關於 飲水思源 推 恩 佈 德 ，我們在網路上蒐集到這些相關的討論、資訊與評價

現在知道為何蔡政府拒絕佛光山捐贈疫苗因爲他們不認為星雲大師是台灣人，a joke!

真愛台灣 哭一次吧！
作者：佛光山開山星雲大師

我李國深，民國十六年生於中國江蘇江都縣，12歲時，因為父親在日本 發動的南京大屠殺失蹤，尋父不着，就在棲霞山出家。我在出生地揚州住了12年，在南京和鎮江住了12年，在台灣住了66年了，我90歲了。

回想民國38年春天，我率領僧侶救護隊，在太平輪沉船失事後幾天，飄洋過海抵達台灣基隆港。60多年來，我在台灣，承受台灣同胞的照顧，台灣米水的滋養，讓我能夠弘揚佛法，完成我發展佛教的願望。對於寶島台灣，我的感恩是無窮的。

儘管如此，我在台灣住了六十多年，台灣並未承認我是台灣人，反而我周遊世界弘法如美國、澳洲，短暫居住過的城市給了我十多個“榮譽公民”。一直到這幾年，我住過數十年的宜蘭市公所才賞賜給我“榮譽市民”的認可。於此，我也非常感謝了。

時至今日，我仍不禁遺憾，在台灣超過一甲子，甚至馬英九、陳水扁，他們都比我遲到台灣，但他們能做“總統”，我卻連做個台灣人都不能，所以只有自稱“台灣中國人”。

記得1989年，我回到闊別四十年的故鄉探親，家鄉的父老也不認識我了，都説：“這是台灣來的和尚。”我不免慨想我究竟是哪裏人呢？後來我只好説，只要地球不捨棄我，就做個“地球人”吧！

當我跟移居世界各地的華人説“我是地球人”時，馬上得到熱烈的共鳴。或許同樣遠離家鄉，客居異域，都有一段顛沛流離的悲情故事，既知道自己是中國人，但和中國又距離那麼遙遠，在血源、種族上，大家是改不了的中華民族，於是就一致認同我，跟隨我做地球人了。

正如先賢 唐朝 鑑真大師，在旅居日本十餘年後，自知老邁無法還鄉而説的遺偈：
“山川異域，日月同天，
寄諸佛子，共結來緣。”
我對手足同胞也是一樣，
大家今生有這樣的因緣，
希望來生再結炎黃子孫的緣

66年漫長歲月，我隨着台灣經歷了戰後初期百廢待興的刻苦艱辛；從戒嚴時期，白色恐怖的時代，當然也經歷篳路藍縷的十大建設時期，我為台灣的百花齊放，創造經濟奇蹟，成為亞洲四小龍之首而感到與有榮焉。乃至第一次政黨輪替後，見證了自由民主帶給台灣的美麗與哀愁。你們66歲以下的人，能解我跟台灣成長的心情？

我嘗過白色恐怖的迫害，也曾因不實的密告坐過牢獄，在槍林彈雨、多少次的死活中，僥倖地延長了生命歲月。尤其來台初期，我受過警察不止百次以上的調查，謠言、耳語、省籍問題，以致我投宿無門、衣食無着，可以説，我在台灣也有過一段辛酸的歷程。
所幸，出家人一向有“處處無家處處家”的性格，我曾經數度環島，走過台灣兩、三百個鄉鎮；我跋涉過溪水河川，也曾在農村睡過豬舍牛房；我翻越高山峻嶺，行腳過八仙山、太平山；我也多次在南北台灣的神廟前，或農家的曬穀場上佈教宣講；我領略寶島各地的人文風光、自然景觀。

我曾在半夜上阿里山頂看日出，也曾徒步到日月潭，與原住民好友“毛王爺”談心，還與他讀國民小學的女兒“三公主”合影。對於阿里山、日月潭，我也和現在的大陸人一樣充滿嚮往。
鄭成功管理過的新營、下營、柳營、左營、台南赤崁樓等地方，也曾令我發思古之幽情。我留連在高雄紅毛港、花蓮的海港，我站在野柳女王頭的一旁，望着大海，自豪於中華文化隨着海水流遍十方，可是這片大海，怎麼把我們兩岸同文同種的同胞隔得這麼遙遠？令人不禁感傷。

那數十年，我在北宜、北橫、蘇花、南迴等公路留下腳印；蔣經國先生開拓中橫公路，我在太魯閣燕子口、九曲洞，不止數十次徘徊，欣賞台灣雄偉奇妙的寶地山川，也曾為修築這條公路的數百名殉難工作人員祭悼祝願。我發願將佛法的真善美，散播到寶島的每處角落。經過汗水淋漓、雙腳踩過的每一寸土地，我與它產生了生命的連結，血脈相通，你能説我不愛台灣嗎？

回憶60多年前，在那個威權的時代，佛教在台灣並沒有發展的空間，但我憑藉青少年時期對佛教建立起的虔誠信仰，不斷到各鄉鎮、漁港、農村去佈教，因為化世益人就是我的責任。我們敲鑼打鼓地喊道：“各位台灣的父老兄弟姐妹們，咱們的佛教來啦！咱們的佛教來啦！”

那些聽到我呼聲的民眾，他們也無懼於蔣夫人宋美齡以異教徒身分的權威壓制，都站出來跟我一起共同呼喊！”台灣的父老兄弟，大人、小孩魚貫的拿着小板凳坐下來，專心聽着跟隨青年弘法隊員唱歌、説故事。我們跨越語言、地域的隔閡，信仰裏純淨的善美真心，我們彼此交融，心意相通。 　　

那時候，一般人都嫌台灣花不香、鳥不語，《波茨坦宣言》記載，中日戰爭後，台灣歸還中國，是犧牲二千多萬人的生命，以血淚換取的勝利代價。因此，我懷抱一顆中國人的心情熱愛台灣，比起滿清把台灣割讓給日本的無邊罪惡，我更慶幸國民黨光復台灣，讓台灣重回中華民族的懷抱。

每逢台灣發生災難，我都能感同身受。從1951年花蓮大地震、1959年台灣中部八七水災、到1999年的921大地震等等，無懼地震、颱風、水患，我們募集物資前往救災，希望帶給災民一點幫助。我們協助捐建和修復十餘所學校，供給學童午餐。

莫拉克八八風災時，我在南部道場成立災民安置所，為了尊重他們的信仰、心中的價值，請來牧師為這許多原住民證道，並且在佛光山設置基督教會的禮拜堂。之後，也捐建了霧台、桃源、長治鄉等八座圖書館。

對於宗教間，我主張互相尊重、彼此包容。例如，我曾將天下文化等出版公司給我的版税，捐給花蓮基督教門諾醫院、慈濟醫院，也鼓勵信徒一起捐款協助。對於天主教真福山社福園區修道院的興建，我也曾在艱難中五年分期捐獻五百萬，聊表祝賀的心意。為了支持南投阮泰賢神父的發心，我也撥出一百萬，響應他重建天祥教堂。屏東萬鑾聖母院的老修女要返回故國西班牙，聽聞她缺少經費，我親自把機票、路費送到修道院，感謝這許多修女數十年對台灣的服務。

為了感念台灣神道寺廟的友誼，我為媽祖創作了一首《媽祖紀念歌》，並且在佛陀紀念館成立了“中華傳統宗教聯合總會”。每年他們參加朝山聯誼，彼此歡喜交流，都是種種的美好因緣。

我發起百萬人興建大學，感謝前任“教育部長”楊朝祥、成功大學前校長翁政義、文學才子龔鵬程、管理專家陳淼勝、前“教育部”政務次長林聰明都來擔任我們佛光、南華大學的校長。他們不嫌棄我童年失學，幫助我完成對社會教育的心願。

六十多年來，我和我的弟子、信徒們為台灣在世界辦了五所大學、十六所佛教學院，我辦了電視台、報紙、出版社、中小學等，如今想來，台灣佛教能有現在的盛況，我也自覺這六十多年，對台灣人心的淨化和佛教的振興，有了一點馨香的供養。也很感謝海內外各地的佛光人及認同我的朋友們，大家一起為兩岸、為世界和平努力不懈。

佛光山大雄寶殿前面，有二十四棵挺拔的松柏，我把它們都看作是中華文化的二十四孝；我又從大陸運來比樓房還高的鐘乳石、太湖石、晚霞石等，與先前在福建鐫刻的十八羅漢，它們像磐石一般安住在佛光山；尤其，我們突 破過去傳統，在十八羅漢中，特地立了三尊佛教史上的女羅漢，表達我一生倡導男女平等的主張。我們建設的佛陀紀念館，希望全世界的人都因它而看見台灣。

我愛台灣，認為我是台灣人，但不能否認，我還有大陸的故居、我的祖先、我的師長 前輩，我不能不與他們共依共存。在文化大革命時期，我在江蘇宜興 的祖庭大覺寺早就化為草嶺荒山，但到底那是我窮苦歲月時接引我入佛的寶地，也是成長我慧命的地方。感念大陸政府鼓勵我重建祖庭，現在的大覺寺超越過去舊有的建築多倍以上，藉此，也表達對國恩家慶的回報之意。

台灣2300萬人最可貴的資產，就是百姓的慷慨善良，遺憾的是，每到選舉，少部分人強烈的意識形態，讓台灣族羣分裂，社會對立衝突，人民與政府相互抗爭，選民與政黨交相指責。在藍綠的政爭之下，台灣人的温和有禮，可以在一夕之間蕩然無存。

我毫不隱瞞反對“台獨”的想法，因為我生逢亂世，一生歷經北伐、土匪橫行、軍閥割據、中日戰爭以及國共內戰。當時生靈塗炭的苦難，時隔八十年，記憶猶新，因此，對於兩岸之間，我主張和平，因為戰爭的後果將是不堪設想。

我終其一生，推動實踐僧信平等、男女平等、自他、宗教平等的行動。而對於兩岸和平、世界和平，則是我畢生的盼望。我衷心的希望，台灣不要再有人我對立的禍患，不要只有藍綠、沒有對錯是非善惡的觀念。大家不妨想一想，假如沒有了“中華民國”，我們的前途還能夠和平安寧嗎？大陸政府還會這麼優厚的待遇我們嗎？為了台灣的未來，我期盼藍綠的惡鬥、媒體的扭曲報導，都能停止下來。

經常有人説：世界最美的風景是台灣，因為人。最近又有人説：世界最醜陋的地方也是台灣，因為媒體造謠説謊、謾罵批評。為什麼短短數年，台灣從最美麗變成最醜陋了呢？所有居住在台灣的人，我們都應該深思檢討。

許多人説台灣的崩壞，是不負責任的政客、盲目的選民與造謠的媒體所造成，三者惡性循環，扭曲了民主的價值與法制的精神。更令人憂心的，在政治選舉的操弄下去中國化，對於中華文化、國族意識、家族源流的漠視與遺忘，讓許多人背棄自己的傳統，忘失了自己的根源。就像陳之藩 先生所説的，成為一株“失根的蘭花”。

這裏我們所説的中國，是五千年中華文化孕育的歷史中國、文化中國、全民中國，是民族血肉相連、不能改變的中華民族。你説，我們能稱作英國人嗎？我們能稱作德國人嗎？我們能稱作日本人嗎？所以，坦誠的告訴大家，我們都是炎黃子孫，這是無法改變的歷史事實。

所謂“木有本，水有源”，台灣人的祖先，哪一個不是中國人呢？除了李登輝先生之外，大家都不能否認自己是中國人。現在，台灣有少數人倡議“台獨”不肯 講中國話，主張要講台灣話。請問台灣話是哪裏的話？台灣話不是福建話嗎？福建話不也是中國話嗎？福建也是中國的啊！你能不講中國的福建話嗎？

在全世界，台灣是保存中華文化最完整的地方，也以中華文化的傳統為榮。中華文化重視春節、中秋節、端午節、清明節……，你能説你不要農曆春節過年嗎？中秋月圓，你能説你不要家庭團聚嗎？清明慎終追遠，你能説你不要為祖先追思掃墓嗎？在台灣，我們每一個人，從小到大接受中華文化的滋養，這是我們共同的根源，你否定它，不肯接受中華文化，難道你要做一個宇宙人間無國界、沒有根的遊民嗎？

俗諺説“呷果子拜樹頭，吃米飯惜鋤頭”，曾經我見過一份資料，康熙三十五年（一六九六）編的《地方誌》，記載當時的台灣隸屬揚州管轄。我不禁歡喜，原來六十多年來我沒有離開過揚州。飲水思源，我們每一個人也都應該找出自己的根在哪裏？我的父母親在哪裏出生？我的祖父母來自哪裏？我的曾祖父母又來自何方？我曾親聞習近平主席説 “兩岸一家親”，我們能否認這種同根同源的事實嗎？

最近，原住民立委高金素梅女士呼籲“禮失求諸野”，在我們認為，如果能“禮失求諸佛教”，更是人間美事。因為信仰必定是人類的基本權利，我希望台灣人民能夠重建新的信仰，樹立道德、講究慈悲、安定身心，人人做好事、説好話、存好心，用因果業報等，幫助社會次序更加穩定，祈願人人幸福，家家平安。

我一生愛中國、愛台灣、愛中華文化，我和大家過去的祖先一樣，在怒海餘生中來到台灣，因此，惟願國泰民安，別無他求。寄語台灣那許多本土派的人士，不要過於歧視外省人；居住了六十多年，我不算台灣人嗎？台灣會這麼狹隘嗎？難道大家的祖宗先輩不是渡海來台的中國人嗎？

現在，這一本趙無任的《慈悲思路·兩岸出路》即將出版，我深有同感，假如我們兩岸慈悲，共同以中華文化救台灣，還怕未來沒有出路嗎？藍綠兩黨如果也有慈悲，還怕未來沒有友好的希望嗎？在此心香一瓣，祝願大家平 安吉祥。是為序。

由磊落做人去到心口得個「共」字：最後一次談論楊千嬅

世人聽歌，都習慣從流行曲之中尋找慰藉，但求就手，對號入座，但其實可以睇住歌手一路成長，代入歌手視角，從歌手故事之中領略情理，先至更有意義。正因為咁，只有填詞人觀察仔細，遣詞精準，同歌手心靈契合，歌手嘅真貌至會得以立體呈現，而唱片公司期望嘅形象塑造，至會事半功倍。林夕同黃偉文同以楊千嬅摯友自居，為對方寫唔少度身訂造嘅歌詞，透過比較佢地對楊千嬅嘅理解，世人就可以明白到楊千嬅嘅事業有成，以至人生路上開花結果，何者居功更多。無奈嘅係，以上討論已經變得無謂，事關而家嘅楊千嬅已經唔再係林夕同黃偉文筆下、屬於香港嘅楊千嬅——正因為曾經唱過嘅磊落做人都做唔到，曾經支持過佢嘅香港人無法視若無睹，自然係情有可原。

情路受挫階段——姊妹 v.s. 野孩子

眾所周知，楊千嬅有「大笑姑婆」之稱，但事實上，佢嘅大笑往往只係掩飾面對鏡頭時嘅尷尬不安（訪問中曾提及過係唔知講咩好而陪笑），而喺愛情路上，與其形容佢為奮不顧身，倒不如話係左計右計，恨有愛情恨到憂心甚至神經質，而林夕旁觀者清，自然睇得相當清楚。〈姊妹〉出自林夕手筆，其中歌者既係楊千嬅，亦係林夕，因為佢地兩人都對愛情有憧憬，亦同樣喺經歷挫敗之後發現到用力不當，痛楚難當，於是學識調整心態。婚姻具有象徵意義，但將就而成婚又唔等於搵到真正快樂，因此歌者見到身邊好多人都遇到另一半而自己屢試不果，就開始思考點解世人可以輕易穿起婚紗，而自己距離修成正果遙遙無期。「我都有聽你勸告／不要計數／他錯了要故意扮成糊塗」係成婚友人向歌者分享嘅心得，但歌者理性清楚知道自己無法愛人愛到不辨是非，為求有伴而捨棄自我，於是就懷疑自己係咪真係企得太硬而導致愛情失利。「終於你守得到」所贏得嘅係表面上幸福嘅婚姻，但歌者重視嘅係雙方價值觀係咪契合，係咪可以同對方相處自在，觸及咗一般人從未觸及嘅核心之後，歌者陷入迷惘，進退失據。然而，又正因為歌者始終清醒，無法從眾，佢知道關鍵在於「愛到跌入漩渦／將錯就錯／關係亦出錯」，唔應該為錯誤嘅人委曲自己，而要搵到真正愛情，就係要改過「我總太愛人／迫到愛人／變做朋友再變生疏」呢種執迷。一個人唔愛自己，過分依賴對方，就會造成壓力，而只為得到對方而將自己扭曲變形，亦只會係勉強幸福，欲求不滿，所以歌者過去嘅愛情觀都係出錯。然而，當時歌者仍然未好好振作，於是結尾就只有「若我說我願意誰在乎過／你知道那答案快提示我／分半點福氣給我／不准留低我一個」，寄望上天保祐。

即使情路多舛，歌者仍然堅強，於是姊妹亦感同身受，繼續陪伴。「我信我有這一日／伴侶肯專注待我／每晚也固定安樂／像俗語講開花結果」反映歌者對愛情仍然抱有信心，而其實所謂專一，從來都唔係一種需要追求嘅個性，因為雙方都具有足夠能量，就會吸引對方，專一並非目標，而係過程。只要自己努力不懈，以成為更好嘅人為目標，漸漸身邊人就會發現自己嘅優點——人散發光芒，就自然會獲得愛慕，呢啲就係吸引力法則。認知到自己「情感可錯贈／婚紗照不敢拍錯」，歌者學識再愛都唔可以愛到失去平衡，於是就開始尋求指引，「你知道那答案快提示我」，希望「總有天親耳聽到／我愛侶對天宣佈／生與死都愛惜我」，真命天子有朝一日降臨身邊。林夕為楊千嬅所寫嘅，都係楊千嬅當時飽受困擾嘅真實想法。

同期，黃偉文寫咗〈野孩子〉，楊千嬅喺呢兩首歌裡面形象反差之大，值得留意。當林夕仍然陪伴緊楊千嬅自傷自憐，尋覓答案，避免輕舉妄動，黃偉文以「野」字形容楊千嬅，其實就係話緊楊千嬅知，未學行先學走唔緊要，任性放肆唔緊要，同林夕嘅建言近乎相反。首先，觀察〈姊妹〉中嘅楊千嬅可以得知，楊千嬅絕非「就算只談一場感情 ／除外都是一時虛榮」嘅人，而「情願獲得你的尊敬／承受太高傲的罪名／擠得進你臂彎／如情懷漸冷／未算孤苦也伶仃」亦非佢嘅取態。林夕要訓練楊千嬅精進自身，唔好計較可唔可以喺對方身邊得到任何好處，或者留低任何痕跡，但黃偉文就話「朝朝暮暮讓你猜想如何馴服我／若果親手抱住／或者不必如此」以及「必須有這結果／才能懷念我」，進路係截然相反。野孩子為野而野，視愛情為可以操縱人心去贏取嘅俗物，「不受命令就是一種最壞名字」都係為免獻醜而強裝野性嘅表現，為求自欺欺人，刻意疏遠對真愛嘅渴求，偏偏昧於最後受苦都只有自己嘅悲慘下場。歌者態度倔強，輕視「許多旁人說我不太明瞭男孩子」，又話「沒有幸福都不介意」，呢啲都係晦氣之語，因為一言以蔽之，就係自己輸唔起。楊千嬅當時唔以呢種晦氣情緒作為第一主打，自然有佢嘅理由，而外界從兩種姿態之中再次思考面對愛情嘅應有態度，則係楊千嬅同佢嘅支持者嘅關鍵連結，後來，呢種港女形象亦逐漸成為咗一種香港文化嘅參照。

療傷自強階段——楊千嬅、笑中有淚 v.s. 自由行

自我拷問之後，林夕以好友身分交出指引，寫咗〈楊千嬅〉去鼓勵迷途羔羊楊千嬅光復自己，其中句句精心，為後來佢同丁子高嘅婚姻美滿埋下伏筆。首先，佢提點楊千嬅反省自己，思考自己擇偶條件，「誰人曾愛過你／你盡量幻想他貪你甚麼／好心地也不錯」，就係借助與人相遇，查找自身長處，而「誰人曾厭棄你／你問問自己他憎你甚麼／或是怕你會肚餓」，就係借助他人批評，了解自己不足。林夕本身對楊千嬅有作為朋友應有嘅了解，因此就以三個「請」字，善意建言：「如果想照耀萬人／請加點信心」，自信心只有精進自身先會獲得，依賴他人評價，將自身價值單純建築喺歌唱事業成就之上，都係虛妄；「如果想抱住情人／請吸取教訓」，愛情方面，唔好以為每段愛情都係獨立成段，必須從每段愛情之中一再翻檢，直至妥善整理好過去所犯嘅錯，先好再次上路；「如果想快樂做人／請敲敲你心」，楊千嬅曾經喺訪問講過，佢覺得楊千嬅係一條set好嘅路，營營役役，就忘記咗做自己應該先於一切，但林夕認為只有安靜落黎坦白面對自己情感先至有助成長，於是佢勸勉楊千嬅忠於自己，向「童年時那個你／與弟弟在家中演你自己／哭只因你歡喜」學習，放低偽裝，成熟之中亦「別要太過顧忌」。楊千嬅曾經提及，丁子高令佢發現，原來自己可以有另一個演繹，於是自在，而回頭去睇，原來楊千嬅唔係只得一款之說，係愛情顧問林夕早有教導，而「你未有卻恨有」嘅就係嗰位會欣賞自己任何形態嘅人。最後，即使未來盡皆未知，際遇無人可料，素來含蓄嘅林夕，都係選擇咗以「但是我永遠愛你」收結，其中友誼之深，不言而喻，遠非如今一個反共、一個親共嘅日益疏遠可比。

雖然道理已經擺在眼前，楊千嬅仍然無法釋懷，於是當年嘅林夕又再以一首〈笑中有淚〉加以點撥，等楊千嬅唱出心聲，排解傷感。知行合一，從來艱難，於是林夕當年只係想佢明白，傷痛可以照舊，但必須開始學識感激他人嘅離開，因為「如果將來能得到誰／其實多得這過去」。「戀愛路有幸捱不死／競技場上當嬉戲／今天講來彷彿一世紀」反映，歌者已經學識用笑去面對失戀，但其中仍然有傷感，因此有淚在所難免。無論如何，因為已經有所消化，歌者「早已記不起自己／有否憎恨／ 至少今天再站起」，所以佢的確明白「經歷就當福氣」，只係情緒上過唔到，「當我無情無恨望過去／還是笑中有淚」係描述現實，而「抓緊愛侶只靠寬容不靠淚水／無奈要被你拋棄後／先瞭解我是誰／如若那天我大多幾歲」就係覺悟。因為愛情觀尚未成熟，因為曾經用力過猛，「當日是我迫你」，歌者可以唱出「明白到毋需因你會分手過慮」，因為擁有失去已非關鍵，亦可唱出「誰亦可以沒誰／離合全為了大家高興」，因為性格不合就係不合，無謂拖拉。當時，楊千嬅太驚自己唔再遇到愛情，以為遇到過嘅已經夠好，於是無法放低執著，但到同丁子高相遇成婚，佢終於就明白咗林夕當初嘅開解其實如同預言——想唔分手，首先就要唔好擔心分手，而只有做好自己，至可以毋須擔心，繼而開花結果。

當林夕鼓勵楊千嬅勇於自省，收拾自己，另一方面，黃偉文未有開導，而係陪伴楊千嬅繼續逃避，認為暫時空等都唔緊要。林夕為楊千嬅所寫嘅歌，有按住楊千嬅覺悟速度而逐漸滲入哲理，但黃偉文所寫，則係著重描述楊千嬅尚未清醒嘅狀態為主，所以更有抒發悲傷之用。〈野孩子〉寫自己天生天養，唔介意男孩子點睇自己，鼻孔朝天，但到〈自由行〉又一時盼望，一時絕望，狀態相當不穩。所謂散心，實際上只係「避了你至少幾千百公里／原來為了讓你不要再度被提起」，呢種出遊目的本身係咪值得鼓勵，留待楊千嬅同大家自行思考，因為「遇不到他／怎夠狠／放得開你／願我那尾站在馬德里」即係將希望寄託喺新對象，心結既然一直未解，所謂尾站都只會重複錯愛，重複傷心——面對問題，解決問題，或者至係更好。尚未諗通嘅歌者，每次傷心之後都走去旅行，唔去處理前事，直接跳過應有程序就去「盼會遇上安份」，呢種聽天由命而懶於自省嘅態度，係絕對唔會爭取得到真正適合自己嘅人。如果真係咁想真愛降臨，與其原地踏步，呼叫「最怕世上遊遍／發覺沒有此人」，倒不如收拾前塵，準備真正起行。「一生在旅行／買票預了雙份」係因，「站站停下最後也空等」係果，「畢竟也自由過／算有幸有不幸」則係自我打發，自暴自棄，成段副歌所反映嘅就係歌者太渴求愛太過依賴，反而從未學識獨立自主，未有資格得到真愛至係天道人情。「最愛縱使真的要等／靜靜坐著亦會走近」呢句單獨睇問題唔大，但配合前文後理，就會知道呢種等待同靜坐係真係單純等待同靜坐，極之被動，極之天真，不但唔會改變宿命，得到上天眷顧之期只會不近反遠。黃偉文呈現出楊千嬅喺深淵徘徊嘅狀態，為楊千嬅失戀後嘅停滯不前提出咗合理解釋。

漸入佳境階段——烈女、化、原來過得很快樂、真命天子 v.s. 最佳損友

光復自己之後，楊千嬅抱持烈女心態，再次入陣。林夕寫〈烈女〉之時，楊千嬅丁子高尚未相識，因此寧願剛烈都唔肯屈服，係因為楊千嬅已經有少少打定輸數，一切情有可原。楊千嬅一度以為「跟你到家裡去掃地／讓情敵跟我講恭喜／放棄是與非／與魔鬼在一起」就係美妙愛情，但醒悟之後，知道忠於自我永遠係優先考量，所以唱得出「烈女不怕死／但憑傲氣／絕沒有必要呵你似歌姬」以及「烈女不怕死／又何懼你／不會失去血性和品味」，無視他人目光。佢已經描繪出對象嘅輪廓，唔再盲目恨嫁，單身亦在所不惜，「迫你待我好我寧願傷悲」，只因佢明白人若然扭曲自己去愛對方，下場自然係令愛情顯得浮淺難測，易離易分。回望過去，呢段時期其實係佢嘅過渡期，而零七年與丁子高發展，傳媒大肆唱衰烈女遇上花花公子，全城睇淡，當時冇人知道烈女本身並非烈女，而花花公子本身亦非花花公子，只有佢地兩個自己知道對方真係有令自己卸下裝甲嘅能力，鼓起信心同呢個人一齊，可能真係可以還原真我，熱愛生命。由此可見，林夕借助愛情觀去啟發楊千嬅人生觀，令楊千嬅是非分明嘅港女形象變得鮮明，可惜嘅只係而家嘅楊千嬅已經墮落到對人民幣投懷送抱，「放棄是與非／與魔鬼在一起」。

零七年八月，楊千嬅推出心灰意冷嘅〈化〉，用理性說服自己接受單身，「忘愛自然合襯」。對應返楊千嬅喺婚後講返自己曾經諗過準備雪藏卵子，靠攏獨身主義，佢其實一直都唔想求其搵個人嫁咗佢，所以即使所謂中女大限將至，佢都無法輕易妥協。當時嘅林夕，無法保證楊千嬅一定會遇到真愛，因此亦選擇咗以呢首歌幫佢記錄心情，唔知獨立係咪就係出路嘅徬徨，係每個人都總要面對嘅人生命題。「何必擔心下半生／何苦不信任緣份／談多幾次心／自然就似情人／唯有甘心」選用「甘心」二字，其實就指出咗世人輕易成婚，只係因為輕易放棄，願意同「似情人」嘅人共諧連理；而「毋須等的別要等／庸碌一世沒遺憾／人家不費心亦能恩愛互吻／誰說別人未襯」選用「未襯」二字，其實就指出咗世人覺得合襯都係外在條件，唔會計較對方係咪靈魂伴侶，但因為歌者自己缺乏資格插嘴，只好獨善其身。「未信共對上百年未愛他」就係講感情其實可以培養，所以價值觀唔夾可以忍，全部都係游說自己接受平庸，唔好再心存奢望。不過，因為林夕始終理性，所以佢亦不忘點出「如果戀愛為結婚／如果擁抱為名份」嘅因果倒置，而淨返落黎嘅，就只可以睇楊千嬅自身造化，因為林夕要講嘅經都已經講曬。值得留意嘅係，到零七年十一月，傳媒爆出楊千嬅丁子高相戀已有數月，可知佢嘅心態已經慢慢轉變緊，而〈化〉嘅心態，只係維持咗好短時間就因為丁子高而完結咗。

〈原來過得很快樂〉面世之時，楊千嬅已經認定丁子高，而林夕一直觀望，自然知道時機成熟，天機不妨再洩。歌詞第一句，就點出「原來在快樂中便不必明白快樂／原來愉快共處未必需要學」，因為佢從楊千嬅嘅轉變之中，睇到真愛並非傳說，而係充滿可能，一如香港民族終於意識到抗爭都可以愉快，全因確認到共同體心有所屬，理念一致。遇到頻道相同嘅人，個性唔同正可以互補，背景迥異正可以相成，相處原來毋須費力，亦毋須費神。對照返少女時期擔心分開，擔心對方用情不專，楊千嬅終於發現「未怕被嫌討厭／過份完仍沒顧慮／傻或錯／也深知他允許」至係相愛，而一路以黎，林夕點畀佢嘅都係明路，過去慘痛經歷因而都消化出積極意義。「原來安心才能開心／誰還管笑容可吸引」，丁子高令楊千嬅明白到，做自己就已經會得到對方嘅愛，「亦再不必證實我多麼勇敢」（可對照〈勇〉）。「原來極盼望的幸福可來自意外／原來未靠付出亦得到厚待」，好多個「原來」，正反映出道理其實顯淺，但人總係兜兜轉轉，至學識回歸簡單，由愛自己做起——要愛人，必先自愛，自愛就會有自信，所以「找到使我自信的人／自然會／一直動人」就係少女祈禱終於有回音，夢想成真。林夕所講嘅係，未遇到對方之前，一定要精進自身，唔好隨便依賴，而當真係遇到同路人，就要再學識開心唔一定源於自己，因為他人帶畀自己嘅開心，至可以令自己更加舒坦。「曾經與某人一吻／動心得不放心／如此小心／再愛亦不合襯」擊破為求合襯而勉強自己嘅錯誤觀念，將要結婚嘅楊千嬅，終於深明自己從來都唔係狂野之徒，亦缺乏匹夫之勇，姊妹林夕嘅誠心陪伴，可以話係不可多得。

同時，林夕亦以〈真命天子〉為結婚禮物送畀楊千嬅，點明何謂真命天子。要等到真命天子，首先就係要做好自己，而等到之後，就要記得對方有幾難得，因此「誰在真心中有假意別要再查／衡量哪個才值我的終身自然又憐又怕／我／便無力愛他」，就係唔好再去思索到底眼前人係咪就係真命天子，用心生活去驗證至係唯一方法。真命天子可能有無數個，但關鍵係自己願意認定，然後經營同相信，因為「人生有幾個下次」，一拖再拖，就會同真愛失諸交臂。「誰／抵我講我願意／分手前怎可能證實他算真命天子」之中，反映楊千嬅真係極之理性，亦極之自私，因為只願意去愛值得愛嘅人，然而，林夕就再次直接話佢知，計算同論證係必須停止，否則就會因小失大，「無力愛他」。楊千嬅維持烈女姿態已久，會行到結婚呢步，已經反映丁子高好值得佢放低自己，所以林夕就提醒佢好好捉實對方。呢種捉實，已經唔再係當年嘅太怕失去而單方面捉實，而係兩個獨立嘅人知道同對方依存比單打獨鬥更有意義嘅互相捉實——當大家都夠力，大家都深愛，未來有難題自然都會迎刃而解，舉行婚禮，就係慶祝十年練習終有所成嘅慶功宴，一如民族獨立，都係為齊上齊落甘苦與共留低見證，建國只係對同胞深厚感情嘅追認儀式。

根據江湖傳聞，呢段時期，黃偉文同楊千嬅已經道不同不相為謀，而前者因為心有不甘，寫咗一首〈最佳損友〉聊表怨念。黃偉文曾於自己嘅紀念專輯《AFTER TEN 十年選》控訴，喺〈可惜我是水瓶座〉歌詞下方寫道：「其實我一直都懷疑楊小姐從來都不喜歡我為她寫的歌詞，那些道謝，直覺上都是客套話，但一直不太喜歡卻一直採用，也許才是種更偉大的包容。而我，真的，都盡了力了」，為雙方分道揚鑣提供個人見解。從「楊小姐」呢個客氣稱呼，不難得知佢地已經唔係朋友，但其實佢本人似乎冇留意過，自己同楊千嬅嘅友誼只係放負，而非互相打氣。或者，黃偉文確實耗盡全力，但如果耗盡全力都係捉錯用神，所反映嘅其實係自己根本有心無力，無法開解朋友，令朋友搵返人生希望。

同一張紀念專輯，黃偉文嘅不甘更加表露無遺，可見佢仍然無法理解自己作品受到冷落嘅根本原因。佢寫：以前會想：「如果同期沒有〈姊妹〉，這首歌會不會更受歡迎？」現在覺得：「即使當時有姊妹，一首好歌還是不損它的好。」事實上，撇除監製作曲編曲因素，就詞論詞，〈姊妹〉係比〈野孩子〉更適合塑造楊千嬅形象，亦更切合楊千嬅心理，〈野孩子〉並非劣作，但係確實係無法同〈姊妹〉相提並論。同樣道理，〈楊千嬅〉態度正面，濟世有益，而〈勇〉則執迷不悔，示弱求憐，前者跑出，亦係合乎情理。喺埋怨朋友之前，未有反思友情深淺，耿耿於懷，大概都係源於缺乏自覺，昧於自知。

修成正果階段——火鳥、好不容易遇見愛、一二三三二一

終於，林夕為楊千嬅填出一首尚未成長嘅人必然無法理解嘅〈火鳥〉，足證楊千嬅面對過去未來已經相當自如。生命所有悲喜都有價值，每段相遇都有意義，值得記嘅就記住，淡淡交匯嘅就唔去強記，曾經深刻亦只係愛嘅遺產，所以「遺忘是過程沒壞與好」，人開始學識破執。「過去給拋進熔岩的心灰飛了／浮塵沒帶來天動地搖／近鏡的一切化為長鏡／閉目／然後／微笑」呢種從容，就係源於領悟人生，因而舉重若輕。相比起以前就算無情無恨回望，都控制唔住眼淚，「曾經／盲目到望晚空等黃昏／麻木到願發生的蠢事持續發生」，浴火重生過後，楊千嬅已經可以勇敢到「從頭細數命運由甚麼鑄成」，無懼回顧前事，笑對昔日低潮，而之所以勇敢，就係因為佢已經健康到足以理解「心境每秒在註釋生命」。起初係痛楚，然後係消化，最後係覺悟，「你也痛醒請做證」，就成為向世人說明堅持到底之必要嘅參考對象——「我不變／怎改變一個人／如像火鳥在洪爐內／花瓣在懸崖上躍下才可再生」，有破方有立，方有「今天火鳥在洪爐外／飛舞在懸崖上／看雲裡有星」嘅雲淡風輕。

其後，林夕以〈好不容易遇見愛〉向楊千嬅說理，理中有情，姊妹情誼又再昇華。「想那年的你／誰忍心去漏低你／然而每個他／拿舊愛相比／祈求他寵你又懂你／回眸絕美／轉眼嫌他語言無味」，就係當年只知羨慕他人嘅懵懂，而「想這時的你／說他親切像空氣／閒來會氣死／但仍然要吸氣」，就係後來學識抱緊真愛嘅淡定。結婚之後，從相處之中，楊千嬅理解到「無人天生會是一對」，因此「情人定變知己／這齣戲／才能沒結尾」就係提示自己要每日精進，努力活出真我，從而確保對方可以了解自己，絲毫不差。林夕見證住佢「曾踏破過深海／尋求你我所愛」，又喺佢身邊「陪同你失望又期待」，去到某啲樽頸，甚至連林夕咁通透都擔心前行無路，一齊跌入谷底，「我幾乎奉勸你離開」，可知好友嘅支持係何其重要。可能，冇林夕沿途加持，楊千嬅就無法開花結果，而冇楊千嬅嘅全心信任，林夕亦未必輕易參透。「回望每寸滄海／原來最愛非愛／抬頭後笑中帶淚說／誰還要轟烈地期待」，寥寥幾句，已經係一部血淚史；「 門就算拍不開／那天涯為你我移開」，交付上天，亦只因人事已盡，問心無愧。遇見真愛之所以好不容易，係因為遇見之前，大家都必須出盡全力做人，而聽任際遇之人，就只配浮浮沉沉，虛度一生。

舊事徹底整理之後，楊千嬅轉眼已為人妻人母，要開始展望將來，為小朋友嘅人生負責，而如今嘅展望將來已經係切實可行嘅展望，而非如同空中樓閣嘅幻想。林夕喺〈一二三三二一〉之中，寫到「徬徨時想捉緊命中那伴侶／固定了想知怎樣相處面對」，就寫出咗楊千嬅目前嘅圓熟，只係家庭生活只局限於家庭之內，未有發揚成為民族之愛。「轉身醒覺情路有秩序／不追過不知所需」，又再一次為所有發生過嘅事心懷感恩，相信冥冥中自有安排，同時又不忘做好自己，持續追趕。「從前未知轉眼近了／未似傳說世事難料／初心傷過重新再跳／願我真情性再大也改不了」之中嘅真性情，其實即係接受咗「請敲敲你心」嘅建議，不以心為形役。只要每日都過得無愧於心，想要達成嘅夢想都如願以償，就可堪稱無憾。至此，林夕已經同楊千嬅相守接近廿年，一齊感受世界，觀察世界，共同面對恐懼，迎接浪漫，如果冇當初嘅林夕，就唔會有後來嘅楊千嬅，更唔會有終生嘅丁子高。喺拋棄香港支持者之前，楊千嬅嘅故事一直為人津津樂道，究其原因，大概就在於佢一直都係生命力頑強，從未輕言放棄，而且誠實面對錯誤，檢討自己。

根據網上新聞流傳，林夕曾經喺楊千嬅婚禮發表感言，以一件小事，講出自己接受丁子高嘅原因：「農曆年，千嬅同丁生來我家拜年，好多人說，麻將檯上見真章。千嬅打牌打錯，丁生的笑容卻一片溫馨，像看著一個小朋友做錯事，但又好疼愛這個小朋友的樣子，我好放心將這個姊妹交給丁生。」林夕之所以認為楊千嬅終於搵到自己嘅幸福，係因為佢自始至終都知道自己嘅姊妹本身從來唔狂野，亦從來唔係小孩，但只係佢願意向丁生流露小孩一面，而丁生之所以會視丁太為小孩，唔係因為對方真係幼稚，而係佢打從心底憐愛對方。因為深愛，佢為楊千嬅痛心，因此想保護佢，呢啲心思從小事之中最可以睇得清楚，而林夕心思慎密，擅於觀察思考，自然可以從打牌之中發現具體而微嘅愛。當丁子高挺身而出，保護同照顧楊千嬅，楊千嬅終於變得隨意，放低自保心態，做最自在嘅楊千嬅。

當香港藝人一再背棄香港民族

「天知道大家好不容易學會愛」，香港人之所以咁用力狙擊楊千嬅而唔係楊明，其實都係因為愛之深，責之切。睇住佢跌跌撞撞，喊過痛過瘋狂過，去到搵到真命天子，成為人母，佢出post回憶入行，其實亦同時勾起緊香港人同佢嘅共同回憶，於是失望之情又再浮起。楊千嬅呢個港女icon，流住香港文化嘅血，香港人嘅長年捧場，支撐住楊千嬅嘅事業，雙方無法體諒，其實都係源於香港人覺得楊千嬅辜負咗香港人畀佢嘅愛，一如林夕同楊千嬅之間曾經真心相待，因此亦更難和解。當林夕始終深愛香港，成為香港文化界嘅忠烈戰士，受惠兼受教於林夕多年嘅楊千嬅居然無法飲水思源，同林夕拍住上，支持者嘅心情，其實應該係心痛多於憤怒，只係痛到盡處，想佢改過但佢始終唔改，最後只可留言宣洩，向曾經支持楊千嬅嘅自己道別。

一直以黎，我都相信香港民族嘅存在係既定事實，香港獨立亦係必然會發生，但有理想，唔等於可以唔尊重意見不合嘅人，因為以理想為名去排斥他人，就會變成自己都睇唔起嘅人，再犯上世紀嘅人已經犯夠嘅錯。爭取獨立嘅路上，香港民族始終要理解一個事實，就係唔係任何香港人都可以將小共同體嘅感情同民族呢個大共同體扣連，而真正有損失嘅其實係失根嘅佢地，而唔係已經學識互助互愛嘅我地。藝人離地係常態，商人睇錢做人唔識政治都係常態，因為佢地嘅分工從來就唔係讀書讀理論，亦唔係思考大歷史，因此期望佢地意識到中國將會解體，好明顯就係一種奢望。我選擇相信香港藝人總有一日會醒覺，係因為我相信香港始終係一個令人恢復人性嘅地方，而即使佢地到2020年都尚未意識到抉擇時機已經迫近，我都只會將責任擺喺自己身上，因為宣揚理念係已經覺醒嘅人嘅職責，未改變得到佢地對時局嘅認知，都只可以繼續耕耘，繼續等待。

我地已經識得將愛發揚光大，比香港藝人更早行到去識得同成個香港民族分享愛嘅呢個境界，原諒再原諒，係我地最應該做嘅事，因為只有原諒，至會更令人明白民族有愛。我始終重視嘅係民族嘅存續，因為土生土長嘅香港人死一個就少一個，對香港文化曾經有過貢獻嘅藝人都係鬧一個就走一個，冷嘲熱諷、網上批鬥，只會令佢地更難加入香港民族嘅一方，傷害係永遠唔會令對方改過遷善。想對方磊落做人，我地要示範言出必行，例如日日撐黃店，謝絕一切中國商品，每日都有睇書睇新聞不停精進。楊千嬅刪除留言，其實正係源於對中共同網民批鬥嘅恐懼，而佢始終未明白嘅係，人要免於恐懼，就必須追求自由，拒支持者於門外只會令自己距離磊落、正義同自由更遠。自由即獨立，有愛即民族，學識求同存異，將心比己，香港民族一定會等得到置諸死地而後建國嘅嗰一日。

https://gnimmm.com/2020/07/18/miriam_yeung_linxi/

品格下流無關寄生

坊間影評對韓國電影《寄生蟲》評價，大多認為導演批判資本社會萬惡，刻劃韓國社會之貧富懸殊，為主角一家抱打不平，意見相當大路，如非友人極力推薦，我應該唔會去睇。然而，睇完之後，其實導演嘅訊息相當明確，就係窮人之所以窮係有原因，而窮人情緒爆發過後嘅結果，往往亦只係兩敗俱傷一場空。導演對人性醜惡之刻劃，以及階級秩序自然生成之理解，相當深刻，作品可以打動國際電影人，奪得金棕櫚獎，實至名歸。

首先，奉俊昊導演嘅思維，同佢前作《雪國列車》一脈相承，就係寄生蟲無分國界，都有佢地無法上流嘅致命理由。佢承認現代文明同資本主義邏輯，亦理解貧窮苦況，但佢想點出嘅係，人類要唔要成為寄生蟲，其實係有得揀，而以主角一家為代表嘅窮人心態出錯——不負責任、不務正業、規劃無度以及盲目仇富，正正係部分窮人最後自我毀滅嘅源頭，自食惡果，與人無尤。

戲中，有錢家庭夫妻角色性格討好，獲得社會地位，明顯係因為佢地處世有方。丈夫如何成為企業家，劇本未有交代，但從種種蛛絲馬跡可知，佢做人原則清晰，待人界線分明，引人詬病之處相當少。丈夫嘅對白，多次強調只要唔好逾越佢嘅界線，佢都可以接受，例如主角細妹用自己條底褲插贓嫁禍尹司機之後，佢只係話喺前座玩都還好，玩到去佢坐嘅後座就太誇張；主角阿爸行車時掛住同佢傾偈傾到唔望路面情況之時，佢亦有客氣提醒佢專心駕駛，做好本分；而佢客氣拜託主角阿爸同佢一齊扮演美洲原住民畀驚喜細仔，但主角阿爸態度奇怪，無心投入之時，佢嘅回應亦係嚴肅提醒對方要認真打好份工。加上導演多次強調丈夫係最佳企業家，可見就算佢本身贏喺起跑線，都有喺商場上盡己所能，至會勝過其他企業家。

而妻子雖然思想單純，亦略為昧於現實，但佢對家庭亦係絕對上心，處處自省，例如細仔小一曾經受驚，佢就份外緊張佢嘅心理成長，正係表現出佢對小朋友嘅關愛。當全家決定露營，長女唔情願去，佢都唔係用權力或物質去迫佢就範，而係話唔同一家人玩係佢損失，亦反映佢重視家庭。以上事例，所反映嘅都係導演無意貶損有錢家庭，因為有錢人絕對可以係心地善良，處事公道，唔靠作奸犯科致富，事業有成其實可以係精進自身嘅延伸。打破有錢即奸惡，窮苦即善良之刻板印象，正係作品嘅目的。

相反，主角一家倒果為因，認定對方係因為家境富裕至可以心地善良，正反映佢地對自身以及世界嘅認知都唔準確。主角一家趁有錢家庭出外露營入侵大宅之時，個阿媽講咗一句，如果佢係有錢，佢都可以心地善良，但隨後故事發展就已經即刻令佢自打嘴巴。前管家喺防空洞之中，跪地相求，懇請主角阿媽代為照顧避債丈夫，但主角阿媽聽完都係無動於衷，無意憐憫。直至對方發現自己把柄，用電話錄低主角一家如何以父子相稱，主客逆轉，佢又即刻求和，要求前管家網開一面。窮窮相遇，彼此理應互相理解，但可悲嘅係，前管家動之以情，說之以理，再奉上酬金拜託，主角一家都只係考量自身利益，多於共存共榮。最後，窮窮相遇演成窮窮相鬥，妥協無方，集體還原叢林法則，人多力壯一邊自動勝利，可謂突顯出唔講道理嘅窮人一旦掌權之恐怖，如同共產主義社會之縮影——主角兄妹較有人性，會追問前管家夫妻境況，但主角雙親之不擇手段，罔顧他人生死，完全係滅絕人性。

由此可知，前管家雖窮，但品性相對良善，優於主角一家。前管家寄生於有錢家庭，雖有取巧，但佢堅持用自己錢援助自己丈夫，未有貪心，擅取大宅資源，堪稱窮得有底線而有骨氣。相反，主角接到友人介紹嘅補習之後，心生歪念，為咗自身家庭利益，不惜傷害盡忠職守嘅尹司機同前管家，自私自利，而主角一家趁有錢家庭出外露營入侵大宅之舉，亦反映佢地唔識珍惜機會，好好為僱主服務，改變生活，而係的確如同寄生蟲一樣，人心不足，見風使盡艃，禍及宿主。最後主角阿爸殺人而唔自首，更加唔覺自己需要接受法律制裁，思維之扭曲，亦係瘋狂至極。主角一家無藥可救，死不足惜，足證導演無意諷刺資本家壓榨勞工，而係志在探討緊社會寄生蟲為禍之現象。

劇情發展至中段，主角一家經歷暴雨水災避入社區中心。鏡頭對準主角阿爸，安排佢道出自己處世之道，絕對係導演心思所在。主角阿爸不知悔改，惹禍之後，體悟居然係「人生唔好有計劃，有計劃就會有意外」同埋「有期待就會有失望，所以就要隨波逐流」，呢種人生觀，其實正正就係佢地全家淪落街頭嘅原因。所謂天道酬勤，出身係唔可以改變，但心態同努力係絕對有可能改變命運。主角一家只睇到人地嘅成功，從來唔去思考人地背後付出幾多，難得有得為有錢家庭打工，但不論係補英文、教美術、做司機定做管家都做到一塌糊塗，可謂不思進取，自取其辱。窮酸氣味飄揚，的確無法控制，但向上流動，洗脫氣味，係視乎人有幾想擺脫現狀，認真生活。認真生活嘅人，係唔會兼職摺pizza外賣盒都摺到有四分之一係唔用得。有錢家庭多次提及主角一家有特殊氣味，但從來唔會當住對方面前露出嫌棄表情，正係因為佢地識得顧及他人感受，就算對方不如自己，但睇喺主角阿爸眼中，佢就認為呢啲係偽善同狗眼看人低，呢種因自卑而生嘅仇富心理，對社會嘅危害絕對比偽善嘅有錢家庭大。

主角一家家破人亡之後，主角幻想自己賺大錢買起大宅，同阿爸一家團聚，心態似乎有變，但導演不留情咁擊碎佢嘅不切實際，再次反映出佢希望大家唔好對主角一家心存寄望。呢類窮人之所以翻身無期，其中一個原因，正係諗多過做，更甚嘅係得個諗字，乜都唔做，到最後推卸責任於社會不公同出身清貧。不論貧富，任何人都應該要有自知之明，了解自己能力所及，先至再去講目標講理想，如果有目標但能力未及，就應該精進自身，為目標而奮鬥不息，萬不得已，都唔好諉過於人。偏偏，主角一家雖有目標，但全部都係用旁門左道去達成——主角想同有錢家庭長女結婚，打算請替身演員飾演父母瞞騙對方，而唔係諗住靠自己嘅能力去融入對方嘅世界，又係證明佢地得過且過嘅例子。主角一家集多種人性缺點於一身，僥倖得以寄生上流但只係識得殺雞取卵，而唔識長期利用，慢慢吸乾，或用時間證明自己真係可以做好一件事，又更反映佢地只睇到眼前利益，缺乏對未來嘅想像之短視。

反觀前管家夫妻，同樣貧苦，但佢地識得飲水思源，對有錢家庭心存感激。前管家盡心盡力，連僱主養嘅三隻狗仔都會跟住佢出出入入，可見佢係有用心打工。而匿藏喺防空洞內嘅丈夫，以北韓民眾供奉金正恩嘅心態去供奉有錢家庭一家之主，亦可見佢係清楚知道自己係寄生上流，所以唔會仇視對方，而係如同佢自己所講，只有respect。直到主角一家害死前管家之後，佢生無可戀，衝上地面，想同主角一家同歸於盡，復仇目標明確，亦證明佢深明怨有頭而債有主之理，只係有仇報仇，而唔係無理取鬧。寄生蟲有唔同求生方式，蚊蚤之類，取食之後就會離開宿主，蠅蛆之類，則趁宿主傷口外露至乘機入侵，但主角一家不但名副其實寄生，更處心積慮，如同錐蟲一樣損害宿主神經系統，最終奪取宿主性命——劇本安排兩類寄生蟲作對比，用意顯而易見。

寄生上流，同樣可以識得愛人，前管家夫妻相依為命，明顯係願意共渡時艱嘅一對，但主角阿爸對家庭付出少之又少，根本豬狗不如。佢兩次問及有錢家庭丈夫關於愛嘅問題，正反映出佢自以為理解乜嘢係愛，但其實完全無知。第一次，有錢家庭丈夫聽到問題，略為遲疑，思考咗幾秒，至答應該算係愛，而第二次，二人隱身於草叢之內，主角阿爸則係以輕蔑態度去嘲諷對方嘅愛流於形式化。愛係人類想像之物，對於停留生物層嘅生物而言，相當抽象，此之所以，主角阿爸其實根本無法理解有錢家庭丈夫所想，問完都抽取唔到任何資訊，而有錢家庭丈夫之所以唔會不加思索就答愛，係因為佢會反思自己行為配唔配得上有愛。

主角雙親只係捱苦共同體，就算心存不滿都唔可以發脾氣，係因為發完日子都係咁樣過，多一事不如少一事，主角一家趁有錢家庭出外露營入侵大宅之時，二人有共識咁態度軟化，正係最佳證明。而有錢家庭丈夫即使日理萬機，都會抽時間同細仔玩，亦知道如何借助派對儀式去表達愛，就算勞累不堪都願意付出心思去令家人開心，呢啲都係超出主角一家認知範圍嘅家庭想像。而細仔喺花園露營，夫妻留守客廳所發生嘅性愛前戲，亦反映佢地係對對方有超越動物本能嘅慾望，因為佢地嘅性係有交流有想像，係人類性愛而非動物性交。兩相對比，又見思想差異。

普遍而言，中產出身者，的確會流於偽善，甚至脫離現實，但要糾正問題始終唔難。主角一家嘅問題則在於，佢地所受嘅教育都係經後期社教化而習得，而非自幼受家庭薰陶而成，最終發自內心。人類理應學習真誠待人同埋尊重秩序，再學識如何保護自己，而唔係一開始就懷疑他人，以小人之心度君子之腹，次序一錯，就會萬劫不復。人類社會一直進步，靠嘅就係建立呢種共識，如果認定人性本惡，人類就會無法想像同接受人性光輝，最後自然淪落到只識得猜忌努力善待他人嘅好人。概而言之，人嘅真正差異無關階級，成長中見識到嘅人性上限下限以至無限，至係品格嘅分水嶺。

最後不得不提嘅係，貫穿全劇嗰舊幸運石頭所承載嘅象徵意義。主角友人送石頭畀主角，係出於好意，而具體嘅好意，就係帶挈佢去有錢家庭短期代課。導演想表明嘅係，寄生上流之機會，由一開始就係他人借出，主角一家必須誠懇領受，至係對得自己對得人。偏偏，主角竟然背信棄義，明知友人想同有錢家庭長女交往，但都若無其事咁奪人所愛，甚至將等到對方入讀大學至正式交往嘅打算都據為己有，可謂無恥。而一人得道，妄想雞犬皆可升天，透支友人信任，無視是非曲直，德行之薄，令人心寒。

原名《寄生蟲》比譯名《寄生上流》更為貼切，係因為寄生對象唔一定要係上流，只要對方比寄生蟲稍為富裕，稍為顧及道德，就可以發動寄生。寄生係一種不勞而獲嘅心態，非關貧富，而在於如何看待生命嘅意義。主角一家的而且確係社會以至文明中嘅寄生蟲，但於我而言，所謂寄生蟲，並非韓國獨有，而係遍佈全球，不分種族國籍。權力至上，社會道德秩序形同虛設，設想人性至最壞則有利生存，都係寄生蟲最愛嘅棲息環境，經濟有成嘅韓國絕對唔係世界上最多寄生蟲嘅國度。唯有社會文化一直演進，共同體想像一直更新，各地寄生蟲數量至會得以改變，故此，要世界變得更加健康，首要就係盡力感化呢啲缺乏人性嘅生物，而若然感化不果，就唯有狠心懲教，嚴厲整治。資本主義人類文明受到拖累，大幅倒退，係全人類嘅浩劫，電影之人文關懷，因普世皆同而獲得嘉許，合情合理。面對人形寄生蟲威脅，所有人都有責任挺身對抗，捍衛自由，《寄生蟲》出現於如此年代，可謂時代精神之體現，號召戰鬥之呼聲，不可多得。

gnimmm.com/2019/10/10/parasite/