打份工姐，放鬆啲啦香港人
樓面的辛酸第一炮：對侍應的五大誤解！
【到網站看： http://wknews.org/node/646 】
【惟工新聞】飲食業普遍工時長待遇差，惟工新聞於十月上旬曾訪問旺角侍應阿成（化名），從事飲食業七年的他指出，雖然佔領旺角導致短暫的生意下降，工時長達十多小時的侍應卻因禍得福，得到喘息時間。惟工新聞將作出一連串的專題訪問，揭露100分服務背後的辛酸。
█ 誤解一：侍應可以幫你追食物？
當客人趕時間或等得不耐煩時，都會著侍應去追單，覺得侍應可以令食物快點送上。阿成坦言，侍應不是煮食的人，侍應入廚房催促，只會捱廚房的罵，就算主任、經理都無法令廚房加快進度。經常上演的一個情景是，侍應問廚房：「可唔可以煮呢個菜先？」做廚的會冷嘲應道：「等啦。生嘅你要唔要？」
此外，亦常有客人提出難以配合的要求。例如客人會問可否將生的壽司變熟，要是侍應答不可以，就要準備捱罵了。曾有客人叫阿成介紹紅酒，「佢問啲紅酒咩年份、邊度出產、有無果味，好似當每一個侍應都係百科全書咁，喂大佬，我唔係叫維基啊。如果我答唔到，話俾少少你試下，個客就會話，嘩乜你唔知㗎？然後繼續刁難我。」阿成說，侍應不是萬能的，事實上，在餐廳裡面，侍應是最沒有地位的人。
█ 誤解二：加一服務費落侍應袋？
不少餐廳設有俗稱加一的10%服務費，但諸如茶餐廳大排檔等卻沒有此例，是後者對侍應較為剝削嗎？阿成直言：「服務費同服務你嘅人完全無關係，只係變相加價嘅手段，最終都係落老細袋。」加一與否，並不會影響侍應的薪金，因為老闆會認為，底薪已包括服務費，侍應做得好是應該。很多客人不知道真相，以為給了加一就不用給小費。「多勞多得」對侍應而言，可能難聽過粗口。
即使客人給了小費，也不一定直接落到侍應的袋。侍應要將收到的小費交回公司，最差的公司是不會向侍應派回小費，而大部分公司會把小費累積到每月月底，由管理層統一發放予員工。由於操作透明度極低，侍應永遠不會知道，總共收到了多少小費，當中又有多少是被公司從中抽起。而且侍應生也有分等級，不是全部提供服務的人都能收到小費。
不過，阿成認為，最重要都不是小費多寡，而是顧客的態度。客人真誠的笑容與感謝，才是對服務者最大的鼓舞。反過來說，侍應受到最大的折磨也來自顧客的刁難。
█ 誤解三：「今時今日咁嘅服務態度唔夠㗎」？
劉華一句廣告口號，是港人的集體回憶，也是服務業的集體惡夢。阿成說：「我想答返佢：今時今日咁嘅顧客態度係唔得㗎。」廣告掀起港人對服務業的要求苛索無度，也無視服務提供者的辛酸。
港人喜好投訴，最就手是在社交網絡、Open Rice寫上劣評，餐廳聲譽受損是老闆的事，但最終捱罵受罰的都是侍應。阿成分析道，除了老闆要求侍應龜縮遷就，食環署投訴機制也是養成顧客橫蠻態度的原因。
一旦顧客向食環署作出投訴，食環人員便會到來調查餐廳，這對於餐廳而言是困擾的一件事。阿成解釋道：「食環嚟查牌，你就要調走一兩個人手去招呼佢，搞到唔夠人做嘢。制服人員喺餐廳行嚟行去，啲客見到會覺得間餐廳唔知有咩問題，咁又影響到形象。」除了查牌，食環也會查圖則。為了容納更多客人，有的餐廳會比圖則擺多幾張台。要是被查出與圖則不符，輕則罰款，重則續不到牌，所以老闆都很怕客人向食環投訴。
在老闆眼中，聲譽與牌照的存亡當然比侍應的尊嚴重要。澳洲牛奶公司的侍應從前出了名臭串：「食完就即刻趕你走。」現在他們的都被逼收斂了，很多餐廳老闆都會要求侍應不得趕走客人，結果侍應無奈被逼義務加班，真正係做極都「唔夠」。
█ 誤解四：侍應有最低工資就夠？
在街上經常見到請侍應、洗碗的廣告，人工通常過萬，侍應的待遇看來還不錯。但阿成卻指出，現在飲食業很少新人入行，入了行迅速離職的也很多。其中的主要原因，是「有最低工資（卻沒有標準工時）惹的禍」。
最低工資實施後，為了維持成本，老闆積極縮減人手，把人力充分利用。從前侍應大概每天工作十小時，現在的合約上雖仍是寫工作十小時，實際上往往是十二、三小時（還未包括無薪的落場時間）。阿成說：「依家五個人要做十個人嘅工作，啲新人一入行就要曉飛啦，就要做兩三個人嘅野啦，會跟唔上，做得唔開心，然後咪辭職囉。無標準工時，有最低工資都係無意思，純粹係推高通脹，推高物價。」
既然請人如此困難，老闆對員工態度有否變好？阿成笑道：「你放心，都係唔會。老細會話，請唔到人呀？幫幫手洗埋啲碗先走啦。」
█ 誤解五：食物貨不對辦，鬧侍應可解決問題？
「好多餐廳，菜單上面無論係圖定係文字，都係同實物不符嘅。菜單會寫安格斯牛柳、澳洲和牛、巴西雞翼、韓國走地雞，其實多數只是用馬來西亞、內地食材，牛肉係會用美國廉價牛肉，一定唔係安格斯。」阿成以平淡的口吻道出驚人的內幕，還著大家不要被漂亮的餐牌騙倒。
對食物有一定熟悉的客人，食完發覺貨不對辦，便會質問侍應。阿成直言：「真係好尷尬，公司明目張膽詐騙，而你就係詐騙集團一份子，究竟你要點樣面對呢班苦主呢？」他曾在放題餐廳工作，餐廳以任食Dreyer's皇牌雪糕作招徠，暗地卻提供雀巢雪糕或阿波羅魚目混珠，客人發現後質問：「你個雪糕面寫到明係雀巢，點會係Dreyer's？」阿成當即覺得無地自容：「有啲良心都想搵窿捐。」無論餐廳賺多賺少，侍應都不會分到一杯羹，然而，他們卻無可避免成為首當其衝的代罪羔羊。
阿波羅雪糕形象 在 藍鐵神| 你哋心入面嘅經典英雄角色係邊個呢?阿波羅嘅話，就 ... 的美食出口停車場
冷酷 形象 深入民心，今個weekend係時候大量入手! ... 月2日*優惠不適用於海之戀分店^詳情以店內宣傳品所示之資料為準#Appolo # 阿波羅雪糕 # 雪糕 #雪條... ... <看更多>