關於 返 銀行 衣著 ，我們在網路上蒐集到這些相關的討論、資訊與評價

真係… 我唔講佢條仔，畢竟一夜夫妻22蚊，我好有職業操守嘅，呢啲我係唔會講。

但係呢… 口口聲聲話英國點點點，但連最基本、最基本嘅西裝都可以著到一塌糊塗，就知呢個所謂嘅manager唔會有啲咩料到。姊妹們，依家同我拎紙筆出黎抄notes，出到去如果著成咁，唔好同人講你係人妻先生嘅讀者。

Manners maketh man.

首先，淨色西裝淨色恤衫淨色tie… boring and tasteless，讀大學莊suit拎返出黎見工咩？另外條tie請問係咩事？我都唔評論點解係用呀婆底褲色去撞件外套，個結老蓮咁大個雙下巴咁款，可唔可以打細啲唔好咁loud？呢種打法係好老套，又或者係看更同警察嘅假tie先會打成咁樣。

跟住，西裝外套扣鈕，請問最底嗰粒咩事？請問最底嗰粒咩事？請問最底嗰粒咩事？！！！西裝外套最或嗰粒叫Never，扣邊個死邊個，去cocktail見到人換卡片，睇title 叫咩manager都係假，一睇扣左最底嗰粒，就知道佢一定唔係著慣西裝，黎呢度著套老西冇料扮四條，寒暄兩句就好閃，呢條友唔會話得事。

最後，褲腳請問有冇得再短啲？一行一坐低就吊晒腳好肉酸，一睇就知唔係度身訂造，又或是手工好差，已經唔需要討論。

我早排都請緊manager，大家都有十幾年社會工作經驗，我係好嚴謹去睇對方嘅衣著。事實上我唔介意你著polo tee(但唔好反領）黎interview，我地銀行dress down好耐，唔需要著全套西裝，反正你舒適又代表到你性格就ok。但我好介意人著錯西裝黎interview ，這樣純粹代表了「你覺得著只要著左西裝就係認真」，那是單純的形式而不具備涵意，這種人在office裡十有八九只係會「跟order做野」，嘍囉一樣的存在。對於西裝嘅理解，甚至連最最最基礎的知識都不具備，就想同我講「認真」，將來我俾個project你，你肯定唔會消化直接搬字過紙不求甚解(呢件事都幾符合佢呢種前低級公務員嘅性格），簡單來說，就像這身裝扮一樣，只會是一場車禍現場。

一間公司請這樣的人，不難看出應該都係hire and fire嗰種，來者不拒，跑到數就留、跑唔到數就炒嘅manager。

我真係恭喜你啊！ 🥰

【我正式宣佈：#晞觀影記事13週年《#黑寡婦》包場無論如何都照去！】

🥷🏻《#黑寡婦》超巨幕版包場詳情：
📅日期：2021年7月7日（星期三）
⏰時間：21:40（片長134分鐘）
📍地點：海運戲院
💰票價：$100/位；Patreon用戶$70/位（每個Patreon用戶最多限購4張）（歡迎俾多當課金）
👫🏻名額：342位
👔Dress code：冇，但你鍾意扮黑寡婦又好扮鷹眼又好扮咩都好，好似舊年果幾位炒熱個場我會多謝你
🎞️內容：小弟講兩句+電影放映，有冇咩嘢送待定

💳付款方式：
- payme付款：https://payme.hsbc/jackyhei
- 如需用銀行入數或FPS付款方式，請inbox查詢。
- Paypal：不建議‼️如果要用，連手續費每位票價為$120。paypal.me/jackyhei

‼️確認流程：（重要‼️）
- 請俾完錢後將payme/入數/FPS/paypal付款確認信息cap圖或影相，立即喺Facebook或Instagram inbox我，並提供以下信息：
1️⃣ 寫明「13週年包場」
2️⃣ 你個Facebook/ IG名（Patreon請列明用户名稱）
3️⃣ 戲飛數量
4️⃣ 一如舊年，我唔介意你俾多當課金，但為免誤會，如果你課金，請加句「有多當課金」

想當年你睇住蘋果Live，今日你睇住其他媒體同網媒去Live佢，你會覺得呢件事好諷刺。今日唔知聽日事，又點知未來發生咩事？既然聽日都唔知會變成點，不如搞得成就及時行樂。

因此，我喺度宣佈，除非控制唔到原因，包括打風落雨，或者黑寡婦衣著可能涉及黑暴危害國家安全而禁映，仲有更多奇奇怪怪你估唔到原因－－今時今日香港地咩都有可能之外...

🔥無論如何，包場活動點都會照去，夠唔夠人頭都照去🔥

講真，條數依家都係未夠一半，但經過呢幾日嘅事，我成晚就諗，你今次做咗咁多籌備唔搞，點知下年咩環境？下年會唔會得返《1921續集》定還是《金剛川前傳》睇？俾你播得到套正常戲，又唔會要唔知剪幾多刀？

上年嚟嘅忠實讀者，以我所知有超過廿位已經喺英國，你點知明年今日呢班Follower有幾多仲喺香港，而你自己又係咪喺香港？冇嘢可以預計架喎！

如果今日因為自己要付出少少唔去做，一切ready就係差俾錢你都唔去做，明年今日一切唔同曬時，想做都冇得做，一定後悔唔嚟，咁不如咪諗咁多照去啦！

朋友俾我個意見好啱：做生意一定有賺有蝕架啦，如果你有盤好想做嘅生意，係咪預咗蝕就試都唔試？何況依家你唔止係生意，係你生日Party喎，做咗先啦！就算俾你儲埋咁多錢，你都唔知用唔用得著啦，一個唔覺意就充公凍結你架啦，我哋財產都係公家架啦！

好似係，除非唔係。

所以，妖，照去啦！打死罷就！唔駛驚俾完錢搞唔成麻煩，無論如何，點都照搞，繼續賣飛！

晞。觀影記事13週年包場《黑寡婦》巨幕版繼續預售進行中！請即購票：https://bit.ly/35EHdTf

【Patreon加強版】尊享優惠、更多深度獨家電影文章：https://www.patreon.com/travelerwithmovie

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei

【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【龔成問答信箱】（Q19221-Q19240）

Q19221：

老師你好，我對投資冇咩概念但有keep 住睇你的分享，我平時要照顧小朋友好少時間睇書，我想問你話長揸股票賺錢，我想知係賺佢既收息嗎？ 會有股票冇得收息？

如果我長揸10年後，升左好多，之後呢？ 唔賣出點賺到錢？ 唔好意思問咁多問題

龔成老師：

新手多問題是正常的，而我建議你睇《股票勝經》，適合你的。花少少時間，慢慢睇。

我地買股票，就是買企業，企業賺錢，就有機會派息，佢可以選擇派或唔派。當企業有盈利時，佢可以選擇將盈利再投資，又或分享給股東作派息。

我地會分析該股過往的派息情況，如果佢本身業務穩定，如港燈（2638），而佢所用的派息政策都是持續派息，就可以確保你買入後，之後的收息都不差。

至於你問持有10年，其實最重要是財富增值，不是現金，你留停在「要賣出，賺現金，先算賺錢」，但真相是，現金貶值，資產升值，你持有優質股才是真財富。

另外，當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如你10年內以增值為主，之後進行財富配置，轉為收息股，著重現金流，這都是策略。

------------------------------------------------

Q19222：

龔Sir 我係你股票班既學生，我28歲、身家6成係股票4成現金，有關於資產既問題想問下你意見：

1）你本書財務自由行-債券嗰一課講過年輕人唔建議賺息差，因為債券係不會增長既產品。

但而家既低息環境，證券行如IB可以做到1.08%息率槓桿，你建議係我呢個歲數攞幾多%錢去以孖展買債券、賺息差嗎？（假設我搵到穩陣既債券，息口有5.XX%左右）

2） 同朋友夾錢搵層樓租10年，然後再以劏房形式租出去，至少要3年先回本，年回報有20厘，你覺得值得嗎係我呢個歲數？

3） 近排好多電動車股如1211有配股既動作，配股價假設真如消息所講嘅$187.6，可唔可以咁樣斷定呢個係佢嘅合理價？

定係呢個會係其中一個理由去上調係股票班學到嘅估值？

4）1211 配股係咪利好？因為佢係籌集資金再投資再發展？

5）我係坊間買左個DCF估值excel, 但即使用係已有盈利嘅公司, 得出黎嘅估值有啲都好離地, 點解會咁？

6）年尾有咩方法紀錄/計算自己既股票年回報，尤其是係long term既股票如比亞廸，係2018年尾$45,
2019年$40, 2020年$200, 萬一2021年尾係$150，咁下年就係負年回報？有冇個簡單好d既方法？

Thanks 龔Sir

龔成老師︰

1） 首先，你這個年紀係財富增值黃金時期，債券這產品不是優質資產之餘，增長力也唔理想。建議你集中係有增長力架優質股，長線一定會較有利。

而且，我唔建議用孖展這種槓桿模式去做投資，風險太高了。

2） 不要一面倒睇好這類項目，劏房的確會有較高回報，但要處理的麻煩事都較多，租客的質素，對物業的損壞風險，這都是不確定性。當然，我不是完全反對，但市場是公平的，這類項目回報較高，反映風險較高。

另外，合資投資要好小心，好景時大家都無事，當市況差時，就會有分歧。

3） 合理價係用佢本身質素、行業前景，財務狀況等去評定，配股價跟這些因素無關。配股價只考慮「這刻市場能接受到的價」。

同時，企業質素唔會因配股而改變，故此唔會成為上調佢估值的理由。

4） 比亞迪（1211）配股，估計係用於加大營運資金、償還債務等用途，屬中等，未算好利好，但都不是差。

5） DCF本身較適合用於一些平穏發展，現金流穏定架公司，如果現金流變化較大，就未必適合。我唔係好清楚你個EXCEL運作，所以比唔倒實質意見你。

6） 其實我唔會咁去計住，因為中短期再好架股票，都會出現波動。你反而係要定期審視佢架質素，到底有無大轉變，只要無變就無問題。

比亞迪（1211）現時未到佢全面爆發期，你要再預多幾年，等新能車較全面普及，才會真正反映佢較真實價值。

------------------------------------------------

Q19223：

呀sir，我想定個目標係3年內草到100萬，每月草到大約1萬，我應該點樣進行配置？

因為大部份潛力股小注分注後都上哂去，無辦法進行加注。希望呀sir你可以比d意見我。

現時持有股票

12 29@1000
590 16.7@1000
788 1.5@20000
1093 7.7@2000
1177 7.8@2000
1686 5.8@2000
1810 14.6@600
1830 2.4@8000
1928 28.7@1600
2382 113.7@100
9988 251@100

龔成老師：

上述都是有質素的股雲，方向正確，基本上無問題，可以長期持有。

如果要3年內累積$100萬，除左靠原有股票去進行滾存外，你每月都要努力投入資金，投資優質股，每月$10000可以投資平穩增長股，加部分潛力股。

平穩增長股，如盈富（2800）及其他，至於潛力股，由於不少現時都唔平，可以較考慮的，就是安碩恒生科技（3067）可長線，另外，舜宇光學科技（2382）、中生（1177）都可考慮，但要注意股價波動。

記住，唔好太急用盡現金，因為現價唔算平，要慢慢用，耐心等機會。

------------------------------------------------

Q19224：

老師你好，想問吓中國電信會唔會有得升，我喺佢2.75嘅時候賣出, 2.4又入返

仲有我想問吓，我依家係19歲嘅學生未有收入,有冇啲咩方法可以令我個本金滾大啲？或者有冇啲乜嘢要注意

龔成老師：

中國電信（0728）長遠會慢慢上翻，不過，這股並不是高增長類，只是收息類，因此唔好對股價有太大期望。

而你19歲，這類股未必最適合你投資。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你現時要增加收入，可考慮做兼職、做下小生意都得。

同時，要努力學投資，只要你有知識，到你將來正式工作有收入，財富增長會好明顯。

------------------------------------------------

Q19225：

老師你好，我係投資新手，現時有份穩定嘅工作，想學下投資，想問問 我有留意到你經常講到盈富基金，如果我有一萬蚊作為本，要如何運用？謝謝

自己都有去銀行查詢，銀行方面表示，瑞銀中國債券基金都值得新手入手，你認為如何？

龔成老師：

盈富（2800）會較穩健，如果你想增長，能承受風險，就安碩恒生科技（3067），不過價格會較波動。

至於上述的債券基金，我無研究，你要留意一點，「債券基金」跟「債券」有所不同，債券基金坊間分好多種，你要小心睇，因為有d風險低，無乜問題，有d則有潛在的風險，絕對不是保本的產品，有機會出現了「賺息蝕價」的情況。

第一，有些基券基金，會投資「高收益債券」，即是「垃圾債券」，你一定要睇睇佢所佔的比率。

第二，債券基金往往不是單純地持有債券，而是可以作買賣，以及利用衍生工具作對沖等策略，即是可能有價格上的波動。

所以，你投資前，要問清楚風險。

------------------------------------------------

Q19226：

老師，早兩日終於鼓起勇氣落堂後問你問題，我就係問點樣唔心急買股票個個人

多謝老師悉心教導，我而家先知合理區，便宜區買左貨個種穩陣。我之前試過高追比亞迪，最後跌得好快，蝕本走左，反觀其他領展，恒基係低位買真係慢慢升上去！

明白到點解同一隻股票有人買會賺大錢，有人會蝕錢，就係因為心理質素唔夠好，無耐性，我要痴張大紙貼係屋企，耐性，好價錢好時機同優質股先好入手！唔好急，要冷靜！

感謝老師

龔成老師：

對，你已經掌握到一個好重要的投資技巧：心理因素、耐性。

要令自己唔好一時衝動入左貨，你可以用我課程比你的「企業評估表」，由於要填6頁紙先可以買股票，因此，你每次買股票前，都會確定自己好了解該股，同時這股已確定優質。

當你每次買股票前都填這表，就可以令你好冷靜先入市。

------------------------------------------------

Q19227：

龔老師，你好。我今年42歲，月入約5萬。一直沒有投資，直至近月工作可能被辭退，相信未來幾年找工作不易，也不會有現在的收入，覺得十分有危機，才開始想到要學投資。

屋已住40年，是父親的，相信未來二十年內會拆卸要搬，又是一個危機。我不懂買賣投資樓宇，只知要儲錢。

四五年前，因同事提議而儲蓄人民幣，起初利息較高，每次存入港幣2萬，每半年自動滾存，前後總數約三十至四十萬港幣，後來沒有理會，在今年年初人民幣貶值前一天全數轉回港幣。

因為不同時期存款，我不知如何計算才是，轉回港幣時，人民幣對港元對換率應已上升，但我想應該有賺吧。

最近英磅七天定期儲蓄利率十厘，應該做定期？

沒有任何投資，但一直慢慢儲蓄，現有現金約四百萬，打算學月供投票。我也想財務自由，但如果要買屋，看似沒可能財務自由?

其實我甚麼也不懂，連哪裡開戶如何開戶也不知道。但是生活危機太多，看時勢錢會好快大幅貶值，我必須開始做點投資，要做點資料搜集才開始。請問有甚麼組合建議嗎？

龔成老師：

你最大的問題，是知識，你理財方面有點亂，在正式進行理財前，我會建議你睇3本書先：

《80後百萬富翁》
《股票勝經》
《財務自由行》

你要明白，理財是一個「財富配置」的過程，你要建立一個平衡，以及會長線持有的組合，同時當中要有質素，有增長力。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你現時的年齡，可以投資平穩增長股，但由於你未有知識，唔建議你心急做。

這刻你可以做的，就是月供盈富（2800）$10000，同時增加知識，過半年等你有知識與經驗後，再慢慢配置餘下的資金。

------------------------------------------------

Q19228：

成哥，我都問你之前講個隻3067，我見佢係etf，我想問我投資呢d etf通常要留意d咩？

因為我見你講既通常要睇5年既年報或其他資訊，但呢隻係岩岩上無耐

咁我洗唔洗留意佢幾年既年報先買？佢既合理價位係大約幾多？Thank you

龔成老師：

安碩恒生科技（3067），你唔洗等幾年，這基金可長線。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

因為佢所追蹤的指數，及當中股票，基本上已知當中的情況，因此唔需要再等多幾年。

不過，現價都唔平，大約在合理區頂，因此，這刻不能大注投資。

最好的策略，就是月供，或自行分注小注慢慢收貨，原理如同不斷儲貨，這樣就能平均買入價，減少風險。然後就長線持有。

------------------------------------------------

Q19229：

龔Sir, 我未睇過你的著作，如果要開始應該由邊一本開始比較好啲呢？

我是一個70尾出生的，只有5萬元可以作投資，月入3萬左右，可以每月用$3000作月供投資，謝謝

龔成老師：

你可首先睇：

《80後百萬富翁》
《股票勝經》
《財務自由行》

之後再睇其他。

如果投資金額不多，就不要心急動用現金，暫時月供股票先。等你有較多資金及知識之後先慢慢動用現金更好。

現時月供盈富（2800）$3000，可以，以你的年齡適合的。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你這年齡，適合投資平穩增長類股，盈富適合你的。

------------------------------------------------

Q19230：

成哥，有d 生活上既請教，我自問工作上好多時講野唔足夠信心，但我覺得你成日講野都好有說服力同信心，好想請教下點苦練先可以好似你講野咁醒目。

龔成老師：

其實我20年前，無是一個無乜信心，成日放棄的人。

我是因為睇左好多正面書，然後改變左唔少。所以，我建議你多睇書。

另外，做運動，定目標（但定左就一定要做到）。另外，我會寫「成功日記」，每天記錄自己完成左，感到成功的事。

我相信你做上述的事，半年後已經好唔同。

------------------------------------------------

Q19231：

老師你好，請問你會唔會建議我地買美股？因為身邊好多朋友買美股都有賺，佢地話美股係大牛市，普遍都係向上，但港股唔係，我自己又唔識美股，老師有冇邊隻推介？

龔成老師：

港股美股，只是當中找到優質公司，就是可投資，因此你可以考慮，最重要是「優質公司」「你熟識」

由於近年美股的升幅不錯，因此多左人投資美股，多左人認為美股較好，但我地唔好因為這些中短期的表現，就認為美股較好。

以中國及美國長遠的經濟發展計，兩者都是不錯的，你可以進行一個配置，長期持有。

最簡單是考慮美股的ETF：VOO、QQQ

------------------------------------------------

Q19232：

成哥 你好，又係我，疫苗產生令到金價今年高價回落，我覺得現月供貼近金價的股票適合嗎，防止另一波黑天鵝（例如另一波疫情）

到時達到避險作用，我這樣想可以嗎；另外山東黃金是比較貼近金價的股票嗎？

龔成老師：

你唔需要作太多中短期的分析，最重要是建立一個長期的組合，著重「配置」「長期」。

黃金可作為組合的其中一部分，但不用太多。

山東黃金（1787）主要於中國從事黃金採礦及加工，以及銷售黃金產品。

佢係於中國合共控制及經營十幾座礦山，大部分位於山東省，並於中國擁有多個選礦設施及冶煉及精煉設施；當中，持有一定數量的黃金。

佢雖然有一定的資產價值，個都要留意番，雖然這類資源股雖有投資價值，但只算中等。

原因是這樣，資源本身有一定的價值，但盈利始終受國際黃金價格影響，本質上會較為被動，無乜價格自主能力，同時產品無差異性，是典型的商品企業。這類企業都有一定的投資價值，但就不會太高。

------------------------------------------------

Q19233：

感謝龔Sir!你的課堂帶給我滿滿的價值

最後一堂你喺最後環節的分享，令我也想起自己小時後都有類似經歷。

那時，我雖有自己的房間，但房內的所有傢俬/窗簾的顏色/款式也不能自己決定（仲有衣著也不能自己買，興趣也是），想添啲心中的傢俱，便被父親責罵，叫我「以後自己有錢先自己買，而家住我地方就無權話事」之類的。

於是那時青少年的我便發誓以後要賺錢買一套真正自己的房子，然後便可自由了。但以前的我好討厭商業，雖然很想要錢，但對錢可能也有少少仇恨吧（因家人成日講錢）

到了廿歲，認識了一些朋友，佢哋同我講要定目標，例如30歲前要達到咩目標，那時我便替自己決定了3個目標（有屋有車有100萬現金），然後努力做老師講既事情，買股票，打份穩定的工, 每月至少把人工的一半儲起（別人年年去旅行日日出街吃，我就帶飯，旅行少去）。

雖然中途因為跟家人炒494而輸掉了大半年的人工，同埋喺2x歲因為家人反對我買樓而錯過了2009年的置業機會，但總算在33歲達成了（感恩有家人資助部分首期，雖然內心感覺不是100%靠自己努力而達到，當然間中亦會有說話聽）。

達到了目標，卻因婚姻不如意而不開心（也是投資錯誤，如果一早認識老師專頁便好了），而且因沒有明確下一人生目標而迷惘... 唔知自己想點。

2018年接觸了老師的面書和書籍，2019年接觸了一些正向教育，我開始重新思考自己的人生，也因發現另一半既不良嗜好止蝕了不如意的婚姻，踏入單親媽媽系列。

此時人生跌進谷底，投資路上亦浮浮沉沉（去年上左趨勢投資的課程，因貪開始炒炒賣賣，初時賺錢很開心，但喺今年3月炒輸股票和期指，共輸了6位數。

BTW周遭的人也勸我放棄1211，我結果忍不住放了，如果回頭望當然相當後悔，所以學好基本面和保持耐性真的很重要）。

最後決定放下自己，認真學習價值投資學懂自己做分析，同埋要改變自己心態，改變自己思維（真係好似你有一篇分享話有啲有錢人唔識分配自己資產，我因借貸多左一筆資金，但一時間亂投資亂炒賣，唔識管理自己資產加上貪快導致得不償失）。

雖然而家都有炒賣賺外快，但一定要留一筆資金是長線投資專用，而且根據老師意見把組合集中一點，買賣前一定要先睇股票的基本面。

另外，老師喺《財務自由行》同埋老師所推介的《財富金鎖匙》所講既金錢概念/吸引力法則對我影響至深，講起金錢原來我哋有99%人的金錢概念也是錯的（包括我家人），而想成功便要跟已經成功的人學習。

老師課堂講既「唔好放棄」，有如幫我打左支強心針！

我會把老師教的知識學以致用，好好運用書中的吸引力，投資自己腦袋之餘，並不斷擴展自己的朋友圈，希望認識有正能量的同道中人之餘，也以身作則教導兒子正確的金錢觀和人生觀

龔成老師：

加油呀！每個人都有唔同的經歷，但我會好好利用每一段經歷，去幫自己成長。

我1999前開始買股票，頭幾年都是輸多贏少，就是輸得多，所以先決心學投資。

我希望你可以記得過往的錯誤，令到自己在之後行翻正確的路，這點好重要。

我相信你的家庭負擔都唔少，相信你都好努力，我相信你的小朋友都會以你為學習對象。加油呀！

------------------------------------------------

Q19234：

阿sir 你好，我先提供背景資料，今年36歲，讀書不成。2003年沙士開始工作，當年雖然人工很低 6,500，但物價算平，每月我都將所有錢，月供股票一隻工商銀行，隨著每年加薪，到我約28歲時，約月供股票了約 400,000 + 現金。

決定 2012年買了一層 200萬屯門細價樓 借140萬 供20年。但是當時沒有能力即時入住。所以先放租了3年。並專登找了份新工，長駐國內廠包食住，希望節省費用。最後2015年回港自住組織家庭。但是已經沒有多餘錢投資。

由細到大教育自己一分耕耘一分收獲，可惜婚姻感情出了問題，我2019年加按層樓，借多了150萬給前度作為生活費。現在變成供 30年的樓奴。

我宜家身心都好苦惱，工作不順利但無法辭職，人工連花紅28000。希望了解應該怎樣做才能盡快財務自由？

當時2019年決定：

1. 一份儲蓄保險，每年70,000 x 15年，最後可以取 150萬。

2. 層樓改為放租，月淨收 $9,000，現在返回家與兩位老人家暫住，但我好想有私人空間。

今年2020年睇完阿Sir分析再決定：

3. 月供 $5000 盈富基金、$1000 領展

後來2020年疫情，多了私人時間留意阿Sir的教學，與我當年做法甚類似。相信請教你意見幫到我。本身我不認識股票年報，所以買了阿Sir三本電子書。《50優質潛力股》《股票勝經》《年報勝經》。希望可以有多餘資金報讀阿Sir課程。

我今次想問阿sir意見，目前樓價約500萬，扣除借貸有淨150-200萬，我應該現時放棄層樓，直接改投資房拓嗎？

還是維持擁有層樓，但將層樓轉名給父母，我自己重回首置物業的優惠，等機會再入市買多層樓嗎？

龔成老師：

你現時已有物業，其實不用太急去增持物業，因為唔想你的資產過度集中在物業類別。

現時物業收租，對理財來說是最好的。

而賣出物業，你會無左一層「將來可能自住」的樓，因此，不建議賣出。

最好的方法，是保持現有狀態，你將物業出租，你有淨租金收入，如果日後你有自住需要，到時再搬翻入去。

這刻，你最重要是努力儲蓄，及投資，以你的年齡，仍是財富增長的時期，因此，盡力儲蓄，而及做到投資就得，這方向對你最好。

你努力睇書增加知識，以及之後上堂，之後做好財富配置，你36歲仍是一個理財的財富增長年齡，財富仍有增長力。

------------------------------------------------

Q19235：

老師，我計劃在兩年內買樓。請問我現在的450萬現金應如何配置？另外每月還有5萬儲蓄，又應如何安排以增值？

之前一直不懂投資增值，常常只存現金。直至認識老師的Facebook page 才開始知道自己的現金不斷貶值, 浪費很多時間帶來的複息效應。

美國的無限量QE, 資產价值不斷飆升，真的令我不敢再拿着現金，錯失投資機會而令日後退休金不足。煩請老師教教我如何是好！謝謝！

應否在學習買樓期間(對買樓0 認識) 暫時買住一些REITs (例如， 823, 778)，或6823 和 2638 增住值一年先呢？

龔成老師：

如果你將在2年內買樓，在配置上應該留現金較多，流動性要強，就算投資股票也不能太多。因為你不知你想買樓時，股市情況如何，同時，無人知樓市會否忽然下跌，如果下跌而你又有足夠資金，就能把握機會。

建議你有一半以上持有現金。

餘下的，可投資穩健類股，收息型都適合。

盈富（2800）、港鐵（0066）、房託、香港電訊（6823）、港燈（2638），你都可以投資。但唔需要入太多，除非大市出現較大型的調整。

------------------------------------------------

Q19236：

龔成老師，想問下有啲借股票收益計畫可以參加嗎？

龔成老師：

即是同證券行定立協議，將你手頭上的股票借出，你可以從中收取利息的。具體的情況，你要向證券行了解下。

這個動作你本身一定要長線投資，不打算短期賣出股票，才可以借出股票。

至於風險，則是你忽然想賣出時無得出貨。又或該企業及大環境轉差，股價持續下跌，你想賣都無得賣。要等協議取回股票先得。

------------------------------------------------

Q19237：

Hi 可唔可以講下2314同2689

龔成老師：

理文造紙（2314）主要從事生產及貿易原紙、木漿及衛生紙產品。本質不算差，但又唔算係好好。

過往的生意，雖然都有增長，但不算強，同時近年有回落情況，現價合理的，投資價值都算有，但又唔值得投資太多。

整體的投資價值，可算是中等，買入收下息都可以，但就唔好對股價有太大期望。

玖龍紙業（2689）質素不過不失，雖然股本回報不算差，但成本令佢盈利波動唔細，這一定會帶來風險。

相信中短期較一般。這行業投資價值算是中等，因此不宜投資金額太大。都有長線投資的價值，現價合理，但增長力不算強。

兩隻裡面，玖龍紙業的質會較好。

------------------------------------------------

Q19238：

老師，你好，本人今年22，有份副業，在疫情中搵緊長工，依家先做緊PT，每個月約可儲$8000-10000

請問會建議投資初階者點去開始？

去閱讀你那一本書會較有幫助？

我可承受風險的，請問就潛力股而言會較推薦識幾款，另外想增長投資資識可以點做？

龔成老師：

如果現時收入不穩，就不用太急投資，可以先儲較多現金，同時提握機會增加知識先。

當然，如果你認為現金已足夠，都可以進行投資，你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。做月供股票，每月$5000。

你可以考慮盈富（2800）$2000。

另外再加1、2隻（每隻$1500）：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：安碩恆生科技ETF（3067）、阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。部分要等回少少先入。

如果你不懂股，就集中供盈富$5000。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

你可以睇《股票勝經》，相信較適合你。

------------------------------------------------

Q19239：

龔成老師，請問我現時持有941及823，分別於$70 及$95左右買入，佔了約40-50%的投資

我應繼續持有還是及早換碼呢？

龔成老師：

這兩股本身不是無質素，不過你買入價太高，加上佔比有點多。

第一，唔好再加注，單一股票佔你組合太多會出現集中性風險。

兩股都可以守，但你預中移動（0941）要上翻去不易，至於領展（0823）上翻去的機會較大。如果你本身想收息，就可持有中移動，如果想財富增長，就可等佢升多少少後轉其他更有增長力的股。

------------------------------------------------

Q19240：

龔sir ，想問下9997康基定853微創比較優質

853回番3成可到合理頂嗎？

龔成老師：

康基（9997）睇翻佢的資料，佢係中國最大的國內微創外科手術器械及配件(MISIA)平台。

根據資料，按銷售收入計，2019年中國MISIA市場規模達到人民幣185億元，集團在國內廠商中排名第 一，在所有廠商（包括國際和國內廠商）中排名第四，所佔市場份額為2.7%。

根據資料，2019年銷量計，集團在中MISIA市場的多個細分領域，包括一次性套 管穿刺器、高分子結紮夾、第三類一次性電凝鉗以及重複性套管穿刺器和鉗中亦排名 第一。

佢不是無質素，不過由上市開始一直都唔平，所以之前貴，現價仍未平。算是合理區頂。

微創醫療（0853）業務有增長力，但估值難，現價貴。

佢業務主要專注於治療血管疾病及病變的微創介入產品。亦銷售極其細小的顱內支架、用於促進腦血管血液流量的靈活支架以及外科手術中使用的覆膜支架。

前景是有的，本身業務都增長快速，相信長遠不差。問題主要是估值，市盈率高，但增長快，如果更準確的估值，應該用較多「預測」去進行。但這企業要預測發展並不容易。

佢之後的生意增加，慢慢成本減，當然會令佢盈利有理想增長，市場就是預期這情況，所以比佢一個好高的市盈率。

初步分析，現價並不便宜，但有潛力。質素比康基略好，如果跌翻2、3成，算是合理區頂（不過，這股估值難，所以較難完成確定）。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【預告分析】Guardians of the Galaxy 2 銀河守護隊 2 首個預告分析 | KeNNyPlay3omething

歡迎你黎到KeNNyPlay3omething。
Marvel啱啱就出咗Guardians of the Galaxy 2 銀河守護隊第二集嘅首個預告片，雖然只係短短嘅分半鐘，但入面都有唔少令人興奮嘅畫面，今日KeNNyPlay3omething就同你breakdown呢條預告片。
首先，我睇到好似有八爪魚怪物嘅蹤影喎，早喺四月嘅時候，流出一啲銀河守護隊第二集嘅概念圖，當時就已經見到呢隻八爪魚怪，而喺今次喺預告片就好似可以更肯定佢會出現，鏡頭見到Gamora應該就係對付緊呢隻怪物，你可以睇到集怪物嘅觸手嘅擺動。除此以外，呢個鏡頭嘅背景，同Star Lord起飛嘅背景相似，應該係同一個場境，咁睇又好似同幅概念圖不謀而合，呢場戲係咪就係講銀河守護隊圍剿八爪魚怪呢？不過從預告片，又睇到今次嘅成員應該都會有段時間各散東西，各自完成自己嘅任務，當中見到Rocket同Yondu team up咗，Star Lord、Drax同Gamora另一邊又好似探索緊一個新嘅星體，咁又代表啲咩呢？先講Rocket同Yondu呢邊先，佢地兩個都係賞金獵人，睇黎佢地兩個好似喺為咗各自利益嘅情況下暫時會共同合作。呢個鏡頭見到周圍有好多懸浮喺空中嘅守衛，加上建築物嘅構造設計，我覺得佢地一係想爆破去搶劫一啲嘢，定係被人捉咗，想要越獄？定還是兩樣都係呢？多得呢張宣傳海報，我地知道第一集嘅一位反派角色Nebula將會加入銀行守護隊，再加上呢個鏡頭見到Nebula好似被人脅持住，等緊人去拯救，會唔會佢地兩個咁橋就係去劫獄呢？而另一個更大可能嘅推測，係之前美國comic con有消息話Yondu係會被呢啲守護囚禁，為咗自保，被逼加入銀河守護隊，會唔會就係咁Rocket要劫佢出黎呢？不過比起Nebula同Yondu，我更加關心Ego，呢個有生命嘅星體，預告片入面好似睇唔到有佢嘅蹤影，定係有佢嘅蹤影，不過我地睇唔到呢？我地試下大膽啲諗，有可能Star Lord、Drax同Gamora呢度探索緊嘅星體就係Ego本身。睇返之前Star Lord喺飛船嘅衣著，個次序好似佢喺空中遇到襲擊，之後降落到呢個星球上，會唔會就係Ego襲擊佢呢？呢啲都係暫時base on呢條預告片嘅一啲大膽嘅假設，歡迎你留comment大家一齊研究討論吓。如果再有新消息，再同大家breakdown。Keep Playing Bro。

【預告分析】Guardians of the Galaxy 2 銀河守護隊 2 首個預告分析 | KeNNyPlay3omething
Share this video:
想留意更多我的動態，記得緊貼KeNNy Play3omething
KeNNy Play3omething社交平台：

KeNNy Play3omething channel:
https://www.youtube.com/channel/UC__D5Ugf9WdWk1qY7H4p4Ig
KeNNy Play3omething facebook:
https://www.facebook.com/kennyplay3omething/
KeNNy Play3omething Instagram:
https://www.instagram.com/kennyplay3omething/

其他影片推介：
【星際異攻隊2】HD前導中文電影預告
https://youtu.be/i-DfVTsLMm4
電影老實說 Honest Trailers -《星際異攻隊》(中文字幕) (另譯：誠實預告)
https://youtu.be/tXIRiHJRB8I
【預告分析+解說】星際異攻隊2|預告解析|角色介紹|銀河護衛隊2|銀河守護隊2|萬人迷電影院|Guardians of the Galaxy Vol. 2 trailer analysis
https://youtu.be/WfYDAPR7dqU


【Guardians of the Galaxy 2 銀河守護隊 2 星際異攻隊2】
【Guardians of the Galaxy 2 銀河守護隊 2 星際異攻隊2】
【Guardians of the Galaxy 2 銀河守護隊 2 星際異攻隊2】
【Guardians of the Galaxy 2 銀河守護隊 2 星際異攻隊2】
【Guardians of the Galaxy 2 銀河守護隊 2 星際異攻隊2】