關於 關你咩事毒撚 ，我們在網路上蒐集到這些相關的討論、資訊與評價

巴菲特：當潮退時，我們才知道誰在裸泳。
ME：關你咩事呢毒撚
.
.
🌙祝大家今晚賞月快樂，荷包滿滿⭐ (ง •_•)ง

More Photos: https://www.patreon.com/minimiri0121
(本輯相片明天推出😎)

［藺相如，司馬相如，名相如，實不相如］（＊）咪講笑！同Freddie Mercury同Billie Eilish 齊名！獲得誠品認證！我是一個文青！

TLDR：屯門牛呢，真係睇好嘢都慢人一步，睇戲又多垃圾。所以要有馬蘭頭獎學金

1. 實情係屯門誠品，已經有貨。都話日日去睇，我仲發現搬咗位，原本係在啲財經書度，而家已經literally 「上神枱」，同Freddie Mercury同Billie Eilish 齊名！雖然暫時我都未見有任何人拎起嚟睇。實情咁耐以嚟都冇！

2. 又，真係的，明明銅鑼灣，太古同尖沙咀誠品都一早有，屯門就要再遲啲。真係鄉下地方資訊不便。「啲小朋友都要遲兩個星期先接觸到啲高質毒物」。

＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

3. 你真係唔好睇少呢樣嘢，What we talk about when we talk about 村上春樹？好多人都知道佢開coffee shop/酒吧，收工在廚房寫嘢。亦都有啲人聽過個契機係明治神宫野球場（我都去過朝聖），養樂多燕子隊

4. 但再之前呢？村上春樹係關西人，京都伏見出世，但神戶讀高中。佢唔止一次提過，神戶改變佢好多。神戶係個海港，易接觸外國文化（你見仲有異人館），佢就在嗰度睇好多西洋文學。

5. 我話睇書都慢人兩星期，當然只係講笑。「而家屯門都有Donki」「仲有Mirror」。但，你可以留意下，屯門戲院（屯門戲院並唔單指「屯門戲院」）上嘅戲，都真係同「市區」唔同。唔通會上《惡與他們的距離》？主要都係上「長相屍手」之類。有人話歧視，有人話市場考慮，「啲屯門牛就係睇垃圾」，乜都好，客觀結果都係一樣。喂，呀影帝林家棟，都公然恥笑去巴倫紐睇戲嘅人啦。2015年咋喎，香港人好尊重本地電影咩？（而不幸地，套《點對點》我都有睇，但居然唔係在巴倫紐！正如導演話頭，根本巴倫紐冇上呢套戲，全新界得葵芳新都會上，我就在嗰度睇）

6. 你都唔好話冇影響，我講兩件事你知。第一，好少同人講，當年我買樓，係有諗過買駿發花園嘅。咩話？駿發花園在邊？點解我會想買？「駿發花園咪會樓下上《惡與他們的距離》」。最後點解冇買？唔係因為冇錢（我有咁窮？況且我講緊2013年），而係因為懶，同埋我諗真啲，「我買完百老匯電椅中心搬走我咪仆街？去廟街聽數波波定食煲仔飯？定學麥路人郭富城咁去聽楊千嬅唱歌？」。第二，當然係因為我懶。租開我老母（真係我老母，唔係助語詞）屯門嗰樹好地地，咪買埋佢。係呀，買架，咪撚以為佢送畀我。電視框？框你老母（呢度就助語詞）。創屋苑尺價新高添呀！虎毒不吃兒呀。「不過冇人拎支槍迫你買」「況且之後都升咗好多」「所以真係唔使怕高追，咪縮數話咩等調整」

7. 一念任天堂，一念海天堂。一念八天堂，一念朱天堂。如果我當初買咗駿發花園？而家我係咪好有文化我就唔知，「但應該執多幾球嘢」

8. 講返，我變成「港片之鬼」，你估係偶然？並唔只係因為我細細個鍾意睇港產片。喂我年代啲小朋友，個個細個都睇港產片架啦，但大咗佢地自然就會覺得好check，我溝過N條港女，都以自己唔睇港產片為榮，我最鍾意都係我問佢睇乜戲，答曰「我個人冇乜所謂不過唔睇港產片」，充份反映到港女嗰種自以為嘅優越感同懶撚係considerate，多撚謝喎。不過我都冇諗住同佢去睇港片，因為我主要係為上床。到後來睇港片先有得上床，就係後話，只能講句十年河東，十年煩西

9. 我之所以到中學都不停睇港產片，主要係因為一個人。他的名字叫徐一刀。四十歲以上嘅麻甩佬應該聽過。根本就係香港全裸監督村西徹，佢進軍海外時吳宇森都未去荷里活。佢就係自己親身上陣，同「五十嵐」一齊拍愛情動作片

10. 但關我乜事？我又唔係蘇B（一個徐一刀有份用嘅演員）。主要係，徐一刀係我同學嘅舅父。咁佢就畀好多免費戲飛我地睇，當然唔係睇佢嘅戲（當時我中二咋），而係可以去睇任何戲。我唔知係咪只係港片，但肯定嗰時咩 凱都呀， 巴倫紐呀，仲有「屯門戲院」，都好多時係上港片。

11. 我仲記得我第一套用佢嘅飛睇嘅戲，就係《水滸傳之英雄本色》，李克勤唱主題曲，梁家輝做林沖，徐錦江做魯智深，劉青雲做大茄，但最正係豹哥單立文做高俅個仔去淫辱林沖老婆王祖賢。

12. 另外仲有《風塵三俠》（梗係柏安妮嗰套），仲有套日本人拍但廣東話配音嘅《三國志》（1990年代初，已經好過《三國無双》N倍，可見周顯揚真係食撚屎的，係呀，我又要好波過美斯先可以評論？）等等。可見我嘅中學年代，就係咁渡過。

13. 然後你諗下，埃汾太（名校女生嘛）。人地呢，午飯去Pacific Place食嘢—仆你個街到我在金鐘返工我都仲嫌貴呀！另外有個朋友仲誇張，中學年代，去「有馬」日本料理午餐。

14. 朋友同我同年，但你老味，我地年代在屯門？日本嘢？「就係去八佰伴食熱海麵屋」，好撚難食的，難食過味千。當然我好後來先知道，熱海係地名（大佬呀，嗰個年代冇維基百科，又冇一年去十次日本），而八佰伴第一間店，就係在熱海。

15. 至於我嘅名句（其實係朋友講），「嗰時食百人一朱已經覺得自己好撚high」，sorry，呢個係去到出嚟做嘢嘅事。仆你個街，我去到教書嗰時，兩皮嘢個月，都係同成班搣時去荷里活（梗係鑽石山啦，好彩未去旺角荷李活）食百人一朱咋！（話時話，就快又七夕，有冇人未聽過七夕搣時嘅教事？）

16. 睇到呢度，你心諗，有冇咁誇張。都真係有的。例如我估我好似去到2000年，即係，大學畢業，我先知咩係Tiramisu，「開頭以為日本嘢」。而家啲小朋友，幼稚園茶點都食喜知次一夜干啦！

17. 真的，as a 學霸，我博聞強記嘅能力，叻過好多「名校」嘅普通學生。但行出嚟就係冇嚟貴格，食幾多貴格燕麥片都冇用。「即係余文樂咁」，真係好多年先洗到嗰種新界牛嘅味。

18. 你話冇影響？有機會我細寫。但當年我去in Oxford獎學金，邊個in我？係李兆基，冇錯係四叔。仲有楊鐵樑。同埋羅德丞（唔係羅傑承），同埋一條牛津嚟嘅鬼。喂，我見到都變秦舞陽，腳震震啦。最記得鬼佬問我點解地盤啲鐵係工字型，我都答唔出，但其實我係知嘅。（BTW，當年我報N展，真係好彩冇收我）．後來當然獎學金拎唔到，做唔到乜乜學人，返去港大繼續have fun stay poor．四叔變咗亞洲股神。楊鐵樑變咗教英文。羅德丞？選唔到特首，冇耐死撚埋了。（原來都隔咗十年）

19. 事後諗？如果我醒少少嘅，我應該話畀四叔知，我阿麻係順德大良人。我成日返去的。拿，呢啲咪分野。但冇計，歷史沒有如果，洛賓2010年球單刀如果入咗？

20. 寫咗好多，都唔係咩獅子山下可歌可泣。你心諗，而家扁平化咗好多啦。而家屯門都上到NetFlix嘛，屋企都睇到 德國飛機吸血片啦，有得上網，拉近晒啦。

21. Yes and No．但其實，個世界，都係向比較有錢嘅人傾斜嘅。我甚至覺得，我幾幸運，我年代都仲可以叫做「上流」，即係一個普通家庭（唔好講到自己赤貧啦，至少有錢去睇戲）嘅屯門仔，都仲有得發下圍。而家？未必冇，但大家心知，越嚟越難。

22. 最新嘅趣聞，英國A Level，一半人A或A+。因為多咗Teacher assessment，fuck that 教師好專業唔偏私。但有乜所謂？好似阿婆賣紙皮咁，你會噴水上去，我又自然會計返你平啲。英國好嘅大學，更加大條道理自己搞admission test，甚至乎用自己嘅discretion—冇錯，就係傳說中嘅去緬甸做義工。點解啲名人富豪仔女都入到名大學？真係叻啲？你話呢？

23. 寫咁多，冇錯，最後都係講「馬蘭頭奬學金」嘅理念。呢個年代呢，你做屯門牛又冇錢嘅，真係比較大鑊。可惜我暫時都仲係只有理念，未有好多錢，更重要係未有執行力。但，總會搞到出嚟。

（＊）又，我都係早排先知，司馬相如唔係真名，正如河國榮崇拜張國榮，佢因為崇拜藺相如先叫自己司馬相如。正如司馬遼太郎，都係因為崇拜司馬遷（應該唔包括腐刑嗰part），但自愧不如亦係自謙，先叫自己司馬遼太郎。

似乎姓司馬嘅都啱呢味嘢（司馬遼太郎又會姓司馬啦！）。不過司馬賽兒，就唔係因為鍾意馬賽所以變咗馬賽。主要係鍾意波圖。講返，上季法甲馬賽第5，冇歐聯踢，所以要等波圖歐聯分組賽第三，先有機會馬賽對波圖

＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

［我講嗰個西貢，而家叫胡志明市呀］假裝在越南🇻🇳。之前在投注站對面，有人話某金融KOL一提就好多人。咁即係，鍾意嘅嘢梗係讚，唔通想人執笠冇生意咩（雖然有時都會有私心驚講完啲嘢好多人去，但反覆思考下，都係唔知醜太高估自己）

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

TLDR：原本講越南🇻🇳，變咗講《濁水標流》，同埋社會。食評？冇喎。

1. 而家搬遠咗，何福堂七仔再過。餐牌多咗嘢，有春卷有飯。之後報告。多咗個人幫手（佢阿媽？），但廣東話就麻麻地，唔似Jason 咁流利。大家講嘢唔好咁快咁複雜。

2. 又，屯門越南🇻🇳人好多都住呢頭。「之前有單情侶斬人都係」

3. 老嘢會知，我舊文都有寫（https://bityl.co/7uCf），屯門當年有好大個越南🇻🇳難民營，在虎地。而家富泰/嶺南大學個位。仲係開放營。越南🇻🇳人可以出嚟買嘢，甚至打工。

4. 我細個住兆康，細細個就接觸越南人。「就好似村上春樹在神戶海港接觸外國人咁」。舊文都寫過，越南難民，男人咪做地盤，做古惑仔好似冇乜，龍五咩（嗰時黑社會仲未老化，「人工」又還好，仲吸引到本地人，唔使搵南亞人）。

5. 女嘅？咪賣身。都市傳說「十二個蘋果」，係咪十二個唔重要，係咪蘋果都唔重要，但肯定係有呢啲勾當。呢啲冇乜需要潔癖刻意迴避的。冇乜技能嘅女人，搵錢當然係靠呢樣，有乜好奇怪？你見Florida Project都係咁，叫個細路入房就算架啦！（＊）。

6. 我並唔係要做女權自主L講到做雞點高尚點尊貴，點樣反污名化．雞咪雞咯，正如盲人係盲人 基佬係基佬，你問佢地佢哋都覺得冇問題。咩「visually impaired」之類，左膠自己感覺良好啫。我基佬聾人朋友都係自稱基佬聾人，亦唔介意人咁叫（兩個人啦，唔係又聾又基）。

7. What's in a name? That which we call a chicken by any other name would taste as sweet．正如我唔係美化吸毒或乜，但，根本就十分平常。你個世界可能冇呢啲嘢，但你個世界唔係全世界嘛。

8. 舊文提過，《過春天》茄輪都唔打個，亦係呢種潔癖。《麥路人》就仲好笑，根本呀「媽媽」下海合理之極。而我唔明呀金融才俊阿博嘅邏輯在邊，做乜去飛機場幫人出火就得（唔係正骨可以搵八萬蚊下話？邊度請人？），企街就唔得。

9. 《濁水漂流》並唔算好出色，但佢比《麥路人》好嘅係「誠實」。喂啲「街友」慶祝兄弟出冊就係醒一針。人地個世界係咁的。你見美國啲窮黑人都係咁，為乜呀？電影講到明（我覺得太明），等你走唔出呢個圈呀。唔通你「上流」咗會關心啲道友兄弟？人地就係唔想見你成功有正常生活。梗係要drag you down

10. 正如呀吳鎮宇明顯對阿木投射咗父子情（又係講得太白），阿木去吸毒佢要鬧，朋友引阿木佢都唔畀。明白係嗰種「我自己衰但唔想個仔衰」嘅心理。

11. 咁所以，佢去請阿木叫雞，根本亦係合理之極，唔通幫佢訂一年《端傳媒》？（即係咁講，或者，唔通幫佢訂一年 Ivan Li Patreon？）．我記得《華爾街》人地corrupt the youth，咪出花紅帶佢叫雞咯，睇得起你呀。

12. 喂，係咁架喎，唯一唔合理就係做乜深水埗企街有啲咁後生嘅女，仲好似係本地活雞。我就冇見過啦，導演不妨介紹下。

13. 舉一反三，《濁水漂流》入面，你見呀老爺一行人，就係去舖頭偷嘢。係咁架喎，根本平常之極。一樣，我唔係「美化」犯法或偷嘢（私有產權是資本主義的基石），但更唔係講咩「竊鉤者誅，竊國者侯」之類（雖然好大程度上係），唔係講咩「制度不公義」咁上綱上線。

14. 應該睇到呢度，好多人都不滿我呢句「喂，係咁架喎」。「個社會就係多呢啲你咁嘅仆街先搞到咁」「點解唔去改變佢」。但，喂，真係咁架喎！你當然可以或者應該去改變佢，「人人係咁唔代表你都要係咁」，正如我都冇去吸毒冇去偷嘢。但，你自己做好自己咪夠，我就至怕人指指點點其他人，「你應該點點點」，人地嘅人生，我嘅人生，關你撚事咩。

15. 我本書都未有位講，人生一大法則：唔好畀unsolicited advice，好乞人僧的。我以前都會，大個先知幾咁討厭。你點咗條好路人行，就自不然做優越青，「拿，嗰時多得我叫你入建造業訓練局咋，人工仲，哈哈哈」。你點咗條衰路人行？人地怨你一世添。

16. 係，好多人就係咁的，講過隻股票佢輸咗錢都嚟怨你啦，一定係有人拎住支搶指住你買的。呢個世界好多人，就係唔會為自己嘅決定負責任。但，喂，係咁架喎！

17. 所以，你見我核心價值都係個人主義，你咪煩我我咪煩你，大家走大家嘅路。

18. 呢個未必係《濁水漂流》嘅價值，但首先導演有講，戲入面蔡思韵嘅角色，就等於當年嘅佢。講真，呢啲中產，唔係話你不知民間疾苦，但，你點去明白人地嘅感受呢？導演本人，戲入面嘅蔡思韵，仲有我同你都係。

19. 我個人覺得戲入面拍啲大學生迎新營去露宿者度學習，又搞埋啲咩理想家園，就好有喜感。雖然我後來發現而家O Camp真係玩呢啲，好彩我早出世。而似乎導演拍呢啲唔係為咗諷刺啲大學生消費露宿者，實請畢業爭住幫地產霸權同政府出力起樓，只係我太cynic

20. 真的，適可而止，可能咁啱嗰排得閒，我睇咗好多導演嘅訪問。戲入面有一幕我好欣賞，個記者訪問吳鎮宇，問佢故事，都刻意中斷咗—呢個安排係特登的。我見唔少講法話故事無頭無尾（想點？），冇講到點解班友淪落街頭，冇講背後嘅故事。導演有話：就係特登唔講，因為佢唔想你有代入感，唔想你搵到自己嘅影子，「第時我都會係咁」，導演係寧願你用一個抽離啲嘅角度睇。

21. 食評？冇喎，等緊嘢食。但你睇我啲文為咗睇食評？

（＊）Bonus：大逆不道，但我都真係要講，希望我老母睇唔到。話說我十歲八歲時，我老母都係好撚神秘咁，有時夜晚唔見咗人，仲要特登打扮咁。咁嗰時老豆已經走佬，我雖然十歲八歲，但都知好多嘢，都心諗哪有錢？我嗰期係真係幾乎以為我老母去賣身或坐枱的（未免太高估佢？但，我十歲八歲時，我老母三十未到喎）。真係罪過罪過。真相？佢只係約咗情人啫，佢後來老公，當時都搞離婚，好合理，況且係我老豆有婚外情在先。不過呢，就真係唔好低估啲小朋友嘅「懂事能力」，我細細個已經sense到呢啲嘢，由佢會打扮已經知。亦證明我細細個就係一個好敏感嘅小朋友，都話啲單親家庭嘅小朋友好多都係咁。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

Support the stream: https://streamlabs.com/happyblockfriends 歡迎入嚟discord表達意見:https://discord.gg/6Y5qzXX
#唔射波 #唔Diu票 #唔玩網絡欺凌
▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬
0:10 Asriel - Loreley
5:54 【東方ボーカル】 「PHOENIX -鳳翼天翔-」 【SOUND HOLIC】
9:49 【東方ボーカル】 「Unbind」 【GET IN THE RING】
13:53 Amethyst-Asriel-淡き夢見る宵闇ノ骸華
23:15 ATE講最終定案嗰條含家產係有罪既
26:35 有人問Simple點解比人踢左
32:36 Jimmy仔call in
50:26 呀承喺chatroom出現了 元首驚撚左
56:39 呀承登陸塔利班薯仔武裝部隊 第一裝甲師首都DC群
59:33 Kason直接問呀承:「你知唔知好多人走左都係因為你呀?」
59:46 呀承唔承認團隊D人係因為佢而走(嗰句"痴線"講得好撚尷尬)
1:00:22 Kason直入呀承為左"爭玩具"踢走打靶殤事件(1:00:37 句"痴線"又係講得好撚尷尬)
1:00:49 呀承開始少少激動
1:01:08 呀承提問"摺床事件"
1:02:50 ATE問呀承關於向kason指出打靶殤係"雙面人"既對話 呀承失憶了
1:04:06 ATE講開直播既目的
1:05:11 呀承唔知個開直播重點係乜
1:07:51 呀承指當初係大家同意踢打靶殤出HBFs(ATE同5仔:下?!咩話)
1:09:10 開始講HBFs啲錢(呀承開始表現得異常尷尬)
1:11:52 又囈又西咁拎partnership個account
1:16:26 "反正channel啲錢都唔係我架啦 Who Fuckin' Cares"事件(連帶呀承想踢走Uno事件)
1:18:18 呀承由頭到尾都冇解釋過啲錢去咗邊
1:20:26 騎劫直播台事件
1:32:46 呀承串kason食觀眾事件
1:44:20 呀承話自己當時仲有搵kason拍片(其實搵佢拍片係當佢臭四)
1:49:47 呀承指HBFs個Yahoo Email係其他人開(YahooEmail有每個月比幾多錢既Email)
1:50:12 呀承話Yahoo個Email一定唔係自己開既 自己本身就用緊Gmail
1:57:12 呀WING 記得" Who Fuckin' Cares"呢句野
2:01:42 5仔發現Yahoo Email既後備電郵連接住呀承既Gmail(seng081094@gmail.com)
2:06:45 呀承指HBFs啲錢全數得$2600幾
2:15:00 呀承問大家係咪真係覺得佢會做啲仆街嘢
2:19:13 boscoor call in
2:21:25 $2600串過馬撚
2:22:53 Garson明串Kason係毒撚
2:24:13 呀承話我地喺呢件事上邊講少左好多野
2:25:05 呀承指唔係因為利益令成個團散撚晒
2:25:46 呀承悔氣咁講 「係我問題 我同大家相處唔到 OK?」
2:25:50 R爆春袋
2:26:37 Kason問「如果你話係人嘅問題 會唔會係覺得係我地性格唔夾嘅問題」
2:26:39 呀承悔氣咁講「 唔係.緊係我問題啦」( Kason五速嘴屌爆呀承 )
2:28:11 雪餅call in
2:29:53 牙月call in
2:33:10 拎partnership個account問題
2:34:54 (2:35:07 呀承「黐線㗎?喂!屌你老味有病㗎喎你真係」)
2:35:30 呀承惱羞比人踢爆就屌人老母
2:38:14 狼叔call in
2:45:07 呀冰call in(指呀承喺全個直播圍繞住"唔記得"同埋"你真係覺得我係啲咁既人呀?"去掩飾自己既問題)
2:49:01 Antonet call in(指呀承喺直播講悔氣說話輕輕帶過事件)
2:52:50 元首口出狂言 指兒童節目主持人個台得嗰40幾人睇 真係建議佢收收皮先
2:56:56 kenny call in
3:05:52 Uno call in
3:09:31 TKI call in
3:10:32 TKI指出呀承曾經屌鳩自己觀眾係小學雞(屌票先驅)
3:15:15 kaho點稱呼呀?(kaho call in)
3:16:06 投靠多啲"XXX"嗰邊啦
▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬
直播台規則:
1.嚴禁派膠
2.嚴禁霸佔聊天室(傾私計),要傾私計死埋一二邊唔該!
3.嚴禁洗版(歡迎挑機)
4.嚴禁發生罵戰
5.若果直播中言論令你感到唔開心，請於台主FB告知(http://bit.ly/2z1BAA0)
6.歡迎意見交流
7.歡迎向台主提問
▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬

有街坊到屯門仁愛街市想買雞提早過端午節，來到才知道無雞賣，張婆婆說：「不擔心，因為這檔有信譽，很不開心，過節很想食雞，快些叫政府運些雞來吧。」

KFC點醬雞棒
https://www.youtube.com/watch?v=XxNJRQ5_it8
鄭嘉穎 KFC 鄉脆雞塊 廣告 [HD]
https://www.youtube.com/watch?v=G2itIC4r2hA
KFC 越南牛油雞(15秒電視廣告)
https://www.youtube.com/watch?v=0pjCnz_zupc
仁愛街巿驗出H7N9 有關活禽檔關閉並消毒
http://news.tvb.com/local/575397a56db28c0344000002

屯門仁愛街巿一個雞糞樣本驗出帶有H7N9禽流感病毒，本港活雞供應暫停。

「好唔開心囉真係..好想食雞阿媽過節係咪啊…快啲叫政府呀…比..er…er..運啲雞黎啦!」

一個阿婆七情上面，
喊哂口咁好似死左人咁款對記者講。

真心，玻璃心既我係電視前面呆撚左。

雖然我唔係Native既English Speaker，
冒住比人話我偽ABC既風險都要鼓起勇氣講一句：
「Seriously, What’s wrong with you?」

成日話個極權政府唔傾聽人民聲音。
坦白講，
都要睇個種係咩聲音先得架。

為左減低病毒傳染機會，
暫停活雞供應我真無睇唔到有唔合理既地方。
驗到有事，就算係strict少少係為咩？
咪又係想你地市民唔好出事。
到時出左事，
你地咪又屌哂地，
鬧到人地老母啪啪聲。

比著我係高永文，
我都燥啦。

無雞食就叫政府運雞，
究竟依種係咩質素既建議？
中間事實輕重阿因果全部唔理，
個腦入面好似得返兩個字，
好似和尚念經咁樣不斷重複，

「食雞食雞食雞食雞食雞…」

我話俾你知，
和尚念經都有價值過你，
和尚念經係想普渡眾生，
和尚念經係想積福積德。
你呢？
剩係想食雞！

你一定心諗：
「車，和尚都唔食得雞。成件事佢都無受影響。」
（國產既和尚可以食少少好似係）
受影響？受咩撚大既影響阿市民？
咁既勢你都仲諗住食雞？
而加講緊一種死亡率高達40%既病毒阿，
唔明？
講緊人命阿，明無阿？
仲好似小朋友扭計叫政府運雞？

想食雞ok，
你唔識打比鄭嘉穎，
我帶你去求其搵間KFC食炸雞！

http://www.vjmedia.com.hk/articles/2016/06/07/135549/「阿婆，其實食雞可以去kfc。」/

Help us caption & translate this video!

http://amara.org/v/W8kL/