開業已經二十載嘅葡萄園，座落喺孫逸仙大馬路內，由《古今藝文．薈萃新城》論區行賞路線中嘅觀音蓮花苑步行到此大概9分鐘嘅路程，一直喺本地擁有資深葡國餐廳地位嘅佢，近年為餐廳迎嚟咗啲新衝擊！
望真啲！眼前嘅葡式乳豬飯、薯蓉忌廉焗馬介休同馬介休球等；睇落似係刻板又冇新意嘅葡式美食，但原來內藏玄機，都係店家首創嘅新派素食，冇涉及任何肉類，但無論係外觀同味道，都係同真肉幾可亂真㗎。
⭐️素食版嘅葡式乳豬飯⭐️，以小麥粉同神秘配料塑造成乳豬肉，豬皮則以焗至香脆嘅酥皮取而代之，配合飄逸住番茄香嘅飯底，呢個偽乳豬飯，再度鞏固咗素食唔僅僅係限於羅漢齋呢個諗法。
素食版嘅馬介休球同薯蓉忌廉焗馬介休，入口嗰下真係好夢幻，以金針菇代替馬介休，外層炸得金香酥脆，以綿密軟滑嘅薯蓉塑形，當中千絲萬縷般存在嘅金針菇負責模仿魚肉的纖維感。
鷹嘴素牛肉咖喱配飯
仿切片牛肉嘅植物素肉，當中嘅紋理及口感都同真牛肉相似，入口帶嚼勁，配合混搭咗鷹嘴泥的咖喱，都惹味㗎！
另下店家為推廣環保同健康素食，特別喺每月嘅第三個周末，一連兩日設為素食日，素友們有興趣可以探究下呢個本土稀有嘅葡式葷素共食天地！
🚩同區景點：澳門漁人碼頭 、澳門科學館 、澳門文化中心、觀音蓮花苑。
是次餐點：
素馬介休球$58
素薯蓉忌廉焗馬介休$108
賽螃蟹$118
鷹嘴豆素牛肉咖喱$128
葡素香燒乳豬飯$168
（非素食）炭燒安格斯牛肋骨$178
（非素食）招牌葡式碳燒乳豬飯$208
葡萄園 Vinha
葡萄園
地址：澳門(皇朝)宋玉生廣場411-417皇朝廣場393 AC舖
電話: +853 28752599
路環葡國餐廳 在 《膠遊澳門》氹仔路環葡國餐廳Miramar Restaurant - YouTube 的美食出口停車場
【 路環 】2021.10.20澳門 路環 小街窄巷彷彿身處迷宮一樣｜嘆葡撻吹吹風悠閒的下午｜Coloane｜Macau · [偽中產遊澳門] 澳門先食到嘅土生葡菜！ · ｜吾講你知｜ ... ... <看更多>