方丈: 菇兄救命啊~~
菇: 睇黎 方兄梗係輸錢輸到乾乾淨淨頂喇
方丈: 生我者父母 知我者菇兄啊
菇: 江東四大智障之中 就以方兄你最為灑脫 眾人皆知
所謂炒油搵命搏 財散人安樂 乃係方兄你嘅座右銘啊
方丈: 過獎 過獎
但係比起菇兄嘅can do spirit 小弟真係有如天淵之別啊
菇: 哈哈 哈哈
方丈: 哈哈 哈哈
菇: 之不過 方兄你隔日一百幾廿萬咁輸 輸完走黎嗌救命
長此以往 唔係辦法wor
方丈: A! 有見地! 小弟有見及此 所以破釜沉舟
一次過輸晒我一世人可以輸嘅錢 整整係百鳩幾億
所以麻煩菇兄你共渡時艱 以黎填債救命啊
菇: 明白明白
老總 我出一出去先
老總: Okay Dearrrrrrrrrrrrrrr
菇: 仆你個臭街! 你當我做義工啊? 仲要我共渡時艱? 冇得傾!
方丈: 哎呀~ 唔好咁啊~ 係我衰啊~ 係我衰喇~
我而家凍薪唔出雙糧
你唔念我出13個月糧比你 你都念下我加你1%人工賺到你冚家富貴丫
我出面有班友係度話啊 如果入唔返藍籌就踢到我排名落雙位數啊
你幫唔幫先!?
菇: 藍籌!? 哼! 拿咪話做兄弟嘅唔睇你啊拿
我即管係靈堂同你寫副挽聯
一係 "管理不善" 一係 "節節下跌"
你是但揀句啦!
方丈: 哎~呀~ 菇啊~ 你唔好咁絕好冇啊~
最多我發毒誓 明年經營環境好轉後與員工分享成果
如果唔係我就比天下最廉嘅廉航日夜爬頭至體無完膚 搖搖欲墜為止!
咁得未丫!?
菇: 下!?!? 咁悲壯嘅毒誓你都發得出?
好! 即管救埋你呢次
人黎! 上等花生侍候
