Search
#提醒我哋要俾小朋友放膽追夢嘅迪士尼卡通 🛵💨🌈🏖
迪士尼與彼思出品，#盛夏友晴天！
有睇過《玩轉極樂園》、《靈魂奇遇記》就知電影🎬質素有幾高，再嚟多一部觸動人心嘅原創動畫《盛夏友晴天》！
.
畫功真係無得輸，劇情再次提醒爸媽要相信孩子嘅能力，放手俾孩子勇敢追夢，超感動又勵志，非常有意思！
.
一路睇一路俾我好大嘅反思，真真正正再次提醒我要相信佢哋幾個👦🏻🧒🏻👧🏻嘅能力，學習一定要俾更多機會佢哋去追尋夢想🔥！
故事講述Luca由父母極度保護嘅乖仔去到勇於同朋友追夢嘅過程，更到意大利🇮🇹臨海小鎮找尋實現夢想嘅方法，縱然鎮上危機重重，但追夢嘅熱切令佢哋排除萬難勇往直前，更喺鎮上搵到友誼及真正嘅人生目標！
.
絕對係一套極勵志嘅電影🎬，父母學習放手，讓孩子盡情追夢吧！😊
嚟緊星期四6月24日正式有得睇啦！🥳
#迪士尼 #彼思 #暑假睇好戲 #信心保證 #迪士尼卡通 #追夢 #親子好去處 #親子活動 #親子好節目 #睇好戲 #假期節目 #室內活動推介 #watchmovie
【我心中最佳動畫《靈魂奇遇記》：同愛心平凡咁生活已經好幸福】
前排睇咗Pixar動畫《靈魂奇遇記》，不得不讚Pixar喺度故仔時嘅深厚功力，成功製咗出呢套只啱大人睇，睇完會好唏噓，仲會反思生命意義嘅卡通片👍🏻
電影中主角阿祖因為意外昏迷，唔想死嘅佢跌咗入出世前嘅靈魂先修班。呢度有好多靈魂接受特訓，以塑造佢哋唔同嘅喜好、夢想，搵到就會拎到地球通行證，去投胎做人。惟獨係靈魂22號遲遲都未搵到，佢話：「人生無樂趣，我完全唔想投胎去地球～」阿祖為咗逃避死亡，拎通行證返去人間，說服22號合作，搵佢人生嘅夢想。結果佢哋最後發現...所謂嘅夢想，根本唔應該係人生最重要嘅嘢...
拍咗拖拍到咁上下，可能大家就會諗結婚買樓生仔。擺酒要錢；買樓要錢；生仔要錢...為咗搵到更多錢🧐有人會問財務公司借，欠下一大筆債，搞到勁大壓力；有人會返幾份工長期唔夠瞓，身體五癆七傷；有人日日OT，忙到唔好話一個月至少想見幾次面，有日可以同佢傾到早晨晚安以外嘅嘢已經偷笑。
我明㗎！我知你好緊張、好愛另一半，想畀最好嘅生活佢，所以先會好執著想達到某個遠大嘅成就、目標、理想。以為去到某個職業，搵到某個人工就可以證明自己好叻好成功🤔不過...當你好努力想追求呢啲嘢嘅時候...唔經唔覺畀咗太大壓力自己。你愈來愈唔開心...愈來愈迷失...日日唉聲嘆氣，怨自己呢樣唔得，嗰樣唔得。
「我真係好蠢，點解我會咁水皮？」
「好憎我自己，做極都係咁...」
結果慢慢將呢種壓力轉嫁喺愛你嘅人身上。
仲有你擺咗咁多時間去搵錢，係就係搵到好多，但忽略咗家庭，冇放過時間陪另一半咁先大鑊。我聽過好多讀者講過：「我寧願佢搵少啲錢，多啲時間陪我」
我唔係話夢想唔重要，夢想當然重要，但要記住以下兩個pt.
1.人生冇話要點點點先成功，唔需要同人哋比較，因為比唔上人哋而自覺失敗。你有努力過、有上進心、有計劃未來，知道依家做緊嘅嘢係為咗咩已經足夠
2.唔需要咁執著，執著到不顧一切咁追逐夢想，忽略咗平凡日子中發生嘅小美好。記住錢係搵唔晒，搵得基本就夠，寧願花多啲時間去共最美的人分享每個夜晚啦～
人生好短暫，你唔會知自己幾時死，所以你應該更著眼於生活細節。例如同另一半食好出名嘅餐廳，因為食到好好食嘅嘢而感到滿足。例如同另一半攬埋一嚿 黐到實咁瞓喺床上，內心因為可以擁有佢而感到幸福。
抱住活在當下嘅心態度過人生，要學識感恩同珍惜依家得到嘅嘢，盡力感受每餐飯、每次出街、每個旅行。無分大小，無分輕重，保持對生命嘅熱情。咁到你生命完結嗰刻，你先唔會覺得後悔，覺得白過。
以前嘅我曾經踩咗入氹裡面，讀書讀到喊，自覺好廢，唔知生存係為咗乜。壓力大到落街叫陌生人唔好嘈、唔好講嘢，飯都唔食，對屋企人態度好差。係遇上呢個男朋友，佢傻傻更更，咩都笑一餐，咩都用好輕鬆嘅心態面對，我先知原來我唔使逼到自己咁緊。我唔係話男朋友冇壓力～佢都有好多，但佢識點去釋放出嚟。雖然～依家我仲係畀自己好大壓力，但至少我進步咗啲啲，識得搵時間去唞吓，感受活著嘅美好。
唉打打吓又諗番以前啲嘢搞到眼濕濕，阿媽係女人嘅嘢唔講咁多😃送畀你戲中一句好有意思嘅對白：
「魚仔想搵到夢中嘅大海，途中遇見咗一條老魚。老魚話：『呢度就係大海喇！』魚仔反駁：『呢度只係水 我要嘅係大海！』」
你...你係魚仔嗎？
#By懶醒女朋友
#靈魂奇遇記#soul#靈魂急轉彎
《靈魂奇遇記》一個人生「頓悟」的故事
Pixar的《靈魂奇遇記》(Soul)又是一充滿突破性的作品，首先是故事內容適合成年觀眾多過青少年，將探討人生意義等深奧的哲學和宗教議題，透過動畫，用深入淺出的方法，向大家解釋，訊息雖然老幼咸宜，但相信成年人的感受會更多。另一突破點是挑戰傳統電影的價值觀，一般來說，電影會歌頌人生要有明確目標，然後排除萬難，幾經辛苦去達成，享受成功的果實，這便是人生意義，今趟這劇本也顛覆了這教條，跟大家說人生意義是活在當下。
主角阿祖是位中年音樂老師，他熱愛爵士樂，人生目標是加入爵士樂團，在台上覓得理想，卻一直懷才不遇，直到一天機會來了，獲得夢寐以求的演出機會，點知在開心回家預備途中，跌落坑渠領便當歸西了，靈魂還去到外國版「奈河橋」，拒絕接受現實，拼命離開，跌到這個天堂獨有的「投胎先修班」，還被誤會是靈魂導師，被班看來愛整古新人的管理層，安排了一個進修了二千年，也不合格，攞唔到投胎證的世紀壞學生22號給阿祖，22號曾經被甘地、德蘭修女、心理學家榮格、拳王阿里…等等猛人教育過，卻一直未能投胎，在「火花」一欄始終唔合格，甚麼是「火花」呢？阿祖又如何令到這個知識還比他豐富的22號，考試合格去投胎呢？
Pixar的動畫故事，當然會透過一連串幽默惹笑的劇情，大團圓式結局。可是甚麼是「火花」，電影沒有系統的解釋，用創作人的術語，有「靈感」的意思，用東方佛學思想，則充滿禪宗「頓悟」的味道，需要修行基礎，突然領悟到真理，豁然開朗，找到信仰上的意義。22號對人類世界經過了二千年的進修，經過多位名師指導，充滿了人類世界知識，但仍找不到人生意義(火花)，因此不能投胎，直到上錯身落到人間，真正活著，才體驗到生活之美，頓悟並得到投胎通行證。主角阿祖一直堅持追夢，完夢後反而感到「不外如是」，亦突然頓悟到活著已經充滿意義，無須一定要設定人生大目標，才算有意義。返璞歸真，回到純真的本質，享受與天地萬物共存的和諧時光，是導演Pete Docter想大家領會的訊息。
感想是這種享受生活，細味生活的人生意義，相當視乎環境，如果22號投胎的地點是和平自由之地，他當然可以尋找這種活在當下的人生，不過，假若投胎去了戰亂之地如敍利亞，兵兇戰危，人生目標只有生存，22號只會埋怨投錯胎，可來空間去尋找這些型而上的意義。有點說遠了，這動畫肯定值得推薦，除了充滿意義外，爵士音樂部分亦十分精彩，那個充滿秋意的紐約也十分美麗，喜歡Pixar動畫的，不容錯過呀！
#迪士尼 ＃靈魂奇遇記 #人生意義 #頓悟 #爵士樂
