呂哥，你咁勁，點夠你玩呀？😂
我代表後生一輩表示，俾條路仔黎行下，唔好範範都咁勁，可以嗎？
#除左飆高音
#我最欣賞佢娶到個美少女鏢手嗰Part
大年初二，終於輪到壓軸登場的D ALL STAR 成員- 鼓手阿呂！
人稱JDarts阿呂，由於佢太多範疇，而且範範勁，真係唔知點講起，不過如果要用一個字去形容佢，絕對係個”盡”字，因為無論邊一範，佢都去到好”盡”！盡情、盡力、盡歡，Live Life to the Max，應該係佢人生嘅寫照！
~ 吃喝玩樂玩到盡~
佢興趣多羅羅！飛鏢、撞球、游水、運動、曬太陽、釣魚、釣蝦，乜都啱！
佢出名鐘意飲飲食食，尤其鐘意食火鍋，曾經鐘意到一個地步，喺九龍城開左間火煱店。鐘意飲紅酒、威士忌，平時我地樂隊練習，最少都飲三枝威士忌。
為人豪邁豪爽，根據非正式統計，累積佢咁多年請朋友飲飲食食嘅錢，應該夠買幾層樓！
~ 飛鏢飛到盡~
中學時期，佢已經對飛鏢著迷，全盛時期一個星期掟七日，每日起碼八個鐘，最瘋狂時候，一日由早上九點練到晚飯，飯後再出街揾人挑機到兩三點先番屋企！鏢到咁盡，名副其實的Darts Life!
鏢齡: 廿幾年
飛鏢Rating: Dartslive 5-14之間，視乎身體酒精含量而定
鏢界威水史:
2002年- 入圍香港十大飛鏢手
2003年 - 創辦”遊戲人間”飛鏢隊，分隊發展到最高達9隊之多，曾經參與人數超過200人
2005年 - 創立飛鏢界知名品牌JDarts, 生意由九龍城富豪酒店，擴展到旺角、銅鑼灣、尖沙咀、馬來西亞、新加坡等地。合約選手曾遍布世界各地，近年就專注贊助本地鏢手及青少年，回饋本地鏢壇
2012年 - TCO雙人賽事擊敗鈴木猛大獲得季軍, 並帶領香港隊勝出TCO隊際錦標賽冠軍
到今日，佢自己、同佢所創立嘅品牌JDarts，依然喺飛鏢界有舉足輕重嘅地位！
喺飛鏢黎講，佢最盡嘅，除左自己掟得盡之外、創埋隊俾200幾人掟、仲創埋業支持其他人掟之外，最盡都係當你十幾歲，仲係懵下懵下嗰陣，佢個仔Masa已經獲獎無數，成為香港最年輕嘅RATING 18 SA級飛鏢手。
~玩音樂玩到盡~
有睇我地D ALL STAR處女演出嘅，應該對佢嘅出場”飆高音”印象難忘！
佢鐘意唱歌，而且唱得勁，都唔係第一日嘅事。其實佢以前經常參加歌唱比賽，而且屢獲佳績！1993年參加音樂事務統籌處舉辦嘅19區歌唱比賽中以Careless whisper奪得中西區冠軍！當時參賽人數接近500人！後來要管理家族生意(拉鍊廠）先將音樂放下。連我地專業Studio Director 兼低音結他手都爭住要同佢喺Studio錄番隻歌！
2017年，佢心中對音樂的熱情再度燃燒，5月開始學鼓，日練夜練，一年唔夠，已經登大台表演啦，成為我地D ALL STAR 非常稱職嘅鼓手！
你以為佢對音樂就咁就滿足？
都仲未！佢而家學埋結他，遲下仲打算跟名師深造唱歌技巧！
全情投入，發展佢嘅音樂人生！
佢話: 人生最遺憾的不是”錯”，而是”錯過”, 錯過去Live a life that u can remember!!!
除左個”盡”字，我會送個”絕”字俾佢，咁嘅人生真係絕！
記住佢個名 - JDarts阿呂，D ALL STAR 嘅鼓手！掌聲，歡呼聲，尖叫聲，唔該！
除左飆高音 在 【煎熬】- Cover by 浩思- SJMN - YouTube 的美食出口停車場
【煎熬】- Cover by 浩思- SJMN 好多人唔知, 其實我 除左 識少少打鼓外, ... 飆高音 對決TOP5 鐵肺歌后李佳薇＆歌王楊培安狂升KEY掀高潮｜娛樂星世界. ... <看更多>