「人間的圓雖則是不夠緣，而有生一天會遇見。」
緣來緣去，緣起緣滅 。係人群裡穿梭往來，
可能你認識既下一個面孔，曾幾何時你見過面。
無論你係香港定外地，呢份緣你永遠都捉摸唔到。
不過有d野你係可以隨手可得既，好似呢間新開既
主打家鄉越北菜「ALO ALO Vietnamese’s Cafe」，
唔洗去到越南一樣食得到最正宗味道。
佢地標榜採用最新鮮原材料，無落任何味精調味，
再經自家秘方烹調，體會到咩叫做"鮮"。👇
-
📌老ME招牌蟹肉紅河粉 - $88
👉呢d咁乾燥既天氣，未免太令人好想整碗
越南河暖下胃。不過出面d越南河唔係札肉
就係香茅豬扒，好似欠缺少少新意wor。
但呢到就有少少諗頭，將新鮮蟹肉連蟹膏
加埋蕃茄形成一個蟹肉湯粉，再加少少肉丸
已經做到好鮮甜。每啖湯頭都飲到濃濃既蟹膏味，
另外豆卜吸收哂蟹湯既鮮味，無得彈！
而紅河粉既特色係質地上比較粗身，
咬落煙煙韌韌，幾特別。
-
📌安格斯生牛肉Phở - $98
👉越南河粉一定要食既非生牛肉莫屬啦，
先講湯底，色澤夠清，入口有陣陣牛香味，
湯頭唔錯。用既牛肉係安格斯生牛肉片，
咬落肉質偏嫩滑夠爽口，唔會太韌，相當好食。
麵身質地比較幼身，係我最鍾意既口感。
-
📌秘製香茅烤腩撈米 - $88
👉另一主打由撈米擔大旗，其實佢係由檬汁、
米粉、越南生菜、燒過既腩肉組成。
聽Staff講佢食法係拎個碗仔，將每樣材料集中，
再拎少少檬汁攪勻，咁樣就食到果種層次。
要大讚既係佢地既烤腩真係相當好食，
燒得金香鬆脆，香味十足！
-
📌海鮮春卷 - $58
👉小食黎講，越式春卷都可以話係大愛呀。
外層炸得夠薄脆，咬開裡面係大大粒蝦肉，
再點少少魚露令個香味更加突出，唔錯。
-
📌滴滴咖啡 - $22(H)
👉越南咖啡我都係第一次試，原來同我平時
飲開既咖啡係咁大分別。首先你會見到杯蓋上面
會不斷滴下滴下咁，然後底部會預先放左煉奶，
而唔會落糖或奶。而煉奶同咖啡會好似水同油
咁分隔開，當等佢滴完之後，就可以攪勻令咖啡既
苦澀味帶走，咁樣就可以做到一杯香醇濃郁既
越南咖啡，一定要試！
-
📍 ALO ALO Vietnamese’s Cafe
🎈上環永樂街1-3號世瑛大廈13樓1301室
越式蟹肉肉丸檬粉 在 越南菜食譜｜越式蟹肉肉丸檬粉Vietnamese Crab ... - YouTube 的美食出口停車場
越南菜當中除了有分南北越，每個地方省份亦有一些特別的菜式。這個 肉丸 蟹粉，是極少數我小時候沒有吃過的越南菜式，是我長大後一次母親去美國探親， ... ... <看更多>