【十八歲以下人士需有家長陪同閱讀】
今天，Dr Who為大家提供一個揭尾故，請大家估下究竟呢班醫學生講緊咩？
時間：一個風光明媚嘅下午
地點：某小組討論室
A：「喂！佢 cup size 好大呀！」
B：「喂！係喎，佢大過你呀！」
A：「真係一直望落去就係啦喎。」
C：「噓，似你咩鬼咁死細。」
B：「咁 cup size 邊係我控制架啫。」
A：「喂，快 d 過黎睇下佢個 cup size。好好睇！」
C：「唔好成日望我啦。」
D：「咁你地兩個 cup size 邊個大d？」
============
青光眼係一個好常見嘅眼疾，基本上就係一個人眼壓太高，壓壞左視神經，於是視力開始從邊緣起模糊，慢慢向內擴散，不受控制甚至會導致失明。係身體檢查裏面，我地可以透過眼底檢查，檢查一下病人嘅視神經向推斷呢個病人有無青光眼同埋佢嘅嚴重程度。
一般眼底會見到一個叫做「視盤（Optic Disc）」嘅大光點，亦即係我地嘅視神經；大光點嘅中間有另一個細光點，係視神經集中嘅位置，是為「視杯（Optic Cup）」。患有青光眼病患嘅視神經有損壞，「杯盤比（Cup-to-Disc Ratio）」就會上升，亦係我地檢查眼底其中一項要睇嘅野。
講到呢到，我唸大家都知道其實以上個班變態，呀唔係，係醫學生講緊咩啦？
無錯，其實我地只不過係互相檢查緊眼底，睇緊邊個嘅眼底健康。
做咩心邪啫你。
