大家支持下《有誰共鳴》節目播出啦，有我介紹了《香港防止虐待長者協會》，同埋介紹了以下八首歌曲，大家準備好捐錢未？
感謝Maria &佳哥Kai Kai Cheung
1 一馬平川—蘇慧恩
係我上年派台既歌曲，呢首純鋼琴歌曲對我有著深層既意義，歌名和歌詞是我的座右銘。每個人都渴望人生可以好似一匹馬咁响廣闊既平原上飛奔，一帆風順咁渡過一生，但如果要我簡簡單單平平淡淡咁渡過一生，我想話俾大家聽，我希望人生充滿挑戰，充滿崎嶇不平的路，我想在生命結束前，活得精彩，活得豐盛！」希望大家遇上挫折困難，可以用正面思想去面對，從沙石中學習成長，當有一天你能畫出彩虹，你會更懂珍惜擁有的一切。
2 我最想—蘇慧恩
我最想係我既派台歌，歌曲寫左我被另一半背叛既愛情經歷，呢首歌既最後一句——「不可再愛時最好通通粉碎」係我戀愛既座右銘，時時刻刻提醒自己唔好對愛情過於執着，唔好太好勝，當發現另一半不值得自己再愛下去時，最好斬釘截鐵離開，不好糾纏，否則最終受罪既係自己。我地要明白，有時候心裡最想擁有既，唔一定係最適合，勉強爭取成功，又未必可以得到幸福，與其勉強一齊會係雙方受罪，咁不如搵一個珍惜自己，值得自己去愛既另一半
3 All of me —John legend
All Of Me》係由John Legend亲自参与创作，係一首温柔既钢琴曲，
歌詞既內容表達左佢對太太嘅愛。
當你全心全意愛一個人嘅時候，佢就係你生命嘅全部，就算佢既缺點或者優點，完美或者不完美，你都會去接受同埋忍耐。我諗當大家去選擇結婚嘅時候，希望大家都可以毫無保留將自己交托予另一半，互相依賴，互相遷就，就算將來發生任何嘅困難，生老病死，希望大家都可以不忘初衷，記住結婚嗰一刻對另一半嘅承諾
4 陀飛輪—陳奕信
陳奕迅既陀飛輪係一首好有意思既歌曲，呢首歌如果用心領會吓歌詞裏面嘅意境，聽完之後，自己都會忍唔住反思下，自己努力拼博究竟係為咗啲乜呢？呢首歌係想表達光陰消逝, 歲月不再既時候, 後悔已經黎唔切，好多人好努力去滿足自己嘅物質需要，好似飲靚酒，買跑車，玩相機，買名錶，當你擁有物質上嘅一切，但好多時都未必可以換取真正開心，有陣時可能簡簡單單嘅生活，反而更加開心，但係有幾多人又真係可以做到心中富有？
希望大家唔好浪費光陰之餘, 亦都唔好為左物質既享受, 而做一d不道德既行為，或者只重視物質享受，而忽略身邊更值得珍惜既人
5 我們都是這樣長大的
下一首係鄭秀文既歌曲，我們都是這樣長大的，我好鍾意呢首歌既旋律同埋歌詞，真係好有共嗚，好多時我地既人生都係好無奈既，無論係細細個嘅時候，或者已經大個咗都好，有好多事，我地都係控制唔到嘅，我哋只係可以無奈咁樣沉著應對，但係點樣無奈都好，我哋都要含着眼淚同埋汗水捱落去，每一個人生階段都有唔同嘅煩惱，但係默然回首諗返轉頭，都只係人生裏面嘅一個經歷，但係就係因為呢啲經歷，磨練我哋嘅生活，令到我哋成長，變得更加成熟
6致有夢想的人—
呢一首係何雁詩既致有夢想的人，呢首歌係佢成為獨立歌手之後，出嘅第一首歌，所以佢唱出嚟特別有感覺。
響首歌裡面，我最鍾意既一句歌詞就係「有夢想的人，拒絕不可能」，因為真係好有勉勵性，希望大家搵到自己嘅夢想，就唔好放棄，呢個世界好多事情都好似遙不可及，當你追尋夢想既時候，會有好多挫折，甚至會有好多人同你講，唔好再喺度發你個春秋大夢啦，可能你會因為人哋嘅一句說話，會打沉自己想行嘅路，其實只要你繼續堅持，就算冇可能嘅事，都可以逐一擊破
7 初心 —施匡翹
初心呢首歌係施匡翹既歌曲，我自己好鍾意聼pop rock 既歌，歌詞係好有義意既，每個人從小都有屬於自己的人生目標，響人生既旅程，我地一定會跌倒，好似係小朋友未識行未識走嘅時候時，你嘅目標就係可以學行學走，小朋友跌倒嘅時候，會有爹哋媽咪扶你起身，大個咗，我哋一樣會遇到扶持你嘅人，幫助你成就你目標嘅人，平時佢哋會響我哋身邊黙黙支持同鼓勵，其實冇一樣野係理所當然嘅，希望大家都會感恩身邊曾經幫助過你嘅人，不忘初心
8 身體健康—張衞健
身體健康係張衞健一首好耐人尋味嘅歌曲，我地為生命日拼夜拼，好多人都會捱壞身體，甚至捱出一個大病，當你真係臥病在床嘅時候，你會發覺身體健康先係最重要，甚至會發覺就算你已經擁有好多嘅物質好多嘅財富，當你發病嘅時候，原來所有嘅物質慾望都歸於零，因為你已經冇充沛嘅體力去享受，所以大家記住工作之餘，都好好鍛鍊自己嘅身體，唔好要屋企人擔心，響呢個疫情裏面，希望大家都齊心抗疫，身體健康
#有誰共鳴 #香港防止虐待長者協會
#一馬平川 #蘇慧恩 #opheliaso #ophelia_so_wai_yan #o3
#我最想 #Allofme #Johnlegend
#陀飛輪 #陳奕信
#我們都是這樣長大的
#鄭秀文
#致有夢想的人 #何雁詩
#初心 #施匡翹
#身體健康 #張衞健
