關於 越南circle k ，我們在網路上蒐集到這些相關的討論、資訊與評價

［今日寫呢啲］之前壇大龍鳳卒之搞掂，多返啲時間。另外，呢個Patreon係有埋影片版同文字版嘅。

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

市悶，講多啲個股同港股。但都係講咗今晚萬眾期待嘅聯儲局議息會議先。有乜睇？當然唔會加息。但睇佢哋點指引，會唔會講下時間表，定堅持好老定，通脹只係暫時，唔使理？相信點都要調整下口徑

另外，聯儲局一年議息8次，當中有4次會出埋佢地嘅經濟數字預測。今次亦係其中一次，對上一次係3月，就係呢幾個月見到越嚟越多人講通脹，出嚟啲數字亦令人有啲擔心。咁上調預測就肯定，但調幾多？只係今年定點？都會係
Patreon入面會講嘅嘢

照計今晚香港時間兩三點就有嘢睇，正路地我都會在Patreon寫埋。

其他嘅，冇乜特別。大家樂我可能會在Facebook 另外寫篇文，昨日中午出業績，乜都反映晒。冇錯係因為拎咗5億保就業先有錢賺（肥仔），但，唔計呢部份，到底本身情況點？大陸情況又點？文入面同你講。

仲有，公司係大增派息嘅，嘻嘻。咁但，賺錢當然可以派息（其實蝕錢都可以）。之又不過，你會發現公司多咗12億銀行貸款，搞乜？執笠未？定借錢派息？Patreon入面講

時代天使6699嘅，唔使講啦，抽中嘅，沽啦。另外一路都話呢啲幾萬蚊一手嘅先好，因為你當抽獎抽一手，中咗嘅，執幾皮嘢。但如果幾千蚊一手嘅，我執幾千銀咋，冇乜著數。

同場我講埋隻必瘦站1830，真係勵志故事。歐陽江醫生原本只係朗屏村屋村仔（咁我都知！），當時上市第一次仲要撻Q冇人買，要減價。招股價1蚊有找，而家8蚊。中途仲要派咗好多息，當年一次幾仙，而家一次毫幾。

憑乜？好簡單，就係生意做得好。當年一年賺幾千萬，而家一年幾億！你望下香港有幾多公司一年有幾億純利？純利喎！唔係收入。而家成100億市值，大過間大家樂！

金源米業677嘅，以前都寫過，大家知我算同管理層相識。有一期（其實而家都係）炒越南概念，因為越南Circle K係佢地嘅（同政府合營）。咁你可以去望下越南有幾多間Circle K，答案係好多間！（不過只限大城市）。最新出咗盈喜，不過冇乜特別，主要因為啲金融投資，舊年輸錢（邊個唔輸錢？留意公司3月年結），今年正常返。

最後兩壇短打。先講Black Rock，ETF嘅AUM突破3萬億美金！文入面會話你知係咩概念，同埋點解咁重要，點解咁屈機。至於Qualcomm嘛，實情係執Nvidia二攤，話如果批唔到Nvidia 買arm，佢就有興趣投資喎。但到底批唔批到？都係文入面講。

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

［越南Circle K市佔率三成幾，其實係港資］

1. 舊年在明報都寫過兩次越南，越南正行國運（http://bit.ly/39mFQsH），憧憬金源越南Circle K轉盈（http://bit.ly/2vBZH8r）．今年再下一城。

2. 是咁的，早排嘅越南trip，其實係應金源米業（677）邀請。金源米業，就固然係金象米袋鼠米嗰間，但我就唔去落田考察（除咗泰國米亦有越南米），而係去睇越南嘅Circle K

3. 去過河內或胡志明市，就一定會見到Circle K，因為係當地最大間，market share三成幾，而且拋離第二位超過一個開。反而你搵七仔就幾難，胡志明市好似有少量，河內好似冇。但問越南朋友，都甚少知道越南Circle K係港資嘅

4. 基本資料，睇舊嗰兩篇文已有。簡單嚟講，中美交惡，越南似乎係真正大贏家。而吹咗咁多個「下一個中國」，真係越南最似樣。因為夠窮，而人口又夠多。越南當然係好窮，你去胡志明市河內未必覺，但大城市之外，你見啲友搏命去偷渡。窮得嚟仲要多人，你先可以做到製造業大國。你見而家搬廠唔少都揀越南，唔只係睇成本，仲要你有咁多廉價勞動力先得架。柬埔寨緬甸窮過越南添，但邊有咁多人？

5. 當然仲有一大優勢，就係年輕。真係周街都係後生嘅越南妹（同仔），便利台都係後生仔女，顧客固然係，店員亦都係，同香港就好唔同了

6. 便利店業務大家都知點玩，但越南同香港仲有樣幾唔同。越南啲Circle K好大，幾千尺都有，幾層。兼具埋星巴克，同埋餐廳嘅功能。真的，好多時啲Ｏ靚仔在嗰度當自修室咁，做功課，吹水，涼冷氣。因為租平先負擔得起呢啲玩法。咁你話，其實坐成日買杯嘢飲，唔賺得幾多。公司就真係睇長線啲，好似麥當勞咁，細細個洗佢腦（呢句我話嘅），大大個有錢自然忠實。

7. 餐廳方面都差不多，固然唔會賣咩好複雜嘅嘢。但其實剛好食正大城市啲中產堀起。啲白領，坐街邊又嫌太cheap太熱，但食餐廳又太貴未食得起，坐Circle K有冷氣有得坐係比較中間嘅選擇。

8. 好啦，講數字。其實而家金源米業，嚟自越南嘅收入，已經超過香港，即係Circle K業務，收入已經多過香港。賺錢未？仲未，但正係呢下嘢先最有爆發力。公司有講，其實最新一期業績，Circle K已經EBITDA positive，下一步就真係有盈利了。正路地，就梗係諗分拆出嚟。正如當年我睇嘅理文（746）都係先有化工然後又再分拆手袋咁
9. 另外，你睇中期報告（http://bit.ly/2TuWM9m），第一句就講Circle K，之後先係米。仲要封面都變埋越南了，邊樣係重點，十分清楚啦。

10. 股價早排炒咗上嚟，好似話因為有人當肺炎受惠股。我同主席林先生吹開水，佢一笑置之，話大佬，你食得幾多包呀米呀？佢話對公司冇乜著數，頂多係啲錢早咗少少到，其實係預支埋之後嘅需求。

11. 今日（星期三）又升咗上嚟，原因唔知，我唔會自大到話因為我在明報有寫。你問我就…..有機會咪等回下先買咯，隻嘢差不多52週高位嚟的！但其實舊年寫過啦！

12. 呀仲有，其實主席差不多日日在買的。唔使內幕，公開資料。（http://bit.ly/3arQgap）。唔係好多，但半年間，都0.9%買到1.5%了。

13. 睇明報全文嘅，呢度（http://bit.ly/2Tomgqh）。當然下面亦都有原

————————————————————————————————
小弟上星期往越南出差，先到北方河內，再到南方的胡志明市。越南朋友告知，即使是戰爭結束多年後，北方人和南方人還是有不同的身分認同。不一定是敵意，但總之是不一樣，就連吃湯河（pho）喝咖啡也不一樣。小弟笑說，就像日本關東關西，處理鰻魚、天婦羅也不一樣？朋友說分別遠超於此，總之外國人就不會明白，但越南人也不會要求外國人明白。

來自南方的朋友不忘提醒，越南的新肺炎疫症集中在北方，南方的個案也是北方傳來。河內機場酒店員工當然有戴口罩，但市內則不算太多人戴口罩，去到胡志明市就更少。

香港朋友奇怪小弟仍敢到越南？答案是：明顯地越南比香港安全。暫時16宗確診，全數痊癒，死亡宗數是零。明明越南是貧窮國家之一（人均GDP全球排名130，和安哥拉以及巴布亞新幾內亞相若），為何「痊癒率」如此高？小弟去年的文章有提供答案：越南是相當年輕的國家，而暫時極少年輕人因疫症而死。

眾多「下一個中國」 越南最像樣

去年3月，小弟寫過〈越南正行國運 留意當地股市〉，今次再到越南，感覺更加正面。眾多「下一個中國」，越南最像樣，似有機會跑出。中美交惡令越南左右逢源（雖然特朗普也曾炮轟越南），最近的疫症也當然令企業三思，似乎不應將所有供應鏈放在中國。但說來容易，實行則不是如此簡單。馬來西亞和泰國人工已太高，柬埔寨緬甸人口不足。勞動力夠便宜人口又夠多的，只有越南，菲律賓及印尼、但當中只有越南有強勁的製造業傳統，相信也和國家政策有關。

舊文提過，越南政府看似反華（至少表面上是），但也暗地視中國為學習對象。中國未富先老，增速只會放慢，越南則有人口紅利，年齡中位數才30歲。當地人消費信心極高，在東亞諸國中名列前矛。而當地接近八成消費仍是經傳統渠道——所謂傳統，是指街市小販攤檔一類，商場超市便利店仍是新興事物。公司的年輕同事未到過越南，想像中越南就和緬甸老撾柬埔寨差不多。此推測不算錯，但越南和其他鄰國有一大不同，就是街上甚少見到簡體字。有云是越南人不太喜歡中國人，也有說是政府樂得製造外敵轉移視線，但數據不說謊。去年外國投資越南名列第一的，是韓國，第三是新加坡。第二呢？不是中國，不是美國，也不是日本，是香港。今次小弟是應香港公司金源米業（0677）邀請，參觀公司業務。金源是老牌公司，金象米袋鼠米等等陪着大家成長，不用多說。但小弟並非落田考察，而公司賣點也不止是白米業務。

去年另一文章也提過金源，題為〈憧憬金源越南Circle K轉盈〉，不解自明。問幾個越南朋友（非金源僱員），都不知道越南的Circle K是港資公司。香港不少朋友更是聞所未聞，但只要去過河內或胡志明市，定必會見到Circle K，因為公司市場佔有率近三成，是當地龍頭，店舖數目近400家（主要在兩大城市），是第二名的兩倍多。

舊文提過細節的不再重覆，大家可以重溫，想說的是「越南Circle K轉盈」已實現大半。此話何解？公司最近中期業績（截至去年9月底）提到，越南Circle K業務雖然仍虧損，但已達至EBITDA（除稅、息、折舊及攤銷前盈利）正數。

市值大折讓 倘分拆業務勢重估

此外，小弟舊文提過，「（金源）來自越南的營業額會超過香港」，此預言在最新中期業績已實現。更重要是公司中期報告，主席報告書中先談Circle K帶動業績，然後才是白米「本業」，公司中期報告封面也變了越南地圖（誰說細節不重要？），未來增長點為何？十分明顯了。

最後談沉悶但重要的數字，金源近期股價相當堅挺，市值約是11億，較帳面值13億仍有折讓。在香港澳門營運Circle K的利亞（0831），帳面值是金源的一半，約6.5億，但市值是金源的一倍有多，27億。當然兩者不能直接相比，市場不同，而且利亞差不多是純零售股，但隨着越南Circle K繼續增長，金源的「零售味」只會更重。倘若一天公司分拆業務獨立上市，定必觸發重估。

下行風險又如何？聞說有人認為金源是近期疫症的受惠股，因為人人搶米，但主席林先生只是一笑置之，認為只是提前消費。近期市况波動，香港經濟則很可能陷入衰退，但留意金源坐擁2.6億淨現金，非但沒有資金壓力，甚至有機會壯大業務。

［交趾奇趣錄］由便利店franchise 講到追夢講到求職擇業到Contrarian ，呢篇我好鍾意

插針不入，呢張相我好鍾意。係我影的，但已經公司容許放上網。其實Google Map都搵到，但我鍾意張相，好有霸氣，真係「插旗」

1. 地圖，就係河內，一支針就代表一間Circle K．唔使慢慢數，應該係接近150間。只計開咗嘅，打算開嘅未貼，所以公司畀我影相貼上網。

2. 咁你話，同香港比如何？香港如果同樣比例嘅地圖，我估應該插針不入。香港應該超過300間Circle K。而香港人口同河內差不多（係咪估唔到河內咁多人呢！），不過河內面積仲要係香港3倍！而香港嘅Circle K就係河內嘅double。仲要考慮埋，香港Circle K少過七仔（好似係，懶查），但河內Circle K係最大嘅玩家，拋離第二倍一個開

3. 但當然啦，又諗下，香港人均GDP（籮綿奴）係五萬美金，河內講緊係五千。十倍。

4. 又，越南Circle K，暫時全部都係直營嘅。但問返公司，其實主要係因為都未成熟，搞Franchise又要搞一大輪，搞掂手上其他嘢先諗

5. 我非行內人，但感覺係啲嘢成熟晒，畀人舔晒，先會開放搞Franchise。原因好簡單，瑞士山區肺之嘛，咁著數，咁好搵，點解要益你？

6. 唯一例外，就係公司想上市（香港有例子，唔好開名啦），賓架自然叫你昆你開多啲舖。另一樣嘢亦係，Franchise係最快手可以好似病毒咁擴張嘅方法，直營店自己一間一間揼石仔，考功夫—特別係去到發源地以外。

7. No offense，但我個人係極討厭Franchise呢樣東西，我甚至唔係好明點解有人去做。例如七仔嘅招數，大家都讀過聽過。（下面主要講七仔，但適用於所有Franchise，講七仔只係因為我比較記得，大家又比較熟）

8. 我自己嘅理解，只係利用啲人嘅老闆夢剝削（嘩，幾時寫嘢變咗咁左膠）佢地。根本就仲慘過打工，不過你「以為」自己係老闆之嘛。實情啲條款一定辣到跳舞，玩到你謝都得。

9. 而就算唔講錢，即係，你創業，再衰都會買到個教訓，好啲嘅會學到啲嘢，至少八十歲都仲有嘢同人講。但喂，你去Franchise間嘢，創辦人又唔係你，營運你又冇乜點話事，有乜成就感可言？八十歲同人講我run過間七仔？

10. 但當然我亦明白，其實請嘅都係弱勢社群多。之但係，開嗰個呢？聽聞一定要自己做埋一份，喂，都六七十萬入場喎，六七十萬你話好多又唔係，但肯定唔係叫赤貧下話。拎嚟做其他嘢，好過去幫跨國大集團做螺絲咯，你估CEO在加勒比海攬鬼妹會多謝你？（嘩，做乜今日啲嘢咁左）。

11. 但，回復返我本性啦。存在就合理啦。作為一個分析員，當然明白，Franchise對公司係相當好嘅東西，否則唔會咁多人推。只要你睇得緊，唔好畀啲友又賣奶茶又賣雞蛋仔（聰明嘅香港人在側邊租個舖位打通佢，嘻），保持到個質素，做Franchise真係品牌收割，將自己build出嚟嘅嘢租出去，營運嘅風險由嗰啲友自己孭，你就年年收Franchise fee袋袋平安，公司最鍾意，投資者最鍾意，一個字，visibility，話知你死人冧樓射催淚彈肺炎，總之Franchise fee照收。

12. 亦係嗰句，一個願打一個願捱，講到話昆人咁，但一樣前前後後有人仆入去丫，對不？咪就係因為追夢，年紀一把，錢又有啲，但張家輝話齋，「唔想熄咗燈時咩都冇」。

13. 但，熄咗燈時發現自己最大成就係Franchise間七仔，係咪死得眼閉？我就寧願拎幾廿萬去澳門啦。買杏仁餅啫。

14. 好殘酷嘅事實，我好多時公開場合講都有人屌，咁我會講得溫和啲。但個本質就係，呢個世界好多人（萬惡嘅資本家！今日好左！），利用你嘅夢想理想熱誠去慳成本的。請記者係咁，請空姐亦係咁，start up 請人亦係咁。「你幫我打工係你榮幸」「本報係少林寺你同我講錢？」

15. 我覺得公平的，你有滿足感，咪staff benefit 嘅一部份咯，咁所以咪低啲人工。某日本老闆話，返工唔係迪士尼嘛，如果你返得好開心嘅，佢會在門口裝個閘機叫你買飛。

16. 當然啦，識玩嘅玩法，就係做啲表面嘅「厭惡性工作」，拎個人工premium—但其實你仲要樂在其中！

17. 講白啲，即係做雞但好享受咁，咪贏晒，改變唔到環境，就改變你自己。改變唔到自己，就改變個心態。份工作一般人係厭惡，所以要出高人工先請到人，但我好享受！

18. 如果掉轉呢，你嘅理想，同大多數人差不多嘅，咁咪就係競爭大，人人都有呢種滿足感，你又有，咪成為扣起你人工嘅一部份。

19. 所以呢，你嘅心態同價值觀，差不多一定不能係大路，要contrarian —如果你係大路嘅價值垷，你就仆去做啲「老細認為人人都覺得好有滿足感，而可以壓價嘅」工作。

20. 當然有例外，埃汾做嘅工，都冇出現過呢啲情況，因為埃汾一向都係「給我現水唔好同我講夢想」。但，教書係有滿足感，同時又幾高人工嘅（唔好計你咩出面升到做CEO啦，屌你，教官校嗰啲有幾多個有料出面撈到咁？）。點解會咁？咪就係因為，係政府價格管制咯，保護主義真好。你試下請件教學助理？就變咗以上嘅例子啦

21. 同樣地，其實都個個仆去做分析員。但當年（2006）我轉去耆英時都兩皮半人工，花紅仲相當不錯。點解會咁？因為我當年叫做係帶藝投師，好歹都撈過下銀行，加上嗰個係美好嘅pre 雷曼年代，pre MIFID II 年代。而家？如果由低由煙腸做起？就真係大撚把人唔收人工都搶入去做Analyst intern or trainee。幾時都係供求。

22. 咁當然啦，做Analyst都有一定門檻嘅，no offense，但競爭雖則大，都唔係你求其搵條友做都得嘛。

—————-—————-————
版務：嚟真的了，應該3月會有不少搞作。呢度啲文應該會繼續，但埃汾會搞收費專欄，亦都搞收費chatroom（講明先，主要係我廣播，多過回你，否則好唔得閒），甚至會搞Patreon（但未諗到有乜嘢私你地，我又唔會send露點相，當然你肯每個月幾百蚊睇我露兩點我都好歡迎），另外仲會搞個Instagram（放心，貼金融圖啫）。Stay tuned．人人冇心機work from home 時，埃汾就逆市出擊了。身體力行別人恐懼時我貪婪。其實呢度啲文都會繼續，但問心你都知，就梗係優先服侍咗有課金班忠實讀者先啦。詳情之後解

呀！仲應該會有女助手！遲下介紹佢出場！會出鏡的！但佢有啲怕醜！大家唔好嚇怕佢！

去澳門另一個重點就係食！食！食！
天氣咁熱在有限步程內都可以食足5餐
24小時內我地食左：

贏到粥
地址：下環媽閣豐順新邨第三M,K舖

群芳 (贊助）
地址：「澳門銀河™」綜合渡假城購物大道東地下G007號舖

青洲灶記咖啡
地址：氹仔舊城區巴波沙總督街18號地舖

安德魯餅店
地址：氹仔舊城區官也街9號栢鴻大廈E座地舖

波爾圖
地址：氹仔舊城區木鐸街75號地下

本片部份行程由永安旅遊 Wing On Travel支持

#GalaxyMacau
#JWMarriotMacau
#澳門銀河
#澳門JW萬豪
#天浪淘園
#永安旅遊

有興趣可以去永安預訂：http://bit.ly/2F6mIPr

全程本人拍攝及後製
喜歡我的影片請訂閱我的Youtube頻道及Facebook 專頁
半職人妻Facebook: https://www.facebook.com/halfwifeblog/
半職人妻 youtube:https://goo.gl/qCVYUU

半職人妻其他影片：
半職人妻閒遊澳門 : 高性價比澳門酒店/高質自助餐推介/暢玩天浪淘園 https://youtu.be/YBERm8LiCuI
半職人妻兩日一夜佛山遊：升值純玩團｜上篇 (沙灣古鎮/新開幕佛山”帆船酒店")https://youtu.be/fzyUS7qEjFI
到越南第一天已被黑了10萬盾！HKD＄1.7啤酒有無伏？半職人妻會安遊記上集https://youtu.be/B7YTEifgdzM
在冰島體驗了香港人的住屋智慧？黃金圈一日遊 Golden Circle /半職人妻獨獨遊冰島 Part 2https://youtu.be/0W-RPT0GlMQ
超值布吉Part 2 : ＄800有找 5星級 隱世酒店 Santhiya Resort Koh Yao Yaihttps://youtu.be/7Ru2DD0wq88
帶著父母去旅行 EP2：超充實曼谷包車一日遊｜安帕瓦水上市場｜HKD14遊船河睇螢火蟲https://youtu.be/E19jZ2BNeEI

Cameras: Canon M6, iPhone

Music:
1.「Kevin MacLeod」創作的「Beachfront Celebration - Latinesque」獲得「Creative Commons Attribution」的授權使用 (https://creativecommons.org/licenses/by/4.0/)
來源：http://incompetech.com/music/royalty-free/index.html?isrc=USUAN1200022
演出者：http://incompetech.com/
2. Mr Funny Face