【#狂迷投稿】〈犯罪現場〉 文：Andy
—「希望❛古天樂❜會令大家繼續支持港產片!!」
⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄
前言: 相信喺而家呢個政治氣氛低下,大家真係會無意慾外出消費,又或者係睇港產片!!特別係警匪片!!
.
而家主張支持"黃店",香港人嘛！咁睇戲都可唔可以支持港產片為首呢？
.
秋生話"古天樂係新一代電影大亨"; 劉華都話"阿古比佢更勤力!!"
.
的確,古天樂先生近年對香港港影圈嘅貢獻係大家有目共睹;"天下一"都成為咗一個本土品牌嘅代表!！
.
"查自己上司?"
電影以阿古演嘅"汪新元"為首,警匪片難得以賊人角度出發!!黑警,卧底同線人都唔少得!
.
特別要提阿聰嘅角色非常咁討好,穿梭於"汪新元"同"葉守正"之間
.
戲入面提過佢本來唔係咁嘅,如果可以再著筆描述多啲就更加好,個人覺得其實佢更加似主角!!
.
黑仔由過往嘅"悍匪"變成"高級督察",睇得出佢今次刻意內斂咗，冇咩表情連講對白都冇咩太大起伏!! 在我而言佢今次比<<翠絲>>嘅演出層次又高咗,讚！
.
"人嚟㗎嘛！會做壞事"
葉sir雖然係有心要嫁禍"汪新元"但都係出於幫自己嘅卧底報仇 ; 元哥冇錯係心狠手辣，但對住歐陽同紅毛,又實在係有情有義！
.
"垃圾"借貴利都要去照顧一班流浪貓;麥包演嘅貴利因為混亂槍戰之中跟住隻貓成功逃生,之後就入股貓場!
.
好欣賞編劇借警vs匪同一眾人物去描寫出人性嘅百態!!
.
"唔好咁姑寒啦"
宣萱演嘅阿Joy同一班老友記緩和咗成套戲緊張氣氛,雖然有啲超實,但無傷大雅!!
.
香港夜景名信片同捐眼角膜呢段真係幾感動!!
.
同樣係大頭近鏡嘅喊戲,宣萱的確比阿Fi勝一籌,而且佢仲好襟睇呢！
.
"我地分番份遮,邊度有錯?"
譚耀文嘅牛肉佬戲份少得可惜;佢係葉sir死咗之後我第一個懷疑係兇手嘅; 其次係阿Fi演嘅楊見珊,但只係案發後3個月佢就可以咁冷靜,令人太出奇( 我仲有諗其實佢係咪扮癱 )
.
反而安志杰嘅何兆東強調係美國軍校出身,又喺槍會做教練,動機太明顯,我會先會排除咗佢.....估唔到最後係案中有案!!
.
"對得人多,更加鍾意對住啲動物"
鸚鵡係"兇案現場唯一活口",但好多評論話最後出嚟效果唔大,要知道其實用動物拍戲係有一定難度嘅( 估計導演應該係愛動物之人),反而我覺得鸚鵡大作用係幫觀眾去鎖定兇手係葉sir同阿東是但一個!!
.
貓同蟻都係戲入面一個賣點,個人略嫌貓嘅戲份唔夠多; 幻覺係好抽象嘅,蟻喺戲入面發揮咗一定作用!
.
但我有疑問係,到底元哥食鎮靜劑發現有蟻係幻覺定真實呢？( 拍完檯嗰吓啲蟻反咗? )
.
"搞掂埋佢，有覺好訓"
最後一場煞科戲,如果由槍戰改成埋身肉搏相信會好睇得多呢！
.
再要一讚呢套戲嘅美術設計,天台貓屋由流浪貓收容嘅佈置到屋入面嘅貓掛畫都好有心思;唐樓套房,如果"五仟蚊"有咁大間直頭抵住啦！"百友"party嘅道具都造得好靚!!
.
仲有呢,一直覺得全牛仔look只係屬於"華Dee"劉德華嘅,而家有第二個啦！阿聰戲入面呢個造型好好睇👍👍👍
.
場景方面: 唐樓天台;馬灣舊鄉村;紅磡觀音廟都呈現咗香港街道特色,要數對上一套拍得"好香港"嘅,應該係<<逆向誘拐>>,同再舊啲嘅<<大追捕>>
.
比起<<追龍>>呢類刻意搭景加特技去還原老香港,我更加鍾意實實在在拍番而家嘅香港!!
.
電影製作喺"反送中"之前,但戲入面嘅情節睇得人百般滋味,特別係"我老豆係局長呀"同葉sir私刑捉住紅毛嗰幕( 明嘅就會明 )
.
好開心喺大銀幕見到麥包,張松枝嘅演出,仲有凌文龍,吳肇軒同顏卓靈呢啲新一代,佢地都係好嘅演員，絕對值得支持!!
.
btw,睇番維基先知,原來編劇兼導演馮志強有份寫<<創世紀>>㗎！怪唔得戲入面嘅情節同對白都咁貼地啦！
.
雖然部份電影從業員跪低咗; 同時要多__謝"克警"令<<寒戰3>>開拍無期...相信<<拆彈專家2>>都會因為咁而押後上映......
.
不過換個角度睇,小品可以抬頭,港產片可以拍更加多題材!!
.
而<<犯罪現場>>都話俾觀眾知,警匪片係可以拍出新角度嘅！
.
P.S:以後有"古天樂"同"天下一"我都一定會入場支持!!!香港人要撐港產片呀！
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 討論電影由你起頭！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan
.
天下一電影 One Cool Film #犯罪現場
譚志強去咗邊 在 點解澳門忽然爆疫？譚博第一身直擊全民檢疫下的 ... - YouTube 的美食出口停車場
點解澳門忽然爆疫？譚博第一身直擊全民檢疫下的澳門！？｜譚志強點睇賀一誠與澳門兩任特首分別｜小文小宇宙｜潘小文、時事評論員譚志強. ... <看更多>