銀魂係我生命嘅啟蒙。
到而家我都唔會相信佢真係即將要完，明明仲有無限嘅題材可以寫，仲有好多可以笑可以喊，空知英秋都已經呃人呃咗幾萬次話要完，唔爭在呃多幾廿年，我淨係睇呢篇文都已經眼濕濕，承受唔到佢真正完結...
有關銀魂，呢篇文只係一個小角落嘅心聲，我仲有好多好多說話想講...
－－－－－－－－－－－－－－－
『銀魂就快連載完啫，駛唔駛世界末日呀？全職獵人再次休刊，都無咁嚴重啦。更何況既係，火影滾樣，死神都叫經經地典都完左啦，佢地都無事喎？點解銀魂反而會要呼天搶地？因為銀魂係特別的。
惡搞笑到唔單止有腹肌甚至幾乎窒息而死。
描寫日常果陣和諧同淡淡既活潑小生意氣。
對世界政治既果種一矢中的嘲諷無比犀利。
長篇對鋪排既果種起承轉合同埋曲折離奇。
繪畫出每個人物特色有英氣有傻氣同傲氣。
明知濫發煽情都睇到心又喊又笑又悲又喜。。。
毫無疑問，空知英秋，可以係集百家之大成底下不失個性同創造力，畫功亦從來未見有所退步或者偷懶（除左某幾話特殊需要外），如果富奸係天才中既天才，咁空知大猩猩一定就係鬼才中既鬼才！
每個人都會有佢鍾意既銀魂篇章。依家只係衷心咁希望，佢可以俾到一個圓圓滿滿既結局俾大家。令到大家由青年人變成成年人甚至暮年，呢十三年既歲月入面，都覺得自己追過銀魂，有佢、新八同埋神樂以至好多好多其他角色……陪伴住咁多起起跌跌，人生不枉。』
銀魂篇章 在 [閒聊] 銀魂是怎麼把一手爛牌打到好的? - 看板C_Chat 的美食出口停車場