【 菲師奶養生術 】🍂入秋 = 滋補好時機 💁🏻
姊妹們！當你感受到秋天快到來時，除咗護膚品要轉為較滋潤的以外......其實，飲食都須要作適當調節，這點很重要！📢📢📢
🍂入秋以後，身體會向你發出信號：皮膚乾燥👵🏻、容易口乾👅、有時甚至會有咳嗽嘅情況😷。此時，內臟嘅保養比起外在的更加有效！生冷❄️、刺激🔥、辛辣🌶的食物應盡量少吃🙅🏻，避免影響脾胃！多喝湯水絕對有幫助，可多用紅蘿蔔煲湯，無花果、雪耳、雪梨亦是很好嘅選擇，湯料以清潤為主，早上可喝薑茶，傍晚可喝桂圓杞子紅棗水.....🍵🍵
做咗媽媽後，更加要對自己好一點，這樣才會有好身體照顧家庭、子女！前天分享了用雪耳煲湯，今天就用雪耳做糖水啦！😋加上紅棗、花膠，更加滋陰、養顏、補氣血。
這款糖水除咗「煲」，還可以用「燉」嘅方法做，將所有材料 (花膠除外) 放入燉盅內，水份可以減至300ml (記住用熟水)，坐水/放蒸爐燉1小時，放入花膠繼續燉多1小時便可。
用「燉」嘅做法，可以保留食材精華，不怕蒸發而流失水份，味道更濃郁♨️😋👍
[雪耳花膠糖水] 1人份量
雪耳 10g
花膠 50g（已浸發）
紅棗 2粒
冰糖 10g（可加/減）
水 400ml
做法：
1）雪耳浸軟後沖洗乾淨，剪細塊。紅棗浸洗，切半、去核。
2）所有材料放煲中加蓋，煮滾後轉細火煮約30分鐘便可。
