【關於觸感防禦】
唔知大家有冇遇過BB有以下嘅情況：
1. 沖涼嘅時候對水溫要求極嚴格，幾乎要用溫度計，爭一兩度都唔沖，一旦改變setting分分鐘嬲成個禮拜
2. 著衫、換片、抹面、抹口、搽cream打仗咁
3. 唔喜歡凹凸不平嘅嘢，唔係一般討厭，係爆喊崩潰
4. 沙地草地messy play免問，勁驚你整污糟佢
5. 因類似以上情況會哭鬧好耐
我哋一向都有觸覺過度敏感嘅表現，開頭只係揀人抱到非常(只接受阿媽、婆婆、伯婆等new born開始貼身照顧嘅人抱)，後來抹口抹面好似打佢咁😑跟住戴帽、口罩、頭帶、鞋仔襪仔未出到屋苑門口就掉咗，慢慢地上面1至5都出齊，我哋跟據playgroup老師嘅建議，今個禮拜做咗好多練習刺激佢觸感，例如去沙池同踩通粉，開頭都係異常抗拒甚至喊爆，以佢係playgroup見到通粉同埋沙會喊到扯晒蝦兩行眼淚嘅起點嚟計，圖片中嘅進步真係令阿媽老懷安慰。
如果你都有以上嘅問題，或者覺得BB都唔再係好BB但仲係成日會莫名嘅哭鬧，真係想同你分享You are not alone，因為呢兩年出世嘅BB少出街少stimulations，都比較容易有呢個問題，只要安全地俾多少少刺激練習佢哋，佢哋就會安樂好多，如果到再大啲佢哋慣咗情緒激動地生活，佢哋都會好辛苦點解地球咁恐怖，同埋扭到影響專注能力。
關於育兒，我可能都講到1999🥲有需要變得請教吓專家
觸覺過度敏感 在 職能治療師- 孩子不喜歡跟人接觸跟觸覺敏感 - Facebook 的美食出口停車場
或是不喜歡被碰臉、剪指甲、刷牙、洗澡洗頭？ 不喜歡特定材質的衣服或後面的標籤嗎？ 個性比較偏執或是怕生、退縮嗎？ 這些都有可能是觸覺過度敏感的表現!... ... <看更多>