Nj：尋日睇咗《烈日特工：毀滅倒數》講少少
畫面、動作、場面、特技係好睇，實感好重
周遊列國、鬧市飛車追逐、沉船入水，好揼本嘅製作
不過劇情偏散，人物關係唔夠緊密，唔係好知做緊咩
仲以為係將套劇搵啲精彩位剪出來嗰種電影
原來又唔係，同劇集係有關但唔同故事，純粹一齊拍咁解
.
裡面有個任務要去香港偷嘢，又幾正
中銀大廈附近CG整咗棟虛構大樓
主角同敵人喺天台一路打一路影到香港夜景
最後仲一躍而下好似蝙蝠俠咁飛越IFC
非常過癮，似模似樣，香港人應該幾鐘意呢段
.
其實我諗我明個故事點解拍得咁唔完整，因為導演根本唔係重點講事件
而係藉此描寫個主角藤原龍也嘅內心，佢嘅過去如何促成電影裡面嘅抉擇
有很重的日式文學感，總是有些sound bites
『想走到牆的另一面』／『我已經在牆的另一面』
『當你不想再活，就嘗試只活一日。存下來的話，就嘗試再多一日』
呢啲金句比喻，真係日本片先寫到出嚟
簡單有效講到一個人物嘅心境、成長，幾有趣
.
★加入狂友fb群組【 #狂氏電影綜合症候群 】
★*// http://bit.ly/32xJWLp //
★直接交流 × 傾講電影有你帶頭！
.
#烈日特工毀滅倒數
