Search
新書出爐的夏日，與你相約麥花臣。
今個星期六日，我們將移師到旺角，把新鮮出爐的 #就係香港2021夏季號 帶給大家，與各位漫遊港式童年。而隨著三周年特別號面世，除了各款香港地圖掛牆畫和拼圖明信片，以及其他富香港特色的文創產品，更特別預備了又一山人以不同年代的香港玩具去創作的Toy Story Mania掛畫系列。就算童年遙遙遠去，沿著紙張的觸感，我們仍能重拾孩提時的純真與想像，回味箇中點滴。市集亦設有限定優惠，讓大家可以將這些「寄住香港」明信片和「掛住香港」掛畫帶回家去。
由圓市集 @en.official.hk 主辦的「港夏港廈」大型市集，邀來150-200個本地創作單位，分享各式手作及原創設計。期待你們到場，也與我們分享你的難忘童年。
【 港夏港廈 】#圓市集
日期：2021年7月24-25日（星期六、日）
時間：13:00 - 20:00
地點：旺角奶路臣街38號 麥花臣室內運動場 （「就係香港」位於J 1攤位）
#就係香港2021夏季號 #寄住香港 #掛住香港 #文創產品
#麥花臣室內運動場 #香港市集 #週末市集 #市集
《無異之地》極樂謊園（一）
對少女嚟講，佢啱啱經歷咗人生最漫長嘅一分鐘。
雖則話係一分鐘，但實際感覺就好似一整個鐘咁耐。直到部跳樓機終於停低落嚟，佢先敢慢慢張開眼。呢刻，少女依然安坐喺座椅上面，佢嘅心跳得好快，恐懼感佔據咗整個腦海，要用雙腿用力踩實地下先可以搵返些少安全感。
幾秒後，佢帶住蒼白嘅臉孔望向側邊，赫然發現原先一齊坐嘅兩個人都消失咗……當中包括自己嘅男朋友。
見狀，佢當然瞬間慌張起嚟，開始嘗試解開扣喺身上嘅安全欄。但無論點用力都係推唔開，反而令佢呼吸越嚟越困難。
就喺佢想大聲求救嘅一刻，安全欄突然自動解開。少女第一時間企返起身，強烈嘅暈眩感令到佢差少少失平衡，只能勉強走到附近嘅欄杆扶穩身體。
「哈囉。」就喺下一瞬間，一把陌生嘅女聲喺不遠處傳嚟。
少女望過去，幾米外企咗一位身穿黑色制服嘅女人。佢一手拎住白色嘅氣球，未等少女回應就繼續講落去：
「我知道妳而家一定係覺得好驚好不安，但我可以保證……好快，妳就可以好好享受呢個地方。」
聽到呢度，少女開始環視起四周。佢可以肯定，幾分鐘之前見到嘅景色絕對唔係咁樣……呢種詭異而荒涼嘅感覺，絕對唔係佢所熟悉嘅主題公園。
一直望，最後望到遠方有個位置，明顯燈光燦爛而且相當熱鬧……同呢個位置形成強烈對比。
「歡迎閣下嚟到極樂公園。」
「極樂……公園？」少女用沙啞嘅聲線重複。
嗰一邊……笑聲、尖叫聲、仲有慘叫聲，此起彼落。
*
*
*
＝＝＝＝＝＝＝＝＝
【廣告時間】《無異之初》、《時間守衡者》、《絕命上映》、《絕望走廊》、《絕無轉機》各大書局有售！
＝＝＝＝＝＝＝＝＝
【韋家聰視角】
就喺踏入廿六歲嘅呢一年，我本來平凡嘅人生突然出現翻天覆地嘅變化。首先係嫲嫲嘅過身，令我發現到存在喺自己身上嘅家族詛咒。
而兇手，係一位叫做「狄陀」嘅古老惡魔。佢為咗奪取我嘅「靈魂」，所以暗中策劃咗「無人小巴」以及「尾東樓」事件，多次令我身陷險境。
好彩多得我嘅女朋友如初，始終堅信我係遇到危機，先會搵到無二出手幫我……唔係嘅話我大概早就慘死收場。解釋返，無二係一位專門負責解決「怪異」事件嘅奇人。為咗報答無二嘅恩情，所以辭咗本來份穩定嘅工作，喺佢間「獨一清潔服務公司」度做助手，而呢個決定如初係並唔知情。
本來，我仲預期往後嘅日子會遇到更多奇異怪事，但實際嘅情況同我想像可以話係大相逕庭。由「入職」到而家差唔多半年，我基本上都係充當打雜嘅工作，平時主要係打掃下辦公室、幫下公司入貨，間中代無二去做下上門清潔（真係純粹清潔）嘅工作。
要數真係最奇怪嘅就只有兩單：一次係佢突然趕咗我同業主出門口仲閂埋門，事後話係解決一種叫做「蟲核」嘅怪異；至於另一次，就係佢喺清潔途中突然話樓上有古怪，最後揭發咗一單駭人嘅屍體發現案……
但總括而言，都係相當平淡，未曾遇到過任何驚險嘅事。雖然無二係冇提起過，但我知道佢應該係刻意咁安排，冇理由叫一個保護緊嘅人參與危險嘅事。
所以，我並冇怪責到佢（亦都冇資格）。只係心裡面一直有疑問，到底當初佢指嘅「某啲情況下需要我幫手」，所指嘅到底係咩？點都唔會係純粹打雜掛？
最後講返我身上嘅家族詛咒，雖然仲未搵到有效嘅解決方法，但感覺亦都冇惡化嘅跡象。起碼我同埋如初呢半年都可以安安穩穩咁生活，做返一對普普通通嘅情侶。
轉眼間時間嚟到九月尾。最初，我仲以為呢日不過係另一個平凡嘅一日。
「喂，你覺唔覺呢期好似多咗人失蹤？」臨收工前半個鐘，無二突然開聲咁問我。
「網上面……的確似係多咗相關嘅新聞。」我諗咗陣之後回應：「點解你會咁問？」
「只係睇下有冇人有相似嘅諗法。」佢語氣平淡咁講，睇嚟係想完咗個話題。
「其實，以無二你過去嘅經歷，應該係見慣人失蹤先係。」難得有話題講下，我當然唔想咁就結束，「既然連你都覺得多，咁應該真係好奇怪……」
就好似睇穿我諗緊乜一樣，無二突然用高深莫測嘅眼神望向我。
「你係咪有乜嘢想同我講？」
「冇……」雖然受到佢氣勢影響窒咗一窒，但我都係決定講埋落去，「只係好奇你會唔會做啲嘢去查下啫。」
「聽清楚……我唔係偵探，只係一個清潔佬。」無二回應：「有時順路會去清理下『怪異』，但『搵人』從來都唔屬於我嘅工作範疇。」佢講到呢度突然皺起眉頭，好似諗返起啲嘢，「話時話，我好似同你女友講過同一番說話。」
「但你就試過去搵我。」我行埋去工作台隔離，邊整理張台邊講：「既然你有能力，點解一直係等人上門求助，而唔試下主動去……幫下人？」
見無二冇回應，睇落又冇不滿嘅感覺，我繼續講落去：
「唔單止係講緊搵人，其實外面除咗怪異之外仲有好多唔公義嘅事，同埋一大班壞事做盡嘅惡人。只要你願意，絕對可以通通解決……」
「然後成為人民英雄？」無二企起身，行埋去茶水間嗰邊沖茶，「阿聰，你會咁諗係因為唔了解呢個世界背後嘅運作模式。你試諗下，喺遇到我之前，你有冇喺新聞或者網上面見到過任何奇人異事……講緊係真實存在，有證有據嘅。」
「呢層……」一時三刻要數，確實係數唔到。
「冇，係因為我哋呢類人好清楚。就算用自己嘅能力幫人，都未必會得到相應嘅回報，甚至可能帶嚟嚴重嘅後果──輕則係殺生之禍，重則就好似幾個世紀前歐洲嘅獵巫運動咁，牽連晒所有無辜嘅人。」佢飲咗啖茶，再繼續講落去：「而有一班人，係非常積極去阻止呢種最壞嘅情況發生。」
「佢哋……會點阻止？」雖然係咁回，但我好似已經知道答案。
「點解你唔會搵到我哋呢類人嘅資訊？」無二反問：「滅聲、滅口，呢個就係佢哋嘅工作……所以，雖然唔敢講其他人，但我個人從來都唔奢望去做乜嘢偉大英雄……只係喺有限嘅位置，做自己可以做嘅嘢。」
聽到呢度我沉默了。正如無二所講，我確實係唔了解呢個世界背後嘅運作模式。或者，當中嘅陰暗面佢都只係輕描淡寫咁帶過……
難怪，每次有人上門搵無二幫手，佢都總係小心謹慎。
咦？諗到呢度，我注意到工作台上面有一張之前未見過嘅香港地圖。本來地圖並唔係一件奇怪嘅事，怪在係上面標咗幾個點……當中幾個係用紅筆圈住，幾個係畫上問號圖案。最先吸引我嘅係深水埗同太子之間嘅一個大問號，因為我舊公司正好就喺附近。
就喺下一刻，無二正好行到我附近，一個順手就拎走咗張地圖。
我正想好奇下，但就喺呢個時候，大門嗰邊突然傳嚟門鈴聲。
打開門，面前係一位年紀應該同我相近嘅少女。佢一頭長髮、綁起馬尾，戴住黑色大粗框眼鏡，感覺係有書卷味嘅文學女生。
「請問……呢度係咪獨一清潔公司？」少女問。
「嗯。」佢顯然係冇睇到大門嘅招牌，但我都係客氣咁回應：「你係咪想搵人上門清潔？」
「唔係……我係想搵一個叫做無二嘅人。」少女搖搖頭，不安咁講：「我想佢幫下我男朋友。」
「妳男朋友發生咩事？」
見到呢一幕，我不禁諗，當初如初上嚟搵無二嘅時候情況係咪類似咁樣？
「自從……上次同我去完海馬公園之後，佢就變到好古怪。」
本來平凡嘅一日，由少女嘅到訪開始「變異」起嚟。
（待續）
《無異之地》正式開始連載。希望可以喺呢個艱難時節為各位帶嚟些少樂趣，睇完不妨留個 #香港加油 呀。
我哋 100 SHARES 繼續，暫定星期三／四出。
最後，祝大家聽日武運昌隆，五大訴求缺一不可。
＝＝＝＝＝＝＝＝＝＝＝＝＝＝＝＝＝＝＝
【非呃嬲植入式廣告時間】《無異之初》《時間守衡者》《絕命上映》《絕望走廊》《絕無轉機》《無限次告白》《醉後的藍》已經登錄各大書局。
IG: echoofheart
呢兩個幾星期嘅假期都幾攪笑，
1)原定嘅墨爾本新西蘭因特別問題飛唔到，
2)請咗假唔好漇，好急咁買咗三日台中，
3)台中意外地有驚喜，洗脱我唔鐘意去台灣嘅感覺。
4)晚上6:00返到香港，第二日一早5:00又到機場，join朋友福岡4天再繼續留多4天。
5）台中WiFi egg 未還🤣俾人罰錢，遲一日貴過本身租4日。
6)慶幸咁遲book都book到私人風呂溫泉酒店，仲要落雪。
7)可能因為咁有啲亂，我竟然book漏咗一日酒店。
8)6:http://xn--00pmbooking-3p8q.com/ 搵酒店，情急下book左間竟然喺朋友嗰間對面馬路。
9)酒店工作人員可能未見到booking , 因為我book完google一下地址時，發現在對面，前後無五分鐘就check in 。
10)上到房有驚喜，一般去日本大家可能都知唔方大間房，推開門，咦！有四張床🤪即刻叫埋對面酒店嘅朋友過黎hea。
11）之後四日無book車周圍逛，竟然食咗個好好味西餐。
12)最後一晚仲喺住吉嘅地方貪近食咗個燒鳥，好食到癲，雞翼去骨但有留兩支野喺度，正。呢間仲要係之前一晚夜媽媽行錯路時發現。
13)拖篋搭的士時，的士叔叔好唔專心，竟然拎張紙畫香港地圖俾我睇，話自己去過3次香港，但佢架車揸緊喺十字路口正中間。
14）落機去免税店買酒，要買嗰隻剛好得返display 嗰2支，照要。
15）行李帶上發現我個篋少咗個碌=.=凸
16) 廉航公司話我地係廉航你搵保險賠啦，俾封信你。
17）好彩我有個好阿哥嚟接我
18）阿哥喺車場地下發現個背包，佢唔敢開但叫我開，最終拎左上機場詢問處同埋加入機場fb群組，希望嗰個人識去認領。
19)同時掛住處理人地個袋，自己啲野漏咗喺路邊行李車仔上，好彩阿哥開車前睇到，即刻攞返兩支酒。
20)無論台中定日本我都買左好多野諗住新年送禮 點知全部啲最佳食用日期都去唔到年三十晚🤦🏼♀️
我返嚟喇，明天繼續為放假繼續努力。
聽聞香港好凍喎~
