之前為另一半慶祝生日，見在kkday到九龍富豪酒店有個package $1288 包自助晚餐和第二天的早餐，所以就決定住吓。
Check in 時知道可以入住行政套房，上到去發現原來幾大吓，有廳和房分隔，牆身本身有少許破損，拉開窗簾和浴室玻璃感覺唔太乾淨，水煲底有跡，清潔扣咗唔少分。（浴室玻璃我無聊清潔吓真係乾淨咗dd）
行政酒廊供應的飲品和小食唔多，但時間太近晚餐，所以入去行一轉就走，健身室因為限聚令，所以要櫃檯登記在約好的時間入去。
晚餐的自助餐算豐富，刺身有我至愛的油甘魚，只可惜油甘魚供應有限，拎咗兩轉後已經冇曬，吞拿魚跟帝京、迪士尼的分別不大。另一半就最開心，因為有麵包蟹食，燉湯不錯，不過我發現原來正式俾錢食自助餐而又每枱夠6人就有隱藏menu，有魚子醬、片皮鴨、風乾火腿，不過我明白一分鐘一分貨，佢哋每位成人收費本身高於我哋package 的人均收費，我都寧願有得食加住好過就咁食。
自助餐的雪糕堅正，甜品都唔錯，個人喜歡焦糖燉蛋，不過上面有鵝肝，我塞曬俾另一半食(≧ω≦)/
第二日早餐反而落差太多，食物選擇比較少，但都算食得飽，起碼抵過去帝京，起碼住宿時間長d，可以在房hea耐d (/^▽^)/
第二日午餐雖然冇包，但我就在附近買午餐順便拎酒店送的蛋糕當午餐返入房食。
整體來講，雖然酒店硬件係舊咗d，但個人覺得算係中規中矩的體驗。
#hkblogger #Staycation #kkday #九龍富豪酒店 #自助餐 @kkdayhk
迪士尼酒店自助晚餐 在 【$868 盡享兩餐酒店自助餐 】... - 香港迪士尼樂園 - Facebook 的美食出口停車場
盡享兩餐酒店自助餐 】 去樂園酒店食自助餐，迪士尼朋友現身同你見面，小朋友仲可以一齊參加製作主題小食*，為你同摯愛增添奇妙滋味！ 而家香港居民買「迪士尼朋友 ... ... <看更多>