【 係阿光唔係193劇場之3爺知佢咩料啦魅力的髮則 】
運氣嘅嘢，真係話嚟就嚟！
就好似「宇宙天團」ERROR當中擁有兩大最高紀錄（身高193cm、IG追蹤人數超過39萬）的「193」郭嘉駿（又稱3爺或33），去年六月曾經在IG撰寫千字文，既埋怨沒有工作，更直言ERROR的騎呢形象局限其發展。殊不知一年過去，因為「坦白」回應大台高層的收視論，加上一套「年度綜藝之作」《ERROR自肥企画》，令「3爺」與其餘三位兄弟（何啟華、梁業、吳保錡）在極短時間內人氣急升，廣告合約接踵而來，最新例子是日前推出的日本製男士護髮產品「添康髮」（TRICHODERM）全新廣告，名字「水蛇春咁長」，名為《33驚驚の最：咪睇193依家有樣、有型、有老婆sss，唔驚食屎最驚動物嘅佢，仲有一樣嘢係勁驚嘅……就係甩頭髮喇》，這是ERROR第三位成員，參演同一品牌的產品廣告。
跟上月推出、由「Dee哥」何啟華一人分飾多角的《我要保力先呀 ─ 大師兄DEE GOR育毛內功の頭髮不死鳥》 （https://bit.ly/2UHHQsK） 一樣，今次「3爺」同樣有角色扮演，名為阿光，意思是「光頭」的「光」。故事從阿光的高中時代說起，他在校內是個萬人迷，身邊勁多迷妹，亦有一位超有義氣的好兄弟Harry，如果有事觸犯校規，Harry都會願意為阿光頂罪，在球場上，Harry亦會為阿光攔截，為他提供入球機會，總之係出生入死兩兄弟，兩脇插刀冇得計……之但係，一個銀仔有兩面，阿光這樣想，但在Harry眼中，阿光只不過是一位有福同享，有禍不能同當的自私鬼，在球場上遇到射球機會時，阿光就會找他做人阻，一心只想獨食入波。
時光飛逝，話咁快已來到10年後的今天，兩位舊同學風水輪流轉。「唉，出咗嚟做嘢之後，個世界唔同晒，我得番Harry一個朋友！」阿光說，而對他而言打擊更大的是，親眼目擊當年一直只能成為「第二梯隊」的Harry，如今已搖身一變成為萬人迷，昔日頭上油𣲷𣲷長髮依舊濃密，反觀阿光卻面臨瘋狂脫髮的危機 ── 依照「有頭髮有人緣」、「有頭髮有姻緣」、「得頭髮得天下！」的「黐鬼綫」標準，阿光豈不是與「老婆」絕緣？！喂喂喂，雖說「3爺」出馬，照單全收，但作為他的忠實支持者，這個廣告劇本設定實在很難令人投入，因為由三年前他參加《全民造星》開始，去到以ERROR成員身份出道，拍攝兩輯《花姐ERROR遊》、《ERROR自救TV》、《ERROR自肥企画》等節目，還有《我們很帥》、《I Promise》以及單飛演唱的《睡到三點》MV，「3爺」在幕前只有不斷變髮型和轉換顏色，有長有短，有啡有黑有粉紅，不客氣都要講句：跟「Dee哥」相比，「3爺」頭殼頂上明顯生機勃勃，頭髮濃密如森林，怎可能跟脫髮扯上關係？！
不過，將來的事無人知，若說運氣話嚟就嚟，其實脫髮問題亦有可能隨時降臨，是故各位兄弟都要未雨綢繆，在頭髮依然濃密的時候，好好的滋養，這大概說明得到，何以「添康髮」要邀請「3爺」參演今次這個廣告了，因為由他演繹「吸引力髮則」，最有說服力，更重要是，一定多人睇！今次「3爺」介紹的「添康髮男士配方頭髮再生精華」，內含瑞士蘋果和摩洛哥堅果樹幹細胞成份，能夠有助激活毛囊幹細胞生長之餘，更能避免髮絲遭外在環境因素折斷。另一方面，產品又加入髮膠原（Trichological Complex），提供頭髮生長所需營養，刺激毛囊新陳代謝，只需每天使用，在頭皮上按摩，能有效提昇頭髮的生命力和強韌度，令頭髮再不是「三千煩惱絲」，而是成為「Charm爆」的魅力泉源。
（12072021）
#知我咩料啦 #髮跡史 #有頭髮就有人緣 #有頭髮就有姻緣 #頭髮夠多先夠Charm #育髮強韌 #防脫髮 #瑞士蘋果幹細胞 #摩洛哥堅果樹幹細胞 #頭髮再生精華 #男士專用 #添康髮 #Trichoderm #日本製 #3爺 #33豬 #193老婆 #ERROR193 #郭嘉駿 #deniskwok 郭嘉駿 Denis Kwok 193 #游大東 #游大東影視筆記 格仔mike導絕對應該有應援會
