關於 西德k牌 ，我們在網路上蒐集到這些相關的討論、資訊與評價

小熊糖又可以訂購嘍！

🎊🎊介紹大家一個德國人喜歡卻沒有打進亞洲市場的隱藏版小熊糖品牌～～🇩🇪"Bären-Treff "🇩🇪

大家一提到德國小熊糖就想到Haribo, 這也是很正常的，畢竟在台灣有在賣，比較熟悉。確實Haribo也是在德國最常看到的小熊糖，從各大超市到小攤販都能買到，廣告活動也是做很大。知名度感覺有點像乖乖在台灣的感覺😆

但是今天跟大家介紹的這家小熊軟糖專賣館，一般人比較不熟悉，和Haribo完全不同風格，Bären-Treff在全德國只有23家分店，一般市場沒有他們的產品，店也不一定在最熱鬧的市中心，反而多在講究高級品味的消費地區。如KIEL這家，就設在大學城的消費集中處。店裡給人的感覺就是很精緻、很溫馨！

產品不走工廠大量製造的路線，注重高品質生產，完全採用天然果汁或植物萃取原料來製作軟糖。不添加人工色素、絕無防腐劑。軟糖的美味、完全來自天然的果汁原味。

包裝也都比Haribo的大，多是500g一大包，建議大家開封後放在密封的保鮮盒，保持風味，在台灣也比較不容易潮濕掉喔😊

A款：我最愛的水蜜桃口味夾心～真的超好吃，我每次一定必買這款，還會多買幾包送人。酸酸甜甜的水蜜桃直接被收買了🤣 口感絕對軟，外面甜甜裡面酸酸😍😍必買第一款！500g 499元

B款：經典果汁小熊糖～最經典的小熊形狀，來自天然水果的豐富味道，軟軟的口感，不會讓你吃了臉頰酸酸喔❤️ 500g 499元

C款：超酷炫機車形狀
這款重型機車形狀軟糖 減少了約30%的糖 如果很在意糖分的朋友 可以考慮這款喔
有蘋果 梨子 草莓 覆盆子 橘子 檸檬多種口味❤️500g 499元

D款：動物園綜合版
這款有好多可愛的動物 和小朋友一起吃還可以一起玩 有小朋友的媽媽很推薦這款喔
有梨子 黑莓 覆盆子 櫻桃 橘子 檸檬口味 ❤️500g 499元

E款：小包裝，50包，每包12g，絕對是Party，孩子慶生，特殊節日不能少的東西。德國很多店面也會放這種小包裝，大部分是結帳的地方，提供客人等待或是結完帳離開的時候可以拿一小包，超級有愛的❤️699元

💕特別推薦他們是因為他們是使用天然果汁或是植物萃取原料製作軟糖
不添加任何不健康的如色素 防腐劑等等
味道全部來自於水果的原味
但是卻不是到處可以見到在賣的 屬於非常低調的奢華小熊糖！！💕

F款 果汁味 超可愛汽車型狀
有 香蕉 梨子 覆盆子 櫻桃 百香果 水蜜桃 檸檬多種口味❤️500g 499元

G巴伐利亞州當地風情
這款小熊糖的形狀非常特別 是巴伐利亞州的特色 比如男生是要穿吊帶皮褲 女生則是讓人很害羞的低胸吊帶裙
還有Brezel 俗稱8字麵包（塗上奶油最好吃）當然還有皇家啤酒等 真的超級可愛
有杏桃 香蕉 梨子 櫻桃 百香果 水蜜桃口味❤️500g 499元

H最新款 小恐龍：
超級可愛的恐龍造型小熊糖 最新上市，有草莓、覆盆子、奇異果和橘子口味
❤️500g 499元

I可樂軟糖
每個人小的時候一定都吃過的可樂糖～～孩子們最愛
❤️500g 499元

J迷你小熊糖
特別適合給小朋友，迷你版小熊糖
有鳳梨、蘋果、覆盆子、橘子、黑莓、檸檬口味
❤️500g 499元

K特別款：復活節限量版
有各種復活節圖形比如 兔子、小雞、雞蛋、裝雞蛋的籃子、小花小草，有鳳梨、蘋果、桑椹、覆盆子、橘子和檸檬口味
❤️500g 499元

［貧窮限制我想像力］你睇，十五歲仔都買綠水鬼！唔係戴綠水鬼！係買綠水鬼！又高一個層次啦。

1. 一般唔睇頭七日報，自從我冇再坐地鐵返工（since 2006）我就唔再拎免費報紙。但，今次個報導好，我鍾意佢標題嘅綠色字，加埋下面仲有段綠勞行情，好似香港有人燒炭例牌會有埋樓盤資料原業主幾錢買咁，only in Hong Kong

2. 所以話，勞力士呢個名真係好幽默。黃子華話過的，有邊個靠勞力搵食嘅勞力士，會買得起勞力士？（＊）越戴勞力士就代表佢越唔使靠勞力！

3. 又，上面呢個gag，黃子華未講時我已講過。正如「梵高理財」都係，我啲朋友可以作證。但當然韋拿踢法似我，唔係話黃子華抄我或者話自己巴閉，只係想講，我啲諗嘢思路有時係同佢差不多嘅。即係個個新界仔打籃球都學佐敦咁（＊＊）。

4. 講返，真係堅秋，唔係老豆送，仲要自己買！當然我估都係老豆畀錢佢買。但即係，你啲友聽見劉鳴煒生日收十皮利是都嘩嘩聲嘅，我真係要講句

5. 貧窮限制你想像力呀！

6. 大佬，MOS一件15歲小朋友都自己買隻綠水鬼呀！劉鳴煒老豆係邊位呀？劉孝偉定劉鎮偉呀？

7. 又，綠水鬼呢啲嘢，我當然唔識，我只係識金寶綠水。正如我啲朋友講車講咩牛呀馬呀我都跟咗好耐先知係乜（咁至少我未使上網Google嘅），都話呢啲男人四部曲唔啱我。我啲佬朋友不停咁恥笑我用罪大滔天嘅索尼相機，佢地話索尼最西就係相機你就走去用（同時間我會食Pizza Hut嘅意粉，同意粉屋嘅Pizza）．飲酒我都永遠係
8. Chardonnay 或Sauvignon blanc，更加恥笑我拎住支雪茄好似幫人hand job咁

9. 唏，都話四部曲呢啲嘢我唔曉。你見埃汾平時寫文，都係講下日本嘅郊區鐵路呀，澳洲有人去葬禮幫死者講嘢呀，日本黑社會耆英化呀咁。咩《男人四部曲》唔啱我唱的， 「不過我會唱《裙下之臣》」。如果過去十幾年你有同我唱過K，應該都會聽過我唱。係喎，去到新加坡我都照唱的—新加坡當然有K唱啦，真係Sing K

10. 最後補多兩樣

11. 第一，諗起十一萬，我都係諗到「價值十一萬美金」嘅西德隱形液晶體顯影眼鏡

12. 第二，被啲損友設局偷嘢呢，我都試過，個故事其實好可歌可泣，睇舊文（https://fbook.cc/3GFS）。TLDR嘅，當年，時為1988咁上下？小學雞埃汾，在大興村畀人呃咗部Game Doctor（至於咩係Game Doctor…….可以寫返幾篇文）。好似都要六七舊水？真係童年陰影，痛不欲生，當場喊出嚟（唔係唔喊呀？）。講緊幾舊水。但而家人地係十一萬嘅綠水鬼，通脹幾咁勁

13. 講返，當年最神奇嘅係，好似Toy story 漏低咗隻勞蘇咁，但我阿爺居然買返部畀我！仲係再新一個型號。噢耶，有祖父幹真好。幸好我部Game Doctor 冇半夜爬返屋企搵我，然後發現我玩緊部新機，”He replaced all of us！”之後入魔變咗Doctor Evil咁

14. 但呢個故事真係令我早早見到人性嘅醜惡，同埋，有祖父幹真係好。正如舊文講，冇耐我阿爺就死埋，我老豆敗晒佢副身家，我就冇得靠父幹。唔止，因為我老豆得一個仔（兩個女），但我唔生仔，所以呢個家族亦冇人可以再靠父幹。十分之咁《百年孤寂》

15. 呀仲有，呢個故事，我老母講足咁多年。絶對係二三四次傷害，每年啲咩拜年食飯都要講。絶對係我青春期陰影。佢講撚到幾時？講到我十七八歲啦，應該係有次我發火叫佢咪撚再講。（當然係用個撚字）

16. 而我估呀少年，冇咗隻綠水鬼，可能會買返隻地通拿。希望佢隻綠水鬼唔會爬返去搵佢。水鬼會掹腳的！陳友講嘅　（https://ggle.io/3Te9）

（＊）不過，埃汾太祖母，舊派貴婦人，就曾經話「勞力士係地盤佬先戴」，極之霸氣。而其實地盤佬真係搵到錢買勞力士喎。又都話香港人好有錢，求其普通文員仔都用LV愛瑪士。我在英國就真係冇撚見過有呢啲事啦。

（＊＊）但埃汾唔打籃球啦，小小都唔打。打嗰個新界仔係我朋友同學，叫做　Fisherman Lok，而家打NBA。嗰時Fisherman Lok已經好多女fans的說，由坑口排到蛇口呀

-----------------------------------------------------------------

Ivan Patreon 狼耳街華人，一星期至少三篇港美市場評點，其他免費好文推介，每日一圖，仲有FB Page post summary．一個月一舊水唔使，開張一個月已近 500人訂，仲有兩篇免費試睇：https://bit.ly/31QmYj7

［太美好的東西　會走　還未愛夠了你　怎放手］告羅非士打，梳士非巴利。置地本無樹，記者亦非台。Bankers Club？新一代以為講粗口呢

繼續全無公共性嘅長文，亦同投資或市場無關。三千幾字，意識流，跳嚟跳去，慎入。

TLDR：人生若只如初見，或者係妻不如妾 妾不如婢 婢不如偷 偷不如偷不着。係咪得唔到嘅最好？未必。應該係得到過一次，但唔好再試第二次，咁個感覺就係最好。因為求不得。我在Bankers Club食過碟海南雞飯，16年後仲記得—而我連第一次性交係咩感覺都已經唔係好記得（睇鹹古可以著返條褲，成篇文都冇再講性交）

1. 見 職場心經 講起，我又講兩句（幾千字咁咯），相我同用埋同一張。唔係抄，係致敬。畢竟我地就真係在置地幽會過！（但唔係Bankers Club）。同咩辰衝唔同，我又唔會乜都破舊立新，話冇乜值得懷念。Bankers Club絶對係小眾嘢，有幾多人去過？三十歲以下嘅有冇？

2. 拿，本人就去過啦！呢啲就邱月清個家姐邱月感啦。去過，當然唔係咩有朋友擺酒，或者股東會，業績會之類去過啦（呢啲，我全部都去過）。

3. 就梗係要坐低叫飯食，對住個夜景指點江山（唔通推車？嗰度停車場好貴的），懷念下英殖真好，講下西德馬克之類。結尾仲要係簽返個名，但唔使畀錢。呢啲就邱月感啦

4. 「不過，我都係跟人衫尾啫」。請噓，但即係至少我試過畀球王通坑渠咁，你估人人有資格跟人衫尾？

5. 甚至嚴格嚟講都唔完全係跟人衫尾，故事係咁的，由標哥講起（長期讀者可能知）．未睇嘅，睇返medium舊文（https://bityl.co/3dH5），好長氣咁講埃汾蘇花嘅職場生涯，雖然未必順序。

6. 同本文有關嘅，呢篇（https://bityl.co/3dHA），齋睇下半截都得，講我。埃汾英國讀Master後返香港雙失，頭兩份工都係教書，然後轉投銀行，再轉股票。但邊個咁破格，在銀行請個教書佬呢？就係蕉行嘅標哥。

7. 固然人工唔高（2004年嘅萬二蚊都係唔高，之後一年被草裙到萬八，還不錯）（＊），但首先標哥教咗我唔少嘢（咁我當年都仲係一個蕃薯，勝在可塑性哥），最重要係，佢算係親手帶我入行—雖然成件事誤打誤撞，我當時乜工都搵，佢亦請咗第二個，只係再有人走，佢又懶唔想登多次廣告唔想見多次人，先搵我執二攤。我又咁啱遲咗教書份工，都未搵工，八號風球入緊機場收到佢電話，就請咗我。未必係必然，但佢就算係改變咗我大半生，畢竟佢大可拎我份CV去包橙皮（打後我成日都見佢做呢樣嘢）

8. 當時，2004年，我在蕉行香港嘅資金部，Treasury，做刁拿青衣（我知係讀D拿，你唔知即係你冇做過銀行）。部門又俗稱「炒房」，但我地炒嘅，好似小學雞啲STEM玩具咁，根本玩唔出咩樣—我唔係笑蕉行小兒科，係感恩。正係因為點玩都唔會點爆大鑊，標哥好放心畀我玩。加上佢又hea，乜都踢晒畀我做—interbank 港紙美金我又做過，外匯我又做，Interest rate swap我都成日做（＊＊），basket credit link note我買過（即係一籃子六間嘢冇一間出事就有高息）—甚至連CDO我都買過（有機會貼啲歷史文件）。

9. 所以睇你點睇，我可以扮廢老講句：有啲人覺得老細乜都唔做踢晒畀你日日白逗人工正仆街，但我覺得係學習好機會，worst situation is the best training。況且標哥只係hea，唔係廢。佢脾氣差，但唔會鬧下屬（只會掟爛自己位部公司電話）。況且佢唔hea，佢就登多輪ad，根本唔會有我。整體佢都係一個相當好嘅上司。雖則我在蕉行只係一年半。

10. 由於我乜都做晒，標哥又大牌，亦都令我要接觸好多人。例如我講過，雖則我A Level英文有個B，Master又在英國讀，但去到2004年我啲英文已經退化七八成。嗰時但凡有鬼打嚟，我都會有啲緊張，因為隔離電話有時聽唔到人講乜，加上金融界啲鬼先唔會好好耐性重覆一次你聽。但標哥例牌唔聽電話，有時望到鬼佬打嚟我接遲啲，仲會串我「聽啦，鬼佬打嚟唔敢聽呀？屌，大學生喎」。於是我唯有硬著頭皮包皮咁聽。「拿，又有進步」

11. 最重要係，佢事無大少都踢畀我，有一期只係得我同佢在刁寧房。咁我地做trade，當然可以揀好多唔同對家。所以好多時其他行嘅sales都搵我地—但標哥只得兩個原則：佢本身識嘅，就唔使傾，經我口話OK。佢本身唔識嘅，就搵我去同啲友傾一輪先，好彩嘅，你第二次先可能會見到佢本尊。擺明係扮晒嘢，好似大明星演唱會咁，推啲奀星出去暖場，我就係暖場嗰個。

12. 暖場除咗令我知道好多術語，知道啲金融人嘅氣場（並加以模彷），亦令我啲英文同普通話由極低嘅基數進步外—仲有令我有好多好嘢食。係食飯，唔係食女。

13. 頭先講過，好多其他行嘅sales嚟巴結標哥，但因為本尊唔會咁易出現，我就等於係狐假虎威。所以佢地會巴結我。點巴？都係飲茶灌水。反正2004年，pre雷曼時代，全行都仲係幾好賺，匯豐股價150蚊（後生嘅以為我講大話）。佢地仲有唔少嘅entertainment budget，衰啲講句，最大嘅當然唔係洗在蕉行身上，但食到月尾，我食餅碎都夠。

14. 餅碎食過乜？令當時萬二蚊人工嘅我，可以去Ritz Carlton（舊址，而家中環AIA定建行嗰度）食日本嘢，當然係sales請。可以請我去河內道唱K（發誓，正K，兩條佬唱，冇其他嘢）再去新東記打邊爐。可以令我有唔少月餅券，當年我阿麻好老懷安慰，覺得我卒之都捱出頭來。但對我嚟講，更重要係，演唱會飛—當然演唱會飛佢地唔會送（除非家燕媽媽），亦唔啱規矩—但，佢地會拎到拎飛。而我亦會足數畀返佢地。有乜用？就梗係，拎嚟溝女啦。睇容祖兒坐到頭幾行喎。

15. 但最重要嘅係，Bankers Club

16. 標哥，係Bankers Club會員—當然係出蕉行錢，但佢有本事叫到公司幫佢出錢，或者係公司有幾個Quota就畀咗一個佢。但我就唔係，而呢啲會員嘅嘢冇得狐假虎威，亦冇得借畀我用。不過標哥自己係會員，佢啲行家都多數係，所以，我狐假虎威做代表，都會去Bankers Club食飯。

17. 好記得第一次，對家想要我地生意，某英資銀行。標哥就叫我放工去Bankers Club，搵呢個人，「老燒豬」（係真名，不過咁多年我估佢都唔會介意，況且佢應該知道個個都咁叫），一個叫Lucille （冇錯係姓朱）嘅女人。

18. 去到Bankers Club，老燒豬當然一早到咗。見到我呢個黃毛小子，都係發下功洗下我腦，叫我記得在標哥面前美言幾句。言談間，都同我講返起，「我一入行就聽過你老細大名啦」「嗰時佢直頭係四大惡人呀，邊個唔識佢」，但弦外之音亦都係，每個人都有佢嘅時間，我老細係威過，但已經回塘，到佢地呢代上位。

19. 我衣衣哦哦咗一輪，都唔知自己講咗乜，都係話佢知其實我都話唔到事，佢話當然明白，但我美言幾句就得。

20. 然後，開始閒話家常，佢就問我有冇嚟過Bankers Club，可能係我啲行為舉止已經出賣。佢就叫我「叫嘢食啦」

21. 於是乎，我就食咗人生中最好食嘅一個海南雞飯。

22. 當然，回憶中嘅味道梗係美好。後來標哥都有再同我去Bankers Club，但就當然老細發辦點菜，好似都冇再食過海南雞飯。

23. 後來，當然仲有去過Bankers Club，股東會呀，有人擺酒呀，有人榮休呀咁。但亦真係冇再食傳說中嘅海南雞飯。

24. 所以就係人生若只如初見，或者係妻不如妾 妾不如婢 婢不如偷 偷不如偷不着。係咪得唔到嘅最好？未必。應該係得到過一次，但唔好再試第二次，咁個感覺就係最好。因為求不得。

25. 港大年代，學到嘅實在冇乜。唯一係貪得意去聽岑逸飛講佛，講貪嗔痴，「求不得苦」。食唔到，好想食—都未係最痛苦。到食到啦，念念不忘，再想食多次，已經冇機會—可能已經最好。排除萬難，再去食多次，發現拎唔返嗰種感覺，返唔到轉頭，要搵更勁嘅嘢，好似毒癮咁，越踩越深。好多嘢都係咁。海南雞飯又好，虛榮又好，愛情又好。

26. 關於Bankers Club，除咗海南雞飯，實在已經講完。不過最後容許我補多段懷念標哥（未死的，退咗休啫），畢竟佢改變咗我大半生。

27. 當時標哥，過時過節前就請我地食飯，都食唔少好嘢。亦都見識佢簽個名就走人，唔使簽卡唔使畀現水嘅豪氣。有時佢仲會請食晚飯，咁有啲同事就當然唔多願意，覺得好似加班咁。我就冇乜所謂。

28. 飯後，標哥例牌捉我地去陪佢聽歌。係聽歌唔係唱歌。去邊聽？多數係酒店，有 Live Music嗰啲。標哥同我講 Santana，講Deep Purple，講Dire Straits，講Pink Flyod，講Led Zeppelin（！）。其他後生同事當然唔多識理佢，唯獨我搭到嘴。

29. 但，點解？「因為我老豆聽！」。聽到呢句標哥就有啲唔高興，「講到我做得你老豆咁喎」。但事實係，因為我老豆十八歲生我，其實仲後生過標哥。

30. 第度唔知，但當時聽啲Live Music，十居其九都係賓佬賓妹唱。

31. 而其中一個賓佬，就係Joey Vidal．乜水？就係衞蘭嘅老豆！亦係衞詩嘅老豆！我點解知？因為我拎過衞蘭嘅CD畀佢轉交個女簽名！

32. 簡直不能相信，咁就16年前嘅事。

（＊）當年係因為有教書舊同事去咗太古城地利亞，拉我過檔，兩皮嘢個月。我返去蕉行辭職，獲標哥挽留（因為佢怕煩，咁當然亦因為我唔係十分非常差）。就match 返我個人工。點解係18500 唔係 20000？舊文有寫。但呢個短故事已經話你知三個職場法則：第一，識人好過識字（舊同事介紹我去地利亞）。第二，好多老細係怕煩嘅，又唔係佢嘅錢，加你人工冇你想像咁難。但第三，第啲行業我唔知，但金融圈，你想人工加得快，得兩條路。A，你轉工，跳嚟跳去彈出彈入。B，你拎個屙化兇你老細加人工—Either way，你都係要有個屙化在手。

（＊＊）你可以睇下日鳩日講咩港紙爆煲呀聯匯乜乜呀嘅所謂KOL呀，專家呀，記者呀，有邊撚自己炒過IRS．乜嘢IRS？稅局呀？

—————————————————————
Ivan Patreon 狼耳街華人，一星期至少三篇港美市場評點，其他免費好文推介，每日一圖，仲有FB Page post summary．一個月一舊水唔使，開張一個月已近 500人訂，仲有兩篇免費試睇：https://bit.ly/31QmYj7

——————————————————————————
［收費短片第九擊］美股科技股是否泡沫爆破？價值投資之選

課程資訊：https://homebloggerhk.com/course_detail/?code=CC009

內容:
*美股急跌點算好
*科技股係咪泡沫爆煲？
*有乜價值投資之選？

本星期內特惠售價: $80
課程編號：CC009
觀看期限：首次播放後一星期及限每影片４次
客服whatsapp: 63832145

另外想買返第八擊（美國總統大選股票部署）都仲可以：https://bityl.co/3NPn