讀者投稿《極品港女奶奶篇》
1. 未結婚，仲係拍拖嗰時，第一次見伯母（宜家99），佢襯我男朋友入廁所時同我講:「我個仔好孝順我架！咩都係以阿媽為先！」
2. 次次出街食，99一定要食雞，仲會第一時間夾走雞脾俾自己，第二隻就會叫個仔或個女食，好鬼死驚俾我呢個外人食左。。。但其他餸，佢坐喺到等62夾俾佢。。。
3. 當我同男朋友打算結婚，我話唔想同6299住，男朋友就話:「放心，我媽話我結婚就要搬走，因為佢唔會俾陌生人入黎住。」
4. 我地有自己屋企喇，99係咁叫我老公俾條鎖鑰佢，我老公唔肯，然後佢嬲左我老公成個星期，好彩我老公無屈服到。
5. 結婚嗰日，99完全唔識笑，仲同我老公講:「你知你媽架啦，影相唔笑架喎！」
6. 擺酒當日，99由lunch打牌打到開席都唔肯起身，搞到有一圍人嚟左都無位坐。。。事後我老公話佢唔招呼親戚，99大大聲話:「我咁都無？」我老公話:「係囉！淨係招呼麻將檯嗰3個囉！」99就黑哂面講:「係你話可以打牌，而你又無講到幾點要起身喎！」我老公唯有話:「ok，u win！」
7. 我同老公結左婚無耐，就到姑奶結，62就話要俾帖襯家，即係我媽，99喺我面前話:「請自己親戚得啦，請外人做乜？」
8. 我地第一胎生女，第二胎知道係女時，99成日掛喺口邊:「宜家生仔生女都無所謂嘅。。。」其實佢好介意。。。
9. 次次做節都要霸正日。。。好彩我媽唔介意，同埋老公都會話無得次次正日都男家。。。
10. 第二胎我地請陪月，因為自己阿媽年紀都唔細，又要幫我睇住個大女，唔想自己阿媽太辛苦，點知我99同我講:「其實d陪月個個講到自己好勁，到最後咪咩都唔識！你地唔好請啦，叫你媽辛苦d頂埋佢咪得囉！」咩料呀？又唔係叫你幫，然後仲要我媽辛苦d。。。
11. 有時99一齊食野，99好偏食，喺個孫面前亦都唔會掩飾，我老公就話:「唔好學嫲嫲呀，偏食唔啱架！」99:「你都知你媽我係咁架啦！唔鍾意食就唔食架啦！」個仔都講到你唔啱啦，仲要駁多句，個孫會學架。。。
#退一步海闊天高
#我的極品四大長老
#阿奶奶你當我係外人喎
⬇設計圖片
