回到過去,發現阿媽嘅缺點(下)
上集:https://bit.ly/3v8ENHr
我已經無言以對。
阿媽又講:「最近呢,有個讀緊HKU嘅男仔,成日嚟超市搵我,一見到我就面紅。我同佢傾過計,知道佢家境幾好,人品又好。」
阿媽拎張相畀我睇,正正係後生嗰陣嘅阿爸。
「我嫁畀佢嘅話,就一世都唔洗做啦。」阿媽嘅表情已經變咗心心眼。
就係咁,我睇住中三學歷嘅阿媽,憑住美貌同愛情手段,輕易地征服咗雖然讀HKU,但喺感情方面仲係好單純嘅阿爸。
過程中,我完全冇幫過阿媽。
應該話,我都唔知應該點幫佢好。
後來,阿爸阿媽舉行婚禮,我都有參加,仲真誠地祝福咗佢哋。
我知道,佢哋嘅婚姻會好幸福。
阿媽得到夢寐以求嘅顧家金龜婿,阿爸得到賢妻良母式嘅好老婆。
只係,諗起阿媽以前對我嘅「教誨」,我條氣有啲唔順啫。
婚禮過後,我就穿越番去屬於我嘅時代。
我一睜開眼,就聽到阿媽把聲:「勤勤,起身去補習啦。」
「我想瞓多陣。」我下意識答。
床邊嘅阿媽開始嘆氣:「我細個成績好好㗎,可惜屋企窮,冇錢繼續讀書。依加有錢畀你補習,我真係好想……」
「咪住!」我忽然問阿媽:「你唔係唔鍾意讀書,所以中三就輟學㗎咩?」
阿媽有少少慌亂:「邊個同你講呢啲嘢?」
我問:「你記唔記得,你後生嗰陣,有個朋友都叫勤勤?」
阿媽諗咗一陣:「係,我結婚之後,就同佢冇聯絡,但佢同你有咩關係?你哋只係有少少似樣。」
穿越番到九十年代之後,我嘅外貌自動都產生咗改變,所以阿媽先冇發現我就係佢當年嘅朋友。
「我仲知道,你諗住嫁一個家境好,又叻仔嘅好男人,下半世都唔洗做。阿媽,你成功咗啦。」我衝口而出。
呢次到阿媽呆咗。
阿媽好似接受唔到「我知道晒佢嘅過去」嘅現實,匆匆行出我間房,冇再逼我去補習。
我沾沾自喜,以為自己已經脫離咗怪獸家長嘅掌控。
點知第二日,阿媽又出現喺我床前,叫我去補習。
「你又想講,你以前好勤力,內在美係最重要?」我用一副「洞悉一切」嘅表情望住阿媽。
「唔係,我想講……」阿媽清一清喉嚨:「你唔起身補習,我就扣你零用錢!」
我呆咗。
「仲有你年尾咪約咗同學去旅行,你唔畀心機讀書,就冇得去!」
被識穿之後,阿媽徹底放低咗佢嘅大道理,而係用零用錢同自由威脅我。
我都試過笑佢,後生嗰陣想釣金龜,但佢慚愧咗唔夠五秒,就理直氣壯咁壓迫我。
甚至阿爸聽到呢件事,都係一笑置之,佢同阿媽結婚咁多年,夫妻恩愛,點會再在意阿媽當年嘅動機。
壓迫你嘅人,總有冠冕堂皇嘅藉口。
重點係「佢想壓迫你」,而唔係藉口本身。
即使你破解咗個藉口,你以為自己處於道德高地,佢只會轉用強權壓迫你,令你更冇反抗嘅餘地。
—完—
新書《筍工重生高科技》已經出版了,現正發售中,
詳情可點擊這裡:https://bit.ly/32hgoSN
你的支持是我最大的動力!
#短故 #短篇 #小說 #陳美濤 #廣東話 #粵語 #tomatochan #回到過去發現阿媽嘅缺點
鍾易仲學歷 在 Facebook 的最佳解答
大家好,我係HR Zucy姐,閱人無數。
你以為一間公司請人,係聘請啲叻人?
錯了,愈同得多人接觸,就愈得呢個世界咩人都有。
好多時,公司只係想請個「正常人」已經好難。
最近因為疫情關係,乜都網上化。員工Work from home,連高層開會都用視像會議。最近老闆就落Order,連幫應聘者面試都會用網上形式。
不過!就算我Zucy姐無得面對面!都可以從文字睇穿一個人!
你哋一定以為用網上形式面試就一定好容易,其實有好多笑料發生。
嗰啲上身著西裝,下身著短褲嘅例子經常都會發生,我亦唔會大驚小怪。
(因為我Zucy姐WFH時,下身都係著緊睡衣)
但仲有好多奇怪事,會喺面試時發生。
例如之前用視訊會面,就有個阿媽亂入鏡頭,個仔喺度見緊工,阿媽突然喺後面出現,不斷鬧個仔做乜唔出去搵工,掛住上網識女仔。
終於個仔忍唔住就轉身同佢講:「阿媽!我已經見緊工啦!螢幕入面嗰個就係間公司同我見工嘅人啊!」
阿媽呆咗一呆,梳一梳頭向螢幕揮手,然後湊埋嚟同我講:「我個仔好叻㗎,你請佢啦。」
仲有,我Zucy姐都好鍾意小動物,面試嗰時隻貓坐喺螢幕面前我都可以諒解。但有一次,面試途中我突然聽到背後有隻貓「喵~喵~喵~」咁叫。
我當時都當聽唔到就算,但個應聘者突然同我講:「唔好意思等我一陣。」
然後佢走去好嬲咁對住隻貓:「喵喵喵喵喵!」
我當堂睇到呆咗…更令人難以置信嘅係,隻貓好似真係識聽咁,無再出過聲。
黎緊JobsDB嘅數碼招聘會Virtual Career Fair,會於25-27 May舉行,畀求職者可以同僱主直接對話溝通,畀雙方都有初步瞭解。如果覺得份工適合就可以申請,HR會再安排面試,避免大家對份工有錯鋘預期。
喺正式對話之前,會有最多五條預設問題,令公司對求職者有初步瞭解,所以希望大家要認真作答。
例如問你邊度出世,唔好懶幽默答「火星」。問你學歷就寫「BB班」或「東昇斑」…因為我Zucy姐係會直接睇到你嘅答案……
答完五條預設問題,就會輪到live chat 時間,俾你同僱主可以真情…呀係真誠對話!
其實類似嘅網上對談我Zucy姐之前都試過。我心諗,雙方對談只需要用live chat window , 以文字形式去會面,應該唔會發生啲咩事啦~但有一次嘅經驗非常特別,我點估都估唔到對方係咩人。
當我同求職者live chat 時,佢問嘅問題幾乎同工作完全無關。
「你公司有冇咖啡機?我唔想飲即沖咖啡粉,想要磨豆嗰種。」
「仲有我想請問,會唔會經常OT搞到冇時間返屋企食飯?連父母生日都唔畀請假?」
「其實我仲有一個問題,想知公司多唔多單身嘅女仔,最好年齡介乎18至25歲啦。」
大家又估吓,點解佢會問啲咁奇怪嘅問題呢?!
原來對方係一位慈母,佢想幫個仔搵工,知道文字live chat唔使見到大家個樣,就幫佢揀一份無咁辛苦,又唔使OT嘅工,而佢唔單止想幫個仔搵工,仲想幫佢搵埋女朋友……
分享完我Zucy姐嘅請人日常,其實細細聲講我都想搵份好工,等我都上呢個Virtual Career Fair睇吓有咩筍工先。
JobsDB Virtual Career Fair
日期: 5 月25- 27 日
詳情 : http://bit.ly/立即上嚟登記啦-1
鍾易仲學歷 在 Facebook 的最佳貼文
[如何看待知乎估值遠遜B站]一句:一條抖音女,勝過幾百個文青。副題:醜陋的臭老九(*)
============================
告個急先:Ivan已被炒,已成失業人士。未訂嘅記得訂Patreon,積小成多呀。訂咗嘅可以考慮加碼(https://bityl.co/4Y0h)。 一星期至少出返六篇文!月費80
==============================
1. 仲要第一日上市已經大插,固然係因為中概股大瀉,但即使唔計呢個原因,知乎都係細得可憐。
2. (經濟原文:知乎美國IPO首日掛牌 一度跌28%、收市跌11.2%(https://bityl.co/69pv))
3. TLDR:多用戶係唔夠嘅,啲友係咪肯畀錢先?而同你估計唔同,啲知識分子就最撚煩,至難變現。
4. 個題,向吾友高天佑致敬,其實係佢篇文嘅題目(https://bityl.co/69oM)。佢篇文都寫咗大半,但現象著實有趣,值得我寫多幾句。
5. 首先,如果上過「知乎」,就會明篇個題。唔知咩係「知乎」嘅,咁你當係大陸版嘅Quora,呢類照抄外國嘢在本國搞一檔嘅做法周圍都有,亦唔止大陸係咁,你見啲打車軟件都係。至於如果唔知咩係Quora嘅,「都有啲難溝通」。「你當係鬼佬版嘅 Yahoo知識啦」。
6. 當然基於種種原因,後來「知乎」玩玩下就變到唔多似Quora,變咗好多呢啲「如何看待XXX」嘅東西,變咗評論平台,多過原本嘅「打電話問功夫」。此乃後話。無論如何,同大陸其他論壇比,目測「知乎」啲用戶啲知識文化水平都係比較高嘅,再講白啲就係收入同學歷都比較高,呢點好重要。
7. 咁你估都估到,檔嘢當然係賺唔到錢。但,講呢啲?廢老啦。而家一街講SPAC講顛覆講市夢率嘛,要有錢賺架咩?挑,Amazon有錢賺嘛(其實係有的,好賺錢添)。挑,Tesla有錢賺咩(其實都係有的,不過唔係賣車,係賣碳,同埋都只係微利)(當然投資aka 炒Bitcoin都好似有賺,但一日唔賣一日都唔會當賺錢,呢個舊文寫咗,係咪抵睇先,係呀,又賣廣告,因為真係抵睇)。
8. 總之,扯,科技股喎,市夢率啦,要有錢賺架咩?的確你見一大堆咩 SASS股( Sex as a service啩,澳門一早有)之前炒個不停,周顯話齋租影印機就係Hardware as a service,哈屎HAAS。而家最潮講Banking as a service,巴士BAAS(上次開會有人講我真係笑咗出嚟,抵我畀人炒),
9. 咁但,正如之前Amazon Tesla之類,冇錢賺,都至少有收入嘛。咁冇(乜)收入,都至少有用戶嘛。完全就係2000年科網時睇click rate 睇 eyeball咁,等你仲笑鳩當年啲師奶係羊太。後話
10. 平台股呢,有錢賺固然好,冇嘅咪講MAU DAU,Monthly/Daily Active User。呢方面「知乎」係有嘅,號稱近5億MAU。我知你話吹水,但話晒在美國上市,吹極有個譜…..啩。而當然係多過正版Quora的。呢個都不足為奇。Alexa . com 睇流量,啲大陸網都排到好頭,一來大陸人多,二來(理論上)好多網上唔到。Alexa . Com 知乎排到100,正版Quora反而係近400。
11. 問題就嚟啦喎,睇下知乎嘅估值?當時上限先講緊係80億美金咋喎,結果仲要下限定價,而家仲要一上市就跌,最新市值唔夠50億美金。你睇返快手(1024),一樣都係大約5億MAU,但1500億美金市值,三十間「知乎」。至於B站(所謂中國嘅Youtube),MAU2億左右,唔及知乎一半,但都340億美金市值,7間知乎。
12. 咁你都知道,something is wrong,都唔使好醒都知道,有用戶係冇用嘅,肯唔肯科水先?換言之,應該睇埋收入,睇埋 ARPU (average revenue per user)。咁你估都估到,知乎用戶雖多,但收入好低,因為ARPU極低
13. 換言之,就係啲知識分子係唔撚值錢嘅,絶對冇啲帶貨女抖音女咁值錢。聽啲Sales達人朋友講,都話啲中產知識分子(佢應該係話我)最撚煩,反而草根或有錢人嘅生意易做。前者消費力唔高但冇咁多麻煩嘢,後者麻煩但搞掂就月巴月巴。至煩就係啲中產,問一大輪又唔幫趁,幫襯幾百蚊當自己皇帝,冇乜肉食。
14. 正如高兄篇文講,有啲人以為「知識分子」值錢。錯。冇錯班友應該比較高人工,但未必等於肯洗錢(正如香港住公屋嘅洗費力分分鐘高過住私樓)。況且,肯洗錢亦未必肯畀你。無數咁多行業嘅讀者都話你知,最爽手一定唔係啲知識分子。
15. 真係作為知識分子(你反對?)嘅我都要講句,啲臭老九就係麻撚煩。唔畀錢都算,仲要好撚多理由。記唔記得當年Whatsapp話收8蚊 啲友寫幾千字出嚟講公義?堅係好撚嘢。最好人地唔賣廣告又唔收錢服務你呀可?話時話而家Telegram都搞上市咯
16. 舉一反手,講多幾個例子。大家知道蘋果從來市佔率都唔高,一定係N機高。但差不多得佢一間賺到錢,其他齊齊輸。點解?一來班用家富有,最重要係肯使錢(叔粉就當呢啲係傻仔)。呢啲咪品牌—品牌唔係牌子,而係有班傻仔明明其他人覺得唔值都肯畀錢,咪品牌。例如個T Shirt印隻馬騮又一千幾幾百咁。咁你話賣手機唔係平台?差矣,蘋果而家好靠服務收入。但啲用戶嘅stickiness 高。正如Facebook一樣,有冇人望下 而家 mewe嘅流量?明明話個個過晒去,咁我呢排啲Post同鬼講嘢?我死撚咗啦?鬼眼?
17. 另外,另文會寫。但呢排咪啲舊經濟股跑贏新經濟?咁福士跑贏Tesla幾十條街大家知啦,但之前連咩 Discovery ViacomCBS之類都跑贏Netflix。話上客上得快喎。但遲下會講,真係唔係上客快就大晒。你啲客嘅質素唔同,ARPU都唔同。Netflix而家基本上係硬掘收錢,但其他串流(包括迪士尼)上咁多客,好大機會因為之前大特價,甚至送畀你用,或者上電話上有線電視塞埋畀你。遲下士釘阿窿先見真章。話口未完,呢排Discovery 同ViacomCBS就狂瀉。後者因為批股,前者就真係搵笨。
18. 你只有用家係唔夠的。啲用家乜人?咩收入?有冇錢?有錢又係咪肯畀你?肯畀你嘅,又易唔易變心?loyalty 幾多?stickiness 有幾多?一日又花幾多時間?(根據Alexa嘅數,「知乎」啲用家留5分鐘,就多過正版Quora嘅4分鐘)
19. 又舉一個例,嗰時美圖(美圖秀秀1357,唔係美團)上市,賣點都話自己用戶數量僅次於阿里巴巴同騰訊,「但我市值只係佢地零頭」。Seriously?可能好多人用,但一日用幾耐?我又會唔會畀錢?而其他人推個差不多嘅軟件又有幾難?
20. 最後,大言不慚,表面自吹,其實係讚你地(讀者呀!)。本專頁呢,人數嘅嘢,話少唔少(話晒都過萬),但話多又唔多,同人地幾萬或幾十萬爭幾條街。你睇啲post嘅 like數亦都係咁。你睇engagement rate 呢,唔算低但又唔係去到極高。
21. 但,目測,呢度啲讀者loyalty幾高!又富貴!最重要係肯科水。這是十分非常極重要的。再講一次,有用戶嘅未必有loyalty /engagement,有loyalty又未必有錢,有錢又未必要畀你。當中有好多個step的
22. 有感而發,因為不經不覺失業半個月,但都還好,多得Patreon讀者支持。咁但好多都最初係呢度嘅讀者。而反應真係比我預期中好。並非抽水,而係我見有啲我都覺得幾勁嘅作者,但搞Patreon,反應冇預期中咁好的。可能啲讀者就平時畀like鬆手,但講到科水就口爽荷包立咯。
23. 咁當然啦,本身寫金融係先天有利嘅。咁舊文都有寫,做金融,都算係我自己嘅選擇,冇人迫我。只因我鍾意錢(唔通你以為我鍾意一個星期返100個鐘?係喎,有一期真係耐唔耐都要)。
24. 咁當然,讀者賺到錢就更加爽手。會另文再寫,「但隻ASML 又52週新高啦」「新經濟股股災?我嗰啲冇喎」。
25. 好啦,睇完,未訂,或者新讀者嘅,記得訂Patreon。我知月尾,咁4月1日又會收過錢。所以特別話你知,你而家join嘅,3月會費我會100%退返畀你,即係免費送咗幾日畀你。不過條件兩個,第一,當然要4月1號你都仲訂緊先有得回。第二,4月1號後在Patreon PM我,直接在app退,但因為電影節,會比較忙,畀啲耐性,可能幾日我先會覆你。
==============
2021比別人知得多。subscribe now。Ivan Patreon,港美市場評點,專題號外,每日一圖,好文推介。每星期6篇,月費80,半年已1400人訂!(https://bityl.co/4Y0h)。 年費仲有85折
(*)我對於鞭打文青中產知識分子向來不遺餘力,因為我自己都係。正如寫《醜陋的中國人》嘅正係中國人(**)。
(**)In case 後生讀者唔知,「中國人」in this context並不單止大陸人—甚至唔係指大陸人。出書時1985年,入面啲講稿更加早,當時「大陸人」仲係窮到who cares.而柏陽在「新中國」成立前已經走咗去台灣,亦冇經歷文革,「倒係在台灣坐咗十年監」。
鍾易仲學歷 在 鍾易仲高雄市議員- 我的畢業證書有外交部蓋章認可 的美食出口停車場
我的畢業證書有外交部蓋章認可,何來假學歷! 張加良and 16 others. 17. 1. . 鄭世祥. 讚讚讚,就是真正的學歷。 8 yrs. Related Pages ... ... <看更多>
鍾易仲學歷 在 獨家分享#鍾易仲參加國民黨青年團巡迴講座談話 的美食出口停車場
![影片讀取中](/images/youtube.png)
成為這個頻道的會員並獲得獎勵: https://www.youtube.com/channel/UClY1_5m1dPXrmfFKxe7ZWnw/join ... ... <看更多>
鍾易仲學歷 在 鍾易仲高雄市議員- 【打我學歷? 邱議瑩先出來說說看?】... 的美食出口停車場
反觀邱議瑩2004年參選立委時,就被蘋果日報、時代週刊、TVBS質疑她登記的「舊金山多明尼肯大學企管研究所」一年只要去一個月,甚至不用出國,只在台灣修就 ... ... <看更多>