It’s a little bit funny
前兩年
大姑媽Elton John出自傳剖白
話當年好多人笑佢唔識搞波
因為識搞又點會揾屈福特呀
要搞都揾隊勁啲嚟搞啦歌神
佢一句收你工：我响呢度大㗎
歸屬感本來就係足球嘅催化劑
可能係香港太細feel唔到㗎啫
Elton John又話屈福特救返佢條命仔
因為搞波時係佢私生活最混亂嘅時候
好在有球會嘅事分下心先無諗埋一邊
佢出錢出力前後做會長幾十年冇白過
上年打足總盃決賽兩個仔仲有得出場
而域卡治路球場東看台更係以佢命名
幾個月前休賽期
Elton John Stand忽然坐滿醫護人員
原來球會決定開放個球場比Watford General Hospital
比出生入死嘅醫護鄰居有個花園唞下
英國疫情嚴峻而屈福特醫院係重災區
球隊除咗出動所有職員仲招攬咗成
300 位球迷做義工為醫護人員服務
服務包括早餐午餐冼衣連牀位都有
等每日返12小時嘅醫護可以休息下
呢段日子就有成千天使偷閒同加油
球會唔大但點解愛心無限呢
現任屈福特主席德士貝利話 :
我哋大門隨時為佢哋而打開
就正如
佢哋隨時準備救返我哋一命
We are there for them in the same way
that they are there for all of us.
足球
唔可以令人死而復生
但可以令人生多少少意思
Elton John如是
醫護如是
我們如是
How wonderful life is
while you're in the world...
Elton John
Watford FC
Watford General Hospital
