗破17個懷疑售出冒牌物品的專頁及帳戶,搜查17個住宅單位及店舖,檢獲共2700件懷疑冒牌物品,包括波鞋、衣物及家庭用品等,估計市值逾180萬元。行動中,海關6男16女,年齡介乎20至69歲,案件仍在調查中,被捕人現正保釋候查。
版權及商標調查科高級監督謝國強表示,有人曾在有關網上平台,直指不法分子售假貨,賣家會隨即刪除相關留言,其後立即開設新帳戶繼續營業。另外有人會在平台上用不同帳戶出售冒牌貨。謝國強強調,即使犯人嘗試以跨平台犯案,海關亦有能力追加犯人的數碼足跡等。他續提醒消費者,購買前應先留意店舖商譽、開設日期等資料、付款方式等,並要考慮「優惠價」是否合理等。
根據《商品說明條例》,任何人士銷售或為售賣用途而管有冒牌物品,即屬違法,一經定罪,最高刑罰為監禁5年及罰款50萬元。市民如有懷疑侵權活動的資料,可致電海關二十四小時熱線2545 6182舉報
油麻地水果店賣冒牌澳洲車厘子 女售貨員被捕 海關教3招分真假
海關打擊中區小販檔售冒牌貨拘3人 檢值約52萬元侵權物品
海關檢850萬元冒牌N95口罩 售價低市價一半 料經香港轉售海外
海關查廣東抵港貨櫃 檢6.3萬件冒牌及走私貨
HK01
佘詩曼一個Birkin用足7年 鍾情Hermès 白色袋款唔怕污糟
佘詩曼上月難得回港過年,即時四圍去朋友。小休過後,阿佘日前繼續北上賺人仔,完成隔離之後嘅佢,現身上海機場,手挽白色Hermès Birkin包包,再配上已斷市嘅Fendi Zesty Monster Key Chain,貴氣之餘又不失童真,雖然手袋再匙扣逾18萬,但對吸金力極強嘅阿佘來說絕對濕濕碎。未知係未因為終於完成隔離,阿佘心情特別靚,沿途不停同粉絲吹水,有粉絲大讚佢國語進步不少,阿佘就話一直有搵老師惡補,仲即場示範北京口音嘅國語。
無論係Birkin定Kelly,阿佘都揀白色。
其實呢個白色Birkin,阿佘早在2014年時已經入手,不過當時佢就扣上Chrome Hearts 銀鏈,較為型格,一個Hermès用足7年,仲可以保持得咁新淨,確係惜物。而除咗Birkin之外,阿佘仲有一個白色Kelly 32,炒價約為23萬元。
手上呢隻Daytona已屬古董級別,炒價80萬左右。
勞力士6263 有白面黑圈或黑面白圈兩色。
阿佘在2016年離巢後成立個人工作室,人氣及身價一直高企,劇集、電影及品牌代言不斷,吸金力極強,作為圈中小富婆的阿佘在打扮方面亦相當講究,由日本Maison Mihara Yasuhiro、Sacai到國際品牌FENDI、Dior、Balenciaga通通都係佢出身出現過。至於手錶方面,阿佘似乎較為鍾情勞士力,由4萬多元嘅Oyster Perpetual 36,到極難入手、炒價逾80萬港元嘅古董Daytona Big Red 6263,阿佘都能夠輕易擁有。早前佢喺香港時,就曾經戴住呢隻80隻「玩具」去探梁靖琪兒子Roman,仲母性大發餵對方食飯。
Hermès Jypsiere入手難度較為低,價錢約為6萬元左右。
身穿紅色FENDI冷衫嘅佘詩曼,裡面配上同一品牌嘅白色crooped-tee,加上啡金色及肩短髮,又一次成功減齡。

香港邊度買勞力士 在 果籽 Youtube 的最佳解答
要數一個擁有最多火山資源的國家,不得不提及的,一定是南美小國厄瓜多爾。這個位於安第斯山脈北段的國家,在短短300公里的邊界上屹立着接近一百座火山,而當中高度超過5,000米海拔的火山更佔二十幾座,所以說厄瓜多爾是火山之國實在絕不為過,喜歡爬火山的登山者不容錯過啊。一般人從首都基多(Quito)出發都會到訪Quilotoa火山,那邊有一個很大的火山口湖,而且海拔不超過4,000米,相對難度較低而且比較容易到達,被譽為厄瓜多爾最美麗的健行路線。然而這次我會帶大家到另外兩個比較少人去,而且海拔均超過5,000米的火山健行,適合有基本行山配備和經驗的讀者參考。
=========
全新副刊,推動知識文化多元。培養品味,立足香港放眼世界。不畏高牆,我們站在雞蛋一方。
《果籽》 栽種品味,一籽了然。
https://hk.appledaily.com/realtime/lifestyle/
相關影片:
【性格小店】71歲前江湖大佬利時商場開古着小店 奄尖揀客嫌戴勞力士Rolex同大媽無品味(果籽 Appledaily) https://youtu.be/xswqQs-b2fQ
【美魔女】47歲凍齡靚媽操肌玩健美 「我怕老怕更年期,想早啲操fit自己!」(果籽 Appledaily) (https://youtu.be/g2y8GL2U6ok)
【重案解密】特務生死戰 — 生擒行刺名人殺手 前G4長七:最唔似的就是特務 (壹週刊 Next) (https://youtu.be/RleGdqACzI8)
【入行前喺雜技團賣藝】Bingo姜皓文: 無綫嗰啲踩雞蛋、吳剛食炭係我哋教 (壹週刊 Next) (https://youtu.be/T8gvvmlSXZQ)
【灣仔燒味老字號】17歲做大廚 自立門戶35年 油雞酒味濃 老闆:好做嘅食物唔會好食(飲食男女 Appledaily) (https://youtu.be/svAF8pKszw0)
【生命鬥士】值得鄭秀文都讚 前女歌手車禍癱足27年 靠聲控製花椒辣椒油:即使手腳不能動 腦袋仍可很靈活(飲食男女) (https://youtu.be/gREGjaLELTg)
【借貸逾10億】葉玉卿以愛共闖「面子關」承認老公申請破產 (蘋果日報 ) (https://youtu.be/3Gle3Uo0WzI)
【全球樓行「戀殖」張堅庭 籲BNO送子女赴英 授英倫買樓三大秘訣 (蘋果日報 ) (https://youtu.be/o2itR_w6Ezs)
#厄瓜多爾必爬 #第二高活火山 #果籽 #StayHome #WithMe #跟我一樣 #宅在家

香港邊度買勞力士 在 Rolex 勞力士香港新貨二手交易區 - Facebook 的美食出口停車場
Only members can see who's in the group and what they post. ... Anyone can find this group. Hong Kong. ... <看更多>
香港邊度買勞力士 在 一直以來,Rolex勞力士在大家心目中好比一隻實力藍籌股 的美食出口停車場
去勻全世界買勞力士邊度買Rolex最抵? - 香港經濟日報- TOPick - 休閒消費 · 一直以來,Rolex勞力士在大家心目中好比一隻實力藍籌股,皆因Rolex不但保值,更可望升值,但 ... ... <看更多>
香港邊度買勞力士 在 【新手想買第一隻勞力士ROLEX ! 】為什麼間間專門店都沒有 ... 的美食出口停車場
有什麼方法可以加快速度排到貨?2022年 香港 專門店停止供錶會影響出面二手價格?入門 勞力士 無止境手錶投資炒賣swatch. 138,374 views138K views. ... <看更多>