Search
譚 仔 早 餐 滿 載 啖 啖 譚 仔 味🌞
．．．．．
由即日起，譚仔全港21間分店都食到譚仔全新早晨套餐！當中最吸引我既係「烘土匪芝士三文治系列」既「芝士炸醬多士」！呢個三文治將我去譚仔必叫既兩樣野放埋一齊，再加上用牛油烘至金黃既多士同半融芝士，勁邪惡😈(圖1)
．．．．．
另外，(圖2) 家鄉米通係米線變奏版，食落真係即刻諗起譚仔既米線，好搞笑😂。
．．．．．
除左上面兩樣野，佢地都有傳統既西式早餐(圖3)，餐包、腸仔、餐肉，蛋是必須的！☘️茜迷注意⚠️如果你想食「香茜芝士煎蛋」(圖4)，你就要去中環譚仔先有呀，唔好錯過呀！
—
譚仔雲南米線 (中環)
中環干諾道中21-22號華商會所大廈地下至1樓
—
🥑生酮友好食品：(Dirty Keto) 煎蛋、炒蛋、煎蛋、腸仔、餐肉、蕃茄湯麵餐走麵
.
#small港式
#small中環
#small生酮外食 @ 譚仔中環
一知譚仔出早餐，
就即刻狗衝去試下咩料！
要食緊係食佢最馳名既土匪！
不過今次唔係土匪雞翼，而係烘土匪芝士三文治🥪
三文治撒上土匪雞翼調味粉烤焗，咬落去脆卜卜，
內裡配上半融芝士同秘製炸醬，金黃香脆外表同時有流心效果。
賣相邪惡，食落好惹味！估唔到炸醬配芝士依個組合咁有驚喜🤤
任何早餐都可以加配迷你家鄉泡米通粉/迷你火腿通心粉，
雖然係迷你，不過我覺得個份量都好多，好抵食😋
依家除左米線，係譚仔都可以揀唔同類型既早餐喇🥪
希望黎緊有更多分店有早餐賣喇～
-
🔎 譚仔雲南米線
—————————
#譚仔 #譚仔雲南米線 #譚仔早餐 #烘土匪芝士三文治
譚仔又有新搞作
【譚仔擴張】譚仔三哥月租45萬承租威靈頓街4000呎舖 三哥首間中環分店
https://inews.hket.com/article/2956709
相信，每個人都有一個舞台。
不要叫魚去爬樹；有水，牠就活潑了。
吳江橋，人很隨和，但說話結結巴巴超低音，滴汗！
一埋爐，即刻生猛晒：大開大合拋熱鑊，心細如塵撒鹽調醬，小店聚興家的廚房讓他大放異彩；揮灑出一道道色香味，俘虜城中名人兼獲同儕青睞，晚飯消夜夜夜爆滿；車胎人2018「推介」，以為2019有機會給他掛星星，可惜落了空。
位於太子砵蘭街的聚興家開業已經七年，是城中名廚擁抱的小炒店，四太梁安琪、林建岳、黃百鳴、譚詠麟等明星都是座上客；去年尾米芝蓮推介，更是錦上添花；三個月前擴充租了隔鄰鋪位，多了大約十張枱，仍遠遠供不應求。承米芝蓮的星光，不如擴充開分店？42歲的老闆兼大廚吳江橋（橋師傅）心水清：「看透了，你質素不行，開幾多間都無用。一間得，那生意也可以。都是求兩餐求興趣，唔使咁搏嘅！」身邊的橋嫂連連點頭：「他寧願推客，也不想勉強做。現在客人一定要訂枱，預早一兩個星期啦！也多先訂菜；日日清，材料夠新鮮。」
徹底的認真
即使沒有摘星，橋師傅表示會依舊努力、用心去做好自己的菜式，保持食物質素，「因為這才是長遠。」譬如熬高湯，他將雞腳雞肉慢煎到金黃色，「你煎雞渣不夠香，它會有腥味；下米才有米香，用大火扯到夠濃才靚。」他怕假手於人十個步驟做七個，達不到最佳效果，所以親自做跟到足；又如灼魚片，下鑊前先用碟一塊塊鋪平再慢慢卸下去，「這樣魚片塊塊一樣熟；你求其整堆放下去，熟度不會均勻。」他坦言廚藝就在這，看師傅的工序是否做得足。
如此投入認真，他表示是學習自馬會山光道邵德龍師傅——聚興家的熟客，「他經常教我菜式怎做，怎改良會好些。」從前自己慣了做粵菜，也被邵德龍訓示過：「他說我無分粵菜川菜。其實你做廚師，你甚麼菜都要懂，要多元化。」
店中的水煮手切牛肉、豆酥蒸筍殼蒸肉蟹融合了中國幾個菜系的食材和技法；大受歡迎的酸菜斑魚就是取四川青花椒辣椒，結合潮州鹹酸菜，用上粵式的煮法。而且選料精嚴：採用的游水花尾龍躉是台灣海中圍養，不是工廠飼養帶藥味的貨色；揀汕頭鹹酸菜，取其微酸鹹香味重，細細切走葉邊，剩下的都是厚肉爽口位；魚片和骨腩分開醃分開灼不在話下，連配料娃娃菜浸上湯、鮮菇拉油汆水再下熱鑊和芹段同爆，每樣也細細處理……灒上油爆指天椒和青花椒添香點色作結；十多個工序，一絲不苟。
「客人一試，即刻知道師傅的功夫去到甚麼程度，就像李小龍打功夫，兩招就見效。」他明明是滿意，但說來就是難為情。畢竟食物較能達意：魚片滑溜、骨腩爽、酸菜脆、湯頭甜而微微帶辣直暖喉頭，水準比高檔食肆絕不遜色，價錢卻只是一半。
終遇伯樂
「很多人都叫合作怎樣怎樣，打電話來問幾多錢賣不賣呀？我還是覺得自己家庭式經營，和客人變成朋友一樣，好開心。」每天上午，66歲的橋媽就去買鮮雞鮮肉菜蔬兼在飯市打雜；下午三四點岳母出馬收魚收海鮮；橋師傅掌勺，太太樓面招呼，「好似打麻雀，四隻腳去砌。」 橋師傅說。廚房㷫烚烚，橋媽叫住他：「仔呀！熱氣，飲杯鹹桔水。」大廚背後，是軟實力。
他入廚20年，曾在多家酒樓打工，最後東家是以小菜出名的陶源，基本功練得紮實。只是，同輩入行的多已升做大師傅，自己做來做去中間位，很不是味兒，「中菜師傅或者甚麼師傅都有個師傅格，大位始終騎住細位，自己不是太忿氣。」2011年，他押上所有積蓄和兩位媽媽湊合近百萬元，開了聚興家。
頭兩年都不夠客源，夥計要推遲出糧，自己日捱十六七小時，「早餐午市下午茶晚飯消夜做到尾。」那時熟客多數吃茄子煲豆腐煲飲個免費湯，「做來做去都是這兩條街的客人。」
死纏爛打捱了兩年，終於出現轉機，「認識了一班師傅來幫我宣傳，第一批就是邵德龍，他拉李文星，李文星又拉培哥，培哥跟住拉四季，中廚師會，跟住TVB蔡和平那邊，一滴水一滴水儲起整桶水。」邵德龍，馬會名廚；李文星，卅二公館行政總廚；培哥，添好運老闆；粒粒都是廚界巨星，口碑相傳，很多行家都拉隊來消夜。
因為他謙虛沉着，大家都肯給意見，「四季（龍景軒）德哥不是教我菜式，他教我做人道理，給了我12個字：天時地利人和，性格改變命運。」德哥是香港首位三星米芝蓮中廚，也是聚興家常客。
小店現只集中做晚飯和消夜。名人、食家紛紛來打卡，也有普通客。有些店成名之後，同一款菜就會因客人身份有別而兩個樣。橋師傅直搖頭：「其實我們在裏邊煮都是用比賽那種心態做好每一個菜式，不會看誰來食才特別用心一些。作為一個廚師，煮食給客人。客人食完很開心認同你，或者再帶朋友來。你覺得做到自己想得到的東西，其他事不去想它。」他微笑一下，又拘謹起來。錄影訪問結束，他難得綻放笑容，不過只三秒。他的菜，更直接寄存他的心思。
撰文：韓潔瑤
攝影：周義安
聚興家
地址：太子砵蘭街418號地鋪
電話：2392 9283
詳情： http://bit.ly/2JkqBCC
===================================
立即Subscribe我哋YouTube頻道：http://bit.ly/2Mc1aZA (飲食男女)
新店食評，名家食譜，一App睇晒！
立即免費下載飲食男女App： http://onelink.to/etwapp
《飲食男女》Facebook：http://www.facebook.com/eatandtravel
飲食男女網站：http://etw.hk
Follow我哋Instagram，睇更多靚片靚相：http://bit.ly/2J4wWlC (@eat_travel_weekly)
