[香港歷史小百科—「香港」的由來]
傳說香港之所以叫香港，其中一個故仔就係咁嘅：喺宋朝開始，喺香港呢一帶嘅地區都有大量嘅土沉香。土沉香，又名牙香樹，係香港原生稀有嘅雙子葉植物。土沉香之所以咁特別就係因為有一種特性，就係佢嘅樹皮或者樹幹被破壞之後，真菌就會入侵受到傷害嘅樹身，喺呢個時候土沉香就會發揮本能地分泌一種會發出香味嘅樹脂，而呢個過程名為「結香」。喺「結香」之後，呢啲咁嘅結膠狀樹脂就會沉底落土，日日夜夜咁堆積，經過微生物作用之後就會凝結成褐黃色固體，而呢個就係「沉香」。沉香係一種名貴嘅香料，可當成中藥之用，亦都可以作為藝術品原料。因此可以製作出「沉香」嘅土沉香樹就十分之珍貴，「沉香」亦都被稱為「香中之王」，甚至可以話比黃金更加矜貴。呢啲被稱為「香木」嘅土沉香當時就會經當時開埠前嘅轉運港口：香港仔同石排灣，輸出去其他周邊地區。而由於喺當時香港仔同石排灣嘅港口都洋溢住土沉香嘅香味，所以就以「香嘅港口」/「香料之港」聞名，取其「香港」兩字，就係我哋呢個地方嘅名字由來喇。
而嚟到現今世代，土沉香除咗只係香港古村落比較普遍嘅風水樹之外，其實土沉香喺香港就已經係徘徊喺滅絶嘅邊緣，因為沉香價值千金。以2014年嘅價格嚟講，每一公斤嘅沉香碎塊原料就值 58000 蚊港幣左右。香港百年老號，位於旺角上海街嘅永利檀香莊曾經有一塊被雕刻成樹根同樹乾形狀嘅沉香，標價係120萬港幣。可見沉香原料之貴重。而沉香亦都可以提取出一種叫「烏木油」嘅物質，係主流高級香水嘅關鍵成分，例如Armani 同YSL亦都有沉香香水，都係以「烏木油」作為主要原料，而「烏木油」嘅價格高達每一公斤大概30萬港幣。眼見咁高嘅利潤，非法偷盜者當然就唔會執輸啦。呢啲絕大部分都係嚟自深圳河以北嘅非法偷盜者喺香港胡亂破壞野生土沉香以得到佢流出嘅「沉香」。雖然漁農自然護理署工作人員好努力去進行唔同嘅反偷盜行動，甚至有唔同嘅保育行動，但要點樣令到土沉香唔會喺香港絕跡，就成為咗目前保育土沉香嘅首要方向。培養大眾嘅保育意識就係由推動普羅大眾對果樣嘢嘅了解而開始，作為一個香港人保育土沉香乃係責無旁貸。因為土沉香嘅象徵意義就係香港嘅根。
貴重香水原料 在 貴重香水原料 - YouTube 的美食出口停車場
Today, I take you to a special place near the Adriatic Sea where the famous Golden Extract of the highest quality Immortelle in the ... From the video ... ... <看更多>