《貓之報恩記》
最近分享得太多同大地之子嘅野，所以都係暫時告一段落。不如轉講下魚蛋❤️
話說我初初養貓時，朋友問我：「魚蛋有無試過貓之報恩？」我問咩意思。朋友解釋話貓貓好鐘意喺出面帶d「禮物」返黎畀主人。我初初唔信，後來陸續收到蜘蛛同各式各樣嘅昆蟲，我開始相信，魚蛋是很愛我的。
隨著魚蛋對我嘅愛愈黎愈深。佢送畀我嘅禮物都愈黎愈大份同厚重。琴日我又一如以往咁放魚蛋出街玩。我就去緊廁所。當我出黎嘅時候，聽到魚蛋係咁不尋常地喵喵叫。我一出廳，望到魚蛋喺地下玩緊一堆黑色野，一開頭以為係線頭。但望清楚，唔對路喎。無理由線頭咁大舊。再望清楚d，😧😧😧係
一
隻
死
雀
。
🤦🏻♀️🤦🏻♀️🤦🏻♀️
我嚇到即刻彈返去門口。我勁驚，第一時間搵大地之子求救。當時嘅我已經失去左理智，我問返緊工嘅大地之子可唔可以返屋企處理條屍🤣🤣我當然知道係無可能啦。大地之子只能安慰我：「貓好鐘意帶禮物返屋企畀主人架，代表佢好愛你。」咁魚蛋你可唔可不愛我少一點，或者轉一個愛我的方式。於是我又同朋友越洋喊驚。佢地又有另一番見解，「貓會向主人獻上獵物因為佢地覺得主人係廢廢的獵人，於是親身較主人點樣打獵」只能夠話，我又長知識了。我喺門口不斷聽到魚蛋喺度玩弄隻雀嘅聲音，但，我唔敢望。但我又驚魚蛋會搬隻雀上房，於是我偷偷看呀偷廁望，我嚇到帶淚帶淚暗悲傷。佢將隻雀移動左去廳中間，我一望嚇到跑左入廁所鎖住左自己。我再次向大地之子求救。我話我會留喺廁所直到佢放工為止。點知大地之子竟然幫我打左畀大地之婆同大地之公。我當下覺得無地自容，竟然要勞煩老人家黎幫我處理雀鳥屍體。但內心又鬆左一口氣。
果然10過左十分鐘。救星大地之婆就黎到！佢一入黎就從容不逼咁講：「我屋企隻貓捉左不下廿隻雀返屋企。」然後佢仲經驗老到咁自備左膠袋，一黎就問我隻雀喺邊，然後優雅地將小鳥嘅屍體放入膠袋中。之後不慌不忙咁清潔雙手，再畀左個大大嘅擁抱我。我叫佢飲杯茶先走，然後佢話大地之公喺車度等緊佢：「everything is ok now😉」當下，我見到大地之婆身後有光環，佢地真係為左我特登開車過黎捉走隻雀仔，小女子無限感激。
雀仔呀雀仔，對不起，我家魚蛋用左你黎做貢品，願安息。
魚蛋呀魚蛋，我知你好愛我，我都好愛你，但求求你下次帶d三文魚返黎，雀仔老鼠就免啦🤣
---------------------------------------------------
❤️如果想睇更多大地之嫂同大地之子嘅無聊小故事，要記得follow埋ig: whereisfaroeislands ，https://www.instagram.com/whereisfaroeislands
