Search
推薦一下這部台劇，預知未來。
一個可以購買未來物品的網站，串起接連不斷的因果事件。
一開始，是一個寫不出好作品的作者，向該網站下訂了未來幾年內最暢銷的小說，然後變成了自己的。
於是，因果開始轉動。
這有點科幻，有點驚聳，又充滿懸疑的劇，台灣真的拍得很好，特別推薦一下。
https://zh.wikipedia.org/wiki/%E9%A0%90%E6%94%AF%E6%9C%AA%E4%BE%86
未來電筒（上）
一世人流流長，總會遇到一兩件奇幻嘅事。
嗰日我收拾雜物，喺櫃底搵到一個盒，盒裡面有個電筒。
電筒啫，駛乜搵個盒嚟裝？
我隨便打開電筒，想睇吓個電筒仲用唔用得，唔得就丟咗佢。
電筒開咗，一束光照落桌上嘅一棵白菜度，棵白菜係阿媽啱啱買番嚟，諗住今晚食嘅。
然後，神奇嘅事情發生啦。
眼前浮現咗一個畫面，棵白菜被一隻手拎起，拎到廚房洗乾淨、切菜、下鍋，煮成一鍋蕃茄白菜湯，再被送入人嘅口中。
電筒熄咗，畫面消失，白菜又變番正常嘅一棵白菜。
我再嘗試開電筒，已經開唔到，好似正常電筒無電一樣。
呢個時候，阿媽由廚房行出嚟，拎起棵白菜，隨口同我講：「阿仔，今晚飲蕃茄白菜湯。」
唔通啱啱我見到嘅，就係呢棵白菜嘅未來？咁未來可唔可以改變？
我靈機一觸，同阿媽講：「我唔想飲蕃茄白菜湯，可唔可以煮……燉白菜？」
阿媽覺得奇怪：「你不嬲都唔介意食咩㗎。」
「哦，今日突然想食燉白菜。」我隨口答。
阿媽點點頭，就拎咗棵白菜入廚房。
夜晚食飯，阿媽拎出一鍋蕃茄白菜湯。
我問：「唔係話煮燉白菜咩？」
阿媽解釋：「係啊，但我見啲蕃茄就嚟爛，今晚食埋佢先啦。聽日我再買白菜，煮燉白菜畀你，好唔好？」
呢鍋蕃茄白菜湯證明咗兩件事，第一，未來係唔可以被改變嘅；第二，阿媽係好難被改變嘅。
我一路飲湯，一路諗，假如我啱啱直接丟咗棵白菜，而唔係同阿媽商量，會唔會成功改變白菜嘅未來？
但轉念一想，咁就好似有個算命佬幫你占卜未來，你轉個身就去自殺，然後話占卜唔準，一樣咁無意思。
總之，呢個電筒可以預見未來，似乎好準，咁就得啦。
食完飯，我即刻想幫個電筒換電池，再照吓自己嘅未來。
但我將個電筒翻來覆去，居然發現，呢個電筒係無入電池嘅位，只有一個開關。
我拎番裝電筒嘅盒出嚟，搵到一張爛爛地嘅紙。
「未來電筒，可以映照出物品的未來，但直接照射生命體，會導致生命體死亡。
充電方法：輸入你的……」
「的」字後面就爛咗，睇唔到要輸入乜嘢。
如果我睇到張紙先，我一定唔會信，但我睇到白菜嘅示範，就有幾分把握了。
雖然唔可以直接照自己，咁可以間接照㗎嘛。
我用嚟照我自己嘅相片，咪睇到我嘅未來囉。
不過，當務之急，都係要幫個電筒充電。
到底要輸入我嘅乜嘢呢？
我試過吐口水、滴血，甚至擺個電筒喺陽光下，睇吓佢係咪太陽能電筒，但都無用。
我開始意識到，要幫未來電筒充電，無咁簡單。
電視劇都有講，魔鬼同人類做交易，都要人類付出壽命、靈魂、愛情之類。
要預知未來，難免要付出代價。
我雙手緊握電筒，默念：「我願意付出我嘅愛情！」
電筒無反應，可能佢知我都無愛情。
「我願意付出我嘅靈魂！」
都無反應，唔通我嘅靈魂都係垃圾？
「我願意付出我嘅壽命！」
其實我仲未諗到付出幾多年，但電筒無反應，睇嚟佢都唔想要壽命。
我試咗好多個答案，最後，當我講「我願意付出我嘅運氣」，我感受到電筒傳來一陣吸力，好似從我身上吸走咗啲嘢。
下集：https://bit.ly/35TI1D0
將專頁設定為「搶先看」/ "See first"，最新故仔馬上睇！
今次到我取西經：https://goo.gl/NbLzfF
逃離馬戲團：http://bit.do/eWmxk
#短故 #短篇 #小說 #陳美濤 #廣東話 #粵語 #tomatochan #未來電筒
穿越清朝攻略四阿哥（下）
上集：https://bit.ly/3bfoaQa
「可以一齊返去？」四阿哥有啲疑惑。
我指住個馬鐙：「我哋一齊將血滴喺上面。」
我拎起小刀，正想割破我哋嘅手指，四阿哥大叫：「等等！」
四阿哥解釋：「不如試吓帶啲現代嘅特產，幫我......成就王圖霸業。」
有道理，不過我只係個普通人，買唔到槍炮，清朝又無得用電。
所以我哋就買咗一堆太陽能時鐘，據講康熙鍾意收藏鐘錶，就算佢唔鍾意呢款，用嚟巴結王公大臣都好有用。
時鐘價錢唔貴，我哋將包袱裝滿後，四阿哥問：「你仲有無錢？買啲金條。」
金條？四阿哥點都係皇子，應該大把錢啦。
「你要入我嘅王府，我自然寵你愛你，但王府有專門嘅賬房，初時我喺金錢上唔方便太偏袒你。」
四阿哥深情款款咁講：「你換啲金條做私房錢，會生活得舒服啲。」
咁又係，我睇電視劇都知，小鬼難纏，啲妃子王妃都要畀錢打點下人。
既然我都諗住去清朝唔返嚟，我就用盡積蓄買金條。
不過我積蓄唔多，喺四阿哥嘅慫恿下，我都向財務公司借咗唔少錢。
我哋一人揹住一個大包袱，將血滴喺馬鐙上，眼前一黑，就咁穿越咗。
我睜開眼睛，第一個感覺係好臭！
我望一望周圍，原來我哋身處馬廄中，仲要不幸跌落馬糞中。
我問四阿哥：「呢度係邊度嚟？」
「雍親王府。」四阿哥答。
咁咪即係四阿哥嘅屋企？我即刻講：「你快啲叫人嚟，幫我哋清潔吓啦。」
四阿哥用一個奇怪嘅眼神望向我，然後一手扯走我嘅包袱。
「你做咩啊？你唔喊我喊啦。」我扯開嗓子：「雍......」
四阿哥捂住我個口，搞到我成口都係馬糞。
「你唔好叫，我就同你解釋。」四阿哥面目猙獰。
我連忙示意答應，唔通呢個馬廄中，收藏咗四阿哥嘅政治秘密？
點知四阿哥講嘅嘢，令我目瞪口呆。
佢話，佢唔係四阿哥，佢只係四阿哥府上嘅一個馬夫，叫牛阿大，負責清理工具，打掃馬糞。
嗰日佢清理馬鐙時，唔小心整親手，就咁穿越過嚟。
我咬牙切齒咁問：「點解你要扮四阿哥？」
「我無啦啦去到陌生地方，突然有個女人話我係四阿哥，我梗係唔出聲，靜觀其變啦。」
牛阿大冷笑：「估唔到你個傻女人，咁想做我老婆。」
牛阿大穿越到現代，著嘅衫的確好樸素，但我以為佢微服出行......
哎，我以為剩係得皇子筍盤會穿越㗎嘛，乜路人甲都可以穿越㗎咩？
諗到我為佢傾家蕩產，我就想喊。
牛阿大低喝：「唔准咁大聲，一陣引來侍衛，佢哋以為你係刺客，一刀捅死你。」
「我引來侍衛，你都唔會好過掛？」我冷笑。
牛阿大反駁：「我至少仲有個馬夫嘅身份，最多俾人罰，你就來歷不明啦。」
我咬牙切齒咁問：「咁你想我點啊？」
牛老大咁講：「你有兩個選擇，一係穿越番去，當無事發生過。我會整爛個馬鐙，你都唔駛再嚟。」
牛老大攬住兩個包袱，明顯唔會畀番我。
「你至少畀少少金條我，我返去都要還債。」我哀求道。
牛老大冷笑一聲，繼續講：「第二個選擇，就係留喺度，做我老婆。聽朝我會托相熟嘅下人，將你送出王府，話係我鄉下嚟嘅表妹，我會同你成親。」
「你仲想我做你老婆？」我勃然大怒。
牛老大沾沾自喜：「益咗你啦，有咗呢堆時鐘，上頭好可能會賞識我，升我職。就算升唔到職，我都有金條，可以買田買地。」
「金條係我㗎。」我撲埋去，想搶走個包袱，卻被牛老大一腳踢開。
我悲從中來：「你分明呃我，你係騙子！」
返去現代，我要承擔沉重嘅債務；留喺古代，就要做一個馬夫嘅老婆。
呢個世界有四阿哥，但牛老大會畀機會我見到佢？我真係可以討得佢嘅歡心？
我第一次對自己產生深深嘅懷疑。
我傷心到出唔到聲，牛老大催我：「喂，你快啲決定，你唔走我就整爛個馬鐙啦。」
我連滾帶爬咁企喺身，就算要背負沉重嘅債務，我都唔要嫁畀一個騙子！
臨走前，牛老大同我講咗一句說話：「你無呃我咩？你又話，你愛嘅係我嘅靈魂，唔係我嘅身份？」
事後諗諗，佢又問得有道理。
佢唔係皇子，佢係騙子，但我又何嘗唔係一個騙子？
只不過，每個騙子，都以為自己唔會俾其他騙子呃。
－完－
將專頁設定為「搶先看」/ "See first"，最新故仔馬上睇！
唔開心係一種傳染病：https://goo.gl/RGsEqg
預知未來之後：http://bit.do/eQR9B
#短故 #短篇 #小說 #陳美濤 #廣東話 #粵語 #tomatochan #穿越清朝攻略四阿哥
欢迎来到睡前两小时短剧频道，好看有精彩，您的点赞和订阅是我最大的鼓励！ #电影解说#电影推荐#电影#最新情報#最新 電視劇 #都市爱情. ... <看更多>
... 電視劇 《#預支 未來 》 3/20起週六週日晚間8-10點東森電視台優酷、Netflix、myVideo懸疑串流中靈魂歌姬#9m88 獻唱主題曲【看不見的城】 一座看不見的城 ... ... <看更多>
預知未來電視劇 在 原創奇幻懸疑影集【預支未來】國際版預告12 03 欲念浮現 的美食出口停車場
9m88【看不見的城】—奇幻推理 電視劇 《預支 未來 》主題曲. 豐華唱片 ... 《推背圖》洩露天機，竟 預知 了全球 未來 34年，指出希望就在台灣！？ 非凡 ... ... <看更多>