【新碟發佈】 關智斌 Kenny Kwan 將於明日（3月5日）推出全新個人專輯《前面是新的歲月記得走下去》。相隔多年，Kenny再次推出專輯，用上一年時間籌備，而這次Kenny的參與道也極高，每一首歌都有他的想法，將自己鮮為人知的一面通過音樂演繹出來。Kenny透露專輯名稱來自碟中最後一首派台歌曲《隱形人》首句歌詞「前面是新的歲月記得走下去」希望鼓勵自己的同時也鼓勵所有人，「呢份詞係周耀輝填，我對呢一句特別有感覺，呢段時間，大家對前景感到迷惘、好多不確定嘅因素，所以呢句歌詞係俾自己一個鼓勵，亦想勉勵大家嘅一句說話。」
專輯共收錄五首歌曲，《頭頂有角》造型貼近歌詞「一切古怪的 或是亦極具特色」比較大膽；《日月》造型上，Kenny化身太陽及月亮；《暫定》亦套用了歌詞「寂寞了分一半眼淚 渡過 嚴寒便分一半睡床 被窩」，以一半華麗、一半破舊糜爛展示；《隱形人》則以保鮮紙包裹着身體。在眾多造型中，Kenny自言最喜歡《乾爹》，「今次設計團隊全部都係二十歲出頭嘅年青人。大家睇到白色一幢幢大廈嘅『孤獨城』係佢哋用鞋盒、紙盒砌出嚟，真係好talented。加上攝影師Leung Mo，佢用咗廣角鏡去呈現一個好獨特嘅angle、一個好詭異嘅寂寞世界。」
唱片封套於大霧山一間空置大屋拍攝，由於拍攝時間比較早，因此拍攝期間引來不少行山人士及小朋友注目，當中更發生不少趣事，Kenny說：「有好多行山人士會經過我哋拍攝間屋，因為我啲衫都比較誇張，我記得有啲小朋友俾我嚇到喊，特別係『頭頂有角』嗰個造型。因為嗰個時間，再加埋我着到咁奇特，可能佢哋以為入咗結界，哈哈哈。同埋好記得入黑之後，整間屋嘅感覺同日頭完全兩回事，所以大家都馬上加快速度拍攝，拍完大家都趕住收工返屋企。」
#關智斌 #前面是新的歲月記得走下去 #新碟發佈
#香港音樂人 #香港製造 #MadeInHongKong #廣東歌 #香港人撐香港音樂 #撐廣東歌撐谷Live #香港音樂
----------------------------------------------
👍🏻 Facebook：https://bit.ly/2HZAgDL
♥️ IG：https://bit.ly/34PhuYx
⭕ YouTube：http://www.youtube.com/c/谷Live
📍 MEWE：https://mewe.com/p/谷live
🏆 谷撐音樂流行榜：https://bit.ly/3q6yB0l
頭頂有角 在 【#eegMV 關智斌《頭頂有角》MV】 - Facebook 的美食出口停車場
12K views, 67 likes, 13 loves, 1 comments, 6 shares, Facebook Watch Videos from 英皇娛樂EEG: 【#eegMV 關智斌《 頭頂有角 》MV】... ... <看更多>