關於 香港任天堂客服 ，我們在網路上蒐集到這些相關的討論、資訊與評價

［泛美客機］可以回憶。埃汾以前追個空姐都係做港龍。但追不成。

南早報導：Cathay Pacific ‘to axe 6,000 staff and Dragon brand’ in bid to stay afloat（https://bityl.co/42zJ）

未係官方，係南早爆料，但南早明顯有內線（又或者根本有人放料）。正如上次 新加坡travel bubble都係佢地最早爆，1:00左右就出咗。「如果12點前爆就有得買」（而你睇嗰日，國泰十一點幾股價炒晒上去，我打死唔信冇人知，但不是本文重點）

畢竟好多人被炒，就正經啲唔好傷口落鹽了。埃汾向來都唔鍾意跟紅頂白，相反係人人吹捧我先潑冷水。

想講幾樣嘢，應該互相無關係，排名不分先後

第一，許仕仁識食。貫徹佢住又要禮頓山，紅酒又要靚，歌劇又飛去歐洲睇嘅作風。再講一次，許仕仁好識食。仲唔明？咁睇文。（https://bityl.co/42x7）

第二，其實疫情之前，已經有討論係咪應該放棄港龍呢個Brand．買埋快運後仲有冇必要？但當然，當中又涉及大陸啲麻煩嘢，搞搞搞一大輪，而家當然係big bath kitchen sinking 一鑊過全部做晒，幾時都係咁玩。但當然唔要個Brand per se不等於要炒人（頂多炒幾件marketing），正如留個Brand亦不等於不炒人，兩者可以冇乜相關

第三，又其實，「國泰港龍」呢個Brand先用咗三年幾。之前係乜？「之前就咁叫港龍」。所以好難怪啲人覺得管理層開會真係so 戇鳩，出trip一大堆brainstorming又搵consulting firm搞一大輪就係做啲咁嘅嘢。然後3年又摺埋佢。成件事十分WeWork，十分欣榮花園購物商場（https://fbook.cc/3HLx）．「可能兩年有快運港龍出返嚟」

第四，當年嘅任天堂灰機（＊），係有「港龍」品牌（https://bityl.co/42xx）的，唔關Airline事？但我記得個logo好似差不多？

第五，有網友問，買乜好（香港精神！），買293定19？答案：梗係買有港龍logo嘅嘢，絶版啦，飛機又好，杯又好，飛機杯都好。笑？上次廚叉咪賣過二手飛機盃！埃汾有報導！（https://fbook.cc/3HM7）。遲下啲制服呀，袋呀，好似PamAm咁成為絶唱了。

第六，私人嘢放最後。我未結婚前追過個港龍空姐（有乜出奇？），打後我就refer佢as「50萬空姐」，自己意會下點解。想當年我係開咗佢Excel研究呢個計劃嘅可行性（好友廖博士對此半佩服半恥笑）。而早排Economist 有篇文講A growing number of people are organising their love and sex lives via spreadsheets. （https://bityl.co/42xO），我真係走在時代尖端。

（＊）灰機（＊＊）呢樣嘢，值得我打多篇文回帶講。首先，後生仔真係唔識，但任天堂紅白機你可能聽過。紅白機係水貨，唔suppose在外國賣，冇代理，但當然要買好易買到，全旺角都係。灰機就係拎正代理嘅「行貨」。日本當年係有呢啲出口垃圾好嘢留返本土嘅習慣。灰機就是好撚垃圾，成撚日都接觸不良，個撚個小朋友都要用吹濕佢．但凡有人同我講「水貨」係犯法，或者劣質，我必定講「紅白機」三個字回應。真自由L右翼冇理由唔支持「水貨」，代理根本就係暴政，rent seeking，收貴你仲要賣垃及。「水貨」冇保障？你都戇鳩。日本人啲工藝咁好，我部紅白機玩撚到變超任都冇撚壞過。行貨灰機？你老味我冇撚見過個代理幫我吹（Literally）

（＊＊）資深讀者聽過，但冇法唔回多次帶。而家啲小朋友都仲打緊「薩爾達傳說」（＊＊＊），對不？但元祖「薩爾達傳說」當然係在紅白機，好撚好玩。但，打灰機你就仆街了。點解？因為有一關迷宮，有款怪物，好難打，叫大耳怪。就咁打打撚到天光。但，有秘技的—因為紅白機個控制器有咪高峰，你對住個咪叫，啲大耳怪就會消失！不得不服日本人創意。但，你打灰機就仆街！因為灰機係冇呢個米高峰的！戇鳩到一個點！

（＊＊＊）而家資訊咁流通應該好多人知，但都介紹返，個遊戲叫「薩爾達傳說」，但「薩爾達」係個公主，唔係主角。文青講句，埃汾偶像F. Scott Fitzgerald（大亨小傳 The Great Gatsby），佢老婆就叫Zelda．「薩爾達傳說」遊戲個主角，笠綠帽拎盾牌嗰位，叫「林克」（＊＊＊＊）。正如科學怪人Frankenstein，Frankenstein係個科學家，唔係隻嘢！

（＊＊＊＊）「薩爾達傳說」二代就叫「林克冒險」，更加好玩。

--------------------------------------------
Ivan Patreon 狼耳街華人，一星期至少三篇港美市場評點，其他免費好文推介，每日一圖，仲有FB Page post summary．一個月一舊水唔使，開張兩個月已 600人訂，仲有兩篇免費試睇：https://bit.ly/31QmYj7

--------------------------------------------
Instagram @ivanliresearch．七成金融（短打）兩成嘢食一成其他嘢。
--------------------------------------------
［收費短片第十擊］人民幣升值受惠股，美股二線科技股揭秘
課程資訊：https://homebloggerhk.com/course_detail/?code=CC010
內容:
*軟件股IPO狂潮
*買平台股好過
*人民幣強勢買咩好?
本星期內特惠售價: $80
課程編號：CC010
觀看期限：首次播放後一星期及限每影片４次
客服whatsapp: 63832145

［天才與白痴，你痴定我痴？］精神病院：「蘋果同一百蚊紙，你揀邊樣呀？」「梗係揀一百蚊紙啦」「好食好多」（https://ggle.io/3XpK）

1. 唔知幾時開咗呢種開戶送股票嘅gimmick，都OK嘅

2. TLDR：非官方統計，百份之九十嘅人，都係點wine list 上第二平嘅酒。有冇做餐廳嘅讀者證明下？

3. 純技術討論，冇叫你幫襯。實則我應該叫你唔好幫襯添，因為同行如敵國，我總冇理由在呢度倒我公司米。

4. 但，純技術討論。介紹返先，SoFi，開頭我以為係讀蘇妃，真係蘇菲的世界，酥妃蛋撻皇后。原來係蘇快，蘇蘇快靚屎，阿美利堅嘢。好。

5. 我開頭仲以為係So-net（＊），回憶返晒嚟！因為佢送一股罪大滔天嘅索尼嘛！梗係送一股，唔通送一手？美股冇一手喎！日股？好似有。但索尼在美國有直接上市，SNE嘛，之前啲收費片講過的！

6. 講返，你唔識得我唔緊要，但你識得美國運通American Express啦（介紹返，上市編號唔係AMEX，係AXP），動視暴雪，聽落怪雞，但男讀者應該估到，係 Activision Blizzard。咁罪大滔天嘅索尼唔使講啦，清朝到而家（＊＊）

7. 揀邊股？都幾簡單，「睇價錢」，美國運通105蚊一股（美金啦），動視暴雪80，索尼74（果然罪大滔天），仲使諗？梗係美國運通

8. 咁你話，增長前景呢？關人蛋治咩。「你好鍾意索尼嘅咪沽咗股美國運通佢換馬去索尼，仲有30蚊美金找返畀你食飯」（實際上有交易費用啦下，但唔知收幾多，自己去so-net問）

9. 然後你話，扯，咁笨嘅？咁玩法人人都揀美國運通啦，因為個個都想快手沽咗佢嘛。講真，1萬蚊港紙，送返800蚊股票畀你，仲只係一個月咋喎！8厘回報，「annualize咗佢都幾係嘢」。真的，同抽埃邦一樣，你人生有做過幾多嘢更加有生產力？一個月執8厘喎（＊＊＊）。可惜只限一皮嘢，同埋要維持一個月。但，如果你一皮嘢港紙維持一個月都唔得嘅，「都係唔好買股票啦」

10. 話說回頭，係我咁諗法啫，點解公司揀啲都算偏門嘅股票？我冇見過任何一間公司送動視暴雪。「可能真係睇中啲毒撚，真係要索尼唔要美國運通」

11. 但另一可能就係：你以為公司笨啫，哈哈哈，我梗係揀美國運通，佢咁Q笨架。

12. 實情，君在夢中啦。人地早兩個月，係送一股蘋果呀（https://bityl.co/429W）！難逃我法眼！咁一股蘋果（當然講明係拆細後），當然又值錢過一股美國運通了。「你以為叻咗，其實都係蝕咗」
13. 但，畀啲客，有一個「好嘢我game the system」嘅滿足感，係好重要的，「我就係唔識搞呢啲」。

14. 應該聽過下餐牌紅酒理論啦可（https://bityl.co/429b）？好多人都係叫wine list上第二平嘅酒，原因當然係心理。我另外好似睇過篇文（搵唔返），話另一熱門就係第二貴嗰支。當然餐廳亦知你呢個心態，然後而家啲人就唔再玩叫第二平嘅酒，道高一尺魔高一丈。但重點係，啲人係覺得，叫第二平嘅酒，抵啲。「最平好似太核突驚畀女笑」「肯定最平嗰支係賣垃圾」。同樣地啲人叫第二貴嘅酒都係差不多心態，「本人畀得起，要impress條女」「但最貴嘅劏客」。餐廳當然亦知你咁諗。

15. 埃汾都好似係玩呢個 second cheapest wine的，但都話我十次有九次都係飲白酒，所以好多時嗰個位唔會有幾多嘢剩

16. 又，我最鍾意，都係某啲歐洲餐廳嘅餐牌—男士嗰份就有價錢，女士就冇！十分正點。但在香港應該畀人投訴，乜撚嘢呀，而家阿姐食唔起呀？你憑乜覺得一定係男人請？「港女好獨立呀」「不過做男人要有風度」。事實香港少啲見，但台灣呢，陳嵐舒在台中間Le Mout之前都有呢個傳統。

17. 如果我冇記錯呢，wine list就得一個（之前有人研究過點解唔會有兩本wine list畀情侶／夫婦）。否則可以踢畀埃汾太，無價錢之下揀，希望唔會飲到我破產　（但現實上不可行：首先埃汾好多時唔飲酒，就算飲都白酒，而埃汾太飲紅酒。同埋整體都唔飲得多，大家都by glass，各自各點）

（＊）Sonet有首主題曲，呢首你唔識唱啦掛！Mango Wong 王秀琳嘅《IT情人》！我的資訊很有用呀！（https://ggle.io/3Xp8）。又，原來係改篇韓文歌，當年邊入流丫，但在你以為不入流時人地已經起晒格….命。（好多人連個革字都未識讀呢）

（＊＊）in case真係有人問，SONY係二戰後成立嘅，清朝未有。任天堂就真係清朝已經有啦！光緒年間。

（＊＊＊）BTW：拜仁慕尼黑拎德甲，而家有1.13，13厘回報，正路4月已經收錢，半年唔使。仲要可以買幾廿萬（馬會上限幾多？）！唔好話大師唔益你，到時中咗唔使多謝我。「輸咗呢？」。就梗係你問題啦，家下我拎支槍迫你買？

———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張兩個月已600人訂！仲有兩篇免費試睇：https://bit.ly/31QmYj7

———————————————————
instagram @ivanliresearch．七成金融（短打）兩成嘢食一成其他嘢。

——————————————————————————
［收費短片第十擊］人民幣升值受惠股，美股二線科技股揭秘
課程資訊：https://homebloggerhk.com/course_detail/?code=CC010

內容:
*軟件股IPO狂潮
*買平台股好過
*人民幣強勢買咩好?

本星期內特惠售價: $80
課程編號：CC010
觀看期限：首次播放後一星期及限每影片４次
客服whatsapp: 63832145

［大家只睇到金融嘅胸部，睇唔到金融嘅凶暴］如是我聞。忽然間隻嘢就跌三成架啦，個市冇事冇幹喎，下調收入指引幾個巴仙之嘛。

TLDR：一隻股票跌咗三份一，係要升返五成。呢條數我到而家都唔知點計。同場加映—財經演員的自我修養（我估好多人係睇呢part）（＃）

1. 其實冇乜特別，但友台 有米落鑊 - 馮宏遠阿米講起，又有啲啟示。呢隻Fastly（FSLY），上星期前我係聽都未聽過的。原來又係雲計算，OK。當旺。高峰都係100億美金市值左右，唔算太大。

2. 重點係，做乜之前（星期四）忽然急跌？原來係下調咗第三季收入指引（美股好多公司都會畀）。點解下調？因為最大個客幫襯少咗。邊個係最大嘅客？ByteDance 字節跳動。仲唔知係乜？Tik Tok．仲唔知係乜？即係抖音（＊）

3. 最大嘅客被美國搞，股價跌唔奇。奇在而家先忽然跌。仲有，唔係字節跳動唔再幫襯，只係收入少咗。具體嚟講，之前收入指引係75.5-73.5m美金，而家係70-71m—7%不夠，但股價就跌三成。

4. 固然，收入跌7%，利潤跌幅可以遠超於此。但重點並唔係呢樣，正如阿米所講，股價高處不勝寒，之前升咗5倍（2019年5月先上市），市場期望極大，就絶對容不下少少出錯空間了。況且仲要係細公司，仲要係蝕緊錢，margin of safety極細，稍為有小小問題，大家就即時散水。你又唔係有乜護城河，升咗5倍我點解唔沽？

5. 股價連跌兩日，就已經冇咗35%—亦留意第一日裂開低開三成咁滯，根本冇得你走。總之就係你一開就見到股價冇咗三成幾。

6. 但我其實最想講嘅係，一個小學數學問題，困擾咗好多人好多年，亦係投資嘅真諦，畢菲特法則嘅第一條（同埋第二條）

7. 請問，一隻股票跌咗35%後，要升返幾多先回家？答案唔係35%，係54%。呢個實在令人好困擾

8. 然後又係撫心自問時間，唔好計你買波買馬贏到10倍100倍啦，講真你贏十皮嘢都唔會改變到你任何生活水平（一球嘢……就應該有啲影響）。

9. 計serious money，有幾多人，一隻股票賺到50%？唔使答我，自己諗。更加唔好講，咁多隻夾埋搵到50%

10. 而一隻股票忽然間輸你35%，係一晚嘅事。仲要係冇乜特別事，唔係雷曼爆煲，唔係世紀疫症，唔係中美開戰。只係一個冇乜特別嘅消息。

11. 但你，就been left a mountain to climb了。贏返五成，慢慢。我更唔知如果話「堅守止蝕」嗰啲係咪星期四開市就打靶，根本一百個有九十九個都唔會啦。（但話說回頭，星期四即斬，真係輸少啲喎）

12. 當然冇人知，可能之後Fastly升返幾倍呢，有幾出奇。你睇返亞馬遜2000年嗰時啲股票？坐幾多年先返家？Never Say Never

13. 但愚見認為呢，真係唔使咁多招式。畫撚埋一大堆圖呀，又水星逆行呀，又睇當撈侵八字呀，又聽KOL講中美大戰呀乜鬼，23000買 25000止賺 穿 22000就止蝕呀咁炒上炒落（＊＊），十居其九係浪費時間。固然有人咁發達，但一般都唔係你。

14. 簡簡單單，買隻大企長渣，有幾難？固然而家甚麼FAAMG之類開始樹大招風，富不與官鬥，但佢地就被人目上了。但仲有好多其他公司，Tech嘅，大把人買Tesla Netflix之類，PayPal VISA我亦寫過（VISA都Tech？）。Non Tech嘅，ig有貼啦，Black Rock，LVMH，Nike都創新高。仲有讀者提過啲咩Domino呀，Papa John呀之類—增長快過Google添！

15. 之後可能都會出多啲短啲嘅文（可惜呢篇個後記又長過正文，耐唔耐會咁，有得我），刷下存在感同收視。大家鍾唔鍾意？正路多數係答長短唔重要，最緊要有用。但，邊有咁多時間？永遠都係idea太多，時間唔夠。可能都要學下另一隔離台 規佬筆記 Compliance Notes 咁多啲短打（係喎，其實虧佬同阿米會同埃汾一齊食飯的，「嚟嚟去去都係嗰班友」）

16. 循例叫下大家，想支持埃汾嘅，最好就join Patreon（https://bit.ly/31QmYj7）．唔想科水嘅亦理解，咁記得share like and comment（煩，但很重要）。另外，Instagram都多嘢睇的說（@ivanliresearch），我甚至懷疑太多嘢睇會自己打自己。

------------------------------------------------------------------
（＃）好多次都有人話啲（＊）好睇過正文，「咁不如以後埃汾寫（＊）得啦」。Nonono，唔得嘅。正如餐廳賣酒水利錢高，但總唔可以只賣酒水嘛！共生的。亦正如我都寫過，航空公司下面嘅里數計劃仲值錢過航空公司本身，基本上好多航空公司係負市值，由里數計劃貼住（https://bityl.co/41iN）—但邊係咁簡單呢？否則間間都摺埋唔使飛只做里數計劃啦，兩者共生嘛。拿，又學到嘢啦，訂Patreon啦（https://bit.ly/31QmYj7）

（＊）正如WeChat唔同微信，嚴格嚟講TikTok真係唔同抖音，你在香港都用唔到TikTok但用到抖音。但至於Hungry Jack's係咪即係Burger King…….就睇你點定義咯。

（＊＊）Bonus：其實我由頭到尾都唔覺得自己係財演，但你鍾意叫亦冇乜所謂。你叫我死仆街我都唔會少咗一個仙身家的。亦正如 李兆富/利世民 （已豹隱）同 高明 話頭，咩係財演？你在電視報紙見到嘅咪財演。所以畢菲特，陸東，索羅斯都係財演，李嘉誠都係。咁邊個唔係？李德義呀（唔係唔識呀？），鞋王呀之類咪唔係財演，唔係有意外（老婆搞上黃長X梗係意外，唔通愛到入城大要分開預計之中咩）（我到而家都唔知呢句歌詞填乜撚），佢地點會上報？想講返，我真係仲有上電視，畀觀眾問冧把嘅年代，真係有啲人打嚟會問，「呀李生我呢40蚊買咗隻1919呀而家點算好呢」（＊＊＊）。「除咗叫你安息我都唔知講乜好」。但同時亦有人真係打嚟話「呀李生我呢50蚊買左隻騰訊呀而家應該點好呢」，我懷疑呢啲人係反社會人格打嚟演嘢的。無論如何，可以話畀你知，嗰啲節目絶對唔造假唔使做媒，因為真係好Q多人打上嚟問！以前電台節目，有啲友FAX份10頁長嘅嘢嚟問！根本唔使做媒。（＊＊＊＊）

（＊＊＊）即係舉例，其實40蚊買1919嗰個係我，以前講過

（＊＊＊＊）BTW 不吐不快講多次，好多人屌呢啲節目浪費大氣電波，我都同意。打去嘅無聊，答嘅無聊，主持又無聊，觀眾齊齊受罪。2.4買啦升穿3蚊可以take profit跌穿2.2扯蝕。我自己上去，都唔知做乜撚嘢。但—呢個係一個獎勵虛偽嘅社會。因為絶大多數人，都係將「答得快」「大聲」「唔使諗」當係自信」，然後將「自信」當為有料到。所以好似埃汾呢啲introvert係好難適應呢個社會的（＊＊＊＊＊）。我試過「講真話」架！「呀埃汾點睇呢隻乜乜動力呢」「er…….完全唔知間公司做乜」（＊＊＊＊＊＊）。結果？多幾次，電視台/電台高層就畀啲壓力架啦，喂，屌你，條友乜撚嘢唔知嘅？係咪路架，個CFA呃返嚟架（係喎，有人以為CFA係記股票冧把的，即係洗衣機壞咗你老母都叫你整啦，讀IT嘛你）

（＊＊＊＊＊）即使我啲朋友，聽到埃汾自稱係introvert，都當係笑話。但我不是杰丁，我是斯維爾。我遠遠見到識嘅人好多時都會繞路走。一大班人食飯食完飯，我總係「有下一場」，其實多數我係怕要同啲唔熟嘅人一齊搭車然後中途諗話題做small talk，「玩電話又唔多尊重人咁」「但未有電話玩嘅年代更加惡夢」

（＊＊＊＊＊＊）香港千鳩兩千幾間上市公司，我真心佩服啲行家可以隻隻知道做乜—但更神奇係好多時啲觀眾都知！幾時都話，香港地使撚「投資者教育」？街市劏雞嘅都知咩叫引伸波幅縮vol，我肯定全世界都冇一個地方係咁。我唔撚信在築地劏吞拿魚嗰啲知道點解日經指數冇任天堂份。

-------------
Instagram @ivanliresearch．七成金融（短打）兩成嘢食一成其他嘢。

----------------------------------
Ivan Patreon 狼耳街華人，一星期至少三篇港美市場評點，其他免費好文推介，每日一圖，仲有FB Page post summary．一個月一舊水唔使，開張兩個月已 600人訂，仲有兩篇免費試睇：https://bit.ly/31QmYj7

------------------------------------------------------
［收費短片第十擊］人民幣升值受惠股，美股二線科技股揭秘
課程資訊：https://homebloggerhk.com/course_detail/?code=CC010
內容:
*軟件股IPO狂潮
*買平台股好過
*人民幣強勢買咩好?
本星期內特惠售價: $80
課程編號：CC010
觀看期限：首次播放後一星期及限每影片４次
客服whatsapp: 63832145