［美國GDP史上最差！但好過預期！］不過講緊過去5年嘅增長，3個月就蒸發晒。而家嘅經濟規模，同2015年第一季一樣
拿，之前又有人投訴話係咪唔寫金融。而家又美國GDP又陳智思又759又柯達啦。但我再講一次，其實之前寫咩書店呀DSE呀，一樣係好多人睇的。基本上我都係以客為先。不過放心，如果係收費專欄（下星期重出江湖！），就一定只寫金融嘢。你可以問返以往嘅讀者。冇理由你科水睇然後我貼阿根廷牛扒食後感。
1. TLDR：屌柒啲「股市脫離實體經濟撚」。仲有，黃金2000蚊？唔好咁短視。至少都3000。但當然冇講幾時。係喎，即係你覺得要今日買年底升到3000？但當然唔係你幾代之下，我估係幾年內。唔使十年。當然錯咗你可以拎出嚟鞭屍，但咁樣你一樣係唔會進步。
2. 都冇乜好講，就係美國第二季GDP收縮33%。係史上最差。但，其實係「好過預期」嘅。市場啲經濟師預期，係跌35%．無論如何，自2015年以嚟嘅濟增長，一季就蒸發晒。而家美國個經濟規模，係同2015年第一季一樣，過去5年白做了
3. 係呀，聽落好似好屈機，「都係好差喎」，「預期畀人打一百巴而家打九十九巴就好好」。正是。股市係咁運作的。好違反你啲網友嘅「常識」。但個世界幾撚時係圍住某啲人嘅「常識」轉？你以為魚蝦蟹做莊冇著數，會唔會影響到個遊戲點玩？（＊）。
4. 我對於啲「唔合理撚」係深切厭惡的。例如啲「股市脫離實體經濟撚」，我唔知佢地覺得個世界應該點運作。咁係咪今晚美股要跌返33%先「唔脫離實體經濟」？
5. 2017年恒指升36%，2019年就跌14%。但兩年嘅香港GDP增長都係溫和，3-4%咁樣。大陸都係咁上下（懶查）。咁借問聲，邊撚年先係「反映實體經濟」呢？
6. 唔知個世界點運作，係唔緊要的。真的。你去考車幾時要考你知道架車點運作？你知道踩油會加速，踩迫力會減速咪得。但就千期唔撚好，人地個撚個開車都係踩油會加速，你就問，「點解踩迫力唔係加速」。無數咁多次都證明「股市脫離實體經濟」，我都唔明啲人點解唔去睇下歷史。「歷史萬能就歷史學家發達啦」（真係有人咁講），「今次唔同」，哦好丫，你陣間跳落街丫，冇事架。之前個撚個都死之嘛，歷史萬能就歷史學家飛咗上月球啦。可能今次唔同呢。
7. 講返正題，其實我完全冇睇美股升定跌。可能唔會點跌。但就算跌，都唔係因為呢個數字（＊＊）。「你點知？」「我就係知道」。你咪搵個有常識嘅人去問下咯。香港GDP跌9%添，恒指一日跌咗3000點未呀又？再講一次，根撚本個世界唔係咁運作。嗰啲人真係令我好抓狂。唔係佢地笨柒，而係佢地心中嘅獨裁：我覺得個世界要咁運作就係要咁運作！點解GDP跌三成美股唔係跌三成！點解「股市脫離實體經濟」
8. BTW，個GDP數字真係完全唔令人擔心，因為一早預咗。你咪撚當「大戶」呀乜柒好似你咁第二朝睇電視先知 美國GDP倒退33%啦大佬。好撚好笑的。啲人輸錢時（＊＊＊），就乜都賴「大戶」，萬能嘅「大戶」，「北水」。但到自己解釋「股市脫離實體經濟」時，啲「大戶」就變咗係弱撚智，要好似佢地咁第二日睇新聞先知美國GDP。呢種精神分裂，大家唔好學。
9. 講返仲有樣嘢，今日星期四，其實仲出咗個數字。又係呢個首次申領失業救濟金人數。143萬，其實同經濟學家估嘅145萬差不多，但，之前連跌15星期，最近已經連續反彈2星期。似乎個經濟復蘇已經消退。
10. 再加多樣嘢，剛剛見到，侵侵話提出11月大選延遲喎（https://bbc.in/2X7Jbr9）。滿地花生，自己睇路
11. 仲有，今晚四大天王，FAAG，Facebook Amazon Apple Google（Alphabet）齊齊出業績。「大市將非常波動」，自己小心。但我當然係睇好的。零息，唔買股票可以買乜？當然買金都得。2000蚊？咪咁撚短視。至少都睇3000。係喎，冇講幾時。但照計係幾年內嘅嘢啦下。唔使十年。
話時話，呢排記得keep 住like and share，主動入嚟睇，同埋設定做see first．真係搵食艱難。但感激大家，Keep住做，呢排啲Reach係好返好多的，但唔好鬆懈。一個都不能少呀（＊＊＊＊）
（＊）關於魚蝦蟹做莊有著數，其實應該係中三四程度嘅數學。咁當然係講數學層面。實際上你當然有機會拎兩舊水去贏幾億，但唔等於賭場就冇著數。好多人連呢啲常識都係冇的。
（＊＊）剛剛見到係跌緊300點。你話我講晒都好，但是真的，唔係因為個GDP收縮咯，好冇？當然個市唔會話你知「我今日跌因為冇得堂食」。所以只係人嘅意見。但唔係所有意見都一樣份量
（＊＊＊）或者賺唔到錢時。要知道不進則退，人就係同其他人比。況且，有樣嘢叫通脹。
（＊＊＊＊）而家我呢段嘢會隨機咁在文章不同地方出現。好似以前名師Simon Chiang啲碌屎咁，佢個名老是常出現，等佢他人冇得影印當自己。但埃汾當然冇補拜屙。我甚至冇補習。但點解我知？因為我睇人地嘅嘢。我就係知埋好多你以為我唔知嘅嘢。例如「修道船」。
阿根廷牛扒 在 De La Valley - #點解你要品嚐阿根廷牛肉#DeLaValley... 的美食出口停車場
點解你要品嚐阿根廷牛肉#DeLaValley 阿根廷平均每個人每年要吃掉70公斤的牛肉。 ... 可是從香港飛一趟阿根廷至小要30個小時才可以吃到全世界最美味的烤肉跟牛扒； ... ... <看更多>