完全明白，由四四方方硬掘掘變得圓滑左，可能真係要用三年時間，兜兜轉轉最後又返返家鄉，只係返到家鄉哥時個樣唔同左......
😕>😠>😟>😢>😔>😐>😶>🙂
btw小米百億美元造車，股價高開2.5％！小米集團午後翻綠，盤初一度漲逾6%，成交額近70億港元，居港股個股成交額首位。 雷軍：最後一次創業，利申撐雷軍買 #小米集团W01810 ！
今朝競價高開13%睇住你架喇，諗住支持跟住遊資炒下即日走番轉，等開盤睇定啲先，點知盤都未開就der晒落返4%升幅，搞唔掂～ 不過撐還撐而家未係時機買住，整體都係阻力大蟹貨多，莊家控盤率唔夠，炒都係遊資炒即日，趨勢未轉向上有入左等反彈都要出出佢先，等轉勢向上再參與！
小米造車姐，都唔係話造就造到架，咁成條鏈點樣搞都要諗諗佢，咁對相關產業點都有影響，造車唔係掟錢就解決到，仲要本身整電話電器哥啲兩樣野，睇恆大 #恒大汽车00708 就知，恆大健康變汽車，有錢出，有廣告出，但係到而家車都好似未見到部，好多精密技術﹑芯片哥啲點搞？咁肯定要搵啲車行廠合作先拆得掂，而家綠色碳中和時代，整車都係整係新能源車啦，新能源車最緊要梗係電池，電機。
再望下搵邊個買料整好，汽車同行長城 #长城汽车02333 ﹑吉利 #吉利汽车00175 等等，啲電啲芯片都唔係自己整，而家全球又話炒芯片缺貨，佢地自己都搞唔掂啦～ 唔得……
咁邊間可以自己搞到個閉環出黎，又自己研發又自己整車，喱個先係行業主角，比你踩隻腳入汽車地盤搶份額又可以幫手打對台，又有方法共存，我就諗唔到第個喇，無架喇都係比亞迪 #比亚迪股份01211 又手機﹑智能設備﹑無人機﹑掃地機器人﹑醫療又搞﹑電主煙又搞代工， 有模具廠， 有實驗室， 有汽車配件廠， 有芯片廠， 已經做到行業龍頭已經唔洗諗其他，個名已經夠砌，小米貼個LOGO整埋個系統整個APPS，比亞迪比個技術跟手代埋個工，搞掂換個皮打包出得街～ 你又可以幫我打其他牌，我又賺到你個代工，技術又係我嘅，無得輸！
本身個盤遊資主導左好易炒即日先比人沽貨，最利好嘅應該唔係小米本身，係相關產業鏈哥啲，搵邊個合作哥個先係大利好，咁本身比亞迪就做車 #比亚迪股份01211 ，咁比亞迪代工係邊個？唔洗諗喇屌，衝啊！比亞迪電主！！！#比亚迪电子00285，砌開手機砌開鏡頭有條路，車？唔差在整埋喇屌～唔洗講咁多，誘空殺落去即刻搶貨 #比亞迪電主！立貼為證，電主買撚到上100蚊！千金難買牛回頭，萬金難令雲化雨，一回踩收陽又黎！
鏡頭設備哥啲唔知會唔會搵埋十年麔一鏡嘅 #瑞声科技02018 WLG鏡頭搞，係就過癮，不過瑞聲比大師加持批一批，唔知得唔得，我覺得仲有機會瑞聲科技～
#小米集团W01810 #比亚迪股份01211 #比亚迪电子00285 ##瑞声科技02018 #恒生指数HKHSI #港股大時代 #小米 #小米造車 #比亞迪電主 #比亞迪打手 #恒生指數 #恒生科技指數
