[懲罰系列] 粉嶺 安樂工業邨 What The Food
#要係嗰棟野既人先食得喔
#你懂的
雖然細個係粉嶺住，係粉嶺讀到中學，不過粉嶺 (特別近火車站一帶) 係近年而言變化甚大，而食物既選擇即使多左，反為比十年八年前平庸左。而打開Openrice，粉嶺最高分既餐廳就係位於工業邨既呢間What The Food，如果唔係渣車過黎，都幾唔就腳。
曾經多次想食呢間但都因為多人都爆而放棄左，加上成為左黃店，真係想唔等都難，不過又好在中秋前既Weekend，可能大家都走哂去中式地方同家人食飯團圓，反而What The Food就顯得有點兒冷清，亦因為咁，終於可以一嘗呢間粉嶺第1既鋪頭。
餐包係豬仔包、餐湯係羅宋湯，味道一般，可以飛過。主力講下Main course啦，我地試左個招牌菜鰻魚蛋包飯，仲有個花生醬Burger。先講前者，蛋汁好Juicy，份量亦夠多，而更重要既係舊鰻魚好鬼入味，我自己就比較傾向魚、蛋、飯一齊放入口，口感比較平均。至於個花生醬漢堡，其實一樣有大大舊牛、大大片芝士、蕃茄等等，不過茄汁/沙律醬既部分就由花生醬代替，聽落有少許奇葩，但其實花生醬有少少咸，反而仲更加吊到隻肉味出黎，呢個險其實值得冒既。
講埋飲品啦，叫左杯黑糖鮮奶同海鹽鮮奶，黑糖個杯叫做正常發揮，無乜特別comment, 而杯海鹽味既就幾特別，仲有d焦糖脆目係面，幾過癮既係，同埋有少少咸味，更加吊到d甜味出黎，如果有機會去呢間度食，不妨試下呢隻海鹽鮮奶。
食物: ★★★☆
價錢: ★★★
環境: ★★★☆
服務: ★★★☆
性價比: ★★★☆
