讀者投稿《有病唔戒口老爺篇》
大家好!近年同我老爺嘅相處我都覺得幾委屈，同大家分享一下。
我老爺有三個仔，奶奶早已過身，老爺自己與工人姐姐住，我們多數在過節時及工人姐姐放假回國才一起吃飯，做節餸菜豐富大魚大肉係好正常，但我因為近年健康有啲問題，有好多食物都會戒口，平時都只會食少少，但做節就真係好多嘢都唔食得，大多只會食菜，少少肉及魚，老火湯就一定唔飲，我都有解釋過唔食得嘅原因，但我老爺就唔多高興我有好多嘢都唔食，因為佢自己糖尿病都唔會戒口，仲會因為在晚餐時要飲酒，所以將糖尿病嘅藥唔係進餐時服食，自行改在臨瞓前才服用。
我發現時向其他叔仔反映，因為糖尿病藥不依時服用都對身體有影響，但無人認為有問題，咁我勸咗，佢唔聽我都無辦法，但我自己嘅健康我就會企硬戒口，有一次食咗好耐我都只有菜可以食，條魚未蒸好，其他只有蟶子、蝦等餸菜，所以我就食咗一兩件雞，雞只有一小碟，只有雞肶雞翼，因為其他部份都攞咗去㷛湯，我都已經唔係食雞肶，只點知我老爺就大大聲講，啲雞肶我係整比啲孫食嘅，我聽到就好難過，我食又唔啱，唔食又要比你黑面。。。
另外令到我哋關係唔好嘅就係我嘅豬隊友，因為佢都有糖尿病，所以不可大吃大喝，咁我老爺就專叫我老公食埋食剩嘅餸菜，又叫佢食飯一齊飲酒，咁我就一定出聲制止，我都同我老爺講你有三個仔，點解你係都要叫個唔食得唔飲得嘅食多啲同飲酒呢？講得多我老爺就會同我老公講呢啲說話：「你問咗你老婆先」，又或者用食花生嘅態度話比我聽我老公食啲唔啱食嘅嘢，等我哋有爭執，佢就係一邊笑住睇戲!
最近食飯，電視節目剛剛介紹冷糕，我老爺見到就話好耐無見過無食過，因為我都鍾意整嘢食有整過，所以就係電話㩒張相出嚟比佢睇，諗住整比佢食，點知佢一句窒埋嚟：「呢啲你又食得!」，我忍唔住回應：「我又唔係糖尿病，點解我唔食得?我諗我一定清楚自己有咩唔食得，其實你好似係為咗話我而話我!」，當然我老爺就緊係唔高興，我嘅豬隊友就一直都唔出聲，之後同佢呻，佢就只會叫我唔駛理佢咁多!其實如果唔係要睇住老公唔好亂食嘢同飲酒，我係唔想再去食飯!我老爺仲有好多難頂嘅嘢，例如認為我係屋企（我住受鉛水影響嘅屋邨）裝濾水器係我多餘，因為香港食水好安全，又試過係工人姐姐放假時去煮飯比佢食，專登買咗啲龍躉煮比佢食，佢一句讚嘅說話都無，只係講會唔會有雪卡毒!我真係好多時同佢食完飯唔開心到失眠!文有點長,多謝大家比我吐下苦水!
#退一步海闊天高
#我的極品四大長老
鉛水影響 在 這些都是造成自來水含鉛量超標的隱憂 的美食出口停車場
根據調查，全臺至少有3.6萬戶仍在使用老舊鉛管， 還有更多隱而未見的鉛製水管轉接頭， 這些都是造成自來水含鉛量超標的隱憂， 究竟喝下這種鉛水對人體有什麼影響？ 而民眾 ... ... <看更多>