Search
【騰訊 · 大粤網 香港】
【《法證IV》連愛兩個男人 陳煒放閃:最襯梗係同陳醫生】
陳煒（煒哥）日前出席無綫劇《法證先鋒IV》宣傳活動，在劇中陳煒（煒哥）艷福不淺，先後徘徊兩個男人鄭子誠和譚俊彥之間，對於「音樂情人」鄭子誠，陳煒（煒哥）坦言早已被對方吸引，她說：「佢拍戲時成日扮網球聲，打網球嘅清脆聲音，佢真係扮得好似。」再問她認為跟誰一起最襯？豈料陳煒（煒哥）二話不說：「梗係同陳醫生最襯！」陳煒（煒哥）與醫生男友陳國強拍拖雖然僅大半年，但卻非常恩愛。
最近被疫情影響工作量，陳煒（煒哥）坦言：「所有人都係咁，我惟有養尊處優住先啦！調理好身體再工作，因為一開工拍劇就會chur到癲咗，所以依家得閒咪搞搞佢先，比如飲食要平衡，唔好食太刺激嘅嘢，太刺激喉嚨會痕，咁你咳人哋會驚你。」
#陳煒 #煒哥
#水慧明
#Queen姐
#法證部科學鑑證主任
#法證先鋒IV
【頭條獨家】
【《法證先鋒IV🔍》演員 專訪】
【避「炎」有法 譚俊彥諗計陪仔女玩解悶 陳煒下廚煲靚湯男友受惠】
受疫情影響，劇集《法證先鋒IV》首周7天跨平台總收視高達35.7點，打破6年來首周7天跨平台總收視紀錄，身為主角的陳煒（煒哥）和譚俊彥（Shaun）近日更加落力出動宣傳。不過唔使宣傳日子，兩人坦言主力宅在家避「炎」，但唔怕悶，煒哥除睇書增知識外，仲會隔日落街買餸下廚煲湯，受惠者當然唔少得男友陳國強醫生；至於Shaun就主力陪對寶貝仔女做功課，仲會諗計同佢哋玩遊戲消磨時間，兩人都話會正面睇當多咗假期陪身邊人，同埋趁機洗滌一下心靈，為下套劇準備。
《法證》甫播出已有佳績，除了受疫情影響，當然劇集高質觀眾先會繼續捧場，跟煒哥和Shaun等演員努力當然有關，兩人都話拍攝時日日都好似考試一樣狂背書，Shaun話：「同埋（梅）小青姐唔畀改劇本，咁仲好可以好有系統去背。」不過煒哥仲多樣難度，「難度係實驗嗰啲，我讀書嗰時冇讀過化學，呢方面嘅嘢全部要掌握得好，做出嚟要畀觀眾睇到係純熟專業，但差唔多Lab嗰度最細微嘅嘢都係我做，因為唔知點解我哋呢Team人好多男仔都手震。」
太專業冇得拍拖
講到兩人初次合作，Shaun就大讚跟煒哥合作舒服，「大家都識得睇劇本，識講對白，同埋我同煒哥嗰段唔係小朋友嘅感情，佢之前有個男朋友鄭子誠，幾難做㗎追佢，係難處理，因為唔可能啱啱冇咗個男朋友，所以會拒絕我，內心戲反而仲難。」不過煒哥笑言，因為劇中三方面的調查人員都好專業，大部份戲都在工作方面，兩人冇乜機會拍拖。對於該劇是監製梅小青榮休之作，煒哥和Shaun雖然覺得可惜，但都想對方好好休息，煒哥話：「佢其實好唔乖，我哋拍到朝早8、9點，佢仲喺公司，又唔食嘢又唔瞓覺，佢喺廠暈咗幾次，所以見佢開心湊孫，過番啲舒服嘅生活，都戥佢開心。」
趁機洗滌心靈
談到近日疫情，煒哥和Shaun工作都大受影響，煒哥說：「停晒啦！呢排都係宣傳為主，大家同渡時艱啦！（有劇出但冇咗搵錢機會？）都冇辧法，大環境嚟，大家都辛苦。」Shaun話：「我本嚟要開套警匪劇，但因為要喺內地取景，所以都延遲咗，未知幾時開番。」
近日不用宣傳，兩人坦承都會留守家中避「炎」，不過兩人都有消閒方法，煒哥都承認多了時間陪男友陳醫生，而不用開工仲會去街巿買餸整番兩味同煲靚湯，當然男友都有份受惠啦！「我一買可能買一、兩日餸，啲菜都擺到兩、三日，肉就要新鮮啲。（Shaun：呢排啲菜都靚。）係呀！豬骨嗰啲就貴咗少少。（Shaun：所以我煲雞湯。）」兩人仲教大家煲咩湯水好，煒哥說：「𠵱家春天比較潮濕啲，可以飲啲去濕湯水，或者因為肺炎補吓個（Shaun：椰子煲雞。）係啦，椰子。」至於Sean為了替4歲大女譚晴和兩歲細仔譚杺放電，都諗爆頭，「佢哋都話悶，同佢哋睇書玩吓遊戲。（有冇見爺爺嫲嫲？）隔離咗，少啲聚集好啲嘛！」難得有假期，兩人都好正面諗，Shaun話：「當係個機會畀自己沉澱吓，諗吓之前未做啲咩，我成日覺得5年係個總結，你入咗TVB都5年啦！」煒哥都好認同，「做得耐真係畀唔到啲特別嘅嘢出嚟，係憑感覺去做，其實趁機洗滌吓心靈都好㗎！」
📡逢星期一至五|晚上 8:30 - 9:30|翡翠台《81台》📺
#梅小青
#陳煒 #煒哥
#水慧明
#Queen姐
#法證部科學鑑證主任
#譚俊彦
#郭輝煌
#西九龍重案組高級督察
#法證先鋒IV
【東網巨星 專訪】
【化學人生傷腦筋 陳煒破紀錄48粒鐘冇瞓】
無綫重頭劇《法證先鋒IV》現正熱播，飾演化學鑑證主任的陳煒（煒哥），抽絲剝繭破案，不過就被一堆化學名詞搞到一頭煙，她笑說：「每一個案件都有唔同嘅化學名詞要背，所以都好困難，自己記性又唔好，背完一場戲就會忘記佢，然後再背下一場，所以拍完依家就已經完全唔記得晒喇。」
與醫生男友未談婚
較少做專業角色的陳煒（煒哥）在劇中cool爆，最初與飾演牙醫的鄭子誠一對，後來與譚俊彥再有發展。現實中與醫生男友拍拖的她，談到會否令她更入戲，她笑說：「咁又冇，拍嗰陣我哋未拍拖。」兩人感情穩定，可有闖過新年被親友催婚的關卡？她笑言：「冇畀人催婚，淨係得傳媒催我哋結婚，冇任何計劃，佢亦冇咁嘅提出，因為我哋相識都係好短時間，不過感情就好穩定嘅，新年佢都陪咗我去多倫多登台。 」
靠意志撐住
陳煒（煒哥）指今次拍《法》最難忘是連踩48小時，是一項紀錄，她說：「因為最尾一組戲拍晒我全套劇嘅屋企戲，導演、工作人員都換咗三班我先收得工，期間48個鐘冇瞓過覺，不過就有返屋企沖咗個涼，落妝後又化番妝，再返公司拍過。當然眼瞓，捱唔到都要捱，過咗就覺得冇乜嘢，都係靠意志撐住，個人進入咗狀態就唔知邊度有啲力量令到你可以撐住。」
梅小青認真得人驚
今次是繼《宮心計2深宮計》後再與金牌監製梅小青合作，《法》更是對方退休之作，陳煒（煒哥）說：「小青姐真係認真到得人驚嘅監製，由籌備到拍攝、到後期，係經過好長時間，佢係全情投入，有時我哋拍到朝早8點，佢都仲喺公司，一做嘢就進入忘我境界。」
【專訪視頻】https://youtu.be/xCPX3dbiHKs
#陳煒 #煒哥
#水慧明
#Queen姐
#法證部科學鑑證主任
#法證先鋒IV
