《 🔥 有興趣去𝑻𝒉𝒆 𝑳𝒂𝒏𝒈𝒉𝒂𝒎食飯/住房/𝒔𝒕𝒂𝒚𝒄𝒂𝒕𝒊𝒐𝒏/𝑺𝑷𝑨嘅可以𝑷𝑴我，有𝒗𝒐𝒖𝒄𝒉𝒆𝒓會平放 🔥 》
[香港 尖沙咀 ] 👦🏻考完其中一個重要考試，同佢去朗廷 The Langham, Hong Kong 香港朗廷酒店『食cation』輕鬆一下 ☺️ Book咗Suite，所以本身已經包咗入lounge，下午茶同evening cocktail都可以任食，飽飽地嘅情況下晚上再去咗 Bostonian Seafood & Grill at The Langham, Hong Kong食晚餐，真心飽到癲，飽到好想食嘅火焰雪山都要留返第二晚再入去食🤭🤭🤭
📍Seafood Tower($1018)
疫情下去唔到巴黎食 #海鮮拼盤，特地來Bostonian食Seafood Tower😌 呢個亦係我哋嘅主要目標，點知落order時經理竟然話有機會賣晒😱好彩只係虛驚一場，好好彩食到最後一份🤗 冇諗過Seafood Tower咁早都有幾會售罄，建議有心想食嘅話，最好預訂時講一聲😎
Seafood Tower超級豐富😍 有 #波士頓龍蝦、半打 #生蠔、 #帝王蟹腳、大蝦、帶子、翡翠螺及 #自家煙燻三文魚，份量比想像中多，呢個價錢好抵食😗 海鮮超新鮮，波士頓龍蝦超巨型，口感緊緻彈牙，肉質鮮香，仲有橙紅嘅龍蝦膏，一人半邊好滿足🦞 生蠔雖然細細隻，但金屬味濃，after-taste悠長 🦪 #阿拉斯加帝王蟹腳 係重點，每隻蟹腳都好粗身飽滿，雖然無北海道嘅帝王蟹咁鮮甜，但食落啖啖肉，一樣滋味 🦀 House Cured Salmon帶有淡淡煙燻香，有驚喜👍🏻帶子同樣大隻又厚肉，不過因為墊咗喺冰上，鮮味就唔夠突出。
📍House dry-aged ribeye ($788)
雖然Seafood Tower寫明份量夠2個人享用，但我哋都好貪心又心多咁叫埋餐廳另一招牌House dry-aged ribeye，結果真係好飽.... 😵 不過幾飽都要試下，因為餐廳有自家熟成櫃！呢塊Ribeye係水準之作，肉質嫩滑細緻，肉香集中香醇，仲有煙燻香氣，好好食🤤
📍火焰雪山（$148）
第二晚再過來食甜品😁 火焰雪山要15min準備時間 ，店員會喺席前淋上法國香橙甜酒，烈烈紅火嘅時間比其他火焰雪山短呢，拍完片已經冇時間影張相啦😅 不過呢個甜品確實唔錯😚 海綿蛋糕層做得鬆軟，忌廉輕盈軟滑，配搭酸甜嘅芒果及熱情果雪糕，食完一整個都毫不覺膩！開頭諗住火焰咁快熄滅，可能甜酒未必足夠，但食落酒香都幾突出🍸
整體餐廳服務殷勤友善，食物性價比高，好適合慶祝😌我諗我哋下次都會再嚟encore！
雪山冰廳下午茶 在 雪山冰廳-1956年 - Facebook 的美食出口停車場
佢哋食物價錢合理！款式多又質素好！大大碟海南雞飯，半隻雞直接上碟！肉質滑就基本喇，仲要又滑又有雞味！ 有雞有湯有飯，另外叫多個#泰式豬手、 #肉骨茶 、 #鮮油咖 ... ... <看更多>