阿里長線投資$280樓下收集
11月6日，天晴，天氣乾燥，呢幾日天氣都唔錯，睇情況周末期間唔會打風。美國總統大選未有最終結果，但市場已當正拜登勝選一樣，美股繼續升，道指跟標指隔晚齊升1.95%；標指升300點近2.6%，距離紀錄高位不足2%。科技股仍然係美股火車頭，重磅科技股升幅顯著。
之前古天后已講到明，無論邊個入主白宮，喺市場資金極為充裕下，股市係會繼續向上，只要點票過程順利，結果盡快公布的話。事實係即使點票期間有爭議，有機會敗選嘅侵侵未能成功連任，準備訴訟都好，美股照升可也，皆因結果較為明確嘅國會選票已定，兩黨各據一方局面不變。即係就算白宮易主，拜登競選期間所提到嘅加稅方案，亦難以順利通過，既然暫時唔會有對股市重大不利因素，股市喺資金泛濫下，之前因為選舉避險嘅資金重新入場，造就美股由投票日開始嘅強勁升勢。
至於聯儲局宣布維持利率不變，呢個亦係市場意料之內嘅事，雖然疫情令美國經濟前景增添不確定性，但鮑爺強調，如果形勢惡化，聯儲局可以研究推出新嘅救助工具，重申該局喺貨幣政策上仍未「彈盡糧絕」。港股呢邊當然跟住美股走強，只係噚日急升後，唔少股份已呈超買，今日又係周末前夕，缸邊友會較為審慎，再強勢嘅股份都要抖抖氣。
港股噚日升逾3%，恒指進帳進過800點，並以全日高位收市，雖然夜期曾升抵26000水平，但收市升幅已縮水，加上26000阻力唔細，而26500阻力更大，加上呢兩日恒指已急升二千點，今日回吐或整固好正常。尤其周末期間美國真係唔知會發生乜事，今日嘅策略同尋日一樣，高位減磅唔追貨啦。
阿里巴巴(09988) 股價及相關新聞 呢個星期極為波動，先係螞蟻集團(06688) 股價及相關新聞 上市難產拖累股價周三急跌，至尋日跟住其他科技股反彈，但表現已落後其他重磅股幾條街。噚日派成績表截至今年9月底止的季度業績，股東應佔純利按年倒退60.34%至287.69億元人民幣(下同)，股價喺美國嗰邊應聲而下。不過按非公認會計準則(non-GAAP)純利則按年增長43.78%至470.88億元新高，遠勝預期，雲計算收入尤其「標青」。
不過阿里上季天貓平台的增長速度，以及中國零售商業年度活躍消費者數9月底增至8.81億人，均不及預期。而阿里上季股東應佔純利之所以暴跌，主要係去年同期取得螞蟻33%股份時確認了一次性重大收益，推高咗比較基數。而市場開始將焦點轉移去內地針對網絡小貸嘅新規對螞蟻實際影響，未來螞蟻收乜嘢息口。不過即使螞蟻有需要就新規定而增加資本額，股本回報率(ROE)以及螞蟻估值就會被拖低。呢個亦係影響阿里股價表現嘅負面因素。不過唔少分析表示，螞蟻估值每降低10%及20%，對阿里估值影響分別為1.3%及2.6%，計落條數又唔算太嚴重。作為古天后長線投資組合成員，阿里股價一旦跌返去280元樓下，仍然值得撈貨。
古天后
#300likes30shares #古天后 #古天后日誌 #頭條財經網
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。
依家我嘅聊天室已經停止免費試用, 直接課金入來聊天室啦：https://bit.ly/2BmeAhZ
立即下載秒投：https://link.stockviva.com/L9J41qUp01
對聊天室有任何疑問，可以直接聯絡秒投小編：電郵 cs@stockviva.com
注意：本人僅在 "秒投App" 及其網站內開設聊天室，本人並沒有與其他網站，或以外的平台，開設過任何通訊群組，亦沒有任何所謂的「私人whatsapp 群組」「Telegram 群組」等等，為保障大家利益，切勿加入任何類似群組。
資本額股本 在 資本是什麼意思？和實收資本、股本有什麼不同？ - Mr.Market ... 的相關結果
股本 (Share Capital)，公司將資本劃分為數份等額的股票，通過發行股票(普通股、特別股/優先股)來籌資。 股本會因為分次發行股份(增資)或減資，而會發生 ... ... <看更多>