Search
公司嚟咗個青BB嘅新同事？
圍佢啦......係圍住佢問關於綠色建築嘅嘢！
香港綠色建築議會 Hong Kong Green Building Council
#香港綠色建築議會11週年
#HongKongGreenBuildingCouncil
#綠建長知識 #綠建一加一
沙田係我成長嘅地方，作為其中一個最早發展嘅新市鎮，其實好多樓已經超過30甚至40年，慢慢老化變成一個舊區。呢啲無論係商用定住宅樓宇嘅設施，其實都同幢樓一齊老化，能源效益低，每幢樓日日都白白排放好多碳，係我哋社區嘅一大頭痛問題。
但原來好多物業管理公司都非常關注，並已經開始處理緊呢個環保問題。就好似第一城咁，喺多年前更換咗全屋苑約9千套走廊照明系統為LED燈，每年慳到約100萬度電，減少二氧化碳排放量約60萬公斤。另外又加設「綠牆」及改善園藝，終於獲得綠建環評既有建築最高「卓越」評級。
而我亦都知道一啲落成多年嘅商場都努力更換老化咗嘅冷氣系統，轉換更高能源效益嘅新型號以減少用電，有啲商廈仲利用埋大數據，分析點樣可以令成幢建築物嘅能源更有效咁使用。
唔止保育海洋，我哋仲要好好愛惜自己身邊嘅事同物。希望香港嘅建築物，無論係新定舊，繼續為環保做多步，減碳減排變得更綠。
香港綠色建築議會 Hong Kong Green Building Council
#香港綠色建築議會 #10周年 #HongKongGreenBuildingCouncil #hkgreenbuilding #綠建環評 #BEAMPlus
就快新年喇，我祝大家快啲搵到自己嘅安樂窩！至於點樣裝修或者翻新佢，其實都有唔少學問㗎！今次就有幾個貼士教大家設計得屋企夠靚之餘，都可以好似香港好多綠色建築咁既環保又舒服，分分鐘仲幫埋你慳錢添！
唔好以為「綠色建築」剩係著重於建築物嘅外型同中央設施，室內裝修其實都佔非常重要嘅一環。例如由設計入手，好好利用天然光同對流風，加埋一啲節能家電同設備，可以節省能源消耗，長遠嚟計就可以慳水慳電兼慳埋錢；至於用料方面，挑選可再生或可循環再造嘅環保綠色建材，就可以同時減少對人體同環境嘅影響。買樓嗰陣如果揀埋有「綠建環評」認證嘅住宅，居住環境舒適啲，連病痛都少啲！
「綠建環評」係由香港綠色建築議會於2010年推出嘅綠色建築評估工具，現涵蓋室內建築、新樓、舊樓以及社區。香港十年間越來越多綠色住宅，就係由議會一直大力推動香港嘅建築物減排，令香港住宅可以內外都咁green！而且為咗方便公眾，佢哋仲有唔少工具同平台例如「綠建環評網上展覽」、「建造業議會綠色產品認證」等俾大家喺揀樓同裝修前參考，一齊喺家居上為環境出一分力。
立即睇文了解更多綠色家居設計貼士：
http://sc.piee.pw/MP28D
香港綠色建築議會 Hong Kong Green Building Council
#香港綠色建築議會 #10周年 #HongKongGreenBuildingCouncil #hkgreenbuilding #綠建環評 #BEAMPlus
#香港綠色建築議會HongKongGreenBuildingCouncil
